"Bakı şəhəri, Tərlan Əliyarbəyov küçəsində yerləşən (Tarqovu ərazisində) "Fontana" kafesinə 02.11.2024-cü il tarixində biz Valideynlər, sinif rəhbəri və uşaqlarla birlikdə nahar etmək üçün yaxınlaşdıq və menyudan baxıb sifarişlərimizi etdik..." "DİA-AZ" xəbər verir ki, bu barədə 2müştərinin Səsi" sosial qrupundakı paylaşımda giley olunur.
Narazı vətəndaş daha sonra yazır: "Sifarişlərimiz gec (1 saatdan sonra) və natamam gəlib. Xidmət sıfır səviyyəsində olub. Bəzi sifarişlər menyuda olan qiymətlərdən artıq hesablanıb. Çekdə də bu özünün təsdiqini tapır. 3 dəfə çek gətirilib və fərqli qiymətlər göstərilərək hesablanıb. Menyunun şəkli də var bizdə. Sifarişlərin sayını da çekdə artıq göstəriblər. Məsələn, 12 porsiya sifariş etmişik, çekdə 14 hesablanıb. Sokların miqdarı 350 ml olsa da daha az miqdarda gətiriblər və sokun qiymətini də menyuda olandan daha çox yazıblar. Sok qabının pulunu da hesablayıblar. Çeklərə nəzər salsanız görərsiz ki, qiymətlər arasında nə qədər fərq var. Misal, tərəvəz kabab 1ci çekdə 9 manatdan hesablanıb, ən sonuncu çekdə isə 6 manatdan hesablandı. Biz səs küy salandan sonra yenidən hesablanaraq sonuncu çeki verdilə. Sonuncu çek də onu təsdiq edir ki, bizi aldadaraq daha çox pul almaq istəyiblər.
"Antiihsar"a şikayət yazmışıq. Daha da əmin olmaq üçün soruşuram. Biz əlavə hansı quruma şikayət yaza bilərik?! Şikayət olunsun və araşdırılsən ki, bir daha belə kimisə aldatmasınlar..."