2019 -cu ildə Ağstafa rayonunda yerli özünü- idarəetmə orqanı bələdiyyələrə seçkilər keçirilən zaman həyata keçirilən qanun pozuntularının fəsadları özünü göstərməkdədir. Belə ki,o zaman rayon rəhbərliyində təmsil olunan bir sıra vəzifəli şəxslərin korporativ maraqlarından irəli gələn bir şəkildə seçkiyə müdaxilə,baxça müdirəsinin,məktəb direktorunun,idarə rəisinin,yaxınlarının vəs. həm də bələdiyyəyə üzv "seçilməsinə" səbəb olub. Faktinfo.az bildirir ki,burada məqsəd birinci halda həmin vəzifəli şəxslərdən pul almaq,ikinci halda ediləcək qanun pozuntularından kimsənin xəbərdar olmamasını təminat altına almaq ola bilərdi.Belə də, AĞISTAFA şəhəri və onun kəndlərində istədikləri şəxsi seçki qutusundan çıxara biliblər.Amma RİH-dəki həmin vəzifəli şəxslər irəliləyən aylarda onları nələrin gözləyəcəyini proqnozlaşdıra bilməyiblər. Ağstafa RİH-in birinci müavini həbs olunub,Ərazi idarəetmə və yerli özünüidarəetmə orqanları ilə iş şöbəsinin müdiri Şaiq Qurbanov adında birisi də işindən "tullanılıb".
Əlqərəz, bu özfaliyyətlərə qurban verilən seçki prossesindən karlı çıxanlar,bələdiyyə inistitutunun formalaşmasına maneə olanlar kənarda qalıb,fəsadlarını bu gün də aradan qaldırmaq mümkün olmayan kəndlərdə əziyyətə salınan, bələdiyyəsiz qalan kasıb zümrə olub.
Hazırda Ağstafanın bir sıra kəndlərində olduğu kimi Qıraq Kəsəmən kəndində də bələdiyyə sədri olmaq istəyən yoxdur,kənd bir neçə ildir əziyyətlidir.İcarə müqaviləsi imzalamaq istəyən şəxslər,yaranan zəruri hallarda bələdiyəyə müraciət etməli insanlar,onlarla problem vəs. barədə kimə üz tutacaqlarını bilmirlər.Apardığımız araşdırmadan bəlli olur ki,"rəsmiyyət" üçün də olsa RİH-in bələdiyyələrə aid siyahısında Yaqubəliyev Ramel Yaqubəli oğlunun adı hələ də saxlanılır.
Beləliklə peçatı,ştampı illərlə onun-bunun,RİH rəsmilərinin cibində gəzən Qıraq Kəsəmən kənd bələdiyyəsi formal xarakter daşıyıb, "papka" funksiyasından o yana keçməyib.Yəni "fatı dur, fatı otur" qədər iryənc şəkil alıb.
Həmçinin,kənd bələdiyyəsinin balansında olan torpaqlar aidiyyatı oldu-olmadı rəsmiləşdirilərək satılıb.Odur ki,Ağstafanın istənilən ərazisində olduğu kimi,Qıraq Kəsəmən kəndində də bələdiyyənin balansında olan torpaqların "icarə müqaviləsi" əsasında kimlərə verildiyi,hansı illərə rəsmiləşdirildiyi təftiş edilməlidir.
Bəlkə bu halda gələcəkdə kənddə bələdiyyələrə seçkilər normal keçirilə,bələdiyyə üzvüləri də istədikləri şəxsi bələdiyyə sədri seçə.Nəticədə,Qıraq Kəsəmən kəndində də bələdiyyənin görməli olan bir sıra problemlərdən bir qismi, heç olmasa həllini tapa.
Bu gün Sumqayıtda yerləşən Abşeron-Xızı Regional Təhsil İdarəsinin Məhəmməd Bayramov adlı işçisi yol nəqliyyat hadisəsi törədib.O idarə etdiyi avtomobillə velosipedçini vuraraq hadisə yerindən yayınıb və çox keçmədən Sumqayıt polisinin çevikliyi nəticəsində yaxalanıb.Polis Məhəmməd Bayramovu həbs edən zaman o polisə müqavimət göstərərək,orada olan şəxslərə ciddi xəsarət yetirib və hadisə yerindən qaçıb.Daha sonra təşkil olunmuş əməliyyat-axtarış nəticəsində Məhəmməd Bayramovu həbs etmək mümkün olub.Daha sonra o məhkəmə qarşısına çıxarılaraq 10 sutka azadlıqdan məhrum edilib.Sonda Elm və Təhsil Naziri Emin Əmrullayevin və Abşeron-Xızı Regional Təhsil İdarəsinin müdiri İlhamə Abdullayevanın nəzərinə çatdırmaq istəyirik ki,cinayətkar şəxslərin təhsil şöbəsində məsul vəzifə daşıması yolverilməzdir. Araşdırmamız davam edir.Mövzu diqqətimizdədir.
Naxçıvanın Maliyyə naziri Rafael Əliyev özünü Azərbaycanın Baş naziri Əli Əsədovdan və Maliyyə naziri Samir Şərifovdan qat-qat ağıllı sayırmış.
Ovqat.com-un məlumatına görə, Rafael Əliyev bunu şəxsən özü ehtiyatda olan hərbçilərlə söhbətində deyib.
Nazir təvazökar olar, Rafael Əliyev də nazirdir və o, elə söz söyləməz, deməyin. Ehtiyatda olan hərbçilərdən biri redaksiyamıza göndərdiyi şikayət məktubunda belə bir iddia ilə çıxış edib. İnanmırsınızsa, buyurun, şikayət məktubu ilə siz də tanış olun.
“Salam, Heydər bəy, Necəsiniz?
İlk öncə sizdən adımın anonim qalmasını xahiş edirəm. Mən sizə Naxçıvanda ehtiyatda olan hərbiçilər adından yazıram.
Biz ehtiyata buraxılandan sonra, Nazirlər Kabinetinin təsdiq etdiyi qərara əsasən, bir neçə il kirayə pulumuzu aldıq. Təzə Maliyyə naziri gələndən sonra isə bizim kirayə pullarını kəsdi və dedi ki, sizə düşmür. Biz soruşdu ki, bəs Azərbaycanın bütün bölgələrində ehtiyata buraxılmış zabitlərə kirayə pulu verirlər. Bu qərar niyə bizə gələndə qüvvədən düşür? Nazir cavab verdi ki, Bakıdakıların ağlı çatmır, ona görə ehtiyatda olan zabitlərə kirayə pulu verirlər. Yəni Naxçıvanın bu dılğır naziri guya Azərbaycanın Baş Nazirindən, Maliyyə Nazirindən daha ağıllıdır. Sonra niyə özünü hamıdan ağıllı saydığı ortaya çıxdı. Bizim pulları yeməklə özünə elə böyük villalar tikdirdi ki, gəl görəsən.
