 |
|
|
“Elşad Zeynalovun qanunsuz əməllərini himayə edən və bu binanın sahibi dövlət rəsmisi, Sahibkarlar Konfederasiyasının vitse prezidenti Vüqar Zeynalovdur”.
PİA.az xəbər verir ki, bu ifadələr bir qrup vətəndaşın redaksiyamıza ünvanlanan şikayətində yer alıb.
Binəqədi sakini Bağırlı Zahir Eldəniz oğlu və bina sakinləri üzləşdikləri problemlərlə bağlı saytımıza müraciət ediblər.
Sakinlər bildirirlər ki, Binəqədi qəsəbəsi, Gülməmməd Ramazanov küçəsi, döngə 1, dalan 5, ev 1 F ünvanında fiziki şəxs Zeynalov Elşad Nadir oğlu tərəfindən çoxmənzilli yaşayış binası tikilib. Sakinlər həmin binadan mənzil alarkən bunada kommunal xəttlər işləməyib və onlara bildiriblər ki, 1-2 ay ərzində bütün kommunal xidmətlərin çəkiləcək. Verilən sözün üstündən 4 il keçib, amma binaya hələ də kommunal xidmətlərin qoşulması rəsmiləşməyib. İndi həmin binada kommunal xidmətlər qeyri-qanunidir. Binanın sahibi Zeynalov Elşad Nadir oğluna bina sakinləri dəfələrlə müraciət etsələr də, o, edilən müraciətlərə biganə yanaşıb və öhdəliyini yerinə yetirmir. Sakinlər bildirirlər ki, əslində Elşad Zeynalovun qanunsuz əməllərini himayə edən bu binanın faktiki sahibi dövlət rəsmisi, Sahibkarlar Konfederasiyasının vitse-prezidenti Vüqar Zeynalovdur.
Sakinlər onlara məxsus mənzilə işıq, su və qaz xəttlərinin çəkilməsi üçün aidiyyatı qurumlara dəfələrlə müraciət edib və müraciətlərinə aşağıdakı cavablar alınıb:
- 102 qaynar xəttinə bu şəxslərin dələduzluğu ilə bağlı müraciət ediblər, lakin polisdən bildiriblər ki, kommunal xidmətləri olmayan mənzilin satışının dələduzluq deyil;
- Əmlak məsələləri üzrə dövlət xidmətinə aid çıxarışa və texniki pasporta (su, işıq, qazın olması qeyd olunmuşdur) əsasən mənzili alınsa da, xidmət sonradan kommunal xidmət xəttlərinin qanunsuz olduğunu müəyyənləşdirib;
- Kommunal xidmətlərin qanuniləşdirilməsi üçün şikayətçilər məhkəməyə müraciət edib. Məhkəmə də öhdəliyi Zeynalov Elşad Nadir oğlunun üzərinə qoyub. Lakin Sumqayıt icra və probasiya şöbəsi tərəfindən məhkəmə qərarının icra olunması ilə bağlı heç bir tədbir görülməyib.
Eyni zamanda şikayətçilər Azəriqaz İB-yə, Azərişıq ASC-yə və Azərsu ASC-yə müraciət ediblər. Amma həmin qurumlar da həmin binaya qaz, işıq və su xəttlərinin çəkilməsinin imkan xaricində olmasını bildirblər. Bütün binaya kommunalın çəkilməsi üçün isə sahibkara bildirdikdə gedin hara istəyirsiz şikayət edin cavabı deyilir.
Bir sözlə binadan ev alanların sevinci ürəklərində qalıb və bir məmurun dələduzluğuna görə çəkmədikləri zülm qalmayıb. Binada qaz olmadığına görə məcbur evlər qanunsuz çəkilən elektrik enerjisi ilə isidilir və işıq da qeyri-qanuni olduğuna görə yerli işıq pulu toplayanlar da onlardan artıq pul alır. Elektri enerjisinin onlara baha başa gəlməsi bir yana, evlər də isinmir.
Amma bina sakini təbii ki, məmur olaraq oturub rahat villasında və sakinlərin zənglərinə də çox vaxt cavab vermir. Cavab verəndə də sakinləri günahkar çıxarır ki, 4 ildir dözürsünüz bir az da dözün...
Bina sahibi Vüqar Zeynalov sakinlərə deyib ki, Azəriqaz-a müraciət ediblər və onların razılığını gözləyirlər. Amma bina sakinlərindən biri Azəriqaz-la əlaqə saxlayıb və ona sənəd göndəriblər ki, o binaya qaz çəkilməsinə imtina cavabı gəlib. Göründüyü kimi bina sahibi ancaq sakinləri aldatmaqla məşğuldur.
Binada yaşayan sakinlər olaraq bütün aidiyyatı qurumlardan kömək istəyirik.
Abşeronda təhsil müəssisəsindəki vəziyyət valideynləri narahat edir.
DİA.AZ xəbər verir ki, bu barədə Oxu.Az-a valideynlər tərəfindən şikayət daxil olub. Bildirilib ki, söhbət rayonun Xırdalan şəhərində yerləşən 2 nömrəli orta məktəbdən gedir.
Məktəbin sinif otaqları, dəhlizi təmirsiz və bərbad haldadır. Şagirdlər bu vəziyyətdə olan məktəbdə təhsil alırlar, həmçinin məktəbdə iki növbəli yox, 3 növbəli tədris prosesi həyata keçirilir.
Məsələ ilə bağlı Elm və Təhsil Nazirliyinə sorğu ünvanladıq. Nazirliyin Əsaslı Tikinti və Təchizat İdarəsindən Oxu.Az-ın sorğusuna cavab olaraq bildirilib ki, məsələ diqqətdə saxlanılır:
“Zərurət olan təhsil müəssisələrində sistemli şəkildə bütün qovşaqlar düzəldiləcək”.
Bu günlərdə sosial şəbəkələrdə əsas ofisi Naxçıvanda yerləşən “Cahan Holdinq”lə bağlı bəzi məlumatlar yayıldı. Həmin məlumatların nə qədər doğru olduğunu dəqiqləşdirmək üçün araşdırma apardıq, holdinqin saytına nəzərə yetirdik. Holdinqin cahan.az saytında axtarış apararkən çox ciddi bir məlumatla rastlaşdıq. Açığı elə bilirdik, “Cahan Holdinq”in prezidenti Vüqar Abbasov Naxçıvan Muxtar Respublikası Ali Məclisinin deputatı seçildikdən sonra formal da olsa holdinqdəki vəzifəsini dondurub. Amma ora Naxçıvandır axı. Muxtar respublikada hansı qanun işləyir ki, bu da işləsin. Deməli, Vüqar Abbasov hələ də “Cahan Holdinq”in prezidentidir. Halbuki, bu, qanunla qadağandır. Vüqar Abbasov nəinki holdinq prezidentidir, hətta Naxçıvan Muxtar Respublikası Sahibkarlar Konfederasiyasının da İdarə Heyətinin sədridir. Yəni sahibkar olmalısan ki, bu konfederasiyada təmsil olunasan və ora rəhbərlik etməyə də hüququn yarana. Bu da Vüqar Abbasovun sahibkarlıqla məşğul olduğunu təsdiqləyən faktlardan biridir.
Qeyd edək ki, Vüqar Abbasov 2020-ci ildə Naxçıvan Muxtar Respublikası Ali Məclisinə keçirilən seçkilərdə 24 saylı seçki dairəsindən Ali Məclisə deputat seçilib.
Doğrudur, Vüqar Abbasov illərdir ki, sahibkarlıqla məşğul olur. “Cahan Holdinq”in prezidentinin bacarıqlı bir sahibkar olduğu, şirkətini qısa müddət ərzində sürətlə böyütdüyü çoxlarına bəllidir. Amma Azərbaycan qanunları deputatın sahibkarlıqla məşğul olmasına yol vermir. Vüqar Abbasov deputat seçildikdən sonra sahibkarlıqla məşğul olmamalı idi. Əgər söhbət Naxçıvandan gedirsə, bu, mümkündür.
