 |
|
|
Bu gün Azərbaycanda faşizm üzərində Qələbə günü qeyd edilir. "Report" xatırladır ki, faşizm üzərində qələbədən 78 il ötür.
Azərbaycan xalqı artıq üçüncü ildir ki, faşizm üzərində qələbəni qalib kimi qeyd edir. Azərbaycan özünün 44 günlük Vətən müharibəsindən sonra dünyada və regionda yeni reallıqlar yaradıb. Xalqımız bu dəfə Prezident İlham Əliyevin rəhbərliyi ilə erməni faşizmi üzərində böyük bir qələbə qazanıb. Tarixən öz döyüşkənliyi, cəsurluğu, igidliyi və qorxmazlığı ilə seçilən bu xalq öz tarixinin səhifəsində bir çox qələbələrə imza atıb. Amma 44 günlük Vətən müharibəsilə qazanılan zəfər ölkənin tarixinə ən parlaq qələbə kimi həkk olunub.
Azərbaycan xalqının İkinci Dünya müharibəsində qələbənin qazanılmasında böyük rolu olub.
Ətraflı
Azərbaycanlılar bu müharibədə istər ön, istər arxa cəbhədə böyük fədakarlıqlar göstəriblər. Qələbənin təmin olunmasında Bakı neftinin mühüm rolu olub. Müharibəyə yollanan 600 min Azərbaycan vətəndaşının 300 mindən çoxu döyüşlərdə qəhrəmanlıqla həlak olub. Göstərdikləri misilsiz şücaətin müqabilində 43 azərbaycanlı Sovet İttifaqı Qəhrəmanı adına layiq görülüb, 30 nəfər isə "Şöhrət" ordeninin hər üç dərəcəsi ilə təltif edilib. İki dəfə Sovet İttifaqı Qəhrəmanı Həzi Aslanov, Sovet İttifaqı Qəhrəmanları İsrafil Məmmədov, Aslan Vəzirov, Adil Quliyev, Ziya Bünyadov, Gəray Əsədov, Məlik Məhərrəmov, Mehdi Hüseynzadə, generallar Mahmud Əbilov, Akim Abbasov, Tərlan Əliyarbəyov, Hacıbaba Zeynalov və başqaları öz şücaətləri ilə xalqımızın tarixinə qızıl hərflərlə yazılıb.
Müharibə dövründə iqtisadiyyatı cəbhəyə xidmət istiqamətinə yönəltmək məqsədi ilə respublikada böyük işlər aparılıb. Qısa müddətdə Bakı döyüşən ordu üçün silah-sursat cəbbəxanasına çevrilib. Böyük çətinliklərə baxmayaraq, neftçilər qəhrəmanlıq və fədakarlıq göstərib, cəbhəni və sənayeni yanacaqla təmin ediblər. Akademik Yusif Məmmədəliyevin rəhbərliyi altında aviasiya benzini alınmasının yeni texnologiyası yaradılıb. Neftçilərin fədakar əməyi sayəsində Azərbaycan tarixində neft hasilatı üzrə rekord göstərici əldə edilib, 1941-ci ildə 23,5 milyon ton "qara qızıl" çıxarılıb. Bu, SSRİ-də çıxarılan bütün neftin 71,4 faizini təşkil edirdi. Bütövlükdə müharibə illərində Azərbaycan neftçiləri ölkəyə 75 milyon ton neft, 22 milyon ton benzin və digər neft məhsulları veriblər. Bakı nefti faşizm üzərində qələbənin əsas amillərindən biri olub. Təkcə onu demək kifayətdir ki, hər beş təyyarədən dördü, hər beş tankdan dördü, hər beş avtomobildən dördü Bakıdan göndərilən yanacaqla işləyib.Bu il aprelin 26-da Prezident İlham Əliyev 1941–1945-ci illərdə İkinci Dünya müharibəsində iştirak etmiş şəxslərə, həlak olmuş və ya sonralar vəfat etmiş döyüşçülərin dul arvadlarına, arxa cəbhədə fədakar əməyinə görə orden və medallarla təltif edilmiş şəxslərə birdəfəlik maddi yardım