4 ayda İsrail nə qədər hərbçisini itirib?
İsrail ordusu Qəzza zolağının şimalında baş verən qarşıdurmalarda mayor rütbəli zabitlərindən birinin həlak olduğunu açıqlayıb.

TEREF xəbər verir ki, bu barədə ordunun saytında dərc edilmiş məlumatda bildirilib.

Məlumata görə, 401-ci döyüş mühəndisliyi briqadasının 601-ci batalyonunun komandirinin müavini mayor Devid Şakuri Qəzza zolağının şimalında baş verən qarşıdurmalarda həlak olub.

Şakurinin ölümü ilə İsrail ordusunun quru əməliyyatları başlayandan bəri öldürülən hərbçilərinin sayı 226-ya çatıb. Qəzza zolağına hücumların başladığı 7 oktyabrdan bu yana öldürülən İsrail hərbçilərinin sayı isə 563 olub.

Ordunun internet saytında gündəlik yenilənən məlumatlara görə, quru hücumları başlayandan bəri yaralanan İsrail hərbçilərinin sayı 1304-ə yüksəlib. Münaqişə başlayandan bu günə kimi yaralanan İsrail hərbçilərinin sayı isə 2828-ə çatıb.

yeniavaz.com