Rusiya, Çin və İran ölkədəki sabitliyi pozmaq üçün Uels şahzadəsi Keyt Middlton haqqında dezinformasiya yayır.

Qaynarinfo xəbər verir ki, bu barədə "The Telegraph” hökumətdəki mənbələrə istinadən yazır.

Rəsmilər ehtimal edirlər ki, şahzadənin səhhəti ilə bağlı internet-şayiələrin yayılmasının arxasında düşmən dövlətlər dayanır.

Şahzadə Keyt diaqnozunu açıqladıqdan sonra Böyük Britaniyanın Baş naziri Rişi Sunak son həftələrdə ona internetdə hücum edən sosial media trollarını qınayıb.
Lakin sonradan şahzadə internetdə yenidən hücumların qurbanı olub və onu daha əvvəl diaqnozu barədə məlumat vermədiyinə görə qınayıblar.

Lakin Britaniya hökumətində düşmən dövlət subyektlərinin sosial mediada şahzadəyə qarşı zorakı hücumları gücləndirməkdə iştirak edə biləcəyi ilə bağlı narahatlıq artır.

"Düşmən dövlətlərin fəaliyyətlərinin bir hissəsi sabitliyi - seçkilərimizin və ya digər təsisatlarımızın legitimliyini pozmaqdır”, - mənbə bildirib.

Bu şərhlər Britaniyanın bir qrup yüksək vəzifəli deputata qarşı dövlət tərəfindən dəstəklənən kiberhücumlardan sonra Çinə qarşı yeni sanksiyalar elan etməyə hazırlaşdığı bir vaxta təsadüf edir.

Bukingem Sarayındakı mənbələr kral ailəsinin üzləşdiyi hazırkı problemlərin "seysmik dəyişiklik"dən daha çox "müvəqqəti zərbə" olduğunu söyləyirlər.
Əlavə edirlər ki, Kral Çarlz "çox yaxşıdır" və səhhəti icazə verərsə, yayda ictimai işə qayıtmağa "hazırlaşır".

Saray mənbələri böyük sosial media şirkətlərinin indi yalanların və sui-qəsd nəzəriyyələrinin nəzarətsiz şəkildə yayılmasına imkan verən sistemləri gücləndirmək üçün vəziyyətdən istifadə edəcəyinə ümid etdiklərini söyləyirlər.

Xatırladaq ki, Uels şahzadəsi Keyt Middlton cümə günü xərçəng diaqnozu qoyulduqdan sonra müalicəsinin ilkin mərhələsində olduğunu söyləyib.
Fevralda məlum olub ki, Böyük Britaniyanın 75 yaşlı kralı III Çarlza xərçəng diaqnozu qoyulub.