verilməsi haqqında Sərəncam imzalayıb.Sərəncamla 1941–1945-ci illərdə İkinci Dünya müharibəsində iştirak etmiş şəxslərə 1 500,0 (bir min beş yüz) manat məbləğində, İkinci Dünya müharibəsində həlak olmuş və ya sonralar vəfat etmiş döyüşçülərin dul arvadlarına, həmin dövrdə arxa cəbhədə fədakar əməyinə görə orden və medallarla təltif edilmiş şəxslərə, İkinci Dünya müharibəsi illərində döyüş cəbhələrinin arxa hüdudları, yaxud döyüşən donanmaların əməliyyat zonaları daxilində ordunun və donanmanın mənafeyi üçün tapşırıqları yerinə yetirmiş xüsusi birləşmələrin işçilərinə, İkinci Dünya müharibəsi dövründə Leninqrad şəhərinin müdafiəsinə görə müvafiq medal və döş nişanı ilə təltif edilmiş şəxslərə, habelə Leninqrad şəhərinin mühasirəsi iştirakçılarına 750,0 (yeddi yüz əlli) manat məbləğində birdəfəlik maddi yardım veriləcək.Azərbaycanın 2023-cü il dövlət büdcəsində nəzərdə tutulmuş Azərbaycan Prezidentinin ehtiyat fondundan 2,9 milyon (iki milyon doqquz yüz min) manat vəsait ayrılıb.
Prezident İlham Əliyevin yeni Sərəncamı İkinci Dünya müharibəsi iştirakçıları və sənəddə nəzərdə tutulan digər şəxslərdən ibarət 3 729 şəxsə şamil olunacaq.
Faşizm üzərində qələbə Azərbaycanda rəsmi dövlət bayramı kimi qeyd olunur.
Qeyd edək ki, İkinci Dünya müharibəsi nəticəsində 60 milyona yaxın insan həlak olub.
"Düşmən müxtəlif silahlardan istifadə etməklə Ukrayna ərazilərinə zərbələr endirir. O, təxminən 1 aydır ki, idarə olunan 500 kq, 250 kq, 1 ton və 1,5 ton çəkidə olan aviabombalardan istifadə edir".
Bunu "Report"un Şərqi Avropa bürosuna açıqlamasında Ukrayna Hərbi Hava Qüvvələri komandanlığının sözçüsü Yuriy İqnat bildirib.
"Onlar GPS naviqasiya ilə təchiz olunub. Bu, həmin bombalar vasitəsilə Ukraynanın işğal altındakı ərazilərindən və Rusiya ərazisindən zərbələr endirməyə imkan verir. Buna görə də Ukraynanın hava hücumundan müdafiə sistemləri onları vura bilmir. Bu, Ukraynanın cəbhəyə yaxın bölgələrinə təhdidlər yaradır", - İqnat deyib.
HHQ komandanlığının sözçüsü qeyd edib ki, Ukraynanın daha uzaq məsafədə olan hədəfləri vura biləcək hava hücumundan müdafiə sistemlərinə, qırıcılara ehtiyacı var: "Məsələn, hazırda ən real variant “F-16” qırıcılarıdır. Bundan başqa, düşmən “S-300” zenit-raket kompleksləri vasitəsilə də zərbələr endirir. O, bu kompleksdən hava hədəflərini vurmaq üçün deyil, yerüstü hədəflərə zərbə endirmək üçün istifadə edir. Amma sadalanan aviabombalar və raketlər çox vaxt hədəfə dəymir. Nəticədə çox vaxt məktəblərə, bağçalara və yaşayış binalarına ziyan dəyir. Bundan başqa, düşmən bütün cəbhə boyu taktiki aviasiyadan, həmçinin “X-101”, “X-555”, “Caliber” kimi qanadlı raketlərdən istifadə edir. Amma Ukrayna Hərbi Hava Qüvvələri də vəziyyət və hava şəraiti imkan verdikcə düşmənə demək olar ki, hər gün zərbələr endirir. Söhbət hazırda gündəlik 10 zərbədən gedir".