Bu məsələyə münasibət bildirən Azərbaycan Milli İstiqlal Partiyasının sədri Arzuxan Əlizadə TNS-ə açıqlamasında Konstitusiyanın maddələrini xatırladıb.
“Azərbaycan Respublikası Konstitusiyasının 85-ci maddəsində Milli Məclisin deputatlığına namizədlərə bir sıra tələblər irəli sürülüb. Həmin maddədə göstərilib ki, elmi, pedaqoji və yaradıcılıq fəaliyyəti istisna olmaqla, başqa ödənişli fəaliyyətlə məşğul olan şəxslər Azərbaycan Respublikasının Milli Məclisinə deputat seçilə bilməzlər. Əgər namizədlər belə fəaliyyətlə məşğuldurlarsa, deputat seçildikdən sonra bu fəaliyyətlərini dayandırmalıdırlar. Konstitusiyanın 89-cu maddəsində isə Milli Məclisin deputatlarının səlahiyyətlərinin itirilməsi halları sadalanıb. Bu maddədə də konkret olaraq göstərilir ki, elmi, pedaqoji və yaradıcılıq fəaliyyətləri istisna olmaqla, sahibkarlıq, kommersiya və başqa ödənişli fəaliyyətlə məşğul olan şəxslər deputat mandatından məhrum edilir. Hər bir millət vəkili qanunun tələblərinə əməl etməlidir”, - partiya sədri bildirib.
Arzuxan Əlizadə deyib ki, eyni tələblər Azərbaycanın ayrılmaz tərkib hissəsi olan Naxçıvan Muxtar Respublikasının Konstitusiyasında da nəzərdə tutulub.
“Bu məsələlər Naxçıvan Muxtar Respublikasının Konstitusiyasının 15-ci və 19-cu maddələri ilə tənzimlənir. Naxçıvan Muxtar Respublikası Ali Məclisinin deputatları da sahibkarlıq fəaliyyəti ilə məşğul ola bilməzlər. Deputatlar Konstitusiyanın irəli sürdüyü tələblərə əməl etməlidirlər. Əks təqdirdə onların deputat səlahiyyətlərinə xitam verilməlidir. Əgər belə bir fakt varsa, Naxçıvan Muxtar Respublikası Ali Məclisinin hər hansısa bir deputatı biznes fəaliyyəti ilə məşğuldursa, hansısa şirkətin rəhbəridirsə, Konstitusiyanın müvafiq maddələrinə uyğun olaraq, o, səlahiyyətlərini itirmiş hesab edilməli və onun deputat səlahiyyətlərinə xitam verilməlidir”, - partiya sədri qeyd edib.
Azərbaycan Yüksəliş Partiyasının başqanı Anar Əsədli TNS-ə açıqlamasında bildirib ki, Azərbaycanda dövlət vəzifəsi daşıyan, hətta deputat olan şəxslər arasında bizneslə məşğul olanlar az deyil. Mövcud müvafiq qanunvericilik vəzifə sahibləri və millət vəkillərinə sahibkarlıq fəaliyyəti ilə məşğul olmağı qadağan etsə də, buna ciddi nəzarətin olmadığını müşahidə edirik.
“Belə çıxır ki, dövlət idarəetməsində və qanunvericilik bazasında bu kimi hallara qarşı sərt cəzalandırma mexanizmlərinin hələ də mövcud olmaması bir çoxlarının əl-qolunu açmasına səbəb olur. Dövlət vəzifəsi tutan və deputat olan şəxslərin niyə bizneslə məşğul olmasının qadağan edilməsinin isə prinsipial səbəbləri var. Məsələ burasındadır ki, yüksək post tutan, yaxud deputat olan şəxslər daşıdıqları statusun onlara verdiyi geniş inzibati imkanlardan sui-istifadə etməklə özlərinə geniş biznes şəbəkəsi yaratmaq, ədalətli rəqabət mühitini zədələmək, eyni zamanda müxtəlif biznes sahələri üzrə inhisarçı şirkətlər formalaşdırmaq fürsətləri əldə edir. Azərbaycanda uzun illərdir, oliqarxik məmur burjuaziyası təşəkkül tapıb deyəndə məhz bunu nəzərdə tuturuq ki, dövlət vəzifəsində təmsil olunanlar, parlamentdə mandat alıb siyasətlə məşğul olanlar da yaxşı qazanmaq üçün sahibkarlıq fəaliyyətinə üz tuturlar. Belə bir vəziyyət qanunvericiliyə, azad bazar iqtisadiyyatına, sərbəst ticarətə ziddir. Ən ciddi problem də budur ki, ölkəmizdəki varlı adamlar biznesmenlərdən daha çox qanunsuz şəkildə sahibkarlıqla məşğul olan vəzifəli şəxslər və millət vəkilləridir. Bu hal Azərbaycanda korrupsiyanın yüksək həddə çatmasında da mənfi rol oynayır. Hesab edirik ki, Cinayət Məcəlləsində vəzifəli şəxslərin bizneslə məşğul olmalarına görə məsuliyyəti nəzərdə tutan maddələr, normalar daha aydın və dəqiq müəyyənləşdirilməli, qanunların və normaların tətbiqi, onlara nəzarət mexanizmləri sərtləşdirilməlidir”, - partiya başqanı bildirib.
Onu sözlərinə görə, bir çox qanunla həqiqətən də deputatın, məmurun kommersiya fəaliyyəti ilə məşğul olması qadağandır: “Deputatların statusu haqqında qanunda bu, kifayət qədər aydın ifadə olunub, konstitusiyada da müvafiq maddə mövcuddur. Məsələnin ən təhlükəli tərəfi isə belə deputatların müəyyən lobbiçilik maraqlarından çıxış edərək, kimlərinsə kommersiya maraqlarını təmin etmək kimi zərərli işlərlə məşğul olmasının adiləşməsidir. Milli Məclisin spikeri, müavinləri, o cümlədən dövlətin hüquq-mühafizə orqanları bu kimi hallara göz yummamalı, qanun hər kəsə sərt formada tətbiq olunmalıdır”.
Anar Əsədli də Konstitusiyanın 89-cu maddəsini xatırladıb.
“Həmin maddənin 4-cü bəndində konkret olaraq göstərilir ki, Azərbaycan Respublikası Milli Məclisinin deputatı elmi, pedaqoji və yaradıcılıq fəaliyyəti istisna olmaqla, sahibkarlıq, kommersiya və başqa ödənişli fəaliyyətlə məşğul olduqda mandatından məhrum edilir. Ancaq görünən odur ki, ölkəmizdə bir çox vəzifəli şəxsləri və millət vəkillərini bizneslə məşğul olmaqdan çəkindirmək üçün Konstitusiyanın müvafiq maddələri, Cinayət Məcəlləsində müvafiq qadağanedici və xəbərdaredici normalar kifayət etmir. Birdəfəlik anlamaq lazımdır ki, əgər qanun qadağan edirsə, deməli, deputat bizneslə məşğul ola bilməz. Hər kəs qanunun bu tələbinə əməl etməlidir, dövlət isə müvafiq qanunun işləməsini təmin etməlidir. Sahibkarlıq fəaliyyəti azad təşəbbüskarlıqdır və kimsə bunu qadağan etmir, lakin həm siyasətlə məşğul olub eyni zamanda kommersiya fəaliyyəti göstərmək yanlışdır. Bir sözlə, millət vəkilinin bizneslə məşğul olması doğru deyil və bu kimi hallar seçkili orqan olan qanunvericilik institutunun imicinə də böyük zərbə vurur, cəmiyyətin gözündən düşməyə əsaslar yaradır. Ona görə də, hesab edirik ki, qanunlara riayət olunmalıdır”, - Anar Əsədli əlavə edib.
