Son vaxtlar ərzaq mağazalarında endirim kampaniyalarına tez-tez rast gəlinir. Bu elanlarda müxtəlif ərzaq məhsullarının, xüsusilə günəbaxan yağının qiymətindəki təklif olunan endirim diqqəti çəkir. Lakin günəbaxanın özünün maya dəyərini nəzərə alsaq, ondan istehsal olunan yağın qiyməti bir sıra suallara səbəb olub.
Sonuncu belə bir kampaniyada 5 litrlik günəbaxan yağının 9 manata satıldığı barədə elan verilib.
Ancaq bazarda günəbaxanın özünün 1 kq-nın 1.5 – 2.0 manat civarında satıldığını nəzərə alsaq o zaman bundan istehsal olunan yağın bu dərəcədə ucuz qiymətə olması şübhə doğurur. Bu şübhələrdə isə həmin yağın tərkibinin təkcə günəbaxandan ibarət olmadığı başqa qatqılar qatılmasına əsaslar yer alır.
Təbii ki, mənşəyi bilinməyən qatqıların qatıldığı yağ insan orqanizmi üçün ağır fəsadlara gətirib çıxarır.
Bu cür məsələlərin müzakirəsi zamanı Qida Təhükəsizlik Agentliyi tənqid obyektinə çevrilir.

Azad İstehlakçılar İctimai Birliyinin sədri Eyyub Hüseynov Gununsesi.info-ya açıqlamasında deyir ki, bu cür narahatlıqlar təkcə, yağlarlda deyil, digər qida məhsullarıl ilə bağlı da yaşanır: “Bu cür suallar ət məmulatlarında da olur. Braziliyadan Azərbaycana gətirilən sağlam,təmiz ət məmulatlarının 1 kiloqramı 4 manat 50 qəpikdir. Yəni, bu istehlahçıların düşündüyü malın hər hansısa hissəsi deyil. Məhsul hissələri ayrılır, bölünür və onun bəzi hissələri seçilir. Nəticədə ucuz qiymətə gəlib çıxır. Bu bir analogiyadır.
Günəbaxanın da yüksək məhsuldarlığa məxsus xüsusi növləri var. İstisna olunmur ki, yüksək məhsuldarlığlı yağlı günəbaxan yağları belə qiymətə gəlib çıxsın”.
Eyyub Hüseynovun sözlərinə görə Qida Təhükəsizlik Agentliyi bütün məhsullara xüsusi nəzarət etsə də, lakin müəyyən sahədə çatışmayan işləri də var:
“Bir ay öncə Qida Təhükəsizlik Agentliyinə rəsmi məktub göndərmişəm. Bir sıra spred yağlar (bitki mənşəli) yağlar var ki, istehsalçılar üzərinə yazır ki, bu bitki mənşəyilidir.

İstehlahçıya isə hansı yağının olması lazımdır. Ola bilər üstündə günəbaxan şəkili olsun, lakin tərkibi başqa bir bitki yağına aiddir. Buraya soya və ya digər ucuz əmələ gələn yağları daxil etmək olar.
Qida Təhükəsizlik Agentliyinə təklif etmişəm ki, Agentlik istehlahçıların məlumat alma hüquqları təmin olunsunmasını da nəzərə almalıdır.
Sprey yağların üzərində hansı bitkidirsə, o yağın mənşəyi də üzərinə qeyd olunsun.
Keyfiyyət məsələsinə isə təəssüf ki, kimsə nəzarət etmir. Əlbəttə ki, istisna olunmur ki, belə yağların tərkibinə daha ucuz bitki yağları qatılır”.