Türkiyə Super Liqasında VII turun oyunları keçirilir.

Oxu.Az xəbər verir ki, “Qalatasaray” öz meydanında “Ankaragücü” ilə qarşılaşıb.

Matç İstanbul təmsilçisinin qələbəsi ilə başa çatıb - 2:1. Hesabı 49-cu dəqiqədə Ankara klubunun heyətində Ronaldo Çefas açıb. Lakin “aslanlar” geridönüş etməyi bacarıblar. 56-cı dəqiqədə Uilfrid Zaha fərqlənib. 70-ci dəqiqədə Hayrullah Bilazerin avtoqolu “Qalatasaray”ı qalib edib.

Xallarını 19-a çatdıran Okan Burukun komandası “Fənərbağça”nı (18 xal) geridə qoyaraq birinci pilləyə yüksəlib. Komanda bir oyun artıq keçirib.