Göründüyü kimi, Vüqar Abbasovun bizneslə məşğul olması Azərbaycan qanunlarına ziddir. Vüqar Abbasov seçki dövründə də bu fəaliyyətini dayandırmadığından o, deputatlığa namizəd ola bilməzdi. 2020-ci ildə deputat seçilən “Cahan Holdinq”in prezidenti bu vəzifəsini davam etdirdiyindən deputat mandatından məhrum edilməlidir. Bunu biz demirik. Bunu Azərbaycan qanunları və Vüqar Abbasovun rəhbəri olduğu holdinqin saytında yerləşdirilən məlumatlar deyir. //TNS//
Azərbaycan Milli Elmlər Akademiyasının (AMEA) Arxeologiya, Etnoqrafiya və Antropologiya İnstitutunun elmi işçi Lola Hüseynova Azərbaycanın Birinci vitse-prezidenti Mehriban Əliyevaya müraciət edib. Lola Hüseynova müraciətində yazır ki, adıçəkilən insititutun direktoru Abbas Seyidovun qərəzli münasibəti, psixoloji təzyiqləri ilə üzləşib.
DİA.AZ Reyting.az-a istinadla AMEA əməkdaşının Birinci vitse-prezidentə müraciətini təqdim edir:
“Hörmətli Mehriban xanım Əliyeva!
Mən, Hüseynova Lola Əkbər qızı 2017-ci ildən AMEA Arxeologiya, Etnoqrafiya və Antropologiya İnstitutunda işləyirəm. Hazırda həmin institutun Dəmir dövrü arxeologiyası şöbəsində elmi işçi, Milli Azərbaycan Tarixi Muzeyində isə arxeologiya ixtisası üzrə dissertantam.
2021-ci ilin payızında Ramiz Mehdiyevin himayədarlığı ilə bizim instituta direktor göndərilən Abbas Seyidovla iki il öncədən problemlərimiz olub. O, vəzifəsini icra etməyə başladığı gündən bu səbəbdən məni işdən azad etməklə hədələyib. Keçən zaman ərzində məni dissertasiya işimlə bağlı abidənin tədqiqatlarından uzaqlaşdırıb. Onun mənə qarşı bitmək bilməyən şəxsi qərəzinin nəticəsidir ki, əsassız olaraq sonuncu xəbərdarlıqla şiddətli töhmət növündə intizam məsuliyyətinə cəlb edilmişəm. Bu intizam tənbehinin ləğv edilməsi ilə bağlı Yasamal Rayon Məhkəməsinə müraciət etmişəm. Barəmdə verilən intizam tənbehi Əmək Məcəlləsinə tam ziddir (izahatım alınmadan, ezamiyyədə olduğum gün mənə şiddətli töhmət verilib). Bunu dərk edən A. Seyidov mənə psixoloji təzyiqlər göstərir, məhkəmənin keçiriləcəyi tarix yaxınlaşdıqca, məndən prokurorluğa şikayət edəcəyi ilə hədələyir. Məni məhkəmədən çəkindirmək cəhdlərinin sayını itirmişəm. Hər gün oturduğum şöbəyə məni yoxlamaq üçün müxtəlif adamlar göndərir. Hətta vəziyyət o həddə çatıb ki, iş yerim olan bina daxilində mənim hansı saatda hansı otaqda oturmağımla bağlı izahatlar istəyir. Akademiya tarixində belə halla rastlaşan olmayıb. Şəxsi qərəzinin olmadığını göstərmək üçün mənə cəza vermək istədiyi günlərdə cəzalandırmağa daha 5-10 nəfər tapır. Beləliklə, işçilərin əksəriyyəti direktorun mənimlə apardığı intriqalardan əziyyət çəkir. A. Seyidovun əməlləri institut əməkdaşları tərəfindən “20-yə yaxın əməkdaşı olan otaqlarda səhərdən axşama kimi oturmaq hansı elmi mühitdən xəbər verir?” kimi narazılıqların səslənməsinə, ümumi narazılığa gətirib çıxarır”.
A. Seyidov
L. Hüseynova müraciətində yazır ki, A. Seyidov direktor vəzifəsinə gələn gündən institutun problemləri bitmək bilmir:
“A. Seyidov elmi işləri yaxşılaşdırmaq, dövlətin siyasəti ilə ayaqlaşıb gənclərə şərait yaratmaq əvəzinə intriqa ilə məşğul olur. Fikirləri ilə razılaşmadığı əməkdaşları təhqir edib, otağından qovur. Hər kəsi arxeoloji qazıntılarla şantaj edir. Görəsən, onun özü rəhbəri olduğu hansı ekspedisiyada 1 ay müddətində ezamiyyə yerində olub? Belə bir adam işçinin inzibati binada otaq dəyişməsini qanunsuzluq hesab edir”.
Lola Hüseynova Mehriban Əliyevadan xahiş edir ki, Abbas Seyidovu daha yaxşı tanımaq üçün onun AMEA-nın sabiq prezidenti Ramiz Mehdiyevi müdafiə edən, yayımlandıqdan dərhal sonra silinən LAF TV-yə verdiyi müsahibəsini dinləsin və bu zaman müraciətinin şəxsi qərəz zəminində olmadığı aydın görünəcək.
L. Hüseynova müraciətində daha sonra yazır:
“Həyat yoldaşım hərbçidir. Mən elə bir müəssisə tanımıram ki, orada hərbçi yoldaşını işdən kənarlaşdırmaq üçün bu qədər oyun qurulsun. Xüsusilə bu gün Qarabağda, onun azadlığı yolunda şəhid olan hərbçilərin hörməti xətrinə bütün dövlət müəssisələri, dövlət qurumları şəhid, qazi, hərbçi ailələrinə həssaslıqla yanaşır. Hamı yaxşı dərk edir ki, biz qadınlar bir gün “atasız uşaq böyüdəcəyimizin ehtimalına” imza atırıq.
Mənim qohumlarım, əzizlərim vətən uğrunda şəhid olanda, Şuşada düşmənlə əlbəyaxa döyüşəndə, Qarabağın azadlığı uğrunda medallarla təltif olunanda, “Vətən Müharibəsi Qəhrəmanı” adı alanda, Abbas Seyidov haqqımda şərəf və ləyaqətimi alçaldan, əməkdaşlar içərisində məni gözdən salan söhbətlər etməklə məşğul idi. Hətta bu gün uşağımın xəstəliyi ilə əlaqədar 2 saat işə gecikməmi üzrlü səbəb kimi qəbul etməyən (sənəd təqdim etməyimə rəğmən) Abbas Seyidov mənim hər gün işə gəlməyimi ələ salıb, bunu utanmadan nələrəsə bağlayırmış. Əlbəttə, Abbas Seyidovun mənə qarşı bu davranışı onun Milli Orduya münasibətinin, “vətənpərvərliyinin” göstəricisidir.
Hörmətli Mehriban xanım, bir qadın, bir ana, elmə həvəsi olan bir gənc, bir hərbçinin həyat yoldaşı kimi Sizə sığınır, Sizdən mənim məhkəmə prosesimi nəzarətə götürməyinizi, A. Seyidovun şəxsi intriqaları üçün vəzifəsindən sui-istifadə etməsinin qarşısının alınmasında köməklik göstərməyinizi xahiş edirəm”.
Qeyd edək ki, A. Seyidov bir müddət əvvəl “Bizim.Media”-ya açıqlamasında L. Hüseynova ilə köklü problemi və ona qarşı hər hansı qərəzinin olmadığını bildirmişdi: “Adi bir işçidir. Elə bir səviyyəli işçi də deyil ki, deyək, bundan yoxdur. İki elmi rəhbər və iki mövzu dəyişib, amma heç bir iş görməyib. O qadın şər-böhtanla məşğuldur”.
Məhkəməyə gəlincə, A. Seyidov deyib ki, L. Hüseynova haqqında müsbət qərar çıxarılarsa, şiddətli töhməti aradan qaldırarıq.
