 |
|
|
İsveçrə vətəndaşları bazar günü keçirilən referendumda qadınların pensiya yaşının 64-dən 65-ə qaldırılmasına və pensiya fondlarında yaranan çatışmazlığı ödəmək üçün əlavə dəyər vergisinin artırılmasına səs veriblər.
Bu barədə səslərin hesablanmasını onlayn həyata keçirən RTS ictimai televiziya şirkəti məlumat yayıb.
“Qadınlar da kişilər kimi 65 yaşa qədər işləyəcəklər. Vətəndaşlar pensiya islahatının hər iki elementini bəyəniblər. Qadınların pensiya yaşının artırılması son nəticədə seçicilərin 50,6%-i, ƏDV-nin artırılmasını isə 55,1% dəstəkləyib”, - RTS qeyd edib. (Mənbə: TASS)
Ağdamın iki ildir işğaldan azad edilmiş Seyidli kəndindən məcburi köçkün, 2-ci dərəcəli əlil , Suraxanı rayonu, Qaraçuxur qəsəbəsi, Şərq massivi, 86b saylı evdə məskunlaşan İbrahimov Əfqan Elçin oğluna iki yetkinlik yaşına çatmayan oğlu ilə birlikdə bu ilin aprelinə kimi ünvanlı sosial yardım ayrılıb. Aprelin 6-da sənədlərini yenidən ƏƏSMN -ə göndərən ailə başçısına uzun müddət cavab verilməyib. Çox sorğu-sualdan sonra nazirliyin 142 çağrı mərkəzindən bildirilib ki, bəs əməkdaşlar evə baxış keçirən zaman əlil məcburi köçkün evdə olmayıb və valideynləri ayrılmış uşaqlar anaları ilə evdə görüşəndə “cinayət başında” yaxalanıblar. “Cinayət işi”nə Dövlət Təhlükəsizliyi Xidmətindən belə qarışıb. Axı ayrılmış ata – ananın uşaqları ilə, lap elə bir – biri ilə görüşməsi ünvanlı sosial yardım verilməsindən imtinaya əsas ola bilməz. Ata ilə ana rəsmi sənədlə məhkəmə qaydasında ayrılıblar və uşaqlar məhkəmə qərarı ilə atalarının öhdəsində qalıb. Bu sənədi də ərizəsinə hər dəfə əlavə edən üç nəfərlik əlil-məcburi köçkün ailəsinin ailə tərkibi haqqında düzgün məlumat vermədiyi bəhanəsilə dövlətin sosial yardım siyasətindən məhrum edilməsi hansı məntiqə sığır? Hansı məlumat düzgün deyil? Məcburi köçkün yazmalı idi ki, sənədlə ayrıldığı həyat yoldaşı uşaqları ilə bir evdə yaşayır?
Dövlət Təhlükəsizliyi Xidmətindən ƏƏSMN tabeliyində DSMF-ə daxil olan 04.08.2022 tarixli müraciətə cavab olaraq 29.08.2022 tarixli məktubla DSMF-in sosial ödənişlər departamentinin müdiri Rasim Səfərov bildirib ki, ərizədə ailə tərkibiniz haqqında düzgün məlumat verilmədiyindən avtomatik imtina cavabı verilib. Filmdə deyildiyi kimi, yenə eyni dalğa, eyni koordinat! Ailə tərkibi haqqında məlumatda nə düzgün deyil axı? Departament müdiri bunu açıqlamasa da, “uyğunsuzluğu aradan qaldırıb, yenidən müraciət etməyi” məsləhət görüb.
31.08.2022-ci ildə yenidən xərc-xəcalət çəkib ƏƏSMN -ə müraciət edən əlil-məcburi köçkün ağır durumda xəstə yatanda- 14.09.2022-ci ildə iki nəfər xanım əməkdaş evə təşrif buyurub və daha ağır “cinayət”ə şahid olublar. Ana öz evində uşaqları ilə birlikdə tutulub, hələ üstəlik ata da yataqda xəstə! (?) Təbii ki, bu “cinayət” ünvanlı sosial yardım verilməsindən imtinaya səbəb olub!