İqnat əlavə edib ki, Ukrayna qırıcıları radioelektron mübarizə sistemlərinə, hava hücumundan müdafiə sistemlərinə, bombardmançı təyyarələr isə düşmənin mövqelərinə zərbələr endirir: "Bu məqamda qeyd etmək istərdim ki, düşmən “Shahed” kimi İran istehsalı olan dronlardan istifadə edir. Ötən həftə bu dronlar vasitəsilə hücumların sayı artıb. Məsələn, düşmən ötən gecə Azov dənizinin şərq sahili istiqamətindən Ukrayna ərazisinə zərbə endirilməsi məqsədilə 8 PUA buraxıb. Amma onların hamısı məhv edilib".
Rusiya paytaxtı Moskvada Şeremetyevo hava limanına enmək üzrə olan təyyarəyə dronla hücuma cəhd göstərilib.
Naməlum dron “Aeroflot” şirkətinə məxsus “Airbus A320” təyyarəsinə hücum etmək istəyib.
Təyyarəyə təhlükəli şəkildə yaxınlaşan kopteri Samara-Moskva reysinin sərnişinlərindən biri görüb. Onun sözlərinə görə, pilotsuz uçan aparat təyyarənin yan tərəfini nişan alıb və yerə toxunmağa bir neçə on metr məsafə qaldıqda qəfildən istiqamətini dəyişib, aerodrom yaxınlığındakı meşə zolağına doğru uçub.
Təyyarə endikdən sonra bu barədə Şeremetyevo təhlükəsizlik xidmətinə məlumat verilib. Hadisə barədə araşdırma başlanılıb.
Mənbə: Monavista.ru
Bu gecə Ukraynaya nüvə silahı atıla bilər.
Rusiya gecə saatlarında Ukraynaya nüvə zərbəsi endirilə bilər.
“Bir sıra TU-22M təyyarələrinin uçuşa hazırlanması üçün Engels və Şaykovkadakı aviabazalara göstərişlər göndərilib və gecə saatlarında Kiyevdə bir sıra inzibati binalara raket hücumları həyata keçirilə bilər.
Mənbə etiraf edib ki, ilk dəfə nüvə silahından istifadə oluna bilər, ən azı 2 “məhsul” artıq birbaşa göstərilən aerodromlardan birində yerləşir”, – qəzet yazır.
Xəbərlər bağlı hələlik heç bir rəsmi münasibət olmayıb.(oxu24.com)
Kremlə hücum nəinki Rusiyada bütün dünyada təşvişə salıb. Hərçənd, federasiyanın qəlbinə hücum Ukrayna tərəfindən Putinə sui-qəsd kimi qiymətləndirilsə də, Zelenski zərbənin arxasında rəsmi Kiyevin olmadığını açıqlayıb.
Lakin Moskva adekvat cavab vermə hüququna malik olduğunu bəyan etməyi də unutmayıb.
Bu isə qarşıdurmanın daha geniş ariala daşınacağını istisna etmir.
Türkiyəli politoloq Mehmet Perinçek bildirib ki, Rusiya artıq bənzər hədəfləri vurmaq haqqına sahib oldu.
Daha ətraflı Baku TV-nin süjetində:
Ukraynanın paytaxtı Kiyevdə hava həyəcanı elan edilib.
32gun.az xəbər verir ki, bu barədə vətəndaşları xəbərdar etmək üçün rəsmi resurs məlumat yayıb.
Hava həyəcanı ilə bağlı təfərrüatlar hələ açıqlanmayıb.
Niderland öz müttəfiqləri ilə Ukraynaya hərbi yardım çərçivəsində "F-16" qırıcı təyyarələrinin tədarükü məsələsini müzakirə edir.
Cebhe.info xəbər verir ki, bunu Niderland Krallığının Baş naziri Mark Rutte deyib.