Onu da diqqətə çatdırırıq ki, L. Hüseynovanın A. Seyidova qarş iddiası ilə bağlı ilk məhkəmə iclasının sentyabrın 29-da Yasamal Rayon Məhkəməsində keçiriləcəyi bildirilir.
Qarabağ Regional Təhsil İdarəsinin rəhbəri Gündüz Əbdülovun fəaliyyəti ilə bağlı iddialar səslənməkdədir. Bildirilir ki, işinin öhdəsindən gələ bilməyən təhsil şefi varis planı qurmaqdadır. TİA.Az-a verilən xəbərə görə, G. Əbdülov öz yerinə Dəyanət Fərzəliyevi hazırlayır. Fərzəliyevi özü ilə gətirmiş idarə rəisi indi taxt-tacını ona ötürməyi planlaşdırır.
Məlumatda deyilir ki, Gündüz Əbdülov Qarabağ Regional Təhsil İdarəsinin müdiri təyin olunandan sonra özünü doğrultmadı. Belə ki, təcrübəli kadrlara deyil, öz tanışlarına üstünlük verməyə başladı. Əsasən də tələbə yoldaşlarını başına toplayaraq qurumu idarə etmək həvəsinə düşdü. Onların arasında təqaüdə çıxmış hərbçilər belə var, amma Əbdilov faktiki qaziləri kənarda qoyub.
İddialara görə, özünün təhsil idarəçiliyində təcrübəsi olmadığı üçün ətrafına dostları yığaraq iş “görməyə” çalışır. Misal üçün, Ağdam şəhərində rüşvətlə direktorlar təyin edir,
Qarabağda kadr təyinatlarını düzgün aparmır, Dəyanət Fərzəliyevi də peşə məktəbindən inzibati idarə şöbəyə müdir gətirdikdən sonra hər şey bərbad şəklini alıb.
Bundan başqa, pensiyada olan tələbə yoldaşlarını işə götürən idarə rəisi gənc qaziləri hərbi hazırlıq müəllimi kimi də işə götürmür.
Məlumata görə, Ağdamda 68 nömrəli tam orta məktəbdə əməkdar müəllimi direktorluqdan çıxarıb yerinə icra başçısının həyat yoldaşını təyin edib. İddialara görə, onun diplomu saxtadır. Amma araşdırılmasına ehtiyac var.
Eyni zamanda, Təhsil Nazirliyinin 28 iyul 467 nömrəli əmrində qeyd olunub ki, müəllimlərin çalışma həddi 65 yaş olubsa, diaqnostik qiymətləndirmədən 70 % yığan müəllimlərlə müqavilə bağlanmalıdır .
Ancaq Gündüz Əbdülov az bal toplayan dostlarının müqaviləsini uzadır, başqalarına çatanda haqsızlıq edir. Bəli, Qarabağ azaddır, indi təhsil idarəsi də fəaliyyət göstərir, amma məmurların əməllərindən azad deyil. Bax, bunu dəyişmək zamanıdır. Təhsil Nazirliyinin bu məsələlərə diqqət ayıracağını gözləyirik.
DİA.AZ xatırladır ki, barəsində bunca iddialar səsləndirilən Gündüz Əbdülov zamanında TƏBİB-in Aparat rəhbəri işləyirdi və keçmiş TƏBİB şefi Ramin Bayramlının ən yaxın kadrı hesab olunurdu. Bayramlının başına gələn məlum olaylardan sonra Gündüz Əbdülov da təbii olaraq yön dəyişdirməli, iz azdırmalı oldu. DİA.AZ bildirir ki, görünəni odur, təhsil sahəsində özünə yer etməyə çalışan Əbdülov bu gün daha çox Ramin bayramlıdan əxz etdiklərini tətbiq etməkdədir... nəinki ölkə qanunlarına söykənərək fəaliyyət göstərmək...
Məsələ ilə bağlı diaşaz olaraq qarşı tərəfi də dinləməyə hazırıq...
Penitensiar Xidmətdə inqilabi dəyişiklərə nail olmaq üçün ciddi siyasi iradənin nümayiş etdirilməsinin zamanı çoxdan çatıb. Bu qurumu Azərbaycanda “qanunlar məzarlığı” adlandırsaq, yanılmarıq. Elə bir gün yoxdur ki, bu qurumda dövlətçiliyin sütunlarını laxladan qanunsuzluqlar barədə siqnallar almayaq.
Qurumdakı neqativlər, hətta beynəlxalq təşkilatların ortaya çıxardığı qanunsuzluqlar barədə indiyə qədər Azsiyaset.com-da onlarla analitik materiallar dərc olunub. Amma... Tədbir görən yoxdur, bu müəssisədə oliqarx məmur şəbəkəsinin qanunsuzluqlarının miqyası isə günbəgün artmaqdadır.
Ədliyyə Nazirliyinin Tibb Baş İdarəsi Penitensiar Xidmətin korrupsiya piramidasının ən iri vintillərindən biri kimi xüsusilə diqqət çəkir. Bu idarənin əsas fəaliyyət istiqaməti Nazirliyin penitensiar müəssisələrində saxlanılan məhkumlara və təqsirləndirilən şəxslərə tibb xidmətinin göstərilməsini təmin etməkdən ibarət olmalıdır.
Əslində isə nə baş verir, məhkumlar dövlətin tibbi resurslarından istifadə edə bilirlərmi? Təbii ki, maddi imkana sahib olmayan məhkumun bu fürsətdən yararlanmaq imkanı da yoxdur.
R.Mehdiyev Tibb Baş İdarəsinin rəisi kimi birbaşa Ədliyyə nazirinə tabedir. Ancaq bu tabelik formal xarakter daşıyır, çünki əldə etdiyi qeyri-qanuni və külli miqdarda gəlir yeni onun üçün “himayəçilər komandası” formalaşdırıb. R.Mehdiyev Ədliyyə sistemində ən çox qorunan məmurlar siyahısında ilk yerlərdən birində qərarlaşıb. O, özünü qanunlar qarşısında deyil, müxtəlif şəxslərin kabinetində hesabatlı şəxs hesab edir. Pensiya yaşı çatsa da, hələ də tutduğu postdan getmək haqqında düşünmür.
Uzun illərdir bu vəzifədə çalışan R.Mehdiyevin “xidmətləri” sayəsində müalicə müəssisələri və səhiyyə xidmətləri acınacaqlı hala gətirilib.
Müalicə müəssisələrindəki əxlaqsızlıq...
Müalicə müəssisəsinin əməliyyat və rejim işləri üzrə rəis müavini Elxan Cəfər oğlu İsgəndərov Penitensiar Xidmətin rəisi Ceyhun Həsənovun ən yaxın adamlarından biri kimi (oğlunun dostu) həyata keçirilən qanunsuzluqların əsas icraçısıdır. Müalicə müəssisəsində baş verən tükürpədici hadisələrin başında da məhz bu şəxs dayanır. Bu barədə saytımıza yüzlərlə şikayətlər daxil olub. Məsələn, şikayət məktublarından birində deyilir ki, E.İsgəndərov müəssisənin qadın əməkdaşlarını - tibb bacılarını imkanlı məhkumlar üçün “dövriyyəyə” buraxıb. Polis zabitini qətlə yetirdiyinə görə 9 il həbs cəzası almış "FAB" şirkətinin prezidenti Rövşən Həsənovun və Səfərbərlik Xidmətinin keçmiş rəis müavini Novruzəli Orucovun oğlu Rüstəm Orucovun sifarişi ilə müalicə müəssisəsinə gətirilən qadınlara görə onların hər birindən hər dəfə 500 manat rüşvət alması barədə məlumatlar bu adamın qanunları ən əxlaqsız üsullarla tapdalamasının bariz nümunəsidir.
Ceyhun Həsənovun müalicə müəssisəsindəki cinayəti necə ört-basdır edib?
