 |
|
|
Avropa Ukraynaya sülhməramlı kimi göndəriləcək 100 minə yaxın hərbçidən istifadə edə bilər.
Bu barədə anonimlik şərti ilə bir ukraynalı məmur “Reuters” agentliyinə bildirib.
Mənbə deyib ki, beş-səkkiz ölkədən ibarət koalisiya tərəfindən yaradıla bilər.
Xəbər verildiyi kimi, analitiklər və rəsmilər bu cür qüvvələrin sayı ilə bağlı müxtəlif təxminlər verir və çox şeyin onların konkret missiyasından asılı olacağını vurğulayırlar. Təxminən 40 min avropalı hərbçinin göndərilməsinin məqsədəuyğun olacağı güman edilir.
Hazırda Beynəlxalq Strateji Tədqiqatlar İnstitutunda işləyən Avstriyalı hərbi ekspert Frans-Stefan Qadinin sözlərinə görə, bölmələrin yerləşdirilməyə hazırlaşdığı və yerləşdirildikdən sonra bərpa olunduğu rotasiya sxemləri üzrə missiyaya təxminən 100.000 hərbçi cəlb oluna bilər: “Bu, şübhəsiz ki, Avropanın quru qüvvələrini xeyli genişləndirəcək”.
Bundan əlavə, o vurğulayıb ki, bu halda Avropa ölkələri digər missiyalarını azaltmalı olacaqlar. Xüsusilə, Balkanlarda sülhün qorunması missiyası azalacaq.
İtaliyanın müdafiə naziri Quydo Krozetto bildirib ki, sülhməramlılar BMT-nin himayəsi altında fəaliyyət göstərməlidir. Lakin digər rəsmilər bunun BMT Təhlükəsizlik Şurasının daimi üzvü olan Rusiyaya həddən artıq təsir edəcəyini deyirlər. Kütləvi informasiya vasitələri onu da yazır ki, Avropa ABŞ-ı bu əməliyyatda ən azı kəşfiyyat və digər əməliyyat yardımlarında iştirak etməyə inandırmalı olacaq.
"Sosial şəbəkələrdə və kütləvi informasiya vasitələrində alternativ hərbi xidmətlə bağlı suallar mütəmadi səsləndirilir".
Bunu Milli Məclisin Müdafiə, təhlükəsizlik və korrupsiyaya qarşı mübarizə komitəsinin sədri Arzu Nağıyev bildirib.
O qeyd edib ki, Azərbaycan Konstitusiyasının 37-ci və 45-ci maddəsində alternativ hərbi xidmətlə bağlı müddəa var.
"Bu xidmət hərbi xidmətə qarşı dini, mənəvi və ideoloji səbəblərdən etiraz edən şəxslərə təklif olunur və onlar hərbi xidmət yerinə başqa bir ictimai xidmət göstərir. Alternativ xidmət pullu xidmət demək deyil, dünya praktikasında da belədir. Əgər adi çağırışçı bir il xidmət edirsə, alternativ xidmət 2 dəfə artıq olur. Bu da əsasən sülh dövründə olur və konkret olaraq harada xidmət etmələri ilə haqqında məlumatlar verilir".
Komitə sədri bildirib ki, bununla əlaqədar həm Səfərbərlik və Hərbi Xidmətə Çağırış üzrə Dövlət Xidmətinə, həm də Dini Qurumlarla iş üzrə Dövlət Komitəsinə müraciətlər edilib:
Onun sözlərinə görə, ölkədə 15-16 nəfərə yaxın vətəndaş alternativ hərbi xidmət üçün müraciət edib:
"Onlar Yehovanın şahidləri dini qurumlarına mənsubdur. Onlar alternativ xidmət keçmək istəyirlər. Burada maraq ondan ibarətdir ki, kimə qarşı olmasından asılı olmayaraq silah işlətmək olmaz.
Onların əqidəsi bundan ibarətdir. Alternativ xidmətə müraciət etmək istəyən şəxs dini və ideoloji səbəblərdən hərbi xidmətə qarşı olan mövqeyini təqdim etməlidir".
