 |
|
|
Rusiya Prezidenti Vladimir Putinlə Roma Papası arasında telefon danışığı baş tutub.
Söhbət zamanı tərəflər Ukraynadakı vəziyyəti, humanitar məsələləri və din azadlıqlarını müzakirə ediblər. Prezident Putin, həmçinin Müqəddəs Taxt-Tacın sülh prosesində oynaya biləcəyi rola toxunub.
Danışığın əsas məqamları aşağıdakılardır:
- Rusiya Prezidenti Vladimir Putin Roma Papası ilə telefon danışığı zamanı Kiyev rejiminin münaqişəni eskalasiya etdiyinə diqqət çəkib.
- O, Ukrayna ilə münaqişənin həllində vasitəçilik etməyə hazır olduğu üçün Roma Papası XIV Levə minnətdarlığını bildirib.
- Prezident, Rusiyanın Ukraynada sülhə siyasi-diplomatik yolla nail olmaqda maraqlı olduğunu bir daha vurğulayıb.
- Putin ümid etdiyini bildirib ki, Müqəddəs Taxt-Tac Ukraynada vicdan və dini etiqad azadlığının təmin edilməsində daha fəal rol oynayacaq.
- Rusiya lideri, İstanbulda Ukrayna ilə əsirlərin və həlak olmuşların cəsədlərinin mübadiləsi ilə bağlı əldə olunan razılaşmalar barədə Roma Papasını məlumatlandırıb. /Musavat.com