"İranda daxili qarşıdurmalar artacaq" - AKTUAL
Xəbər verdiyimiz kimi, İran Prezidenti İbrahim Rəisi, xarici işlər naziri Hüseyn Əmir Abdullahian və digər rəsmi şəxslərin göyərtəsində olduğu helikopter mayın 19-da ölkə ərazisində qəzaya düşüb. Qəza nəticəsində 9 nəfər həlak olub.

Hadisə dünya mediyasında bir sıra müzakirələrə səbəb olub. Bəziləri bunu qəza adlandırsa da, digərləri təxribat olduğunu iddia edir.

Ermənistan mediyası isə hadisəni Azərbaycanla əlaqələndirməyə çalışır.

Milli Məclisin deputatı Fazil Mustafa AzVision.az-a bildirib ki, erməni mediasının yazdıqları bizim üçün önəmli deyil.

“İranda hər kəs anladı ki, qəzanın Azərbaycanla əlaqəsi yoxdur. Bu, sırf texniki nasazlıqla bağlı baş verən xoşagəlməz bir hadisədir. Hər ölkədə baş verə bilər. Bunu xüsusi qabartmağın mənası yoxdur. İranda prezident əhəmiyyətli fiqur idi. Cəmiyyətdə müəyyən addımların atılmasında rolu ola bilərdi. Amma əsas fiqur ali dini liderdir və prezident müstəqil siyasi kursa malik deyil. Bu, bir kadr itkisidir. Odur ki, İranda hər hansı dəyişiklik gözlənilmir”.

Bununla yanaşı deputat düşünür ki, İranda dinin siyasətə alət olması cəmiyyət içərisində müəyyən problemləri şiddətləndirə bilər:

“Çünki dinin siyasətə alət olunması heç bir ölkəyə uğur gətirməyib. Bu baxımdan İran da istisna deyil”.

Politoloq Cümşüd Nuriyev isə bildirib ki, müxtəlif təxribat xarakterli üsullarla Fransa, ABŞ və İsrail bölgədə qarşıdurma yaratmaq istəyir:

“İsrailə lazımdır ki, diqqəti Qəzzadan törətdiklərindən yayındırsın. Fransaya lazımdır ki, xarici siyasətdə Azərbaycana uduzduqlarının əvəzini çıxsın. ABŞ-a isə lazımdır ki, Qafqaza girsin, eləcə də Azərbaycan-İran münasibətlərinin yaxınlaşmasına mane olsun. Bütün bunların fonunda bu dövlətlərdən verilən açıqlamalar, bəyanatlar siyasi xarakterlidir.

Son zamanlar Azərbaycanla İranın münasibətləri həddən artıq irəliləmişdi. Rəisi qəzaya düşdüyü gün bəyan etdi ki, Qarabağın, Şərqi Zəngəzurun bərpasında iştirak etmək istəyirlər. Əgər ermənilərin dediyi kimi təxribat varsa, deməli təxribatı özləri və ya onların arxasında duran Fransa törədib”.

Politoloqun fikrincə, İranda baş verən proseslər ölkədə daxili qarşıdurmaya təkan verəcək:

"Vəziyyətin gərginləşəcəyini öncədən proqnozlaşdırmaq olar. İranda məsələləri mollalar həll edir. Seçki demokratik görüntü yaratmaq xatirinə həyata keçirilən bir missiyadır. İran konstitusiyasına görə artıq iyunun 28-nə prezident seçkiləri təyin olunub. Bu müddət ərzində vitse-prezident prezidenti əvəz edir.

İran parlamentinin sədri Məhəmməd Bağır Qalibaf ilə İranın Ali Rəhbəri Əli Xameneyinin münasibətlərində bir gərginlik var. İranın əvvəlki xarici işlər naziri Məhəmməd Cavad Zərif də prezident ola bilər. Kifayət qədər peşəkar bir diplomatdır. Əslində Xameneyi kimi istəsə, o da prezident olacaq. İran mətbuatı isə Xameneyi ilə Rəisi arasında münasibətlərin gərginliyindən yazır”.
 

Bölmənin digər xəbərləri

24 İyun 2024 DƏRBƏNDDƏ VƏ MAHAÇQALADA TERROR AKTLARI TÖRƏDİLİB - Ölənlərin və yaralananların sayı artır + VİDEOLAR (Yenilənib)
24 İyun 2024 PAŞİNYAN "ERMƏNİ ÜÇLÜYÜNƏ" SAVAŞ AÇIB... - İrəvan Azərbaycanın haqlı mövqeyini dəstəklədi
24 İyun 2024 Dağıstanda terror aktı: “Döyüş artıq başa çatıb”
24 İyun 2024 Dünyanın ən kiçik 10 ölkəsi – SİYAHI
22 İyun 2024 Rusiya XİN rəhbərinin müavini İranla nüvə sazişi barədə danışdı
22 İyun 2024 Netanyahunun müşaviri Ermənistanı hədələdi: “Mənfi təsir göstərəcək”
22 İyun 2024 Himni olmayan ölkə - ŞOTLANDLARIN DİRİLİŞİ - VİDEO
21 İyun 2024 Azərbaycanın bu ölkə ilə viza rejimi ləğv edilir
20 İyun 2024 İranda prezident seçkilərinin “nəticələri” elan edildi - İNCƏLƏMƏ
20 İyun 2024 “Türkiyə ilə münasibətlərin qurulması Ermənistanda siyasi böhrana səbəb olmayacaq...” - “Kavkazskiy uzel”
20 İyun 2024 Şimali Koreya lideri Putinin hədiyyəsinin qarşılığında nə verdi?
20 İyun 2024 “Humanistliyinizi anlaya bilmirəm…” –
20 İyun 2024 Ermənistan KTMT-nin iclasına qatılmayacaq
19 İyun 2024 Macarıstan Ursula fon der Lyayenin yenidən təyinatını dəstəkləməyəcək
19 İyun 2024 ABŞ rəsmisi: Putin “elementar sağlam düşüncəyə meydan oxuyur”
19 İyun 2024 Alman nazir həyəcan təbili çaldı: “Ukraynaya kömək etməsək…”
18 İyun 2024 ABŞ Zelenskini aradan götürə bilər - Bennett
18 İyun 2024 "Ermənistan hökuməti KTMT-dən çıxıb-çıxmamağa qərar verməlidir" - Dövlət Departamenti
17 İyun 2024  Bu cür Ermənistan nəyimizə lazımdır? - Korotçenko BELƏ DEYİR
17 İyun 2024 Paşinyan Azərbaycanla sərhədə gəldi - KİV

Dünyapress TV

Xəbər lenti