Bir çox binaların tikintisini həyata keçirməkdə adı hallanan Milli Məclisin deputatı Ağalar Vəliyevin gördüyü işlərin uğursuz olduğu haqda məlumatlar ölkə gündəmini zəbt etməkdədir. Belə ki, deputatın ailəsinə məxsus “Kristal Abşeron” MTK inşasını həyata keçirdiyi yaşayış binalarının qəzalı vəziyyətdə olduğu aşkarlanıb. Bu haqda araşdırmaçı jurnalist Cavanşir Həsənli şok yaradacaq məlumat yayıb.
Biz də insanların öncədən tədbirli olmaları üçün gundemxeber.az olaraq, həmin məlumatı olduğu kimi təqdim edirik: "Lökbatanda bir vaxtlar məcburi köçkünlər üçün tikilmiş, açılışında prezident İlham Əliyevin iştirak etdiyi “Qobu Park-3” yaşayış massivindəki binalarda əyilmə baş verib. Səbəbi odur ki, bünövrəsi zəif qoyulub, pul yeyilib. İndi də tələm-tələsik böyür-başına beton tökürlər ki, yıxılmasın. Baxın, binaların tikintisinin sifarişçisi Paşa Holdinqdir. Binaları tikən şirkət isə Milli Məclisin deputatı Ağalar Vəliyevin oğlu Pərviz Vəliyevə məxsus “Kristal Abşeron” MTK-dır. Yəni Vəliyevlər Paşa Holdinqdən də oğurlamağa cəsarət ediblər?"
