İkinci Dünya Müharibəsi bəşər tarxinin ən ağır hərbi konflikti olub. Müharibənin əsas arenası Avropa və Sakit okean hövzəsi olsa da, diqqətdən kənar qalan köməkçi cəbhələr də olub.

Lent.az bu dəfə İkinci Dünya Müharibəsinin az danışılan epozidundan, İtaliyanın Britaniyanın təsiri altında olan Bəhreyni bombalamasından məlumat verəcək.


Hələ 1871-ci ildə Britaniya İmperiyası Bəhreyn üzərində protektorat qurmuşdu. Onun şərtlərinə görə Bəhreyn şeyxi ölkənin müstəqil xarici siyasətindən Böyük Britaniyanın xeyrinə imtina edir və bunun müqabilində tam hərbi müdafiə alırdı. 1932-ci ildə Bəhreyndə böyük neft yataqları kəşf edildi və tezliklə onun ixracı başladı, Amerika şirkətləri neft hasilatında fəal iştirak etdilər. 1935-ci ildən bəri Britaniyanın ilk daimi hərbi bazası Bəhreyndə qərarlaşdı. Bir sözlə, Britaniya körfəz regionunda müstəmləkə imperiyasının əsas qalası kimi Bəhreyni görürdü.

1940-cı il iyunun 10-da İtaliya Krallığı Fransa və Böyük Britaniyaya müharibə elan etdi. İtaliya aviasiyasında kifayət qədər strateji bombardmançı yox idi, ona görə də risk etmək: arsenalında olan bir neçə nəqliyyat təyyarəsini adi bombardmançıların əlçatmaz olan hədəfləri vura bilən təyyarələrə çevirmək qərarı alındı.


Bu təyyarələr SM 82 adlanırdı və İtaliya Hərbi Hava Qüvvələrinin potensial imkanlarını nümayiş etdirmək üçün körfəzdəki Manama şəhərində (Bəhreyn) Britaniya neft emalı zavodlarını bombalamaq qərara alındı. Bu Rodos adasından Bəhreynə uzanan və ümumi məsafəsi 4200 kilometrdən çox olan uzun və çətin bir missiya idi. Bombardmandan sonra onlar Qırmızı dənizə və İtaliya Eritreyasına çatmaq üçün geniş və demək olar ki, yaşayış olmayan Ərəbistan səhrası üzərindən uçaraq cənub-qərb istiqamətinə dönməli idilər.

Oktyabrın 18-də saat 17:10-da adi və əlavə çənlər doldurulduqdan sonra 15, 20 və 50 kiloqram olan yandırıcı və partlayıcı bombalar təyyarələrə yükləndi. Təyyarələr daha sonra aerodromdan havaya qalxaraq, gizliliyi təmin etmək üçün radiolarını söndürdülər və təxminən saat 3-də bombardmançılar hədəflərinə - Bəhreyn neft emalı zavodlarına çatdılar. Hücum nəticəsində iki neft emalı zavoduna ciddi ziyan dəydi və bir neçə neft quyusu yandırıldı.

Pilotlar ilk partlayışların parıltısını görən kimi italyan təyyarələri nəzarətləri altında olan Afrikadakı Eritreyaya doğru istiqamət götürdülər və orada saat 8:40-da eniş etdilər. Yolda Səudiyyə Ərəbistanındakı Dhahran neft zavodunu da vurdular, lakin böyük ziyan vura bilmədilər. Hətta belə bir versiya da var ki, hücum təsadüfi olub. İtaliya qüvvələri 4200 kilometr məsafəni cəmi 15 saat 30 dəqiqəyə qət edərək, o zaman tarixdə ən uzun bombardman rekordunu qırdı. Hava hücumu zamanı onlar heç bir itki vermədi.


Bəhreynə hava hücumu ingilislər üçün tamamilə sürpriz oldu. İtaliya bombardmançılarının bu qədər uzun məsafəni qət edə biləcəyini heç kim təsəvvür edə bilməzdi. Və İtaliya aviasiyasının Bəhreynə hücumu, əlbəttə ki, faşist təbliğatında şişirdildi. Yerli hakimiyyət və media bu kiçik əməliyyatı qüdrətli İtaliya Hərbi Hava Qüvvələrinin böyük bir qələbəsi adlandırırdı.

“Buna çox inamım yoxdur, amma əgər Putin müharibəni bitirmək istəyirsə, hər şeydən əvvəl əsirlərin mübadiləsi baş tutmalıdır”.