Təkzibolunmaz məlumatlarda göstərilir ki, Penitensiar Xidmətin müalicə müəssisəsində Bəylərli Zaur Zeynal oğlu (1996-cı il təvəllüdlü ) və Süleymanov Vüsal İlqar oğlu (1990-cı il təvəllüdlü ) aralarından düşən mübahisə nəticəsində Məhərrəmov Orxan Nazim oğlunu (1986-cı il təvəllüdlü ) ölümcül vəziyyətdə döyüblər. Nəticədə Orxanın bud sümüyü sınıb və ağır kəllə-beyin travması alıb. Ancaq C.Həsənovun tapşırığı ilə bu cinayət ört-basdır edilib. Belə ki, müalicə müəssisəsində baş verən bu olaya cavabdehlik daşıyan əməliyyat və rejim işləri üzrə rəis müavini Elxan isgəndərov (C.Həsənovun oğlunun dostu) hadisədən iki gün əvvəlki tarixə “sərəncama” götürülüb. Z.Bəylərli və V.Süleymanov cəzadan yayındırılıb, onların hər ikisi özlərinə məqsədli xəsarət yetirməklə (biri qolunu, o biri isə qarnını cızıb) müalicə müəssisinə göndəriliblər. Kriminal aləmin üzvlərindən hesab olunan hər iki şəxs təmsil olunduqları şəbəkənin sifarişi və pulla müalicə müəssisəsində istirahət edirlər.
Çarpayılar dolub, həqiqi xəstələr koridorlarda yatır...
Hazırda müalicə müəssisələrində 600-ə yaxın çarpayı var. Demək olar ki, çarpayıların hamısı pulludur. Burada əsasən imkanlı məhkumlar, kriminal aləmin üzvləri və həbs edilən sabiq məmurlar “müalicə” alırlar. Həqiqi xəstələr isə dövlətin tibbi xidmətindən heç bir halda yararlana bilmir, onlar qırıq çarpayıları koridorlarda qoyub yatırlar. Ona görə də son illərdə bu müalicə müəssisələrində ölən məhkumların sayı durmadan artır.
Müalicə müəssisəsinin həyətində “villa” tipli evlər də var, bu evlərin içərisində soyuducu, televizor, kondisioner quraşdırılıb. “Villa”ların daimi sakinləri isə həbs edilən generallar, sabiq icra başçıları, kriminal avtoritetlər və digər varlı məhkumlardır. Buradakı xidmətlərin də müxtəlif qiymətləri var – 300 manatdan 5 min manata qədər dəyişir. Müalicə müəssisəsinin əməkdaşları da gecə-gündüz qulluğunda dururlar. Çöldən ora kabab da sifariş edirsən, “McDonalds”dan burger də, ürəyin istəyən hər bir neməti müəssisəyə sifariş edib gətirə bilirsən. Hətta Qobustan həbsxanasında cəza çəkən və kriminal aləmin üzvü olan bir məhkum uzun müddətdir ki, hər ay 5 min manat qarşılığında müalicə müəssisəsində istirahət edir.
Mövzunu diqqətdə saxlayacağıq...
Müəllif: Samir Feyruzov
Paytaxtın Nəsimi rayonu, Alı Mustafayev 29 ünvanında yaşıllıqlar məhv edilərək yerində bina tikintisi gedir. Bu barədə Reportyor.info məlumat verir. Onun sözlərinə görə, sözügedən ünvanda olub və araşdırma aparıb.
Lakin tikintini həyata keçirən MTK-nin adı belə məlum deyil. İnşaat işləri aparılsa da, qarşısında hər hansı lövhə yoxdur ki, hansı şirkətin fəaliyyəti olduğu təsbit edilsin.
Sayt yazır ki, ağacları kəsərək tikintiyə qurban verənlər haqda ərazidəki sakinlər məlumatsızdır. Hətta Nəsimi rayon İcra Hakimiyyəti, Dövlət Şəhərsalma və Arxitektura Komitəsi də məsuliyyəti üzərindən atır. Hər iki qurum tikintiyə kimin icazə verdiyini açıqlamır.
Bəs, bu özbaşınalığı kim icra edir? Nə üçün Nəsimi rayon icra başçısı Asif Əsgərov yaşıllıqların məhvinə göz yumur? Onun icazəsi olmadan rayonda daşı daş üstünə qoymaq olarmı? Eyni zamanda, şəhərdə tikintilərə icazələr Dövlət Şəhərsalma və Arxitektura Komitəsindən verilir və mümkün deyil ki, onların sərəncamı olmadan hansısa sahibkar bina tiksin. Amma sayt hər iki qurumdan bu məsələyə cavab ala bilməyib…
“Məktəb direktorluğu ilə bağlı müsabiqədə iştirak etmişəm və sabiq təhsil naziri Mikayıl Cabbarovun əmri ilə Tovuz rayonu, Qovlar şəhər 3 saylı tam orta məktəbə direktor təyin olunmuşam. Uçuq-sökük bina, təmir adı ilə yeyinti və daha bir çox qanunsuzluqlardan şikayət etdiyim üçün məni intihar həddinə çatdırdılar”.
DİA.AZ xəbər verir ki, bunu Meydan TV-yə Tovuz rayonu, Qaraxanlı kənd sakini olan, 61 yaşlı tarix müəllimi, I Qarabağ müharibəsi veteranı Nüsrət Fəttah oğlu Nəsirli deyib.
Nüsrət Nəsirlinin sözlərinə görə, o, 2000- ildən Tovuz rayonu Qədirli kənd tam orta məktəbində tarix müəllimi kimi fəaliyyət göstərib. 2013-2014-cü illərdə yaşının çox olmasına baxmayaraq müstəqil olaraq kompüter biliklərini öyrənib və Tovuzda ilk dəfə o, dərslərini interaktiv formada tədris edib.
“2016-cı ildə məktəb direktorlarının işə qəbulu müsabiqəsi elan olundu və mən də sənədlərimi onlayn olaraq nazirliyə göndərdim. Həmin ilin aprelində Bakıda imtahana qatıldım, avqustunda keçirilən müsabiqədən də uğurla keçdim”,- şikayətçi söyləyib.
Nüsrət Nəsirli deyib ki, 2016-cı il, sentyabrın 8-də Tovuz Rayon Təhsil Şöbəsinin əməkdaşları onu məktəbin kollektivinə təqdim etmək üçün dəvət ediblər. Məktəb Qovlar şəhərindən təxminən 8-9 kilometr aralıda yerləşir:
“Qovlar şəhəri əvvəlcə qəsəbə olub və Qovlara şəhər statusu vermək üçün həmin məktəbin yerləşdiyi Yanıqpəyə kəndini kağız üzərində Qovlara birləşdiriblər. Həmin ərazidə infrasturuktur, su mənbəyi, sosial obyekt, marşurut yoxdur. Təhsil şöbəsinin əməkdaşları ilə məktəbə gəldim. Məktəb nə məktəb…”
Şikayətçi söyləyib ki, məktəb binası 1960-cı illərdə fəhlə yataqxanası üçün tikilib, sonralar guya məktəb üçün uyğunlaşdırılıb. Amma yalnız kazğız üzərində təmir edilib.
“21-ci əsrdə məktəbdə adi, primitiv qaydada olsa da, sanitar qovşağı yox idi. Məktəb, daha doğrusu, bina tikildiyi vaxtdan bir dəfə də olsa, cari və ya əsaslı təmir olunmayıb. Amma mənə verilən məlumatlara görə, kağız üzərində dəfələrlə təmir olunub və pullar mənimsənilib. Dəhşətlisi irəlidə imiş. Məktəbin təhsil sahəsində uğurları ilə maraqlandım. DİM-in portalında “Mənim məktəbim” səhifəsinə baxdım, 1995-2015- ci illər ərzində bu məktəbdən bir nəfər məzun belə, ali və ya kolleclərə qəbul olmayıb”,-Nəsirli bildirib.