Cənab Ali Baş Komandanın əmri var ki, 20 il qüsursuz xidmət edən hərbi qulluqçu ya mənzillə, ya da kirayə pulu ilə təmin edilsin. Rafael Əliyev isə sanki bizə qənim kəsilib. Kimə müraciət etdik, bizim şikayətimizə baxmadı. Naxçıvanın məhkəmə sistemi sizin haqlı olaraq “Gestapo Cəlil” adlandırdığınız, Ali Məclisin Hüquq şöbəsinin müdiri Cəlil Rüstəmovun əlindədir. Görünən budur ki, “Gestapo” Cəlil də Rafael Əliyevin cibindədir. Məhkəmələrə, birbaşa Cəlil Rüstəmova çoxsaylı müraciət etməyimizə baxmayaraq, heç biri bizim problemimiz həll olunmadı. Bizə dedilər, gedin işinizlə məşğul olun. Sizdən xahişim budur ki Naxçıvanda ehtiyatda olan hərbi qulluqçuların məsələsini işıqlandırasınız, bizi bu Rafaelin əlindən qurtarasınız. Onun adının arxasına “müəllim” yarlığı yapışdırmağa da əlim və dilim gəlmir”.
Qeyd edək ki, Azərbaycanın Baş naziri Əli Əsədov da, Maliyyə naziri Samir Şərifov da öz vəzifələrindədir. Özünü onlardan qat-qat ağıllı sayan Rafael Əliyev isə hər gün Naxçıvanda sorğu-suala çəkilir. İddialara görə, sorğu-sual başlamamış Naxçıvan MR Maliyyə Nazirliyinin binasına təcili yardım maşın gəlir və iş vaxtı bitənə qədər orda dayanır. Çünki Naxçıvanın ən ağıllı nazirinin gündəlik sorğu zamanı bir neçə dəfə ürəktutması tutur. Ürəktutmasının ağla nə qədər dəxli olub-olmadığına isə, buyurun, siz qərar verin.
Ağstafa rayon Mərkəzi Xəstəxanası Publik Hüquqi Şəxs"ə zamanla Ramin Bayramlının təyin etdiyi, hazırkı TƏBİB rəhbərliyinin də işlətdiyi İlham Sofiyev orada yaxşılığa doğru heç nəyi dəyişməyib. Belə demək mümkündüsə "Ağstafa rayon Mərkəzi Xəstəxanası Publik Hüquqi Şəxs" Allahın ümüdünə buraxılıb, İlham Sofiyev və başına yığdığı həkimlərə orada vaxt keçirməyə zaman tanınıb.
Qeyd edək ki,Faktinfo.az saytı bir müddət əvvəl Rayon Mərkəzi Xəstəxanası Publik Hüquqi Şəxs" in təcili yardım şöbəsində dözülməz vəziyyətlə bağlı yazmışdı.Arasından müəyyən müddət keçməsinə baxmayaraq xəstəxanada vəziyyət nəinki dəyişib,əksnə həkimlər arasında olan münasibətlərə də xələl gətirilib,bir sıra həkimlər narazı salınıb.
Artıq xəstəxanada işləyən əksəriyyət həkim və tibbi personal İlham Sofiyevin bu səhiyyə müəissəsinə rəhbərlik etməsinə açıq və ya gizli şəkildə narazılıq edir,onun xəstəxanada baş həkim kimi qalmasında bir başa TƏBİB rəhbərliyini günahlandırır. Məsələn,"Ağstafa rayon Mərkəzi Xəstəxanası Publik Hüquqi Şəxs"ə rəhbərlik edən baş həkim İlham Sofiyevdən TƏBİB rəhbərliyinə şikayət edən həkim Məmmədova Əfsanə Rəfil qızına verilən cavabda bildirilir:"Sizin İcbari Tibbi Sğorta üzrə Dövlət Agentliyinə ünvanladığınız elektron müraciətlərə aidiyyatı üzrə TƏBİB tərəfindən baxılmışdır.Şikayətinizə əsasən "Ağstafa rayon Mərkəzi Xəstəxanası" Publik Hüquqi Şəxsə göndərilən sorğuya cavab olaraq bildiririk ki,xəstəxana haqqında qeyd etdiyiniz məlumatların həqiqəti əks etdirmədiyi bildirilmişdir.
Qısası həkim Məmmədova Əfsanə Rəfil qızı Ağstafa rayon Mərkəzi Xəstəxanasının baş həkimindən yuxarı instansiya TƏBİB-ə şikayət edir,TƏBİB isə sözü gedən xəstəxananın rəhbərindən şikayət edən həkim barədə soruşur və ona baş həkimi qane edən məktub ünvanlayır.Sizcə, bu şəkildə idarəçilik və himayəçiliklə TƏBİB qarşısına qoyulan məqsədləri doğrulda bilərmi?!
Adam baş həkimdən şikayət edir,yerində araşdırma aparmadan baş həkimə sorğu verilir və şikayətçiyə "Bildiririk ki,hər hansı hüquqpozma ilə əlaqədar yalnız təsdiqedici sənədlər təqdim edildiyi halda müraciətə hüquqi qiymət verilməsi mümkün olacaqdır" şəklində cavab verilir.
“Son illər Təhsil naziri vəzifəsini daşıyan şəxslər bir neçə dəfə dəyişsə də, ondan aşağı vəzifədə olan «köhnə qurdlar» uzun illərdir ki, dəyişməz olaraq qalır və məktəblərdə rəhbər vəzifələrə özlərinin qohumlarını yerləşdirir, sonra isə onlardan casus kimi istifadə edərək, öz planları yolunda maneə hesab etdikləri dürüst adamların quyusunu qazır, şərləyir, vəzifədən kənarlaşdırırlar ki, digər qohumlarını da yerləşdirsinlər. Təhsil Nazirliyində yüksək vəzifədə olan Rauf Orucov və keçmiş 1 sayli Ərazi Maliyyə İdarəsinin rəisi Elxan Süleymanov Masazır 4 N-li tam orta məktəbin yuxari siniflər üzrə direktor müavini vəzifəsinə təyin etdirdiyi səriştəsiz şəxsin məktəbi nə vəziyyətə salmağından ya xəbəri yoxdur, ya da bilə-bilə dəstəkləyir. Layiq olmadıqları mühüm vəzifələri zəbt eləmiş bu şəxslər cənab nazir Emin Əmrullayevin təhsildə həyata keçirdiyi inkişafa yönəlik islahatların gedişinə, tədris prosesinin pozulmağına şərait yaradırlar”.
