Fransa 2025-ci ildə Ukraynaya “Mirage” qırıcılarını tədarük edəcək.

Bu barədə Fransanın müdafiə naziri Sebastyan Lekornu bildirib.

“Biz 2025-ci ilin yanvar-mart aylarında Kiyevə “hava-yer” tipli yeni silahlarla təchiz edilmiş “Mirage 2000” qırıcıları tədarük edəcəyik”, - o qeyd edib.

“İsrailin atdığı addımların qarşısını almaq üçün Yaxın Şərqə sülhməramlı kontingentin göndərilməsinə ehtiyac var”.

Bunu Türkiyənin Diyanət İşləri İdarəsinin (Dİİ) rəhbəri Əli Ərbaş deyib.

“Günahsız insanları qorumaq üçün bölgəyə sülhməramlı qüvvələr ən qısa zamanda göndərilməlidir. Rəfah sərhəd keçid məntəqəsi və Fələstinə humanitar dəhliz qış mövsümü nəzərə alınaraq dərhal açılmalıdır. Qəzzaya əsas malların və yardımın, xüsusilə elektrik və suyun çatdırılmasını təmin etmək üçün tədbirlər görülməlidir. Bəşəriyyətin daha böyük fəlakətə sürüklənməsinin qarşısını almaq üçün BMT hərəkətə keçməli və hüquqi prosedurlara başlamalıdır. İndi bütün bəşəriyyət ciddi təhlükə ilə üz-üzədir. Bu gün İsrail qlobal sülh və təhlükəsizliyə ən böyük təhlükəyə çevrilib və bəşəriyyətin gələcəyini təhlükə altına qoyub”, – deyə Əli Ərbaş vurğulayıb.

Azərbaycan Respublikasının Prezidenti cənab İlham Əliyevin müvafiq Sərəncamı ilə general-leytenant Namiq İslamzadə müdafiə nazirinin müavini - Hərbi Hava Qüvvələrinin komandanı təyin olunub.

İsrailin Beyruta endirdiyi zərbələrdən sonra İslam İnqilabı Keşikçiləri Korpusunun (SEPAH) Qüds Qüvvələrinin komandiri general-mayor İsmayıl Kaani ilə əlaqə saxlamaq mümkün olmayıb.

Oxu.Az "Reuters"ə istinadən xəbər verir ki, bu barədə İranın iki yüksəkrütbəli təhlükəsizlik məmuru məlumat yayıb.

Qeyd olunur ki, Kaani sentyabrın 27-də "Hizbullah" hərəkatının lideri Həsən Nəsrullahın öldürülməsindən sonra Livana gedib. Mənbələrdən biri bildirib ki, general Nəsrullahın varisi Haşim Səfiəddini hədəf alan zərbə zamanı Beyrutun cənub ətrafı Dahiyədə olub. İkinci mənbə bu məlumatı təsdiqləyib.

İsrail ordusu hələ də zərbələrin nəticələrini qiymətləndirdiyi üçün Kaaninin taleyi ilə bağlı məlumat verə bilməyib.

İran komandanlığı İranın İsraillə birbaşa qarşıdurmaya girməsi halında bir neçə fəaliyyət planı hazırlayıb.
TEREF “Tasnim”ə istinadən xəbər verir ki, bunu İslam İnqilabı Keşikçiləri Korpusunun (“Sepah”) Hərbi Dəniz Qüvvələrinin komandanı kontradmiral Əlirza Tanqsirib bildirib.

O bildirib ki, İsrailin Baş naziri Binyamin Netanyahu “odla oynayır” və bununla əlaqədar İran hərbçiləri bir sıra təlimlər keçiriblər. Tanqsirib qeyd edib ki, hərbçilər İsrailin mümkün hərəkətlərinə tam hazırdırlar, bununla belə İranın cavab formaları və əks-zərbələri İsrail tərəfinin nə edəcəyindən asılı olacaq.

“İranın İsraildəki hədəflər siyahısı var və “Həqiqi vəd 2” əməliyyatı sübut edib ki, biz istədiyimiz hər yeri əsasından dağıda bilərik”, – mənbə vurğulayıb.
/modern.az

Almaniya Türkiyəyə bir neçə yüz milyon avro dəyərində silah tədarükünü təsdiqlədyib.