Onun sözlərinə görə, uzun illər məktəb bir ailənin monopoliyasında imiş, müəllimlərin bəzilərinin diplomları saxta, bəziləri qeyri-peşə sahibləri olub, sonralar ixtisas dəyişməsi ediblər. İxtisasdəyişmə sertifikatları Qazax, Gəncə institutlarından alınıb, hansı ki, bu institutlar sonradan bağlanıb. Məktəbdə 2016-cı ilədək eyni ailənin üzvləri direktor, dərs hissə müdiri, təsərrüfat müdiri, kitabxanaçı, riyaziyyat müəllimi, fiziki tərbiyə müəllimi, musiqi müəllimi, fizika müəllimi, gözətçi, ocaqçı və s. işləyib:
“Yəni mən ora təyin olunanadək məktəbin direktoru o ailənin başçısı olub. Həmin müəllim və əməkdaşların diplomları saxtadır və hazırda Korrupsiyaya Qarşı Mübarizə İdarəsində araşdırılır. Məktəb psixoloqunun psixologiyadan xəbəri yoxdur və təhsil haqqında sənədi saxtadır”.
Müəllim qeyd edib ki, müxtəlif dövlət orqanlarına -Təhsil Nazirliyinə, Fövqəladə Hallar Nazirliyinə, Tovuz Rayon İcra Hakimiyyəti başçısına, hətta Yaponiya səfirliyinə məktəbin təmiri və ya yenidən tikilməsi haqqında davamlı olaraq müraciətlər edib. FHN müraciəti cavablandıraraq bildirib ki, məktəb binası tam yararsızdır, istənilən an qəza və yanğın baş verə bilər.
“Mətbuatda yazdılar, çəkib göstərdilər. Sonra işdən azad olundum. Əsas da bu oldu ki, rayonu biabır etmişəm. Halbuki imkanım daxilində məktəbə ayaqyolu tikdirdim, kənddəki arteziandan su çəkdirdim. Uzun illər zibil, peyin yığnağı olan məktəb meydançasını təmizlətdirdim, üzərindən keçən yüksək voltlu elektrik xəttini dəyişdirdim”,- Nüsrət Nəsirli söyləyib.
O, Təhsil Şöbəsinin rəhbəri Elmira Mürşüdlüyə suallar ünvanlayıb:
“Cəmi 17 bal toplayan, işlədiyi müddət ərzində bir uğuru olmayan biri necə və nəyə görə direktor əvəzi təyin edilib? Məhz qohumu və uzun illər həmin məktəbi viran qoymuş “ailənin” üzvü olduğuna görəmi? Necə olur ki, xanım məktəb direktoru, onun həyat yoldaşı isə həmin məktəbdə təsərrüfat müdiri işləyir? Kiçik bir məktəbdə eyni ailənin 10-a yaxın ailə üzvü vəzifələrdə çalışa bilər? Məktəb binasının 2-3 otağını keçmiş direktorun ərinin bacısına kim hədiyyə edib? Məktəbin həyətindəki və sinif otaqlarından cəmisi 4-5 metr aralıda yerləşən quş hinləri kimindir? Araşdırmadan işçiyə birbaşa “Ç” bəndi tətbiq olunurmu?”
Müəllim onu da əlavə edib ki, Elmira Mürşüdlü onu özünüöldürmə həddinə çatdırıb, ötən ilin iyulun 1-də intihara cəhd edib. Onu Tovuz Rayon Polis Şöbəsinin əməkdaşları, Tovuz təcili yardımın həkim briqadası ölümdən qurtarıb. Bu barədə Tovuz Rayon Prokurorluğunda, Tovuz Rayon Polis Şöbəsində, Tovuz təcili Yardım Xidmətində rəsmi məlumat, izahatlar var.
Nüsrət Nəsirli elm və təhsil naziri Emin Əmrullayevə müraciət edərək şikayətinin araşdırılmasını xahiş edir.
Tovuz Rayon Təhsil Şöbəsindən isə deyiblər ki, mətbuatın suallarını yalnız nazirliyin mətbuat xidməti cavablandıra bilər. Elmira Mürşüdlünün bu barədə açıqlama vermək istəmədiyini deyiblər.
Meydan TV-nin şikayətlə bağlı nazirliyə ünvanladığı sorğuya cavab olaraq yalnız onu bildiriblər ki, sözügedən məktəbin əsaslı təmir-tikinti işləri növbəti illərin Dövlət İnvestisiya Proqramında nəzərdə tutulur.
Bu yaxınlarda Qanuninfo.az xəbər portaında "Zaur Həmzəyev rəhbərliyin sadiq adamlarındandır" başlıqlı bəy tərifinə rast gəldik. Və maraqalndıq ki, doğrudanmı, Z.Həmzəyev adlı AAYD məmuru yazıldığı kimi, yəni, korifeylərimiz hesab olunan Nizamidən, Fizulidən də artıq tərifə layiqdirmi? Qısa araşdırmalrımızdan sonra bəlli oldu ki, xeyr, cənab Z.Həmzəyev nəinki tərifə, heç tənqdə də layiq birisi deyilmiş. Məlum oldu ki, bu adamı şöhrətlədirə AAYDA ASC-də nüfzuna, imkanına və malik oduğu kapitala görə 2-ci şəxs hesab olunan doğma əmisi, əslən Ermənistanın Qafan rayonundan olan Müseyib Həmzəyevdr. O Müseyib ki, mətbuatda "şeyx övladı" kimi tanınsa da, əslində Avtomobil Yolları strukturunu tabeçiliyndə olan bütün MMC və təşkilatlar sözün əsl mənasnda onun ələbaxımıdırlar. Yəni, tabe təşkilatlar iş icra etmək istəyirlərsə, gərək AAYDA-nın baş Maliyyə İdarəsi postunu tutan Müseyib Həmzəyevin qılıncının altından keçməyə məcburdurlar. Onu da xatırlatmaq yerinə düşərdi ki, cənab Müseyib Həmzəyev barəsində də pressxeber.info saytının 05.02.2021 tarixli sayında da "Müseyib Həmzəyevin uğurlaına kölgə salmaq mükün olmayacaq" başlıqlı bəy tərifi yazılmışdır.
Müseyib Həmzəyev
Əvvəlcə Zaur Həmzəyev barəsndə http://qanuninfo.az/index.php?newsid=46564 yazılan bəy tərifinə qısa nəzər salaq:
"Yaşayıb-yaşayıb ömrün yetkin bir mərhələsinə çatanda və çevrilib arxada qalan onilliklərə nəzər salanda, xatırlamağa, arxalanmağa, öyünməyə nəsə tapa bilirsənsə, yaşadıqlarına görə təəssüflənmirsənsə, deməli, ömrün hədər getməyib.
Deməli, ALLAHIN bəxş etdiyi ömrü doğru-düzgün yaşamaq, ədalətli, xeyirxah, el-oba, cəmiyyət üçün lazımlı, gərəkli olmaq, haqqı-nahaqqa verməmək, başqalarının haqqını tapdamamaq kimi dəyərlərə sadiq qalmağı bacarmısan. Belə yaşamaq, əlbəttə, hər kəsə nəsib olmur.
Amma dünya belə dəyərli, qiymətli insanlardan xali də deyil. Bu yazıda məhz elə insanlardan birinin - gözəl insan, xeyriyyəçi “Bakı 1 №-li Yol İstismarı” MMC-nin direktoru Zaur Həmzəyevin keçdiyi mənalı ömür yoluna qısa da olsa, nəzər salmağa çalışacağıq.
“Bakı 1 №-li Yol İstismarı” MMC-nin direktoru Zaur Həmzəyev qazilərin, şəhid ailələrinin, veteranların yaxın dostudur. Onların heç bir müraciətini geri çevirməyən Zaur Həmzəyev səlahiyyətləri çərçivəsində hər cür köməklik göstərməyə həmişə hazırdır.
Karantin dövründə də rayonda yaşayan sakinlərin evlərinə ərzaq bağlamaları göndərilmişdir.