Etibarlı mənbədən Dəryaz qəzetinin redaksiyasına daxil olan məlumata görə, yuxarı siniflər üzrə direktor müavini Həlimova Cəhanə və təşkilatçı Zəminə İbrahimova dərsə gəlməyən şagirdlərə “qayıb” yazdığına görə şagirdləri və valideynləri hərbi rəhbər Əliyev Adil müəllimin üzünə qaldırır, məktəbdə təxribat törədir, tədrisə maneə olurlar: “Qayıblərə görə birbaşa hər iki müavin cavabdeh olduğuna görə məsuliyyəti boyunlarından atmaq üçün Adil müəllimi şərləyib, aktlaşdırıb ona töhmət veriblər. Cəhanənin nazirlikdəki qohumu Maliyyə Şöbəsinin müdiri Rauf Orucov direktor əvəzi Fəxriyyə Hüseynovaya təzyiq göstərdiyindən, məktəbi birbaşa Cəhanə Həlimova öz bildiyi kimi idarə edir. Direktor əvəzi üçün Cəhanə Həlimovanın sözü qanundur. Heç yerdə müəllim işləməyən, tədrisdən başı çıxmayan Cəhanə, Əmək Məcəlləsinin tələblərini pozaraq, bir günə müəllimlərə maksimum 8 saatdan artıq dərs verilməsi mümkün olmadığı halda, onlara 9-10 saat dərs vermişdir. Bu yolla Cəhanə müəllimlərin “hörmətini” qazanıb direktor olmaq istəyir. Həftədə II gün Sübhi İlyasov 9 saat ingilis dili, IV gün yenə Sübhi müəllim 9 saat, III gün A.Gülər müəllimə 10 saat, VI gün Ramil müəllim 9 saat və s”. Mənbənin redaksiyaya təqdim etdiyi cədvəllər maraq doğurur: “Cəhanə Həlimova tərəfindən direktor əvəzi Fəxriyyə müəlliməyə təqdim olunmuş orijinal “excell” proqramı ilə yazılmış cədvəldir. Stolunun üstündəki kağız cədvəl isə pozanlı qələmlə yazılmış, yoxlama gələndən gələnə dəyişilən cədvəldir. Azərbaycan bölməsi müəllimlərindən Ətirnaz və Məmmədova Günelə rus bölməsinin ingilis dili dərslərini vermişdir. İbtidai azərbaycan bölməsində xarici dil bölünmə dərslərini ləğv edib, rus bölməsində isə saxlayıblar. Sentyabr və oktyabr ayları həmin müəllimlər dərs keçmiş, oların əmək haqqlarını ödəməmislər və rus bolməsində ingilis dili bölünməsini ləğv etmişlər. Ancaq öz xeyrinə işləyən müavin müəllimlərin cədvəlini maksimum saatlarla və həddi aşan saatlarla yığdığından bütün ibtidai siniflərdə ləğv edib, əksinə, davamiyyəti cox aşağı olan 9-10-11-ci siniflərdə saxlamısdır. Məktəbin müəllimləri bu məsələyə görə bir neçə dəfə regional idarəyə müraciət etmişlər. Buna bəhanə olaraq bölünmə otaqlarının balaca olduğunu gostərir. Lakin cədvəli qanunla düzgün formada qursayd, siniflərdə bölünmə dərsləri keçilərdi. Dövlətin məktəbə verdiyi linqafon otağının isə bəxti açılmır, daima qapısı qıfıldadır, Onu gəlin cehizi kimi qoruyub saxlayırlar. Halbuki, dövlətimiz xarici dil dərslərini linqafonlarla dinləmə dərslərinin tədrisi üçün əyani vəsait kimi təmənnasız vermişdir.
Cəhanə Həlimovanı dəstəkləyən təşkilatçı İbrahimova Zəminə rayon məktəblərinin birində staj hesablanmaqdan ötrü adını yazdırmış, hətta keçmiş məktəbinin sistemində adı belə yoxdur, əmək tarixçəsində 9 il fasiləsi var. Hər iki müavinin 2 ədəd töhməti var. Həlimova Cəhanə Masazır 4N-li məktəbə gəlməkdən ötrü məktəbdə bir sıra problemlər yaratmış, onun gəlişi bir il ləngisə də, gəldikdən sonra əsl tufan-qasırğa qoparmışdır. Direktor vəzifəsinə keçməkdən ötrü məktəbin əvvəlki direktoru Roza Məmmədovaya qarşı plan quraraq, onu “peşəkarlıqla” yola salmışdır”. Mənbə həmçinin bildirir ki, hər dəfə adları çəkilən şəxslərin vəzifədən kənarlaşdırılması məsələsi aktuallaşanda Nazirliyin Maliyyə Şöbəsinin müdiri Rauf Orucov direktor əvəzlərinə təzyiq göstərərək, qohumlarını işdə saxlamağa nail olur: “Hətta direktor əvəzi vəzifəsini Elşən Qurbanov icra etdiyi vaxtda hər iki direktor müavininin işdən çıxarılması əmri gəlibmiş, amma Elşən Qurbanovu onların barəsində müsbət rəy yazmağa vadar etdilər. Rus sektoru üzrə direktor müavini Ofeliya Balakən məktəbindən Əmək Məcəlləsinin “70 ç” maddəsi ilə qovulan adamdır, onun iki əmək kitabçası var. Bu məsələlər ciddi araşdırılmalıdır”.
Mövzuya qayıdacağıq.
P.S. Faktların nə dərəcədə doğru olub olmadığını öyrənmək üçün məktəbin rəhbərliyinə müraciət etsək də, bildirdilər ki, suallarınızı ancaq Regional Təhsil İdarəsinə verə bilərsiniz. Bu idarənin rəhbərliyinə ünvanladığımız rəsmi sorğu məktubuna isə aylardır cavab verən yoxdur
Azərbaycan Ağsaqqallar Şurasının sədr müavini, iş adamı Yusifov Bayram Məmməd oğlu başqa bir iş adamını aldatmaq və qanunsuz təzyiqlər etmək nəticəsində külli miqdarda əmlak əldə etməsi haqda məlumat vermişdik.
