Portuqaliya millisinin yeni baş məşqçisi Roberto Martinez komandanın kapitanı Kriştiano Ronaldonun yığmadakı gələcəyini şərh edib.

Qol.az “Footmercat”oya istinadən xəbər verir ki, ispaniyalı mütəxəssis 37 yaşlı hücumçunun yığmadakı karyerasına hörmət etdiyini bildirib:

“Meydandakı və məşqdəki vəziyyətə əsasən qərarlar qəbul edilməlidir. Mən tələsik qərarlar verən məşqçi deyiləm. Bütün futbolçularla görüşmək istəyirəm və bu gündən onlarla danışmağa, görüşməyə başlayacağam. Kriştiano 19 il millidə çıxış edib və bu, hörmətə layiqdir. Bundan sonra Avropa çempionatı üçün ən yaxşı heyəti seçməliyəm. Sabah bu işə başlayacağıq, bütün futbolçuları tanıyacağıq, Kriştiano da onlardan biridir. Milli komandaya qoşula biləcək bütün futbolçularla tanışlıq prosesinə başlayacağıq. Biz hər bir oyunçuya fürsət verəcəyik və artıq komandanın bir hissəsi olanlara hörmət edəcəyik. Kriştiano da onlardan biridir”.

Qeyd edək ki, Martinezin Portuqaliya millisinə baş məşqçi təyinatı bu gün açıqlanıb. O, bu vəzifədə Fernando Santuşu əvəzləyib.