Mövzu ilə bağlı “Cebheinfo.az”-a danışan hərbi ekspert Şair Ramaldanov bildirib ki, sovetlər dönəmində ağır xəstələr, həmçinin ruhi xəstələ alternativ hərbi xidmətdən yararlana bilirdi:
“Bu cür şəxslər daha çox tibbi müəssisələrdə xidmət edirdilər.
Hazırda bizdə, praktikada hələlik belə bir halın olması mətbuata sızmayıb, nə də mən eşitməmişəm. Son zamanlar sosial şəbəkələrdə Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidməti ilə bağlı məsələlər müzakirə olunur.
Bu, daha çox sovetlər dövründən qalma bir sistemdir. Dini mənsubiyyətinə görə əlinə silah ala bilməyən çağırışçılar sanitar kimi tibbi müəssisələrə xidmət üçün göndərilirdilər. Onlar üçün bir il, maksimum il yarım ayrılmış xidmət müddətini orada keçirdilər.
Bu isə alternativ hərbi xidmət sayılırdı.
Bildirim ki, Azərbaycanda hazırda son zamanlar alternativ hərbi xidmətdə daha çox bir neçə ay hərbi xidmət göstərib, qalan hissəsini pul qarşılığında ödəmək kimi məsələlər gündəmdədir. Belə yanaşmalar dünya praktikasında var.
Amma alternativ hərbi xidmətdə həmin şəxs ona ayrılan vaxtda müəyyən bir proqrama yiyələnməlidir. Alternativ hərbi xidmətdə ona ayrılmış zaman iki dəfə çox ola bilər. Yəni qanunda necə nəzərdə tutulubsa, elə də həyata keçiriləcək”.
Suriyada hakimiyyəti ələ alan üsyançı koalisiyanın lideri, silahlə müxalifətin komandiri Əbu Məhəmməd əl-Culani ölkədəki bütün silahlı müxalifət qruplarının ləğv ediləcəyini elan edib.
Yəni Culani onu hakimiyyətə daşıyan silahdaşlarını və müttəfiq qrupları tərkisilah etməyə başlayıb.
Musavat.com xəbər verir ki, bu barədə Suriya dövlət mediası çərşənbə axşamı məlumat yayıb. Bu qərar, on ildən çox davam edən qanlı vətəndaş müharibəsindən sonra ölkədə vahid dövlət qurmaq istiqamətində atılmış ən cəsarətli addımlardan biridir.
Əbu Məhəmməd əl-Culani, əvvəllər radikal müxalif qruplaşma olan Həyat Təhrir əş-Şam (HTŞ) təşkilatının lideri kimi tanınır. Culani və onun rəhbərlik etdiyi üsyançı koalisiya Suriyanın şimal-qərb bölgələrində güclü mövqe tutmuş, xüsusilə İdlib bölgəsində öz hakimiyyətini qurmuşdu. Yeni hökumətin qurulması və silahlı müxalifətin buraxılması ilə Culani öz rolunu siyasi liderlik istiqamətində dəyişdirməyə çalışır. Onun Suriya prezidenti olmağa hazırlaşdığını özü daxil, hər kəs söyləyir.
Suriya vətəndaş müharibəsi ərzində yüzlərlə silahlı qrup ölkənin müxtəlif bölgələrində hakimiyyət iddiası ilə çıxış etmiş, bəzən isə xarici qüvvələrin dəstəyi ilə rəqabət aparmışdı. Culani və onun koalisiyasının bu qərarı ölkə ərazisində vahid idarəçiliyin bərpası üçün mühüm dönüş nöqtəsi hesab edilir.
Ekspertlər bildirir ki, bu addım Çin, Rusiya və Türkiyə kimi regional güclərin təzyiqləri ilə də bağlı ola bilər. Xüsusilə Türkiyə bölgədə sülh prosesi üçün Culani və digər müxalif qüvvələrə təsir göstərərək onların tərksilah edilməsinə çalışır.