Xatırladaq ki, Bayram Yusifov hələ 2015-2016-cı illərdə guya Nofəl Hacıyev adlı şəxsə 1.500.000 (bir milyon beş yüz min) manat pul verdiyini iddia edərək, Xırdalan şəhərində, Bakı-Quba magistralının 14-cü kilometrliyinin qərb tərəfində yerləşən “Çinar AN” MTK-ya məxsus yaşayış binalarından 25 mənzil və 1000 kv. metrdən artıq qeyri-yaşayış sahəsinin qanunsuz olaraq öz adına rəsmiləşdirilməsinə nail olub. Halbuki, həmin mənzillər və qeyri-yaşayış sahəsi 2013 və 2014-cü illərdə qanuni şəkildə müxtəlif vətəndaşlara satılıb. Əslində isə Nofəl Hacıyevin rəsmi olaraq “Çinar AN” MTK-ya heç bir bağlılığı yoxdur. O, MTK-da nə payçı, nə də sədr olmayıb, bununla da mənzil satmaq, müqavilə bağlamaq səlahiyyətlərinə də malik olmayıb. Mənbə bildirid ki, Bayram Yusifov Nofəl Hacıyevi aldadıb, müqavilələrin sadəcə olaraq, sığorta üçün girov kimi verilməsini tələb edib, lakin verdiyi pulu aldıqdan sonra həmin 25 mənzili və qeyri-yaşayış sahələsni də mənimsəyərək sahiblənmək üçün “Çinar AN” MTK-ya qarşı iddia ilə Abşeron rayon Məhkəməsinə müraciət edib. (daha ətraflı BURADAN tanış ola bilərsiniz). İş üzrə AFN.az-a danışan mənbə yeni detallar verib. Məlum olub ki, B.Yusifov saxta yolla aldığı mənzillərdən 32-sini artıq Şakir Göyüşov adlı şəxs (onun haqqında bir qədər sonra məlumat verəcəyik-red.) vasitəsilə satıb. Qalan 25 mənzil və 1000 kv.m qeyri-yaşayış sahəsini özününküləşdirmək üçün isə məhkəməyə müraciət edib: “O, 2013-2014-cü illərdə həmin mənzilləri qanuni yolla alan vətəndaşlara problem yaratmaqdan çəkinmir. Hətta açıq-aşkar bildirir ki, məhkəmələrə təzyiqlər edəcək və işi öz xeyrinə həll edəcək. Özünün Respublika Ağsaqqallar Şurasındakı vəzifəsindən istifadə edir və bunu da gizlətmir”. Mənbə bildirir ki, B.Yusifov bütün bu əməlləri təkbaşına etmir. Onu bu işlərdə dəstəkləyən şəxs Avşarov Rza Muxtar oğludur. R.Avşarov xalq rəssamıdır. O, xalq artisti Muxtar Avşarovun oğludur. R.Avşarovun (onun da arxasında yüksək vəzifəli şəxslərin dayandığı bildirilir-red.) dəstəyinə arxalanan B.Yusifov ələ keçirdiyi başqa bir şirkəti – “Təbriz” MTK-nı da “Çinar AN” MTK-nın vəziyyətinə salıb: “Ayna Sultanova heykəlinin yaxınlığında Nofəl Hacıyevə aid olan 1 bloklu binanın tikintisinin tamamlanmamasına səbəb B.Yusifovun yol verdiyi qanunsuz əməllərdir. Belə ki, vaxtilə həmin ərazidə “Təbriz” MTK-ya məxsus 4 bina tikilməli idi, 3-ü tikilib, 1-nin tikintisinə isə “Cıdır düzü”nun barısına yaxın olduğu üçün Dövlət Sərhəd Xidmətinin rəisi Elçin Quliyev icazə verməyib. Bu icazəni B.Yusifov R.Avşarov vasitəsilə təmin edib. Onun qarşılığında N.Hacıyev onlara “Təbriz” MTK-ya məxsus binanın 12-ci mərtəbəsindən 716 kv.m-lik 7 mənzil, 7-ci mərtəbəsindən isə 92 kv.m-lik 1 mənzil verib. Onlar ümumilikdə “Təbriz” MTK-dan 38 evi alıblar. Hansı ki, həmin mənzillər əvvəlcədən başqalarına qanuni yolla satılıb. Sonradan həmin vətəndaşların iddiası əsasında N.Hacıyev həbs edilib. Beləliklə, B.Yusifovun N.Hacıyevə etdiyi təzyiqlər nəticəsində daha bir bina tikilməmiş qalıb. “Təbriz” MTK-ya dəyən zərər ümumilikdə 8 550 000 manat hesablanır. Yəni 38 mənzil orta hesabla 150 kv.m-dan ümumilikdə 5700 kv.m edir ki, onun da 1500 manatdan dəyəri 8,5 milyon manatdan artıq edir. “Çinar AN” MTK-ya dəyən 4 580 000 manat (4400 kv.m mənzil – 3080000 manat, 1000 kv.m qeyri-yaşayış sahəsi – 1 500 000 manat) zərəri də üzərinə gəldikdə ümumilikdə iki iş adamına 13 130 000 manat ziyan deməkdir. Yəni Ağsaqqallar Şurasının sədr müavini, özü də iş adamı olan B.Yusifov biznesini belə “böyüdür”.
Yuxarıda qeyd etmişdik ki, B.Yusifov qanunsuz yolla əldə etdiyi mənzilləri Ş.Göyüşov adlı şəxs vasitəsilə satır. Araşdırmalar göstərir ki, B.Yusifovun yanında olan bu şəxs də qalmaqallı adamdır. Belə ki, bir neçə il öncə onun haqqında mediada ciddi ittihamlar özünə yer alıb. “Azadlıq” qəzetində Ümumrusiya Azərbaycanlıları Konqresinin Ulyanovsk vilayəti şöbəsinin sədri Islam Hüseynovla bağlı iddialar yazılıb və haqqında yazılanlara münasibət bildirən İ.Hüseynov Ş.Göyüşovun adını hallandırıb. O bildirir ki, Şakir Göyüşov bütün pullarını kartda uduzub indi hamını təhdidlə məşğuldur: “Bircə istəyi də odur ki, təki hardansa pul əldə etsin”. B.Yusifovun məhz belə bir adamla əlbir olması təəccüb doğurmaya bilməz. Axı o, Azərbaycan Ağsaqqallar Şurasını təmsil edir. İstər əvvəlki yazılarda, istərsə də bu yazıda qeyd edilənlərlə bağlı mövqe almaq üçün B.Yusifova etdiyimiz zəng cavabsız qaldı. R.Avşarovun Azərbaycan Rəssamlar İttifaqından verilən, Ş.Göyüşovun isə şikayətçi tərəfindən bizə təqdim edilən nömrəsinə zəng çatmadı. Hər bir halda yazıda adları çəkilən hər bir şəxsin mövqeyini verməyə hazırıq. //reportyor.info//
"Azərbaycan Reallığı"na video müraciət edən valideyn bildirir ki, 159 saylı tam orta məktəbdə onlardan rüşvət tələb olnur, maddi vəsaitləri olmadığı təqbirdə uşaqları dərsdə saxlanılır və yaxud da müxtəlif yollarla onlara əngəllər yaradılır.