APA-nın İstanbul müxbirinin verdiyi xəbərə görə, bu barədə Ukrayna Prezidenti Volodimir Zelenski Ankarada Türkiyə Prezidenti Rəcəb Tayyib Ərdoğan ilə keçirdiyi görüşün nəticələrinə dair birgə mətbuat konfransı zamanı bildirib.

O, ikinci məsələnin isə Ukraynanın hansı tərəflərdən təhlükəsizliyinə dair zəmanət ala biləcəyinin bəlli edilməli olduğunu qeyd edib.

Zelenski Rusiya ordusu və işğalından qorxmadıqlarını, lakin təhlükəsizlik zəmanətinin daha çox insanın ölməməsi üçün vacib olduğunu vurğulayıb.

Bundan əlavə, Ukrayna lideri ABŞ və bəzi Avropa ölkələrinin Ukraynanın NATO-ya daxil olmasına qarşı olduqlarını, lazım olan dəstəyi ala bilmədiklərini də əlavə edərək, bu halda Ukraynada ABŞ və Avropa ölkələrinin ordularının yerləşdirilməsini təklif edib.

Ukrayna nizamlanması üzrə Rusiya-Amerika danışıqları yaxın vaxtlarda başlayacaq.

APA-nın Moskva müxbiri xəbər verir ki, bunu Rusiya xarici işlər naziri Sergey Lavrov Ər-Riyadda Rusiya-ABŞ danışıqlarının yekunlarına dair mətbuat konfransında bildirib.

O qeyd edib ki, Vaşinqton hələlik bu danışıqlar üçün öz nümayəndəsini təyin etməyib.

Lavrov ABŞ-nin Ukraynada nizamlanma üçün heç bir “üç addımlı planı” görmədiyini də söyləyib.

Onun sözlərinə görə, Amerikanın Ər-Riyaddakı nümayəndə heyəti Trampın xüsusi elçisi Kit Kelloqun Polşaya təqdim etdiyi iddia edilən Ukraynada nizamlanma üçün müəyyən planı feyk adlandırıb.

Lavrov qeyd edib ki, ABŞ Rusiya və Ukraynada enerji obyektlərinə hücumlara moratorium tətbiq etməyi təklif edib.

"Rusiyanın məqsədi Ukraynanın enerji sisteminə zərər vurmaq deyil. Rusiya ABŞ-nin "irəli getmək" əzmini hiss edib və Moskva da eyni düşüncədədir", - deyə Rusiya XİN başçısı vurğulayıb.

Ermənistan hərbçisinin güllələnmiş meyiti tapılıb.

“Qafqazinfo” xəbər verir ki, bu haqda Ermənistan Müdafiə Nazirliyinin mətbuat xidməti məlumat yayıb.

Bildirilib ki, səhər saat 09:20 radələrində Müdafiə Nazirliyinin “N” saylı hərbi hissəsinin hərbi qulluqçusu Sevak Vardanoviç Ovannisyanın güllə yarası ilə meyiti aşkar edilib

Hadisənin baş vermə şəraitinin tam aydınlaşdırılması üçün araşdırma aparılır.

“Amerika rəsmiləri faydalı qazıntıları qorumaq üçün Ukraynaya qoşun göndərməyə hazır olduqlarını bildiriblər”

Moskva və Kiyev arasında sülh sazişi imzalandıqdan sonra ABŞ faydalı qazıntı yataqlarını qorumaq üçün Ukraynaya qoşun göndərə bilər. AYNA xəbər verir ki, bu barədə NBC mənbələrinə istinadən məlumat yayıb.

“Ukrayna faydalı qazıntılar sazişi ilə tanış olan Amerika rəsmiləri faydalı qazıntıları qorumaq üçün Ukraynaya qoşun göndərməyə hazır olduqlarını bildiriblər”, - nəşr iddia edir.

Mənbələrin bildirdiyinə görə, qoşunların göndərilməsi “yalnız Rusiya ilə münaqişənin dayandırılması ilə bağlı razılıq əldə edildikdən sonra” mümkündür.

Bundan əvvəl “The Economist” yazıb ki, ABŞ-ın maliyyə naziri Skott Bessent Kiyevə son səfəri zamanı Ukrayna Prezidenti Volodimir Zelenskidən Vaşinqtona ölkənin mineral ehtiyatlarına çıxış imkanı verməsini tələb edib. Nəşrin məlumatına görə, Ukrayna liderinin təklifi nəzərdən keçirmək üçün bir saat vaxtı olub.

Ukrayna Silahlı Qüvvələri Beldrad vilayətinin Qrayvoron şəhərinə pilotsuz təyyarələrdən istifadə edərək hücum edib.

