Şəhid qanıyla müqəddəsləşən Qarabağda harama bulaşanlar…  FOTO
Azərbaycanda əksər dövlət layihələrindən narazılıq var. Bunun bir səbəbi odur ki, heç bir layihə ictimai müzakirədən keçmir, insanların fikri öyrənilmir. İşğaldan azad olunan ərazilərdə evlər tikilir, amma rayon ziyalılarından, ağsaqqallarından, elə gənclərin özündən soruşan yoxdur ki, yeni rayonunuzu, kəndinizi, evinizi, necə görürsünüz?
Bu gün Yeni Qarabağın layihəsini bir gün Qarabağda olmayanadamlar, avrotəhsillilər cızır. Onlar da selin hardan gəldiyini, küləyin hayandan əsdiyini, əkini harda əkərlər, qoyun quzunu harada otararlar bilmədən “çertyoj” çəkirlər. Ona görə də nəticədə kəllə-mayallaq vəziyyət yaranıb. Qubadlıda, Cəbrayılda və digər rayonlarda kənd evlərinin əksəri ikimərtəbəli olub. Birinci mərtəbədən əsasən “əl damı” kimi istifadə olunub. Kəndçi əkdiyi, biçdiyi məhsulu, qış azuqəsini birinci mərtəbəyə yığardı, yuxarıda da özü qalardı. Amma indi Qubadlının Mahruzlu kəndində ev tikiblər, evlər yerlə birdir. Kənd evini də elə tikərlərmi? Özü də yalın ətəyində, dərənin dibində, selənlikdə o cür evmi olar? Bu adamlar bir iki cərgə kubikə qənaət ediblər, yoxsa avropa təhsilli, Qarabağdan xəbərsiz memarların çəkdiyi layihə elə budur? Hər nədirsə, ortada olan, tikilən evlər göz qabağındadır…
İndi sorğu sual etsən deyəcəklər ki, bəs ağsaqqallar şurasının rəyini də öyrənmişik. Hansı ki, o ağsaqqallar şurasının üzvləri icra başçısının, yaxud o biri məmurların tapşırığı ilə “dejurnı ziyalı” obrazında çıxış etməkdən başqa iş görmürlər. Heç kim inciməsin, olanı yazıram. Ola bilsin ki, məsələ bir az böyüsə, o ağsaqqalları yenə üstümüzə qaldırıb “sən hələ uşaqsan, belə şeyləri bilməzsən” kimi bəyanat da verdirsinlər. Amma kimsə üstümüzə kəmçirəcək deyə doğrunu yazmaqdan geri durası deyilik.
Bir müddət əvvəl Cəbrayılda aparılan tikinti ilə bağlı da fikrimi yazmışdım. Narazılığım o idi ki, yer qıtlığı olmaya-olmaya niyə binalar yaxın tikilib. Köhnə Cəbrayıl şəhərinin kiçik də olsa, modelini yaratmaq olmazdımı?
Amma Cəbrayılda tikilən binaların bir-birinin qarnına girdiyini yazanda da üstümə yüngül səlib yürüşü oldu.
Guya mən o boyda qələbəni görmürəm. Vallah, yazdıqlarıma ağız büzənlərin əksəriyyətinin vətənpərvərliyi, milli heysiyyatı mənim qarşımda diz çöküb tövbə edər, yəni, o qədər cılızdırlar.
Mən minlərlə qəhrəmanımızın, şəhidlərimizin qanı, qazilərimizin sağlamlığı, ordumuzun şücaəti hesabına işğaldan azad olunan Qarabağımızda hər şeyin ən gözəlini arzulayıram, istəyirəm, belə haqqım da çatır ki, tələb edəm.
Bu tələbi Ali Baş Komandan, Dövlət başçısı da edir. Min bir dəngə quraraq, iqtisadi siyasət apararaq, milyonlar nədi, milyardlar ayıraraq azad olunan torpaqlarımızda cənnətməkan qurmağı əsas hədəf qoyub. Amma… İş icraçıları nə qələbəyə, nə də qələbədən sonrakı siyasətə uyğun davrana bilmirlər.
Nə etməli? Etməli çox iş var. Ən azı, kadr siyasətinə, kadr seçiminə, iş prinsiplərinə yenidən baxmaq olar. Mənim belə səlahiyyətim yoxdur. Gücüm gördüyümü, doğru bildiyimi yazmağa çatır, onu da edirəm.
Bir onu təvəqqe edirəm, ya da bir başa tələb edirəm: Şəhid qanıyla müqəddəsləşən Qarabağ torpaqlarında haram iş görməyin, vicdanla çalışın. Ordan haram yolla qazanılan, oğurlanan, mənimsənilən hər manatda minlərlə şəhidin qanı, yüz minlərin ahı, milyonların haqqı var…
Zaur Əhməd
TEREF
b_400_300_16777215_00_https___teref.az_uploads_posts_2024-09_1726649259_1.jpg
b_400_300_16777215_00_https___teref.az_uploads_posts_2024-09_1726649259_2.jpg
b_400_300_16777215_00_https___teref.az_uploads_posts_2024-09_1726649260_3.jpg
 