Sözügedən məktəbin qarşısında video açıqlama verən valdeyinlər bildirir ki, rüşvətin başında məktəbin direktoru və onun bir neçə müəllim əlaltıları dayanır, bu məktəbdə 500-1000 manat rüşvət verən var, burada oxuyan şagirdin cibində gərək hər gün 50 manat olsun, şikayətçi valdeyinlər məktəbə rüşvət verən şagirdlərin də siyahsın təqdim edib, daha sonra valdeyinlər üzlərini təhsil nazirinə və digər güc sturukturlarına tutaraq kömək istəyiblər. "Azərbaycan Reallığı"
Tanınmış jurnalist Məhəmmədəli Qəribli Gəncə şəhəri Ədliyyə Nazirliyi Regional İcra xidmətinin keçmiş rəisi Nizami Qocayev haqqında maraqlı məlumat yayıb. DİA.AZ JAMAZ.İNFO-ya istinadla xəbər verir ki, jurnalist bildirib ki, Qocayev Bakıdakı maşın parklanma yerlərindən qanunsuz olaraq pul yığmaqla məşğuldur.
O qeyd edib ki, hazırda təqaüddə olan sözügedən şəxs bunun üçün MMC yaradıb və yığılan bütün pullar da həmin hesaba köçürülür. “Ona görə qanunsuz deyirəm ki, Bakı şəhərinin bütün park yerləri Azərbaycan Respublikası Prezidentinin 2 aprel 2018-ci il tarixli 1902 saylı fərmanı əsasında Bakı Nəqliyyat Agentliyinin balansına verilib. Bakı Nəqliyyat Agentliyi tərəfindən küçələrdə müvafiq tarif müəyyən edilənə qədər parklamanın ödənişsiz olmasına dair müxtəlif məlumatlandırıcı lövhələr yerləşdirilməsinə baxmayaraq, yenə də sürücülərdən ödəniş tələb olunur. Bu da, böyük məbləğdə ödənişlərin büdcədən yayınmasına səbəb olur”.
Məhəmmədəli Qəribli yazır ki, artıq 5 ildir ki, şəhərdə qanunsuz avtoparkinq xidməti göstərdiyi iddia olunan “Çinar Avtoparkinq” MMC-nin sahibi kimi Vergilər Nazirliyinin informasiya bazasında (VÖEN 1306356451) Qocayev Nizamı Mehralı oğlunun adı göstərilir. “Bu azmış kimi, parklanma yerlərinə pul yığmaq üçün təyin etdikləri adamlara çox insafsız plan qoyurlar. Bir balaca yerdən günə 50-60 manat pul tələb edirlər”.
O misal olaraq oğlu və həyat yoldaşı onkoloji xəstə olan şəxslərdən birinin dediklərini də qələmə alıb. “Həmin kişi deyir ki, planı ödəyəndən sonra ona evə aparmağa heç nə qalmır. Ailənin yeganə qazanc gətirəni də odur. Adam məcbur qalıb Mehriban Əliyevaya şikayət yazıb. Özünün dediyinə görə, onu Nərimanovda qəbul ediblər və deyiblər ki, get, bundan sonra heç kimə ödəniş etmə, ailəni dolandır. Kişi sevincək gəlib, iki gün özünə işləyəndən sonra, Nizami Qocayevin pul toplayan qocu dəstəsinin üzvü olan Səbuhi adlı şəxs gətirib ora iki – üç nəfər danışa bilməyən (lal )adamları qoyub və deyib ki, bundan sonra ərazidə pulu onlar yığacaq. Kişi məcbur qalıb əvvəlki şərtlə razılaşıb. Amma qoçular bununla kifayətlənməyib, zavallı kişinin gündəlik planını 42 manatdan 50 manata qaldırıblar. İndi kişi qorxusundan deyir ki, bala, adımı heç yerdə çəkmə. bu dəfə gəlib məni döyərlər”.
Jurnalist apardığı araşdırma nəticəsində müəyyən edib ki, Nizami Qocayev bu fəaliyyəti yerli bələdiyyələrlə əlbir olaraq həyata keçirir. “Yığılan puldan onların büdcəsinə kiçik həcmdə pul ödəməklə Prezident Fərmanı ilə daban-dabana zidd olan fəaliyyətini güya “leqallaşdırdığını” zənn edir”.
Nizami Qocayevin də mövqeyini dərc etməyə hazırıq.
Biz bir media qurumu olaraq mətbuatın yazdığı araşdırma yazılarına fərqli prizmadan yanaşmaq, problemlərə mütəxəssis gözü ilə baxmaq qərarına gəldik. Yəni yazılardakı məişət məsələlərini kənara qoyub, sırf analitik münasibət sərgiləmək. Beləcə bu yazmızda Ziraat Bankda baş verənlərə, bankın İdarə heyətinin sədri Səlcuq Dəmirin əməllərinə yenidən nəzər salacağıq. Yuxarıda qeyd etdiyimiz kimi, loru dillə desək, kimsənin necə yatıb, necə durması bizim üçün önəmli deyil. Əsas onun fəaliyyət sahəsidir. Məlumat üçün qeyd edək ki, 2021-ci ilin 20 iyun tarixində bankda ciddi kadr dəyişikliyi baş verib və Səlçuk Demir bankın İdarə Heyətinin Sədri vəzifəsinə təyin edilib. Haqqında yazılanlardan bəlli olduğu kimi Səlcuq Dəmir bankı sanki özünün şəxsi “obyekti”nə çevirib. Belə ki, Səlcuq Dəmir siqaret, gündəlik yeyib-içmək pulundan tutmuş ailəsinin xərclərinə qədər hamısını bankın hesabına ödəyir. Yuxarıda qeyd etdiyimiz kimi Səlcuq Dəmirin bahalı ziyafətləri, yatıb-durmağ ilə bağlı yazmırıq. Bəli, biz Səlcuq Dəmirin özəl həyatı barədə yazmırıq, amma proqramist Sadiq Axundovun vasitəsilə bankın proqram təminatları üçün yüz minlərlə vəsaiti mənimsəməsini yazmaya bilmərik... Yaxud bu yaxınlarda bankın konfrans zalı üçün 10 min manat dəyərində olan manitoru 40 min manata sənədləşdirməsini necə yazmayaq..? Səlcuq Dəmir öz şəxsi geyimləri üçün lazım olan kimyəvi təmizləmə maddələrinə 3 min manat pulu bankın hesabından silib. Və bu pulu qonaqların ziyafət xərci kimi “oformit” edib. Ən dəhşətlisi odur ki, Səlcuq Dəmir müxtəlif toplantılarda müxtəlif şəxslərin barəsində hər cürə hədyanlar, rüsvayçı sözlər danışır, hətta həddini aşaraq Azərbaycan xalqının ünvanına təhqiramiz, aşağılayıcı sözlər işlədir. Azərbaycanda pullar qazanır, 650 manata başının altına qoymağa yastıq alır və sonda bizi təhqir edir. “Ziraat Bank”ın sədri Səlcuq