İndi əlil-məcburi köçkün ata sosial yardım təyinatçılarını necə başa salsın ki, özü həmin evdə məcburi köçkün kimi məskunlaşıb. Ailə arasında mülk davası, pay bölgüsü olmayıb, ola da bilməz. Axı məcburi köçkünə məskunlaşdığı evdən pay düşmür. Onun payı, mülkü viran qoyulmuş Ağdamda, Seyidli kəndindədir. Uşaqlar da eləcə Ağdamdan məcburi köçkündürlər. Ünvanlı sosial yardım təyinatçılarının məntiqi isə deyir ki, uşaqlarını da götür, məskunlaşdığın evdən qovul, balalarını , özünü sənə sığınacaq verən ana ilə düşmən elə , sonra ünvanlı sosial yardım al!
Bu ünvanlı sosial yardım siyasətidir, yoxsa düşmənçilik siyasəti?
Məğrur Bədəlsoy
Teref.az
DogruXeber.az: - İmişli rayon sakini, eyni zamanda 44 günlük vətən müharibəsi zamanı düşmənə qarşı mübarizədə sağlamlığını itirmiş Nahid Şıxalıyev yenidən "DogruXeber.az"a müraciət edib.
Agentliyimizin tərkibində fəaliyyət göstərən "Kanal14" YouTube kanalımızda "Kamalın zamanı" proqramı ilə canlı bağlantı yaradan qazi Nahid Şıxalıyevin dəfələrlə müvəqqəti yaşamaq üçün fərqi yoxdur yataqxana, yaxud ev - heçolmasa bircə otaqlı da olsa yer istədiyini və bununla bağlı agentliymizdə də məlumatlar yayımlandığını izləyicilərimiz bilir yəqin ki?!
Nahidin bu istəyi yerli İcra Hakimiyyəti tərəfindən artıq iki ilə yaxındır ki, təmin edilməyib. Bildirir ki, hələ də ailəsi və azyaşlı övladı ilə kirayədə yaşayır və kirayə pulunu verməkdə çətinlik çəkir.
Nahid Şıxalıyev bildirir ki, - "Əlillər üçün verilən avtomobil növbəsinə yazılmışdım, ordan da imtina gəldi. Lakin, imtinanın səbəbi mənə bildirilməyib.
"Özünüməşğulluq" proqramına qoşulub, təsərrüfatla - heyvandarlıqla məşğul olmaq istədim, o da olmadı.
Mənə heçolmasa əkin üçün torpaq sahəsi də verilmir. Rayonda müraciət etmədiyim dövlət idarələri qalmayıb. Hansına üz tuturam, əlim ətəyimdən uzun qayıdıram. Artıq, kimə, hara müraciət edəcəyimi bilmirəm".
Aidiyyatı tərəflərin də mövqeyini dinləməyə və dərc etməyə hazırıq.
DogruXeber.az
"Yalnız qızlar üçün" başlıqlı elanlarla hər gün qarşılaşırıq. Ev sahiblərinin əksəriyyəti mənzillərini daha çox subay qadınlara, xüsusən də tələbə qızlara kirayə vermək istəyir. Oğlan adı gələndə çoxları qəti şəkildə "yox" cavabını verirlər.
Mənzil sahiblərinin böyük əksəriyyəti bunun səbəbini qızların daha məsuliyyətli, evə, əşyalara qarşı daha ehtiyatlı, səliqəli davranması ilə əlaqələndirirlər. Tələbə oğlanların evi daha çox istismar etdiyini düşünürlər.
Ekspertlər isə deyir ki, problem bu günün deyil. Əvvəllər də tələbə oğlanlar ev tapmaqda çətinliklər çəkiblər.
Sosioloq Sadiq Rüstəmlinin sözlərinə görə, oğlanlara ev verilməməsinin səbəbi qızlarla müqayisədə evi təmiz saxlaya bilməmələri, evdəki əşyalarla olduqca kobud rəftardır. Bundan başqa, bir çox hallarda iki oğlan tələbə götürdüyü mənzilə başqa oğlan dostlarını da gizli şəkildə yerləşdirirlər ki, bu da adətən evini kirayə verən insanın narahatlığına səbəb olur.