Bölmənin digər xəbərləri

19 Sentyabr 2024 Paytaxtda piyada səkisini kimlər zəbt ediblər? VİDEO
19 Sentyabr 2024 400 minlik tender: Dövlət Agentliyi aftafa, çəkic, dırmıq alacaq - Vergi reyestrində adı yoxdur...
19 Sentyabr 2024 Pambıqçılar arasında kütləvi narazılıq - məcburi torpaq analizi verməsələr...
19 Sentyabr 2024 Bəzi meyarlara uyğun olmayan “Unidez Center” MMC-ni kim qalib çıxarıb, Qaradağ MKTİB, yoxsa Antiinhisar Xidməti
18 Sentyabr 2024  İcra başçısı vətəndaşların torpaqlarını təkrar onlara satır - BU NƏDİ BELƏ?!
18 Sentyabr 2024  Qəbələnin Kiçik Pirəli kəndində yaşayan evdar qadınların “biznesini” Bakıda kimlər idarə edir - İLGİNC FAKTLAR
18 Sentyabr 2024  Təhsilimizin `TƏRƏQQİ`si budursa... - VAY HALIMIZA...
18 Sentyabr 2024  Qazaxda “at oynadan” biznesmen kollec direktorunun “krışası” kimdir? - Aylığa bağlanan tələbələr, qohum-əqrəba yığıncağı
18 Sentyabr 2024 Əmirullayevin "ac həriflər"i - məktəblər sələmçilərin, jalüz pulu yığanların əlində yesir qalıb...
18 Sentyabr 2024 Adil Məmmədovu oliqarxlığa aparan yollar 30 ildə haralardan keçib - İLGİNC İDDİALAR...
18 Sentyabr 2024 "Samur" Gömrük Terminalındakı Rüfət Qəhrəmanov kimdi? — Şahin Bağırovun adamı yoxsa…
18 Sentyabr 2024 Bakıda peşə liseyinin tələbələri arasında dava düşüb
17 Sentyabr 2024 “Tərəqqi“ texniki-humanitar liseyində nə baş verir? - Sinif otaqları pulla satılır...
17 Sentyabr 2024 Əmlak idarəsinin rəhbər şəxslərinə qarşı şok ittihamlar - FOTO
17 Sentyabr 2024 İmişli rayon Aranlı kəndinin icra nümayəndəsi problemləri belə həll edir - VİDEO
17 Sentyabr 2024 Möhbalıyevlə 30 ildir əlbir olan müavinlər və maliyyə rəisi kimlərdir? – Foto/Araşdırma
17 Sentyabr 2024 Məktəbin içində özəl kurs: Valideynlər narazıdır, direktor “tanımıram” deyir…
17 Sentyabr 2024 Məktəbin təmirinə ayrılan vəsait “yeyilib” - İTTİHAM VAR...
17 Sentyabr 2024 Elman Rüstəmovun dəbdəbəli restoranı üzə çıxdı – ŞOK GƏLİŞMƏ
17 Sentyabr 2024 “Milyonerlər işi”ndə şok isimlər: Briliant qaçaqmalçılarını kimlər necə himayə edib?

Dünyapress TV

Xəbər lenti