Culani indiyədək müharibə zamanı hərbi lider kimi tanınıb. Lakin yeni dövrdə onun siyasi arenaya daxil olmaq və Suriyanın gələcək hökumətində mərkəzi fiqur kimi rol oynamaq niyyətində olduğu müşahidə edilir. Onun elan etdiyi tərksilah qərarı həm beynəlxalq ictimaiyyətə, həm də ölkə daxilindəki müxalifətə sülh mesajı kimi təqdim edilir.
Analitiklər qeyd edir ki, Culaninin bu addımı onun beynəlxalq legitimlik qazanmaq cəhdidir. Əvvəllər radikal qrup lideri kimi tanınan Culani indi daha geniş kütlənin və siyasi güclərin dəstəyini qazanmağa çalışır.
Bununla belə, bütün silahlı müxalifət qruplarının eyni anda tərksilah edilməsi çətin və riskli bir proses olacaq. Müxtəlif fraksiyalar arasında fikir ayrılıqları və yeni toqquşmaların baş verə biləcəyi ehtimalı var. Xüsusilə İdlib bölgəsi hələ də silahlı qrupların ən sıx toplaşdığı ərazi olaraq qalır.
Yeni hökumətin bu qərarı Suriyanın gələcəyini formalaşdıracaq əsas hadisələrdən biri kimi qiymətləndirilir. Beynəlxalq birlik Culaninin və onun koalisiyasının elan etdiyi dəyişiklikləri diqqətlə izləyir. Əgər proses uğurla başa çatarsa, Suriyada on ildən çox davam edən müharibə sülh və sabitliklə əvəz oluna bilər.
Məlumatın hazırlanmasında bu qaynaqdan istifadə edilib: https://nyti.ms/4gCUqhO
Musavat.com
Moskvada baş vermiş partlayış nəticəsində ilkin məlumata görə Rusiya Silahlı Qüvvələrinin general-leytenantı və onun köməkçisi həlak olub.
APA Rusiyanın “Telegram” kanallarına istinadən xəbər verir ki, Moskvanın Nijni Novqorod rayonunda evlərdən birinin həyətində baş verən partlayış nəticəsində iki nəfər ölüb.
Partlayış partlayıcı qurğunun işə salınmasından sonra baş verib. İlkin məlumatlara görə, partlayıcı qurğu binanın çıxışına qoyulub.
Partlayışın yerli vaxtla səhər saat 6-da Ryazanski prospektində 2-ci binanın yaxınlığında baş verdiyi bildirilir.
Partlayış nəticəsində yaxınlıqdakı mənzillərin şüşələri sınıb. Hadisə yerinə hüquq mühafizə orqanlarının əməkdaşları göndərilib.
Onu da qeyd edək ki, məlumat hələ ki, rəsmi olaraq təsdiqlənməyib.
Yunanıstan 2025-ci il büdcəsi ilə müdafiə xərclərini artırmağa qərar verib.
Müdafiə naziri Nikos Dendias Türkiyənin təhdidlərini əsaslandıraraq, “Yunanıstan real təhlükə ilə üz-üzədir” deyib.
Demokrat.az xəbər verir ki, hökumət və müxalifət müdafiə xərclərinin illik büdcənin 3,5 faizini əhatə etməsi ilə bağlı razılığa gəliblər.
Yunanıstanın hakim Yeni Demokratiya Partiyası 300 nəfərlik parlamentdə 2025-ci il büdcəsini 159 səslə təsdiqləyib. Müdafiə xərclərinə dair səsvermədə geniş konsensus əldə olunub.
NATO bu qərara görə Yunanıstana təbrik mesajı göndərib.