Dəmir iclasda deyir ki, 44 günlük müharibəni azərilər deyil, biz udmuşuq.... Səlcuq Dəmir iclasda üzünü içşilərə tutaraq deyib ki, sizlər satqınsınız, kimlərləsə gizli əlaqəyə girərək bu məlumatları mediaya sizlər çatdırmısınız... Deyəsən bu adamın başının DƏMİR YUMRUĞU çatmır ee... Nə isə, yəqin ki, qardaş Türkiyənin Bakıdakı səfirliyi Səlcuq Dəmir kimilərlə məşğul olacaq. İndi isə Səlcuq Dəmirlə bağlı ən yeni xəbərlərə nəzər salaq. Məlumdur ki, "Ziraat Bank"da aparılan son araşdırmalar zamanı Baş Prokurorluq yanında Korrupsiyaya qarşı Mübarizə İdarəsində banka qarşı 300 min manat mənimsəmə ilə bağlı cinayət işi başlanılıb. Maraqlıdır ki, bankdakı yeyintilər, mənimsəmələr nə üçün dövlətdən gizlədilir..? Görəsən, 300 minlik yeyinti, Bankın hesabına alınanların hesabı Səlcuq Dəmirdən sorulacaqmı..? Çox maraqlıdır ki, Türkiyədəki hakim AK partiya islami həyat tərzinə üstünlük verir, spirtli içkiyə, əyyaşlığa qarşıdır. Amma Səlcuq Dəmirin həyat tərzinə nəzər salmaq çox vacibdir. Bəli, onun içdiyi rakilərin pulu Ziraat bankın hesabından ödənilir. Buradan Səlcuq Dəmiri məlumatlandırırıq ki, bankın mühasibatlığında olan çekləri dəyişməyin, saxtakarlığa yol verməyin. Bankın daxilindəki etibarlı mənbəmiz onu da qeyd edir ki, əgər mənə də göstəriş versələr ki, mühasibatlıq sənədlərini dəyişdirm, mən onu etməyə bilmərəm. Çünki əks halda işimi itirməli olacam. Səlcuq Dəmir bütün sərhədləri keçərək bizimlə çörək-əkmək söhbəti edir, anlamır ki, bizdə çörəyin mərtəbəsi çox yüksəkdir. Səlcuq Dəmir deyir ki, mən azərilərə əkmək parası verirəm, amma onlar bizm sirrlərimizi yayırlar, gedib orada-burada bizim əleyhimizə danışırlar. Özünü toxunulmaz hesab edən bank rəhbəri hətta bəzi məclislərdə deyir ki, mən Azərbaycanda hər bir addımı ata bilərəm, istədiyimi edə bilərəm. Bəli, raki içib özünü itirən şəxs deyir ki, bu gün hətta öz iş yoldaşlarından şübhələnir və əlavə edir ki, bu gün mənim bütün işlərimdən jurnalistlərin xəbəri var. Səlcuqa deyəsən əkmək məsələsini başa salmaq lazımdır. Bəli, Səlcuq Dəmir bizim yaxın dostumuzun əli ilə bütün qara işlərini gördüyü üçün çox dərinə gedə bilmir, Səlcuqun pul gətirən adamları bir dostumuz pulu silir, o biri dostumuz isə gözünü yumur. Yəni o biri dostumuz görməsi lazım olan gözünü yumur ki, Səlcuq Azərbaycanda para qazansın. İndi Səlcuq bəyə demək lazımdır ki, əkmək parasını sənmi bizə verirsən. Yoxsa, bizim dostumuz sənə..? İndi bildinmi, paranı necə qazanırsan..? Sonda Səlcuq Dəmirə deyirik ki, hər ay 2500-ə yaxın para verdiyin adamlarına de ki, jurnalistlər haqqında boş-boş danışmasınlar, çünki bir gün özünə qarşı yönələcək. Səlcuq Dəmirə faydalı məsləhətimiz də var. Əgər başını dəvəquşu kimi harasa soxmasan, işində müsbət dönüş yarada bilsən, mükəmməl ola bilərsən. Amma onu da deyirik ki, 300000-lə bağlı bankdaxili yazışmalarını hamı bilir. Onu bankın sistemindən qəti silmək olmur. Görəsən, bankdaxili saxta yazışmalara nə üçün daxili nəzarət reaksiya vermir..? Amma reaksiya verməyən adamlar indi bankda vəzifə tuturlar. Əgər inanmırsınızsa, şübhəniz varsa, həmin elektron yazışmaları, Banka məxsus elektron sistemdə tapa bilərsiniz. Bu suallarla bağlı növbəti yazıda tanış ola bilərsiniz. //gundelik-baku.com//
Redaksiyamıza bir qrup Ağdaş rayon sakini tərəfindən şikayət məktubu daxil olub. Məktub əsasında kiçik bir araşdırma apardıq. Əvvəlcə məktubu olduğu kimi təqdim edirik.
Hörmətli redaksiya. Biz Ağdaş sakinləri ölkə başçımızın idmana göstərdiyi qayğını görməklə “Azərbaycan Respublikası regionların sosial-iqtisadi inkişafı Dövlət Proqram”larına uyğun olaraq regionlarda stadionların, yaşıl örtüklərin salınmasının şahidiyik. Abad yollardan, sosial-iqtisadi infrastrukturlardan, yaşıllıq sahələrindən istifadə edir və ölkə vətəndaşı olaraq dövlətimizlə qürur duyuruq.
Şəhərimizin mərkəzində yerləşən stadionun təmiz saxlanmasına, stadion qarşısında yaşıl örtüyün qorunmasına daim çalışmışıq. Şəhər stadionunda müxtəlif idman tədbirləri ilə yanaşı şənlik və vətənpərvərlik ruhunda tədbirlər keçirilir. Eyni zamanda, rayona təcili gələn vertolyotlar da şəhər stadionunda qəbul edilir.
Stadionun əsas giriş qapısının hər iki tərəfində bir neçə il əvvəl park salınmışdır. Həmin ərazi təqribən 1 hektar olmaqla 9-10 illik ağaclarla insana zövq verir. Yaşıllıq parkın əsas hissəsini təşkil edərək təqribən 400 şam ağacından ibarətdir. Şam ağacları rayonda aparılan abadlıq işləri cərçivəsində təqribən 9-10 il əvvəl yaxınlıqda yaşayan xeyirxah insan Əliyev Məhəmməd Knyaz oğlu tərəfindən öz vəsaiti hesabına alıanaraq əkilmişdir. Bu şam ağacları şəhərimizin oksigen təminatında əvəzolunmazdır. Məhəmməd Əliyev öz vəsaiti hesabına əkdirdiyi ağacların bu günə qədər suvarılmasına və yad təsirlərdən qorunmasına böyük əmək sərf edir. Bu gün də onun tərəfindən sahəyə aqrotexniki xidmət göstərilir. Bu parkın salınmasında və qorunmasında məqsəd idman azarkeşlərinin və sakinlərin istirahətini təmin etməkdir.