Hökumət başçısı əlavə edib ki, bu məsələdə hər hansı bir qadağa və ya maneə yoxdur.
Rusların Ukraynanı ittiham etdiyi dronların Kremlə “hücum” etməsi Moskvanın irimiqyaslı terror aktına hazırlığına sübut ola bilər.
Redaktor.az “RBC-Ukrayna”ya istinadla xəbər verir ki, prezidentin dəftərxana rəhbərinin müşaviri Mixail Podolyak “Twitter” hesabında yazıb.
“Kreml üzərində pilotsuz təyyarələrə gəlincə. Hər şeyi proqnozlaşdırmaq olar… Rusiya açıq-aydın genişmiqyaslı terror aktı hazırlayır. Ona görə də əvvəlcə Krımda təxribat törətməkdə şübhəli bilinən böyük bir dəstəni saxlayır. Sonra isə Kreml üzərində “dronları nümayiş etdirir” – Podolyak bildirib.
O vurğulayıb ki, Ukrayna sırf müdafiə müharibəsi aparır və Rusiya Federasiyasının ərazisindəki obyektlərə bu cür “hücumlar” heç də bir hərbi problemi həll etmir. Ancaq eyni zamanda, Moskva üçün bu cür hərəkətlər dinc ukraynalılara qarşı zərbələrə haqq qazandırmaq üçün əsas olardı.
“İkincisi, biz Rusiyanın müxtəlif bölgələrində baş verən insidentlərin və həddi aşmanın artımını maraqla izləyirik. Enerji obyektlərində və ya Kremlin ərazisində naməlum PUA-ların peyda olması yerli müqavimət qüvvələrinin yeraltı işindən xəbər verə bilər. Bildiyiniz kimi, pilotsuz təyyarələri istənilən hərbi mağazadan almaq olar”, – OP rəhbərinin müşaviri bildirib.
Onun sözlərinə görə, Rusiya Prezidenti Vladimir Putin və onun əlaltılarının ölkə üzərində hakimiyyət nəzarətini itirməsi göz qabağındadır. Buna görə də, “Rusiyada mütləq nəsə baş verir, amma Kreml üzərində Ukrayna pilotsuz təyyarələri olmadan”.
Xatırladaq ki, bu gün, mayın 3-də ruslar Ukraynanı dronların köməyi ilə Kremlə hücum etmək cəhdində ittiham etməyə başlayıblar.
Məhəmməd Əsədullazadə: “Laçın yolu ilə bağlı Rusiya tərəfinin təklifləri olacaq”
Rusiya sülhməramlı kontingentinin yeni komandanı Aleksandr Lentsovun bu həftə ərzində danışıqlar üçün Bakıya gələcəyi bildirilir. Ermənilər danışıqların sərhəd-buraxılış məntəqəsinin fəaliyyəti ilə bağlı olduğunu desələr də, bu, reinteqrasiya prosesinin növbəti addımı kimi də qiymətləndirilir.
Separatçı rejimin “rəsmiləri” sülhməramlı komandanlığının onlara çərşənbə gününə kimi gözləməyi tapşırdıqlarını qeyd edirlər. Bunu onunla əsaslandırırlar ki, Lentsov Xankəndidə separatçıların lideri Araik Arutyunyanla görüşdə onlara müəyyən söz verib. Görüşdə separatçılar Lentsovdan Laçın sərhəd-buraxılış məntəqəsinin ləğv edilməsi üçün Rusiya tərəfinin addım atmasını istəyiblər. Lentsov yaxın günlərdə Bakıya gedəcəyini və məsələ ilə bağlı müzakirələr aparacağını bildirib. Halbuki, Ermənistan-Azərbaycan sərhədində qurulan Laçın sərhəd-buraxılış məntəqəsində ermənilərin Ermənistana gedib-gəlməsinə heç bir məhdudiyyət qoyulmayıb.