Ümumiyyətlə, azərbaycanlı oğlanlar kirayə ev öhdəliklərinə riayət edə bilmir: "Qız uşaqları evdən daha səliqəli istifadə edirlər. Oğlanlar isə bu istiqamətdə xeyli çətinliklərlə üzləşirlər. Təbii ki, mentalitet məsələlərinin də rolu böyükdür. Bəzən ailələr öz həyətlərində olan mənzilləri kirayə verir və istəmirlər ki, burada yad adamlar, xüsusilə də oğlan uşaqları yaşasınlar. Bəzi ailələr evdəki bir otağı kirayə verirlər. Bu, daha çox qızlara əlverişli şərait yaradır. Oğlanlar üçün imkanlar məhdudlaşır. Buna görə də bir sıra proyektlərin həyata keçirilməsinə ehtiyac yaranıb. Belə layihələri həyata keçirərkən oğlan tələbələrin yerləşdirilməsinə fokuslanmaq lazımdır. Bu, onların tərbiyəsi ilə bağlı cəmiyyətdə neqativ halların formalaşmasının da qarşısını alar. Düşünürəm ki, belə olsa, onların təhsilə meyli də artar. Proqramın genişləndirilməsi fonunda növbəti mərhələdə qız uşaqlarının kirayə problemini həll etmək lazımdır”.
Ekspert deyib ki, digər önəmli səbəb isə qızlardan fərqli olaraq kirayə yaşayan oğlan tələbələr evləri tez-tez dəyişə bilirlər. Çox halda bir neçə tələbə bir evdə kirayə qalır. Aralarında mübahisə düşən kimi biri digərindən aralanır ki, yox, mən artıq sənlə qalmaq istəmirəm:
“Bu zaman onlar mənzil sahibinə müraciət edirlər ki, məsələn, "biz 4 nəfər idik, iki nəfər getdi. Kirayə qiymətini yarıbayarı azaldın". Təbii ki, bu da kirayə verənə sərfəli olmur. Yəni bu baxımdan oğlan tələbələr bəzən 9 aylıq tədris müddətində bir neçə dəfə ev dəyişirlər. Hətta eləsi olub ki, 5 dəfə mənzil dəyişən tələbələrə rast gəlmişəm. Təsəvvür edin, onların orada gələn aylarda qalıb, qalmayacaqları qeyri-müəyyəndir. Əksəriyyəti üçün fərqi olmur harada qalmaları. Təki onlara yer olsun. Hətta bəzən kirayə ev verənlər şikayətlənirlər ki, hansısa bir müddətə, aya çatanda tələbə oğlan borclu qalır. O pulu verməmək üçün belə evi tərk edirlər. Qısacası, ev sahibinə ciddi ziyan vururlar".
Sosioloqun fikrincə, kirayə mənzillər verilərkən müqavilə bağlanarsa, hüquqi qaydada bu münasibətlər tənzimlənərsə, belə söhbətlərə yavaş-yavaş son qoyular:
"Kirayə mənzillərin verilməsi daha çox qara bazarda maklerlərə hörmət edilməsi ilə reallaşır, heç bir hüquqi əsası olmadığı üçün də bu problemlər yaranır. Halbuki, tələbələrə mənzil kirayə verilərkən mənzilin oğlan-qız üstündə dayanması əsassızdır".
XalqXeber.Az
Zibillikdən yeyənlər...
Səhərdən qalıb satılmayan, çürüməyə başlayan meyvə-tərəvəzin gecə öz alıcıları olur. 8-ci km bazarında çalışan satıcılar deyir ki, axşam 7-dən sonra gələn alıcılar qiyməti ucuzdur deyə keyfiyyətsiz məhsulları seçirlər. Onlar piştaxtanın qarşısında dəqiqələrlə dayanıb xarab olan meyvə-tərəvəzi saf-çürük edirlər.
Daha ətraflı aşağıdakı videoda:
Azərbaycanda pensiya artımlarında vahid indeksasiya metodu tətbiq ediləcək. Trend-in məlumatına görə, bu barədə məsələ Milli Məclisin Hüquq siyasəti və dövlət quruculuğu komitəsinin 2022-ci ilin payız sessiyasında ilk iclasında müzakirəyə çıxarılıb.