Bu barədə “Spigel” nəşri məlumat yayıb.

“Federal Təhlükəsizlik Şurası bu yaxınlarda keçirilən gizli iclas zamanı NATO tərəfdaşı Türkiyəyə bir neçə yüz milyon avro dəyərində alman silahının tədarükünə yaşıl işıq yandırıb”, – məlumatda qeyd olunub.

Məlumata görə, Almaniya Türkiyəyə gəmilərin hava hücumundan müdafiə sistemləri üçün idarə olunan raketlər, 28 ədəd “SeaHake” torpedaları, eləcə də U209 tipli türk
sualtı qayıqlarının modernləşdirilməsi üçün komponentlər, türk korvetləri və freqatları üçün mühərrik hissələri göndərib.

Hərbi paketin ümumi dəyəri 336 milyon avrodur./Viral.az

Türkiyənin ilk milli pilotsuz döyüş təyyarəsi "Kızılelma"nın seriyalı istehsalına başlanılıb.

"AzPolitika" xəbər verir ki, Baykar şirkətinin texniki direktoru Selçuk Bayraktar "Kızılelma"nın serial istehsal xəttindən çıxan ilk görüntüsünü sosial mediada paylaşıb.

Bayraktarın paylaşımında bildirilib: “Kızılelma Allahın izni ilə seriyalı istehsala başlayıb”.

"Kızılelma" Türkiyənin ilk reaktiv pilotsuz döyüş təyyarəsi olaraq milli və orijinal olaraq hazırlanıb. Baykar tərəfindən istehsal edilən pilotsuz təyyarə ilk uçuşunu 2022-ci ilin dekabrında uğurla həyata keçirib. Türkiyənin müdafiə sənayesində mühüm addım olan "Kızılelma" döyüş meydanlarında insanlı qırıcı təyyarələrini əvəz edə biləcək şəkildə dizayn edilib. Bu təyyarə hava-hava döyüşlərini yerinə yetirə bilir və yüksək sürətli manevr qabiliyyətinə malikdir. Kızılelma həmçinin, radar sistemi ilə müəyyən edilə bilməyən bir texnologiya ilə təchiz edilib.

Türkiyə bu layihə ilə müdafiə sənayesində yeni bir dövr açaraq, müasir texnologiyalarla təchiz olunmuş döyüş təyyarələri sahəsində əhəmiyyətli irəliləyiş əldə edir.

İsrail Hərbi Hava Qüvvələrinin qırıcıları Beyrut ərazisində Hizbullah qərargahı və hərbi obyektlərinə yeni hücumlar həyata keçirib.

Bu barədə İsrail Müdafiə Qüvvələrinin mətbuat xidməti məlumat yayıb.

“İsrail Hərbi Hava Qüvvələrinin qırıcıları Beyrut ərazisində Hizbullahın komandanlıq mərkəzlərinə və terror infrastrukturuna dəqiq zərbələr endiriblər”, – deyə ordunun bəyanatında bildirilib.

Qeyd edək ki, bu gün Beyruta endirilən zərbələr nəticəsində SEPAH-ın Qüds qanadının komandiri İsmayıl Qaani yaralanıb.

Hər iki tərəf daha bir pillə irəliləmək qərarına gələndə qarşılıqlı hücumlar daha tez-tez olacaq

İran İsrailə güclü raket zərbəsi endirdi. Bundan sonra gözlənilən əsas ssenari bir növ cavab zərbəsidir. Eynilə altı ay əvvəl, aprelin 14-dən sonra da zərbə mübadiləsi baş verdi. Bütövlükdə münaqişənin intensivliyi tədricən artmaqdadır. Yaxın Şərqdə gərginlik bir pillə də artdı - İsrail və İran arasında birbaşa hücumlar var.

Aprelin 14-dəki birinci zərbədən sonra dedim ki, ikinci zərbə olarsa, bu, sistemin bir hissəsinə çevriləcək və daha tez-tez təkrarlanacaq. Bu o deməkdir ki, hər iki tərəf daha bir pillə irəliləmək qərarına gələndə qarşılıqlı hücumlar daha tez-tez olacaq.