Kollektiv Təhlükəsizlik Müqaviləsi Təşkilatının (KTMT) 2003-2016-cı illərdə baş katibi olan Nikolay Bordyuja Ermənistanın təşkilata üzvlüyünü dayandırmasını böyük səhv adlandırıb. O, KTMT ilə yanaşı, Rusiyanın İrəvana böyük köməkliklər göstərdiyini belə izah edib: “Ermənistanın hərbi qüvvələri, o cümlədən bütün güc strukturları illər boyu Rusiyadan hərtərəfli - hərbi texnikadan tutmuş elmi və texniki dəstəyə qədər, yardım alıblar. Sadəcə rəqəmlər gizlidir, ancaq onu bilərəm ki, Rusiya Ermənistanın silahlı qüvvələrinə və bütövlüklə Ermənistana kifayət qədər maliyyə xərcləyib. Söhbət böyük rəqəmlərdən gedir”.
Sfera.az xəbər verir ki, bu barədə politoloq Elxan Şahinoğlu qeyd edib.
O bildirib ki, Nikolay Bordyuja həqiqəti söyləyir:
“Ermənistan müstəqilliyini qazandıqdan İkinci Qarabağ müharibəsinə, hətta ondan sonrakı dövrə qədər Rusiyadan milyardlarla dollar həcmində silah və sursat alıb. Rusiyanın keçmiş illərdəki hərbi komandanlığı Ermənistana Birinci Qarabağ müharibəsində Azərbaycan torpaqlarının işğalının planlamasında da kifayət qədər dəstək verib. Rusiya Ermənistanı həm rəsmi, həm də qeyri-rəsmi kanallarla silahlandırıb.
Rusiya Dövlət Dumasının keçmiş deputatı, müdafiə komitəsinin keçmiş sədri Lev Roxlin 1990-cı illərin ortalarında Rusiyanın Ermənistana qeyri-qanunu yollarla 1 milyard dollar civarında silah və hərbi texnika göndərdiyini bildirmişdi. Lev Roxlin bunu açıqladıqdan bir müddət sonra evində ölü tapıldı. Roxlinin açıqlaması o zaman rəsmi Bakını ciddi narahat etmişdi. Mərhum Prezident Heydər Əliyev rusiyalı həmkarı Boris Yeltsinlə görüşdə bu məsələnin araşdırlmasını tələb etmişdi. İkitərəfli komissiya yaradıldı, ancaq Kreml bu məsələni araşdırmaqda maraqlı deyildi. Vladimir Putin hakimiyyətə gəldikdən sonra Ermənistana hərbi yardım dayandırılmadı, əksinə, Serj Sərkisyanın prezidentliyi dövründə İrəvana Rusiyadan hərbi texnika almaq üçün 200 milyon dollarlıq kredit ayrıldı. Kremlin Nikol Paşinyana mənfi münasibətinə baxmayaraq, onun hakimiyyəti dövründə də Rusiyadan Ermənistana hərbi texnika daşınırdı.
İkinci Qarabağ müharibəsi dövründə Rusiya Mərkəzi Asiya və İran üzərindən Ermənistana hərbi texnikanı ötürməkdə davam edirdi. Müharibə dövründə Azərbaycana qarşı istifadə edilən Rusiyanın İsgəndər-M raketləri Ermənistana eyni marşrutla çatdırılmışdı. Bütün bunlardan məlumatlı olan Nikolay Bordyuja Rusiyanı və KTMT-ni tənqidinə görə Ermənistan hakimiyyətinin naşükür olduğunu, İrəvanın Kremlin yaxşılığını tez unutduğunu bildirir. Rusiya bütün zamanlarda Ermənistanı Azərbaycana qarşı silahlandırıb”.
Rusiya Şimali Koreya hərbçilərini Ukraynanın şərqindəki döyüşlərə cəlb edə bilər.
Teleqraf.com xəbər verir ki, bu barədə Ukrayna ordusunun “Xortitsia” qoşun qrupunun sözçüsü Nazar Voloşin məlumat verib.
Onun sözlərinə görə, ruslar artıq Koreya əsgərlərini hərbi hissələrinin tərkibində döyüşə cəlb edirlər.