“Dövlət qulluğu haqqında” Qanunda dəyişiklik edilməsi barədə qanun layihəsini (birinci oxunuş) müzakirəyə təqdim edərkən Əli Hüseynli dəyişikliyin “Əmək pensiyaları haqqında” Qanuna təklif edilən dəyişikliklərdən irəli gəldiyini qeyd edib.
O qeyd edib ki, dəyişiklik ölkədə aparılan sosial islahatların davamı olaraq pensiya təminatı sistemində sosial sığorta prinsipinin daha da möhkəmləndirilməsinə, pensiya artımlarında vahid indeksasiya metodunun tətbiqinə xidmət edir.
Ucar rayonu Müsüslü kənd sakini Cəfərova Bənövşə Əliyusif qızı tərəfindən
ŞİKAYƏT
Mənim heç kəsim yoxdur valideyinlərim vəfat edib ağır xəstəliyə görə ailə həyatı qurmamışam.Ağır xəstəliyə görə işləyə bilmirəm əmək qabiliyyətimi itirmişəm.Buna görə mənə əlillik dərəcəsi təyin edilmişdir təqaüd alıb onunla bir təhər dolanırdım. Vətən müharibəsindən sonra verilən tapşırıq əsasında minlərlə xəstə kimi mənimdə əliliyim dayandırldı və mənə əlillik dərəcəsi təyin olunmasından qanunsuz imtina edildi.Hər dəfə gətirilən əsaslarda qeyd edilən müayinələri və müalicələri etdirib xəstəlik sənədlərim Dövlət Tibbi-Sosial Ekspertiza və Reabilitasiya Agentliyinə göndərilsədə mənə əlillik dərəcəsi təyin edilməsindən bir neçə dəfə qanunsuz imtina edilmişdir.
Bir dəfə Səbəb kimi əlavə müalicəyə ehtiyacın olması. Ətraflı: ixtisaslaşmış müalicə davam etdirilsin, fəsadlar dəqiqləşdirilsin qeyd edildi.Bundan sonra emerte müayinəsindən keçib sənədləri təkrar göndərdik.Bu dəfə isə qeyd edildi ki, Cəfərova Bənövşə Əlyusif qızının göndərişinə 15.09.2022-ci il tarixində EEQ müayinəsi dolğun qeyd olunmadığı üçün imtina qərarı verilmişdir.
Bu açıq-aşkar özbaşınalıqdır ki, mənə qarşı Dövlət Tibbi-Sosial Ekspertiza və Reabilitasiya Agentliyi edir.
Çünki mən 6 ay ərzində 3 dəfə emerte müayinəsindən keçmişəm.Həttda həkim mənə bildirdi ki, bu şüalı müayinədən tez-tez keçmək sənin səhhətini dahada ağırlaşdırır.Həttda hər dəfə emerte müayinəsindən keçdikdən sonra bir neçə gün başımda şiddətli ağrılar baş verirdi.
Mənim xəstəliyim hipertenziv ensefalopatiya, hipertonik ensefalopatiya, sol tərəfli hemiparez ilə. Sol tərəfli hemiparez Ağırlaşma G40.0 Fokal başlanığıclı qıcolma tutmaları ilə müşahidə olunan lokalizə olunmuş idiopatik epilepsiya və epileptik sindromlar, Simptomatik epilepsiya, tez-tez təkrarlanan qıcolma tutmaları ilə Yanaşı xәstәliklәr digər cərrahi əməliyyatlar, uşaqlığın fibromioması, "Panghisteroektomiya" cərrahi əməliyyatından sonrakı vəziyyət. Oma-qalça oynağının və oma-büzdüm birləşməsinin çıxığı, Büzdüm sümüyünün sınığı və çıxığı, fəqərə cisminin hemangioması .Essensial hipertenziya, arterial hipertenziya.
Mən ağır xəstəliyə görə işləyə bilmirəm buna görə çox əziyyət çəkirəm.Ailə həyatı qurmamaışam tənhayam heç kəsim yoxdur.Acından ölmək üzrəyəm.Mənə qarşı edilən bu qanunsuzıuğa görə vəzifəli şəxslər Allah qarşısında cavab verəcəklər. Əmək və Əhalinin Sosial Müdafiəsi Naziri Sahil Babayevə, Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri Anar Bayramova bir neçə dəfə ərizə ilə müraciətlər etmişəm, ancaq heç bir tədbir görməyiblər.