İranlılar bu hücumla bağlı xüsusi xəbərdarlıq ediblər. Və qəsdən hücum elə tətbiq edilib ki, mülki şəxslərə zərər dəyməsin. Tehran ən azından bunu etməyə çalışdı. İsrail də mülki şəxslərə təsir etməyəcək bəzi obyektləri seçəcək. Bununla belə, bir amma var: tərəflər ekzistensial çağırışın qiymətləndirilməsindən asılı olaraq addımlar atırlar.

İsrail tərəfindən məhv edilən “Hizbullah” hərəkatının lideri Həsən Nəsralah təkcə İranın müttəfiqi deyildi. Bu, İran Prezidenti ilə bərabər regional siyasətdə söz sahibi olan, hətta İranın hərbi-siyasi rəhbərliyinin də qulaq asdığı ​​şəxs idi. “Hizbullah” qarşısına İrana Aralıq dənizinə çıxmaq və İsrailə təhlükə yaratmaq üçün strateji məqsədləri qoyub. “Hizbullah”ın yox olması İranın qırx il ərzində həyata keçirdiyi planın məhv edilməsidir.

Digər tərəfdən, İranda daxili siyasi vəziyyət çox ağırdır. İki il əvvəl ilk dəfə etiraz aksiyaları keçirildi və bu zaman “Rədd olsun İslam Respublikası” şüarları səsləndi. Bu etirazlar yatırılsa da, rejimə qarşı müxalifət potensialı tükənməyib. Molla rejimi sağ qalmasının risk altında olduğunu başa düşsə, o zaman SEPAH-ın (İslam İnqilabı Keşikçiləri Korpusu) müdaxiləsi lazım olacaq.

Vəziyyət nəzarətdən çıxsa, o zaman biz İranla İsrail arasında müharibənin yox, iranlıların regional vəziyyəti pozmaq cəhdlərinin şahidi olacağıq. SEPAH artıq öz kanalları ilə təhdidlər yayıb ki, əgər “İsrailin İrana zərbəsi qeyri-mütənasib olarsa, o zaman cavab olaraq Fars körfəzi ölkələrinin infrastrukturu atəşə tutulacaq”. Bu, siqnaldır. Təbii ki, indi bu olmayacaq, amma belə fikirlər var və ciddidir.

İsrailin Moskvadakı səfirliyinin bəyanatı da maraqlıdır: onlar Rusiyanı mühüm tərəfdaş hesab edirlər və hər zaman konstruktiv dialoqa hazırdırlar. Bu o deməkdir ki, Rusiyanın İranla potensial danışıqlara vasitəçi kimi cəlb olunması variantı sınaqdan keçirilir. Öz növbəsində Rusiya da yeganə vasitəçi olmaq üçün İran üzərində mifik təsirini mübadilə edə bilər. Lakin bunun üçün onların daha geniş eskalasiyası lazımdır ki, naviqasiyanın dayandırılması təhlükəsi və müvafiq olaraq Fars körfəzindəki problemlər səbəbindən neft bazarının çökməsi reallaşsın.

Regional müharibə zamanı hadisələrin inkişafının başqa bir ssenarisi də İran rejiminin dağılması və “Şər Oxu”nun tərkib hissələrindən birinin sıradan çıxmasıdır. Aydın məsələdir ki, İranda rejim dəyişikliyindən sonra eyni SEPAH zabitləri hakimiyyətə gələ bilərlər. Lakin onlar şüarlarında və siyasətlərində dəyişiklik etməli olacaqlar...

Bütün bunların Ukraynanın vəziyyətinə təsirinə gəlincə, müxtəlif variantlar var. İran raketlərinin Rusiyaya ötürülməsinin dayandırılacağından daha mürəkkəb məsələlərə qədər. Hamı deyir ki, ABŞ-ın diqqəti Yaxın Şərqə yönələcək və Ukraynaya yardım gündəmdən çıxacaq. Amma 2023-cü il oktyabrın 7-dən sonra, HƏMAS-ın İsrailə hücumundan sonra diqqət Yaxın Şərqə yönəldiyini görsək də, cəmi dörd ay sonra hər iki münaqişə diqqətdə saxlanıldı.

Müəllif: Sergey Danilov – Ukrayna Yaxın Şərq Araşdırmaları Mərkəzinin sədr müavini .

Mənbə: UNİAN

Tərcümə AYNA-ya məxsusdur.