Bütün hallarda, Lentsovun Bakı səfəri zamanı müzakirə mövzusu nə ola bilər? Sərhəd-buraxılış məntəqəsinin qurulmsı erməniləri reinteqrasiya məsələlərində müəyyən addımlar atmağa sövq edə bilərmi?
“Sülhməramlı qüvvələrinin fəaliyyəti bizim üçün qənaətbəxş deyil”
Sözügedən məsələni “Bakı-Xəbər”ə şərh edən politoloq Məhəmməd Əsədullazadə buna bir neçə aspektdən yanaşdı: “Əvvəla, Rusiya sülhməramlı qüvvələrinin yeni komandanının Bakıya gəlişi protokol xarakterlidir. Bundan nəsə böyük bir yenilik gözləmək doğru olmaz. Çünki bundan əvvəl LentsovErmənistanda olub. Ona görə də o, Bakıya da gəlməlidir. Onun Bakıda apardığı müzakirələr əsasən Laçın yolundakı nəzarət tədbirləri və reinteqrasiya prosesi ilə bağlı ola bilər. Ancaq biz birdəfəlik bilməliyik ki, Rusiya tərəfi konkret reinteqrasiyaya qarşıdır. Belə olmasaydı, separatçılar bu vaxta qədər dirəniş göstərməzdilər. Çünki reinteqrasiya olandan sonra sülhməramlılara hansısa ehtiyac olmayacaq. Sadəcə, burada Azərbaycan tərəfi Rusiyanın reinteqrasiya prosesinə mane olmamasını tələb etməlidir. Bununla bağlı konkret tələblərini ortaya qoymalıdır. Laçın yolu ilə bağlı Rusiya tərəfinin təklifləri olacaq. Hesab edirəm ki, qəti surətdə bu məsələlər müzakirə predmeti olmamalıdır. Ona görə ki, bu təkliflər separatçıların maraqlarını özündə əks etdirəcək. Rusiyanın əsas məqsədi Laçın yolunda nəzarət-buraxılış məntəqəsinə birgə nəzarətin təmin edilməsidir. Buna da getmək olmaz. Çünki düşünürəm ki, sülhməramlı qüvvələrinin fəaliyyəti bizim üçün qənaətbəxş deyil. Ona görə də Rusiya tərəfinin mövqeyi bizim üçün yalnız problem yarada bilər. Hesab edirəm ki, Azərbaycan sülhməramlı qüvvələrinin çıxarılması istiqamətində işlərə başlamalıdır. Nəzarət-buraxılış məntəqəsi qurulduqdan sonra bizim üçün reinteqrasiya məsələləri asanlaşır. Bizim üçün Xankəndidə de-yure nəzarəti bərpa etmək prosesi başlayır”.
Vidadi ORDAHALLI
Azərbaycana mina axtarışı üçün xüsusi təlim keçmiş daha beş it gətirilib. Bu barədə çərşənbə axşamı Azərbaycan Milli Minatəmizləmə Agentliyinin (ANAMA) rəhbəri Vüqar Süleymanov jurnalistlərə bildirib.
O xatırladıb ki, 2021-ci ildə ABŞ-ın Marşal İrsi İnstitutu ilə saziş imzalanıb, bu saziş çərçivəsində Azərbaycana mina axtarışı təlimi keçmiş itlər göndərilib. Bu sazişdə nəzərdə tutulan sonuncu 5 it indi gətirilib.
Xatırladaq ki, ümumilikdə Marşal İrsi İnstitutu Azərbaycana mina axtarışı təlimi keçmiş 70 itin hədiyyə olaraq veriləcəyini bildirmişdi.
* 10 noyabr 2020-ci il tarixində Qarabağda hərbi əməliyyatlar başa çatdıqdan sonra Ermənistan SQ-nin basdırdığı minaların partlaması nəticəsində Azərbaycan tərəfdən 299 hərbiçi və dinc sakin xəsarət alıb. Onların 55 nəfəri ölüb, 244 nəfər müxtəlif dərəcəli bədən xəsarətləri alıb.