Fransa Kubokunun yarımfinal mərhələsinin dünən keçirilən oyununda “Renn”i 1:0 hesabı ilə məğlub edərək finala yüksələn PSJ-nin yeganə qolunun müəllifi Kilian Mbappe oyun zamanı Paris təmsilçisinin azarkeşlərinin təzyiqinə məruz qalıb.

Fanat.az xəbər verir ki, “Park de Prens”də baş tutan matçın gedişində radikal tərəfdarlar ulduz hücumçunu fitə basıblar.

Yerli mətbuat azarkeşlərin belə davranışını Mbappenin cari mövsümün sonunda “Real Madrid”ə keçməyə razılıq verməsi ilə izah edib.

Qeyd edək ki, Qeyd edək ki, daha öncə Kilianın “Kral klubu” ilə müddəti 2029-cu ilin yayına qədər nəzərdə tutulan müqavilə bağladığı haqda informasiyalar yayılıb. Onun artıq PSJ-dəki komanda yoldaşlarına yayda iş yerini dəyişəcəyini dediyi və Madriddə özünə ev tapdığı bildirlib.