Mən mətbuat vasitəsi ilə Prezident cənab İlham Əliyevə, Mehriban xanım Əliyevaya, Sahil Babayevə və Anar Bayramova müraciət ünvanlayıb xahiş edirəm məni qəbul edin ən savadlı həkimin müasir tibb aparatlarının müayinəsindən keçirib yoxlayın və görün şahid olun ki, mən ağır xəstəliyə görə əmək qabiliyyətimi itirmişəm işləyə bilmirəm.Xahiş edirəm şikayətimi obyektiv araşdırıb mənə əlillik dərəcəsi təyin edilməsinə köməklik göstərəsiniz.
Əlaqə telefonu; (050) 731-13-58
İmza;Cəfərova Bənövşə Əliyusif qızı
Teref.az
DİA.AZ: - Dünən daha bir deputatımız GÜL VURDU... Yox, daha dəqiqi rəsmən GÜL AÇDI... Özünü hədəf kimi meydana tulladı ki, üzərinə nəzərlər tuşlansın...
DİA.AZ bildirir ki, bizim bəzi deputatlarımız özlərini sanki şou-biznes adamı kimi aparırlar... Elə zənn edirlər ki, gündəmdə qalmaq, hansı yolla olursa-olsun gündəmi məşğul etmək onların işlərinə yarayır. Sanki toy tuturmuşlar kimi...
Gələk əsas məsələyə...
“Sosial yardım insanları xarab edib”. Dünən bəlli oldu ki, bunu Milli Məclisin Ailə, qadın və uşaq məsələləri komitəsinin bu gün keçirilən iclasında komitə sədri Hicran Hüseynova deyib.
Parlamentin komitə sədri bildirib ki, insanlar işləmək istəmirlər: “Müraciət edir ki, mənə yardım düzəldin. Mən onlara iş deyirəm, amma insanlar balaca da olsa, o yardımı almağa üstünlük verir. Belə olmaz”.
Hicran Hüseynova qeyd edib ki, işsiz olduğunu deyən insanlar Dövlət Məşğulluq Agentliyinin müvafiq strukturlarına müraciət etmirlər: “Amma biz insanları nazirliklərin gördüyü işlərlə bağlı da məlumatlandırmalı, əlaqələndirməliyik”.
DİA.AZ qeyd edir ki, deputatın öz fikrini biabırçı formada ifadə etməsi cəmiyyət tərəfindən də birmənalı qarşılanmayıb və sosial şəbəkələrdə aktiv müzakirə olunub. Yox, buna aktiv müzakirə yox, aktiv QINAMA deyirlər...
Hətta iş o həddə çatıb ki, camaatı sosial yardımın XARAB etdiyini qeyd edərək ortaya bir XARAB MƏNTİQ qoyan deputatımızın xaricdəki səltənətini də daryışma mövzusuna çeviriblər.
DİA.AZ diqqətə çatıdırır ki, bu barədə məlumat yazan araşdırmaçı jurnalist Cavanşir Həsənli qeyd edir:
"Sosial yardım bunları necə xarab edibsə Fransada, Aralıq dənizi sahillərində (Nitsa yaxınlığındakı kurort rayonunda) 2 milyonluq villa alıblar...."
Hə, bu qədər... Yəqin ki Hicran xanım bundan sonra daha tədbirli olar ifadələrini seçərkən...
Məsələ ilə əlaqədar dia.az olaraq qarşı tərəfi də dinləməyə hazırıq...