Mayası vətənpərvərliklə, halallıqla yoğrulan bu gözəl insana, “Bakı 1 №-li Yol İstismarı” MMC-nin direktoru Zaur Həmzəyevə biz də uğurlar diləyirik. Xalq üçün, Vətən üçün əlindən gələni əsirgəməyən bu insana uzun və sağlam ömür, işlərində nailiyyətlər arzu edirik. Bir də arzu edirik ki, bu cür insanların sayı çox olsun, biz də onlarla fəxr edək, barələrində yazaq.
Müdriklər demişkən, “xalq üçün, vətən üçün yaşanan ömür əsl insan ömrüdür”. Belə insanların ömrü çətin, mənalı və şərəfli olur, başı həmişə el içində uca olur. Onlar öz xoşbəxtliyini, səadətini, varlığını vətənə, xalqa ləyaqətlə xidmətdə görür. Belə insanlar öz xalqının, millətinin mənəvi siması, genefondudur desək səhv etmərik. Tam məsuliyyət və qürurla deyə bilərik ki, belə insanlardan biri də sözün həqiqi mənasında, gözəl insan, “Bakı 1 №-li Yol İstismarı” MMC-nin direktoru Zaur Həmzəyevdir.
“Bakı 1 №-li Yol İstismarı” MMC-nin direktoru Zaur Həmzəyev peşəkarlığı və qayğıkeşliyi ilə seçilən insandır.
Şərəfli vəzifəyə yiyələnən Zaur Həmzəyev bu işin müqəddəsliyini qoruyub saxlayır. Zaur Həmzəyev kömək etdiyi hər kəsin rəğbətini qazanan insanlardandır.
Sorğu apardıq ağız dolusu Zaur Həmzəyevdan danışdılar yaxşı ki, Zaur Həmzəyev “Bakı 1 №-li Yol İstismarı” MMC-nin direktorudur… Zaur Həmzəyev öz isguzarlığı ilə tanınır və seçilir….
Zaur Həmzəyev Ulu Öndər Heydər Əliyevin siyasi kursuna daim sadiqdir. Heç bir təmanna güdmədən, tutduğu vəzifədən asılı olmayaraq, vəzifədə olub-olmamasından asılı olmayaraq prezident İlham Əliyevə, dövlətə və dövlətçiliyimizə sabit, stabil, sadiq adamdır.
Zaur Həmzəyev böyük müəllimi və idealı olan Heydər Əliyev kimi layiqli insanlara dəyər verməkdən zövq alır!
Zaur Həmzəyev yüksək texniki biliyi və təhsili olan, yüksək iqtisadi, siyasi və təcrübi qabiliyyətləri olan istedad sahibidir!
Zaur Həmzəyevin böyüklüyü onun sadəliyində və insanlara insani münasibətindədi!
Zaur Həmzəyev insanlara maksimum diqqət və qayğıyla yanaşır, onların problemlərini həll edərək, onların dövlətimizə və Prezidentimizə inamını artırır!
Zaur Həmzəyev bütün işləri yüksək professionallıqla və böyük operativliklə icra edir! Bunun sirri onun “Bakı 1 №-li Yol İstismarı” MMC-nin direktoru kimi çoxsahəli professional olmasıyla, dövlətçiliyimizin və prezidentimizin yüksək reytinqini hər şeydən uca tutmasıyla bağlıdır!
Ona etibar edilən bütün işlərdə Zaur Həmzəyev özünü doğruldub. Bizdə hörmətli Zaur Həmzəyevi dövlətimizə, xalqımıza şərəfli xidmətində yeni-yeni uğurlar başarılar diləyirik."
P.P.S. BƏS "BƏY TƏRİFİ"ndən FƏRQLİ OLARAQ REALLIQLAR NECƏDİR?
Orta məktəbi birtəhər başa vuran Zaur Həmzəyev Bakıda xırda-para işlərlə məşğul olur. 2015-ci ildən əmsi M.Həmzəyevin "Azəravtoyol" ASC-yə Maliyyə İdarəsinə rəis təyin olunduqdan sonra Zaurun da "ulduzu" parlayır. Əvvəlcə onu Siyəzən rayonu üzrə Yol İstismar İdarəsinə rəis təyin edirlər ki, bir az təcrübə toplasın. Çünki bu adam reallıqda ali savada malik olmayıb, Heç orta məktəbin 7-ci sinif səviyysində adi kvadrat tənlyi belə həll etmək üçün qabiliyyəti çatmayıb və indi də çatmır. Yol təsərüfatndan isə ümumiyyətlə anlayşı olmayıb. İş yoldaşlarıın dedyinə görə yol infrastrukturunda istfadə edilən ağır və yüngül tonajlı texnikaları belə bir birindən fərqləndirmə bacarığı olmayıb. Amma əmisi Müseyibin onun mmc-nə tez tez ayırdığı milyonlarla vəsaiti malik olduğu "savad və qabiliyətlə" necə gəldi xərcləyib və yaxşıca dolanıb. Onun haqqıda yazlıan "bəy tərifi" yazısında da qeyd edilir ki, "...“Bakı 1 №-li Yol İstismarı” MMC-nin direktoru Zaur Həmzəyev qazilərin, şəhid ailələrinin, veteranların yaxın dostudur. Onların heç bir müraciətini geri çevirməyən Zaur Həmzəyev səlahiyyətləri çərçivəsində hər cür köməklik göstərməyə həmişə hazırdır.
Karantin dövründə də rayonda yaşayan sakinlərin evlərinə ərzaq bağlamaları göndərilmişdir."
Bu yerdə sual olunur: Axı hardandır Zaur Həmzəyevə bu qədər var-dövlət ki, o qazilərə, şəhid ailələrinə, veteranlara hər cür köməklik göstərir? Və yaxud karantn dövründə rayonda ( Siyəzən rayonu nəzərdə tutulur) yaşayan sakinərin evlərinə aylıq ərzaq bağlamaları göndərir? Cavab isə sadədir: Zaur aylıq aldığı 590 manat əməkhaqqıilə təbii ki, nə şəhd və qazi ailələinə, nə də rayon camaatına 2 illik müddətdə ərzaq bağlamalrı göndərə bilməzdi. Deməli, yalnız dövlətdən çırpışdırdığı milyonların bir hissəsini səxavətlik göstərərək xeyriyyəçilik etmişdir. Vəssəlam. Sağ olsun Müseyib əmisi ki, Zaurun "dəyirmanının üyünməsi" üçün onun idarəsinə vaxtı vaxtında vəsaitlər ayırmışır.
Bu səxavətliliyiə görə Zaur 2022-ci ilin fevralın 5-dən daha yüksək vəzifyə təyin olunur. Xaırladaq ki, Zaur Hmzəyvə qədər bu postda AAYDA sədri cənab Saleh Məmmədovun xalası oğlu Şahin Süleymanov 1 saylı Yol İstismar İdarəsinə rəhbərlik edirdi.
Onu Bakı 1 N-li Yol İstismarı" MMC-yə direktor təyin edirlər. Çünki, Siyəzən rayonundan fərqli olaraq Bakı şəhərinin yolları daha çoxdur və bu məqsədlə yolların təmiri və yenidən qurulması, saxlanması üçün AAYDA Maiyyə İdarəsi tərəfindən külli-miqdarda vəsait hazırda sel kimi ayrılır. Bu günlərdə teref.az saytıda Bakı 1 N-li Yol İstismarı" MMC tərəindən pytaxtın Tbilisi prospektində salınan yeni asfalt örtüyündə baş vermiş çoxsaylı çatışmaqzlıqlar barəsində araşdırma yazı getmişdir. Yəni, piyada zolaqlarının yaddan çıxması, səkilərə qanmadan asfalt örtük çəkilərək yola qatılması və s. çaışmazlıqlardan sonra ictimaiyyətdə belə bir təəsürat yarandı ki, Tbilisi prospktindəki belə keyfiyyətsiz asfaltı, yalnız və yalnız dünənə qədər naxırçı işləmiş brisi tərəfindən çəkilə bilərdi.
