 |
|
|
Gəncə Dövlət Universitetinin "Psixologiya" kafedrasının müdiri, dosent Cavadova Zümrüd Soltan qızı çalışdığı təhsil müəssisəsində baş verənlər barəsində ölkə baəçısına müraciət ünvanlayıb.
Bir nüsxəsi də "DogruXeber.az"ın elektron poçtuna ünvanlanan müraciətdə deyilir:
" Azərbaycan Respublikasının Prezidenti
Cənab İLHAM ƏLİYEVƏ
Çox hörmətli cənab Prezident.
Məlumunuz edirik ki, Qasımova Həmidə İsgəndər qızı Gəncə Dövlət Universitetinin rektorunun operatoru vəzifəsində işləyib. İşləyərkən öz səlahiyyətlərindən istifadə edib törətdiyi korrupsiya faktlarına və əxlaqsız hərəkətlərinə görə Gəncə Dövlət Universitetinin rektorunun əmri ilə işdən qovulub. Əvvəllər isə bu şəxs Sizin fərmanınızla fəaliyyəti dayandırılmış Azərbaycan Müəllimlər İnstitutunun Gəncə Filialında Direktor Ramiz Məmmədovun yanında işləyib. Saxta diplom, saxta tələbə qəbulları ilə məşğul olub. Hal-hazırda isə bu şəxsi psixologiya sözünün mənasını bilməsə belə mənim müdir olduğum "Psixologiya" kafedrasına müəllim təyin ediblər.
Bu şəxs 27.05.2022-ci ildə 5804.01 - "Ümumi pedaqogika, pedaqogikanın və təhsilin tarixi" şifri üzrə fəlsəfə doktoru elmi dərəcəsi almaq üçün "Yuxarı sinif
şagirdlərində təşkilatçılıq qabiliyyətlərinin formalaşdırılması üzrə işin sistemi" mövzusunda dissertasiya işi müdafiə edib. Məlumunuz etmək istəyirik ki, Qasımova Həmidə İsgəndər qızının bu dissertasiya işindən xəbəri yoxdur. Bu dissertasiya işini rüşvət müqabilində onun elmi rəhbəri, pedaqoji elmlər doktoru, professor Akif Abbasov yazıb. Qasımova Həmidə İsgəndər qızı isə nəinki bu elmi dərəcəyə, hətta müəllim adına layiq olmayan birisidir. Onun nəinki dissertasiyadan, hətta
pedaqogikadan belə xəbəri yoxdur. Belə bir fırıldaqçı, əxlaqsız adama alim adının verilməsi alim adına, müəllim adına təhqirdir.
Azərbaycan Respublikasının Prezidenti yanında Ali Attestasiya Komissiyasının Naxçıvan Müəllimlər İnstitutunun nəzdində fəaliyyət göstərən FD 2.40 Dissertasiya
Şurasında müdafiə edərkən də pul verib müdafiə edib.
Sizdən xahiş edirik ki, bu biabırçılıqların qarşısının alınması üçün əlaqədar təşkilatlara göstəriş verəsiniz.
Hörmətlə, Gəncə Dövlət Universitetinin "Psixologiya" kafedrasının
müdiri, dosent Cavadova Zümrüd Soltan qızı""
Qeyd: Materialda adı çəkilən tərəflərin də mövqeyini "DogruXeber.az" olaraq, dinləməyə və dərc etməyə hazırıq.