TEREF Ajans.az - a istinadən bildirirki, bu barədə"AZTV"də məlumat verilib.

Belqrad vilayətin qubernatoru bildirib ki, hələ ki, itki yoxdur.

Ətraflı videoda:

Yayda Rusiya Belarusa özünün 150 min əsgərini göndərəcək.

“AzPolitika” xarici KİV-ə istinadla xəbər verir ki, bunu Ukrayna Prezidenti Volodimir Zelenski Münhen Təhlükəsizlik Konfransdında deyib.

O, üzünü Avropa liderlərinə tutaraq qeyd edib ki, Rusiyanın Belarusda yerləşdirəcəyi 150 minlik kontingentin hədəfi Belarusla sərhəddəki NATO ölkələri olacaq: "Bizim dəqiq kəşfiyyatı məlumatımız var ki, Rusiya bu yay hərbi təlimlər bəhanəsi ilə Belarusa qoşun yeritməyi planlaşdırır. Bu, onların Ukraynaya genişmiqyaslı işğalından əvvəl qoşun yeritmələri ilə eynidir. Belarusdakı bu Rusiya qüvvələri Ukraynaya hücum etmək üçündür? Bəlkə də. Bəlkə də yox. Yoxsa onlar sizin üçündür? Xatırlatmaq istəyirəm ki, Belarus üç NATO ölkəsi ilə həmsərhəddir. O, (Ukraynaya qarşı) hərbi əməliyyatlar üçün platsdarm olub”.

Ukrayna Prezidenti əlavə edib ki, Putin Belarusu sadəcə Rusiyanın bir regionu kimi görür. Zelenski Avropanı vaxtında tədbir görməyə və Avropa ordusu yaratmağa çağırıb.

Qəzza zolağında fələstinli radikalların əlində hələ də 73 girov var.

TEREF APA-ya istinadən xəbər verir ki, bu barədə İsrailin baş nazirinin müşaviri Dmitri Gendelman məlumat verib.

“Qəzza zolağında hələ də diri və ölü 73 girov saxlanılır. Razılaşmanın birinci mərhələsi çərçivəsində indiyədək 19 girov azad edilib və daha 14 girovun İsrailə qayıtması gözlənilir", o bildirib.

Ukrayna torpaqlarının ilhaqı ilə bağlı çıxışlar, səsləndirilən iddialar çoxalıb. Xüsusilə hazırkı ərazilərin Polşa, Macarıstan, Slovakiya, Rumıniya və Bolqarıstan kimi ölkələrin tarixi yerləri hesabına formalaşdığı bildirilir. Ukraynada fəaliyyəti qadağan edilmiş “Müxalifət platforması-Həyat naminə” partiyasının keçmiş lideri Viktor Medvedçuk da bu fikirdədir. O, sözügedən ölkələrin ilhaqla bağlı ideyaları özündə saxladığını vurğulayıb.

Sitat: “Məlumdur ki, Avropa İttifaqının ayrı-ayrı ölkələri uzun müddətdir, süni şəkildə müasir Ukraynaya daxil edilmiş ayrı-ayrı torpaqların ilhaqı ideyasını irəli sürürlər. Bu ölkələrin siyasətçiləri tarixi əsası və məqsədəuyğunluğu olan fikirləri həyata keçirməyi dəfələrlə dilə gətiriblər və hətta öz hökumətlərinə qəti şəkildə tövsiyə ediblər”.

Globalinfo.az-a danışan siyasi şərhçi Kənan Novruzov xatırladıb ki, müasir Ukrayna 1919-cu ildə yaranıb:

“Bəzi ərazilərinin digər ölkələrin tarixi torpaqları olması doğrudur. Amma bu, adıçəkilən ölkələrin iddiasına haqq qazandırmır. Məsələn, İranın müəyyən əraziləri Azərbaycan torpaqları olub. Biz bununla bağlı iddia irəli sürürükmü? Beynəlxalq hüququ, müasir reallıqları nəzərə almaq lazımdır”.

Ekspert bildirib ki, Ukrayna üçün təhlükə kifayət qədərdir:

“Kiyev məğlub olsa və ərazi güzəştinə getsə, digər dövlətlər də haqlı və ya haqsız Ukrayna torpaqlarına iddia edəcəklər. Avropa İttifaqı ilə ABŞ arasında gərginliyin səbəblərindən biri də budur. Tərəflər Ukraynadan qazanc əldə etmək istəyir. Rusiya uduzsa, sadəcə məğlub olacaq, Ukrayna isə parçalanacaq”.