Gələn saymızda AAYDA Maliyyə İdarəsinin müdiri barəsində pressxeber.info saytında gedən "Müseyib Həmzəyevin uğurlarına kölgə salmaq mümkün olmayacaq!" https://pressxeber.info/gundem/14638-museyib-hmzyevin-ugurlarina-kolg-salmaq-mumkun-olmayacaq.html
başlıqlı yazıda qeyd eilən "BƏY tərifi" barəsində apardığımız araşdırmaları nəzərinizə çatdıracağıq.
İfadetv.com-un araşdırma qrupu
Teref.az olaraq məqalədə qaldırılan iddialarla bağlı qarşı tərəfin fikirlərini dərc etməyə hazırıq!
Teref.az
Asif Əsgərovun oğlunun icarəyə verdiyi “Park Kafe”yə dövlət müfəttişləri niyə yaxın düşə bilmirlər
16 ildən çoxdur ki, müxtəlif rayonlara başçılıq edən Asif Əsgərovun adı mətbuatda korrupsiya, məmur özbaşınalığı, “yaşıl soyqırım”dan başlayaraq seçki saxtakarlığına qədər ən müxtəlif qalmaqallarda hallanıb.
Asif Əsgərov istər Zaqatala, istər Səbail, istərsə də Nəsimi rayonuna rəhbərlik etdiyi dövrdə bsarəsində yer alan neqativ məlumatların əksəriyyəti zaman-zaman ölkə mediasında tirajlanıb. Yeri gəlmişkən, Asif Əsgərovvətəndaşların hamısına “bir gözlə baxır” – onun üçün hamı potensial rüşvət ödəyicisidir. Alim olsun, deputat olsun, sahibkar olsun, adi fəhlə olsun – fərq eləməz, heş kəsə güzəşt edən deyil.
Bir müddət öncə mətbuatda “Regal” MTK tikinti şirkəti tərəfindən evi qanunsuz olaraq uçurulan, buna görə kompensasiya ala bilməyən tibb elmləri üzrə fəlsəfə doktoru, Rusiya Proktoloqlar Cəmiyyətinin, Çexiya Həkimlər Birliyinin və Avropa Endoskopik Cərrahlar Birliyinin üzvü Qafar Bədəlxan oğlu İskəndərovun şikayəti yayıldı. Qafar İskəndərov ölkə rəhbərliyinə ünvanladığı, mətbuatda ictimailəşdirdiyi müraciətində bildirirdi ki, icra başçısı Asif Əsgərovun tikinti şirkətlərinə ayirdığı hər bir sahə üçün 1000 000 (bir milyon) manat, təkcə “Regal” MTK şirkətindən 3 000 000 (üç milyon) manat almışdır. Nəsimi rayonunda isə onlarla bu cür tikinti şirkəti fəaliyyət göstərir…
Asif Əsgərovun ən çox mətbuatda adının çəkiləməsində oğlunun “avtoş”luğunun da böyük rolu olub. Xatırladaq ki, bir neçə il öncə Asif Əsgərov Səbail RİH-nin başçısı vəzifəsində işləyərkən oğlu İlham Əsgərlinin idarə etdiyi 90 AR 819 dövlət nömrə nişanlı “Mersedes” markalı avtomobil 23 yaşlı Əhliman Qəhrəmanovun idarə etdiyi “Howo” markalı yük maşını ilə toqquşmuşdu. Hadisə nəticəsində “MCDonalds” restoranlarının Bakı üzrə rəhbəri Maqsud Mirzəyevin 16 yaşlı oğlu Sənan Mirzəyev Asif Əsgərovun oğlunun avtomobilində dünyasını dəyişmişdi. 2014-cü ilin sonlarında baş vermiş qəzada günahkar olmaqda ittiham edilən icra başçısının oğlu “cəzanın çəkilməsinə mane olan xəstəliyə düçar olmasına görə” məhkəmənin hökmü ilə cəzadan azad edildi. «Howo»nun sürücüsü Əhliman Süleymanov isə 6 il həbs cəzası aldı.
Media üzərindən yayılan xəbərlərə görə, 2019-cu ilin dekabrda keçirilən bələdiyyə, fevralda keçirilən parlament seçkilərində də A.Əsgərovun adı saxtakarlıqlara qarışmışdı. Başçının bəzi namizədlərin nəfinə səfərbər etdiyi adamlar min hoqqadan çıxmışdılar.
Hərçənd, Asif Əsgərov Nərimanov rayonundan legitim seçilən deputat Adil Əliyevə qarşı başqa cür davranmışdı. Deputat Adil Əliyevdin ondan rüşvət istənilməsi barədə iddiası mediada ciddi rezonans doğurdu.
“İcra başçısı var ki, mənim özümdən bir qapının açılması üçün 30 min manat pul istəyir… Bir icra başçısı məndən, millət vəkilindən bir qapının açılması üçün 30 min manat istəyirsə, gör sadə vətəndaşdan nə istəyir?” – deyən millət vəkili Adil Əliyev özünün Salatın Əsgərova 101 ünvanında yerləşən obyektinə əlavə qapı açmaq üçün icra hakimiyyətinə müraciət edib.
İcra başçısı “mənim də xərclərim var, 30 min versin, açsın”– deyə deputata ismarıc göndərmişdi. Qeyd edək ki, Salatın Əsgərova küçəsi isə əsasən Nəsimi rayonunun ərazisidir.
Asif Əsgərovun adının ən çox hallanmasına digər səbəb isə Nəsimi rayonunda yaşıllıqların məhvi ilə gündəmə gəlmiş icra başçısı olmasıdır. Belə ki, rayonun bir çox ərazilərindəki ağaclar mütəmadi kəsilir və yerində müxtəlif mərtəbəli binalar, digər təyinatlı obyektlər inşa olunur. Bunun üçün ilk növbədə ərazilər hasara alınır və az sonra da lazımi addımlar atılır. Diqqətlə baxdıqda onu müəyyən etmək olur ki, bu gün rayonun ərazisindəki yaşıllıqlardan heç bir əsər-əlamət qalmayıb. Paytaxtın ən yaşıl rayonlarından olan Nəsimidə məhəllərlərdə olan ağaclar məhv edilərək yeri baha qiymətlərlə satışa çıxarıldı. Redaksiyamıza bu barədə bu günlərdə məlumat daxil olmuşdur. Həmin məlumatı araşdırmaq məqsədilə çəkiliş qrupumuz qeyd olunan ünvanlarda olmuş, faktları video-görüntüyə almışdır.
Belə ki, Moskva prospektində ünvanı bəlli binanın qarşısındakı yer satılıb, oradakı ağaclar inşaat işlərinin görülməsi üçün quraşdırılan qurğunun altında qalıb. Görünən odur ki, təcili müdaxilə olmasa, ağaclar məhv ediləcək.
Başqa bir ünvanda - Asif Məhərrəmov küçəsi 74-də fəaliyyət göstərən “Park – Kafe”ni başçının “qəhrəman” oğlu arendaya verib. Obyekt vergidən yayınır, sanitar-gigiyena qaydalarına əməl etmir, başqa çoxsaylı qanun pozuntuları ilə işləyir. Asif Ədgərov əlindəki təsir rıçaqlarından istifadə edərək, kafeyə heç bir nəzarətedici orqanın – vergi xidmətinin, dövlət əmək müfəttişliyinin nümayəndələrinin yaxın düşməsinə qadağa qoyub.
Bütün bu sadalanan neqativ hallara rəvac verdiyinə görə hər dəfə DTX və digər hüquq-mühafizə orqanlarının korrupsioner, öz əməlləri ilə dövlətə, xalqa və cənab prezidentə qarşı xəyanət içində olan məmurlara, icra başçılarına qarşı əməliyyatlarını görəndə Nəsimi rayon sakinlərinin yadına İcra Hakimiyyətinin başçısı Asif Əsgərov düşür.
Nyus.Az