"İstisna deyil ki, tezliklə şərq istiqamətlərində böyük itkilərə görə Rusiya əsgərləri ilə birlikdə döyüş əməliyyatlarında iştirak edəcək Şimali Koreya nümayəndələrindən də cəbhə bölgələrimizdə istifadə etmək mümkündür. Bununla belə, müdafiə qüvvələrimiz onlarla qarşılaşmağa hazırdırlar, rus işğalçıları kimi, onlar da məhv ediləcəklər”, - Voloşin belə vurğulayıb.
Dünən Ukrayna Prezidenti Vladimir Zelenski bildirib ki, Rusiyanın Şimali Koreyadan olan xeyli sayda əsgərdən hücumlarda istifadə etməyə başladığına dair sübutlar var.
Ukrayna kəşfiyyatının məlumatına görə, Şimali Koreya əsgərləri Rusiya ordusunun dəniz piyadaları və hava-desant qoşunlarının birləşmiş hissələrinin tərkibində döyüşürlər, artıq ilk itkilərə məruz qalıblar.
ABŞ prezidenti Co Bayden vəzifədən getməmişdən əvvəl Ukraynaya külli miqdarda silah tədarük edə bilər.
Teleqraf.com xəbər verir ki, bu barədə "CNN" ABŞ prezidentinin administrasiyasındakı mənbəyə istinadən məlumat yayıb.
Qeyd olunub ki, administrasiya Donald Trampın andiçmə mərasimindən əvvəl rəsmi Kiyevə silah tədarükünün sürətini artırmaq niyyətindədir.
Telekanalın həmsöhbətlərindən birinin sözlərinə görə, Birləşmiş Ştatlar yanvarın ortasınadək Ukraynaya yüz minlərlə artilleriya mərmisi, minlərlə raket, yüzlərlə zirehli maşın və digər zəruri avadanlıq göndərəcək.
Bayden komandasının bu addımı yeni seçilmiş prezident Donald Trampın mövqeyi ilə kəskin ziddiyət təşkil edir.
Ötən gün dərc olunan "Time" jurnalına müsahibə verən yeni Ağ Ev lideri Donald Tramp Co Baydenin Rusiyaya Amerika istehsalı olan raketlərlə hücum etmək qərarını pisləyib.
Bu il ərzində azı 68 jurnalist müxtəlif səbəblərlə dünyasını dəyişib. Ölüm hadisələrinin 60%-dən çoxu münaqişə zonalarında qeydə alınıb.
İqtisadiyyat.az xəbər verir ki, bu barədə UNESCO tərəfindən yayımlanan məlumatda bildirilir.
Statistikaya əsasən, 68 jurnalist ölümlərindən 42-si müharibə gedən ərazilərdə baş verib.
Ən çox ölüm hadisəsi Fələstində qeydə alınıb – burada 18 jurnalist həyatını itirib. Ukraynadakı müharibə nəticəsində isə dörd jurnalistin ölümü təsdiqlənib.
Hesabatda həlak olan jurnalistlərin adları, onların mənsub olduqları ölkələr və çalışdıqları media qurumları barədə ətraflı məlumat verilmir.
İsrail qoşunları Suriyada müəyyən edilmiş “yer-hava” strateji raketlərinin 90%-dən çoxunu məhv edib.
TEREF Axar .az – istinadən xəbər verir ki, bu barədə İsrail ordusunun məlumatında deyilir.
Məlumata görə, son günlər İsrail Hərbi Hava Qüvvələrinə məxsus yüzlərlə qırıcı və təyyarə Suriyanın ən strateji silahlarına: qırıcı və helikopterlərə, “Skad” raketlərinə, pilotsuz uçuş aparatlarına, qanadlı raketlərə, yüksək dəqiqliklə idarəolunan “yer-dəniz”, “yer-hava”, radarlar və s. silahlara ciddi ziyan vurub.
Həmçinin qeyd edilir ki, Suriyanın hava hücumundan müdafiə sistemi Yaxın Şərqdə ən güclü sistemlərdən biridir və vurulan zərər İsrail hava qüvvələrinin bölgədəki üstünlüyünün mühüm nailiyyətidir.