Bu yaxınlarda Ağdaş şəhər, Vaqif küçəsi 98 ünvanında qeydiyyatda olan Məmmədova Lalə Mayor qızı park ərazisinin 8 sotunun ona verilməsini (halbuki, şəhərdə hər bir vətəndaşa 5 sotdan artıq torpaq verilmir) təsdiq edən, Daşınmaz Əmlakın Reyestr Xidmətinin 17 saylı Yevlax şöbəsi tərəfindən 27.07.2022-ci il tarixində verilmiş çıxarışın onda olmasını bildirmişdir. Reyestr Xidməti kimlərinsə xahişi ilə güya 15 il əvvəl bələdiyyədən saxta yolla alınmış qərara əsaslanmışdır.
Əgər 15 il əvvəl həmin torpaq sahəsi bələdiyyə tərəfindən həmin şəxsə verilmişdirsə, onda şəhər sakinlərinin xahişi ilə yaxınlıqda yaşayan şəxslər tərəfindən park inşa ediləndə, yaşıllıq salınanda müvafiq orqanlar və həmin ərazini alan şəxs niyə buranın şəxsi yaşayış ərazisi olmasını bildirməmişdilər? Bir neçə il əvvəl həmin ərazidən bir neçə sot torpaq sahəsi bu şəxsin istifadəsinə yaşayış yeri kimi verilmiş və onun tərəfindən baha qiymətə digər şəxsə satılmışdır. Yəni, bu insanlar torpaq alveri ilə məşqul olurlar. Biz bilmək istərdik ki, 9-10 illik ağacları olan bir parkı, oksigen mənbəyini necə kiməsə satıblar. Yəqin ki, yaxın vaxtlarda həmin şəxs parkın kənarını hasarlayaraq, ağacları məhv etməklə tikinti işlərinə başlayacaqdır.
Strateji obyektin girişini satanda baxmayıblar ki, bu haradır?
Məktubda qeyd edilir ki, Reyestr xidməti mülkiyyətə verilən torpağın sənədlərini hazırlayanda həmin yerin park olmasına diqqət yetirməli idi. Hesab edirik ki, bu işdə bir qanunsuzluq var. Yəni, stadionların qarşısı, yaşıllıq zonaları, şəhər parkları ümumi istifadədə olan torpaq kimi şəhər sakinlərinin istirahəti, mənəvi zövq və nəhayət sağlamlığı üçün nəzərdə tutulmuşdur. Halbuki, kiminsə səhlənkarlığı ucbatından fərdi istifadəyə verilir.
Onu da bildiririk ki, həmin 8 sot stadionun əlavə (alternativ qapı) giriş-çıxış qapısının qarşısını kəsir. Respublika və rayon əhəmiyyətli tədbirlər, bayram konsertləri, idman yarışları zamanı evakuasiya məqsədilə alternativ qapıdan istifadə edilir. Eyni zamanda həmin qapıdan dövlət tədbirləri zamanı səhnə qurmaq üçün istifadə edilir.
Əgər həmin ərazidə yaşayış evi tikilərsə yüzlərlə ağacın məhv olması ilə bərabər stadionun evlərin arxasında qalan yararsız obyektə çevrilməsinin şahidi olacağıq. Təqribən 1 hektarlıq parkın dağıdılmasının qarşısını ala bilsək, ümumilli liderimiz Heydər Əliyevin yaşıllığın qorunması ilə bağlı nəsihətinə sadiq qalmış olarıq.
Hesab edirik ki, park ərazisindən kiməsə torpaq ayrılıbsa, həmin torpağı başqa yerdən, ağac əkilməyən bir ərazi ilə əvəz etmək olar. Rayon sakinləri olaraq aidiyyatı dövlət orqanlarından xahiş edirik, torpaq alveri edən bu şəxslərə qanunsuz verilən torpaq sənədini ləğv edərək, torpaq sahəsini ayrı bir yer ilə, yaşıllıq olmayan ərazi ilə əvəz edəsiniz. Bu işin qarşısı alınarsa, həm strateji bir obyekt olan şəhər mərkəzi stadionunu, həm də ərazi sakinlərinin istirahəti və sağlamlığı üçün inşa edilən bir parkı qorumuş olarıq. Qeyd olunan məsələ ilə bağlı video və foto materiallar təqdim edilir.
Ağdaş bələdiyyəsi: Satılan yaşıllıq sahəsinin sənədləri qanunidir
Şikayət məktubu ilə bağlı Ağdaş rayon bələdiyyəsi ilə əlaqə saxladıq. Bələdiyyənin sədr müavini Vüqar Həmidov bizə bildirdi ki, 2007-ci il tarixində stadionun bir tərəfindən iki qardaşa 8 sot torpaq sahəsi ayrılıb və reyestr idarəsi çıxarış verib.
Bələdiyyə rəsmisi alqı-satqının qanuni həyata keçirildiyini iddia etdi: “Bəhs etdiyiniz ərazini alan vətəndaşın əlində, hər bir sənədi var, oranın satılması qanunidir və çıxarışı da var”.
Lakin bələdiyyə nümayəndəsi bu prosesin hansı qanunların pozulması ilə qanuniləşdirildiyini deyə bilmədi. Araşdırmamız başa çatanda, bu sənədlərin hansı qanunlara söykəndiyini və nəyin müqabilində ortaya çıxdığını oxucularımız biləcək. Vaxtilə Ağdaş stadionu rayon əhalisinin əsas istirahət və idman mərkəzlərindən biri kimi tanınmışdı. Rayonun futbol komandası oyunlarını burada keçirirdi. Lakin bütün respublikada yeni stadionlar tikildiyi, köhnələrin yenidən qurulduğu halda, çox təəəssüf ki, Ağdaş stadonuna qarşı belə ögey münasibət göstərilir. Öz hesabına bu stadionu qorumağa çalışan xeyirxah rayon sakininə kömək göstərməkdənsə, stadion üçün belə problemlər yaradılır. Bu, ölkəmizdə aparılan gənclər və idman siyasətinə zidd bir addımdır. Ümidvarıq ki, rayon bələdiyyəsində və rayon icra hakimiyyətində də bunu başa düşənlər olacaq.
Partiya sədri: “Əhalidə dövlətə qarşı narazılıq yaradanlar cəzalanmalıdır”
Məsələ ilə bağlı tanınmış ictimai xadim, Müasir Müsavat Partiyasının sədri Hafiz Hacıyevdən də münasibət öyrəndik. O qeyd etdi ki, belə hallar qəti şəkildə yolverilməzdir: “Bu acgöz məmurlar pul qazanmaq üçün mümkün olan bütün variantların hamısına əl atırlar. Ona görə də, o yeri də, satıblar. Bu hal yerli məmurların, mərkəzdə olan məmurların qudurğanlığının göstəricisidir.
