Göyüşov və oğlu haqda yeni məlumatlar: -
Bakıya yağan intensiv yağış bir çox məsələləri yenidən gün işığına çıxardı.
İctimai diqqət daha çox bu istiqamətə yönəlib: Niyə tunellərdə, küçələrdə sular bu qədər yığılır? Bakı Şəhər İcra Hakimiyyətinin başçısı Eldar Əzizov jurnalistlərə deyib ki, işlər görülərkən qüsurlara yol verilib. O, bu məsələlərin araşdırılacağını bildirib.

Təəssüf ki, bu yağıntı faciə ilə nəticələndi. Sabunçu rayonu ərazisindəki tuneldə iki nəfər boğularaq öldü.

Məlumata görə, tuneli tikən “Körpü Bina Tikinti” MMC-dir. MMC-nin direktoru Xəlil Göyüşovla bağlı mediada məlumatlar yayılıb. Bildirilir ki, onun oğlu Ramiz Göyüşov bir neçə il əvvəl Almaniyanın Hamburq şəhərində 40 milyon avro dəyərindəki ARENA OTELini (AGO Park Hotel Betriebs GmbH, Hamburg) alıb.

Bu məlumat təsdiqlənsə, ata-oğul Göyüşovların fəaliyyətləri araşdırıla bilərmi? Bu fakt hüquq mühafizə orqanlarının araşdırmasına səbəb olarmı?

Globalinfo.az-ın suallarını cavablandıran siyasi şərhçi Heydər Oğuz qeyd edib ki, bir çox media orqanlarında yağış sularının toplanması nəticəsində “qanlı göl”ə çevrilən Sabunçu tunelinin 2019-cu ildə inşa edildiyini göstərilir:

“Halbuki, bu faciəvi hadisəyə obyektiv qiymət vermək üçün “Körpü Bina Tikinti” MMC-nin təsis olunduğu gündən aldığı sonuncu layihəyə qədər geniş zaman kəsimini incələmək lazımdır. Əks halda, hadisəni düzgün analiz etmək, onun arxasında kimlərin dayandığını ortaya çıxarmaq olmaz. “Körpü Bina Tikinti” MMC-nin rəsmi səhifəsində bu barədə deyilir: “25 ildən artıqdır ki, Azərbaycanda və digər ölkələrdə avtomobil yollarının salınması ilə məşğul oluruq”. Doğrusu, 2001-ci ildə təsis olunan bir şirkətin 2024-cü ilə qədər keçən 23 il ərzində necə 25 illik yol salınması təcrübəsindən danışması mənim üçün də qaranlıqdır. Ümid edirəm ki, onun fəaliyyətini araşdıracağını gözlədiyim istintaq orqanları bu qaranlıq məsələyə də işıq tutacaq. Şirkətin özü barədə “tarixöncəsi” əfsanələr uydurmasına baxmayaraq, onun barəsində bilinən bir həqiqət var. “Körpü Bina Tikinti” MMC 2001-ci ildə təsis olunub və 2004-cü ildən milyonluq layihələr almağa başlayıb.

Bəs 2004-cü il tarixi sizə nəyisə xatırladırmı? Yəqin ki, keçmiş MTN-nin rəhbəri Eldar Mahmudovun da məhz həmin tarixdə vəzifəyə gətirildiyini bilməmiş olmazsınız. O Eldar Mahmudov ki, Azərbaycanın demək olar bütün iş adamlarını soymaqla məşğul idi. Onun dövründə cəmi bir neçə şirkət parladı ki, bunlardan biri də “Körpü Bina Tikinti” MMC-dir. İddialara görə, şirkətin təsisçisi Xəlil Göyüşov “MTN işi”ndə ən çox adı hallanan və hazırda xaricə sığınan “Akula Akif”in adamı olub. Böyük tenderlərin “udulmasını” və icra hakimiyyətləri ilə bazarlıqları Çovdarov həyata keçirsə də, vəsaitlərin nağdlaşdırılaraq mənimsənilməsi “Akula Akif”in nəzarətində olub. Onun əsas pulyığanı və donoru isə Xəlil Göyüşov idi. Sözsüz ki, bu qədər güclü arxası olan və mənimsədiyi milyonlarla vəsaiti öz “patron”ları ilə bölüşən Xəlil Göyüşov həyata keçirdiyi tikintiləri başdansovdu həyata keçirməli idi. Və yığdığı pulları isə Azərbaycanda saxlaya bilməzdi. Çünki bir gün Bakıya leysan yağanda onun bütün icraatları ortaya çıxacaq və qanunsuz yolla mənimsədikləri əlindən alınacaqdı”.