Teref.az yazır ki, Ucar rayon Alpout kənd sakini Məmmədov Samir Ağahüseyn oğlu saytımız vasitəsi ilə Əmək və Əhalinin Sosial Müdafiəsi Naziri Sahil Babayevə müraciət edərək yalançı bəhanələrlə qanunsuz olaraq sosial yardımdan imtina edildiyindən şikayət edib. Şikayəti təqdim edirik:
Əmək və Əhalinin Sosial Müdafiəsi Naziri cənab
Sahil Babayevə
Ucar rayon Alpout kənd sakini Məmmədov Samir Ağahüseyn oğlu
tərəfindən
MÜRACİƏT
Hörmətli cənab nazir, bir neçə ildir ki, ünvanlı sosial yardım alıram. Aldığm sonuncu ünvanlı sosial yardımın bir ili bu ilin yanvar ayında tamam olub. Yenidən sənədləri elektron qaydada dəfələrlə Əmək və Əhalinin Sosial Müdafiəsi Nazirliyinə göndərsəmdə imtina gəlir. Sonuncu imtinada «Başqa şəxsə aid olan telefon nömrəsinin qeyd edilməsi» göstərilib. Bu imtinanı müraciətimə əlavə edirəm
Mən VEMTAS-a göndərdiyim müraciətdə iki telefon nömrəsi qeyd etmişəm. Nömrənin biri 055 635 05 80 digəri isə 051 337 61 51-dir. Bu nömrələrin sistemdə ailəmin adına qeyd olunması ilə bağlı VEMTAS-ın pəncərəsini bu müraciətimə əlavə edirəm.
Göründüyü kimi adıma iki nömrə qeyd olunub. Bu nömrələrdən 051 337 61 51-in ailəmin adına olmasının VEMTAS özü təsdiq edir. VEMTAS-ın həmin pəncərəsinidə müraciətimə əlavə edirəm.
Ünvanlı sosial yardım üçün etdiyim eletron müraciətdə qeyd edilmiş ikinci 055 635 05 80 nömrəsininin adıma olması ilə bağlı Bakselin verdiyi elektron arayışıda bu müraciətimə əlavə edirəm. Həmin arayışdan görünür ki, bu nömrə mənim yəni Samir Məmmədovun adınadır.
Hörmətli cənab nazir, təqdim etdiyim subutlardan görünür ki, ailəmin maddi-məişət şəraitinin yoxlanılması zamanı nazirliyin əməkdaşının verdiyi əsassız məlumatlar nəticəsində mənə verilmiş bu imtina qanunsuzdur.Mən mətbuat vasitəsi ilə Sizə müraciət edirəm ünvanlı sosial yardım üçün etdiyim müraciətlərə verilmiş imtinaların əsassız və qanunsuz olmaları ilə bağlı subutları Sizə təqdim etmək istəyirəm. Ona görədə Sizdən xahiş edirəm ya şəxsən özünüz yada müavinlərinizdən biri məni qəbul edəsiniz.
Hörmətlə;Məmmədov Samir Ağahüseyn oğlu
Əlaqə tel:(051) 443 48 47
21.09.2022-ci il
Azərbaycanda taksi sürücüləri 12 manat icbari tibbi sığorta haqqı ödəyəcəklər.
Bununla bağlı “Tibbi sığorta haqqında” qanuna dəyişiklik layihəsi parlamentin Səhiyyə komitəsinin bu gün keçirilən iclasında müzakirə edilib.
Dəyişiklik layihəsi Vergi Məcəlləsində dəyişiklik edilməsi haqqında 3 dekabr 2021-ci il tarixli qanuna uyğun hazırlanıb.
Dəyişiklik layihəsində Azərbaycan ərazisində fərdi qaydada (muzdlu işçi cəlb etmədən) avtomobil nəqliyyatı vasitələri ilə sərnişin və yük daşımalarını həyata keçirən fiziki şəxslər, yəni mülkiyyətində və ya istifadəsində olan avtonəqliyyat vasitələri ilə ölkə ərazisində sərnişin və yük daşımalarını (o cümlədən taksi ilə) və yaxud həmin daşımaları müqavilə əsasında digər şəxslər vasitəsi ilə həyata keçirən şəxslər tərəfindən icbari tibbi sığorta haqqı “Fərqlənmə nişanı” alınarkən ödənilməsi nəzərdə tutulub.
Sənədin qəbulu ilə bu kateqoriyadan olan fiziki şəxslər minimum əməkhaqqının (300 manat) 4%-i miqdarında (12 manat) məbləğ ödəməklə icbari tibbi sığortanın xidmətlərindən bəhrələnə biləcəklər.