Rayon camaatı həmrəy olub, satılan ərazinin geri qaytarılması üçün əlindən gələni etməlidir. Mədəniyyət Nazirliyində, “mədəniyyət”dən danışdığımız nazirlikdə baş verən hadisələri gördük. Dövlət vəzifəsindən öz şəxsi məqsədləri üçün istifadə edən məmurlar ağır cəzalandıralacaq. Gənclər və İdman Nazirliyi və digər orqanlarda da yoxlamalar aparılsa, nələrin üzə çıxacağını görəcəksiz”. H.Hacıyev bu əməli törədənlərin əhalidə narazılıq yaratdığını, belə halların dövləti gözdən salmağa xidmət etdiyini dedi: “Qeyd etdiyiniz ərazinin şəxsi istifadə üçüb satılması qanunsuzdur. Ora rayonun əhalisinə məxsus ümumi istifadədə olan bir yerdir. Onu necə satmaq olar, ona necə sənəd vermək olar?
Əgər bir ölkədə dövlətə qarşı çevriliş etmək istəyirsənsə, xalqı narazı salmalısan. İndi biz görürük ki, bu kimi məmurlar, xüsusi qüvvələr xalqı dövlətdən narazı salmaq üçün əllərindən gələni edirlər. Bu baxımdan da, biz- ictimai mövqedə dayanan insanlar- imkan vermərik ki, hansısa məmur öz mənafeyi naminə xalqı narazı salıb dövlətə qarşı qaldırsın”.
Partiya sədri rayon rəhbərliyini problemin həllinə çağırdı: “Ağdaşın icra hakimiyyətinin başçısı zəhmət çəksin, bu ərazinin necə satılmasını və niyə satılmasının hesabatını ağdaşlılara versin. Biz bu məsələni diqqətdə saxlayacağıq. Heç kim bir şəhərin mərkəzində yaşıllıq sahəsini pulunun gücünə qanunsuz şəkildə alıb orada ev və ya obyekt tikə bilməz. Belə hallar sosial narazılığı artırır. Biz bu kimi hallara imkan verməyəcəyik”.
Video Oynadıcı
00:00
02:01
Ekspert: Bu şərtlər yoxdursa, yaşıllığın satılması və kəsilməsi cinayətdir
Müstəqil ekoloq ekspert Rəfael Seyidov deyir ki, Nazirlər Kabinetinin 2016-cı il 30 avqust 321 nömrəli qərarı ilə təsdiq edilmiş “Yaşıllıqların götürülməsi” qaydalarına əsasən yaşıllıqların götürülməsinə (kəsilməsinə) yalnız aşağıdakı hallarda yol verilə bilər:
1.Dövlət ehtiyacları üçün yaşıllıq altına düşən torpaqlar geri alındıqda;
2.Şəhərsalma və ətraf mühitə təsirin qiymətləndirilməsi (ƏMTQ) sənədlərində nəzərdə tutulan, dövlət ekoloji ekspertizanın müsbət rəyi olan lahiyələr həyata keçirildikdə;
3.Şəhərsalma və tikinti qaydalarına zidd olaraq əkilmiş ağaclar yaşayış və qeyri yaşayış binalarında işıqlanma (inşaat fizikası) rejimini pozduqda;
4.Ağac və kol bitkiləri olan sahələrdə sanitar qırma işləri aparıldıqda;
5.Texnogen və ya təbii xarakterli ekoloji hallar (ekoloji fəlakət) baş verdikdə və onların nəticələri aradan qaldırıldıqda; 6.Ağac və kol bitkiləri yerüstü və yeraltı mühəndis kommunikasiya təminatı sisteminə mane olduqda”.Fotoskan qanundan çıxarış Ekspert deyir ki, sözügedən stadion ərazisində salınmış yaşıllıq şahəsinin kəsilməsi və ya köçürülməsi bütün bu sadalanan qaydalara uyğun gəlmədiyindən həmin ərazidə aparılan hər hansı bir yaşıllığın götürülməsi qaydalara bir başa ziddir. Bu, konkret cinayət əməli sayıla bilər.
“Bundan əlavə yaşıllığın götürülməsi haqqında Azərbaycan Respublikası Ekalogiya və Təbii Sərvətlər Nazirliyinin rəyi və tarixi göstərilməklə yaşıllığın götürülməsinin (kəsilməsinin) məqsədi, ünvanı, növü, mülkiyyətçisi, ağac və kolların sayı, cinsi, diametri, hündürlüyü və ümumi sahəsi göstərilməklə akt tərtib olunmalıdır”- ekoloq bildirir.
Yaşıllığın zəbtinə və ekoloji terrora son qoyulmalıdır
Redaksiya olaraq, yaranmış problemlə bağlı onu deyə bilərik ki, hansı səbəblə olur olsun, yaşıllıq sahəsinin ev və ya obyekt tikmək məqsədilə satılması qanunsuzdur. Üstəlik, bu yaşıllıq sahəsinin şəhər mərkəzi stadionunun düz girişində olması da bu ərazinin təyinatını dəyişməyə imkan vermir. Araşdırmalarımıza görə, bu sahənin satılması qanuni əsaslara dayanmır və artıq dünyasını dəyişmiş bələdiyyə sədrinin adı ilə köhnə tarixə imzalanmış sənədə əsasən proses həyata keçirilib.
Bizə göndərilən fotolardan və videomateriallardan görünür ki, ərazini qanunsuz olaraq alan şəxs orada çəkəcəyi hasarın bünövrəsini atır. Tezliklə, xeyli sayda ağacların kəsilərək orada ev və ya obyekt tikiləcəyinə şübhə yoxdur. Bu isə ilk növbədə ekoloji terror aktı, digər tərəfdən isə şəhərin mərkəzi stadionunun qapılarının qarşısının kəsilməsi deməkdir.
Demək, ərazini qanunsuz olaraq alan şəxs bu yaşıllığı ləğv edib ev tikdiyi halda ciddi qanun pozuntusuna yol vermiş olacaq. Bəs bunun məsuliyyətini kim daşıyacaq- ərazisini satan yoxsa alan?
Problemlə bağlı söhbət etdiyimiz əmlak məsələləri üzrə hüquqşünaslar da belə ərazinin qanuni şəkildə satıla bilməyəcəyini bildirib və əlavə ediblər ki, çox güman ki, ərazinin qiymətləndirilməsi zamanı verilən rəy həqiqəti əks etdirməyib, bu səbəbdən həmin rəyə əsaslanaraq imzalanan alqı-satqı müqaviləsi ləğv edilməli, həmin şəxsə başqa ərazidən torpaq sahəsi verilməli, həmin yaşıllıq sahəsi qorunmalıdır. Məsələ ilə bağlı hələ dəqiqləşdirmə mərhələsində olduğumuz bir neçə maraqlı məqam da var. Bu haqda yazımızın növbəti hissəsində məlumat verəcəyik. Araşdırmalarımız davam edir.
