ABŞ prezidenti postuna namizəd olan Donald Tramp və Kamala Harrisin debatı keçirilib. 

Musavat.com xarici mediaya istinadən xəbər verir ki, debat zamanı ən çox adı hallanan Putin olub. Namizədlər onun adını 12 dəfə çəkib, Rusiya sözünü 11 dəfə işlədiblər.

Tramp deyib ki, o, Putin və Zelenskini tanıyır və ona hörmət edirlər, bunu Bayden haqqında demək olmaz. Respublikaçı vəzifəyə başlamazdan əvvəl Ukrayna münaqişəsini həll edəcəyinə söz verib və əlavə edib ki, belə bir müharibə onun dövründə başlamazdı. O, Baydeni Rusiya Federasiyası ilə təmasların olmamasına görə qınayıb və xatırladıb ki, Rusiya nüvə silahına malikdir.

Harris əmin edib ki, Trampın Ukrayna cəbhəsində hərbi əməliyyatları 24 saat ərzində dayandırmaq planı yalnız Kiyevə yardımdan imtina etməkdən ibarətdir. Eyni zamanda o, qələbə qazanacağı təqdirdə, ABŞ-ı dünyanın ən güclü ordusu ilə təmin edəcəyinə söz verdi.