O ki qaldı Xəlil Göyüşovun oğlu Ramizə, Heydər Oğuzun fikrincə, atasının gül balası hələ Bakıda olarkən lüks həyatı və israfçılığı ilə gözə batırdı:

“Hətta mətbuatda gedən yazılarda Ramiz Göyüşovun əsgərlikdə ola-ola Bakının ən bahalı restoranlarında dostları ilə kef məclisi qurduğundan danışılırdı. Haqqında başqa-başqa məlumatlar da yayımlanırdı. İndi də onun sorağı Almaniyanın Hamburq şəhərindən gəlir. Təbii ki, əsgərliyini belə bar-restoranlarda keçirən bir gəncdən başqa nəsə gözləmək olmazdı. Açığını deyim ki, mən bu məsələdə nə Xəlil Göyüşovu, nə də onun atasının “gül balasını” günahlandırıram. Onlar hələ də azadlıqdadırsa, deməli, ölkəmizin hüquq-mühafizə orqanları işlərini düzgün qurmayıblar. Ümid edirəm ki, heç olmasa, leysan faciəsindən sonra müvafiq qurumlar öz səhvlərini düzəldər, yollarımızı çaya, körpü altı tunellərimizi “qanlı göllər”ə çevirənlərin hamısı və onların himayədarları məsuliyyətə cəlb olunar”.

Sabunçu rayonu, Asəf Əsədullayev küçəsində yerləşən tunelin tikintisinə 2019-cu ildə başlanılıb. Tunelin sifarişçisi “Azərbaycan Dəmir Yolları” QSC, tikinti işlərini aparan isə “Körpü Bina Tikinti” MMC olub. Tunelin açılışı 2020-ci ilin martın 13-də baş tutub. Açılış mərasimində qırmızı lenti “Azərbaycan Dəmir Yolları”nın ozamankı sədri Cavid Qurbanovun müavini Zaman Novruzov kəsib.

Tunelin uzunluğu 388 metr, hündürlüyü 5,5 metr, eni isə 13,5 metrdir. Qapalı hissənin uzunluğu isə 68 metrə bərabərdir.

4 il əvvəl açılış mərasimində verilən məlumata görə, yağış və qrunt sularının kənarlaşdırılması məqsədilə nasosxana tikilib. Bunun üçün 3 nasos, bundan əlavə də 100 kilovatlıq transformator və generator quraşdırılıb. Amma görünən və real mənzərə onu deməyə əsas verir ki, ötən gecəki hadisə zamanı nə üç nasos, nə 100 kilovatlıq transformator, nə də generator işə yarayıb.

Sabunçu rayonu ərazisində bu şirkətin daha öncə tikdiyi başqa bir tuneli də su basmış, o zaman da bir neçə avtomobil suyun altında qalaraq yararsız vəziyyətə düşmüşdü.
 

Bölmənin digər xəbərləri

21 Aprel 2025  Zaur Mikayılov 30 milyon manatın hesabatını niyə vermir? - HƏQİQƏTƏN DƏ...
21 Aprel 2025 500 min dollardan çox borcu olduğu deyilən sabiq baş konsul - Ona kimlər dəstək olub?
21 Aprel 2025 Sabunçu icra şöbəsində NƏ BAŞ VERİR? - NARAZILIQ VAR...
21 Aprel 2025  “Uğur 777” klinikasının UĞURSUZLUQLAR SERİYASI - İTTİHAM VAR...
21 Aprel 2025 Adil Əliyev XARÜQƏLƏR YARADIR... - BU NƏDİ BELƏ? FOTO
20 Aprel 2025 "Aypara estetik center"də pasiyentlərə dolğu və plazma terapiya necə icra olunur?
20 Aprel 2025 İcra məmuru qanunları saya salmırsa… - Nazirə MÜRACİƏT
19 Aprel 2025 Qalmaqallı direktorun səs yazısı yayıldı - Məhkəməyə verildi - VİDEO
19 Aprel 2025 Yenə həmin dalğa, həmin koordinat - Gülnaz Kərimova-İlhamə Abdullayeva cütlüyü İŞ BAŞINDA...
19 Aprel 2025 Rafiq Quliyev yenə qanunsuz tikintiyi icazə verib?-Video-Foto
19 Aprel 2025 Sabunçu rayonunda qanunsuz tikintiyə kim icazə verib? -Video-Foto
19 Aprel 2025 AAYDA-nın “əziz-xələf”i Dilqəm Qəniyev: Böyük pullar, bahalı avtomobillər, xaricdə biznes…- FOTOLAR- SİYAHI
18 Aprel 2025 Bakıda konsert təşkilatçılarının gizlin əməlləri-Qalmaqal
18 Aprel 2025 Göygöl rayonunda Azər Hacıyevin aqrar sektorda hökmü və özbaşınalıqları... - İLGİNC FAKTLAR
18 Aprel 2025 Fəxri Kazımov 11.7 milyon manatı......
18 Aprel 2025 Seyidzadənin gizli əməlləri ÜZƏ ÇIXDI - TƏFƏRRÜAT
18 Aprel 2025 Naxçıvan icra Hakimiyyətinin başçısının müavini Bakıda 3 mərtəbəli ticarət mərkəzi tikdirib
18 Aprel 2025 Nərimanov rayonunda bu tikintiyə kim icazə verdi?-Video
18 Aprel 2025 Vətəndaş başçının qəbuluna ZORLA SOXULUR: Başqa yolu yoxdur... - DƏLİXANADIR, VALLAH...
17 Aprel 2025 “Uğur 777” klinikası: Adı UĞURDUR, əməliyyatları UĞURSUZ... - Səhiyyə Nazirliyinin gözündən iraq...

Dünyapress TV

Xəbər lenti