 |
|
|
Ukrayna tərəfdaşları ilə razılaşmalıdır ki, NATO-ya daxil olmamışdan əvvəl ölkənin İsveç və Finlandiya kimi müvəqqəti təhlükəsizlik zəmanətləri olsun.
Axar.az xəbər verir ki, bunu Ukraynanın sabiq xarici işlər naziri və NATO-dakı missiyasının keçmiş rəhbəri Vladimir Xandoqiy deyib.
"NATO-ya qoşulmazdan əvvəl təhlükəsizlik zəmanətləri modeli Ukraynaya tətbiq oluna bilər və tətbiq edilməlidir. Biz başa düşürük ki, sabah rəsmi olaraq 5-ci maddə bizə şamil edilməyəcək. İstənilən halda biz bunu təklif etməliyik. Üzvlükdən əvvəlki dövr üçün biz İsveç və Finlandiya kimi müvəqqəti zəmanətlər almalıyıq. Üstəlik, bu gün biz zəmanətlər haqqında danışıqlar aparırıq. Onlar Ukraynanın NATO-ya tam üzv olması üçün müvəqqəti struktur olmalıdır”, - Xandoqiy bildirib.
Ermənistan XİN-in 2 oktyabr 2022-ci il tarixli, Azərbaycan Silahlı Qüvvələri tərəfindən hərbi cinayətlərin törədildiyini iddia edən bəyanatı onilliklər ərzində təcavüzkar siyasət yürüdən, bir milyona yaxın insanın fundamental hüquqlarını tapdalayan, hərbi və mülki şəxslərə qarşı çoxsaylı hərbi cinayətlər törədən bir ölkənin riyakarlığının nümunəsidir.
Bu barədə Xarici İşlər Nazirliyi (XİN) məlumat yayıb.
Məlumatda aşağıdakılar bildirilir: “Vurğulayırıq ki, Ermənistandan fərqli olaraq Azərbaycan öz beynəlxalq öhdəliklərinə ciddi yanaşır və hərbi əməliyyatlar zamanı törədilən cinayətlərlə bağlı iddialar müvafiq dövlət qurumları tərəfindən araşdırılır.
Belə ki, 17 sentyabr 2022-ci ildə Azərbaycan Respublikasının Hərbi Prokurorluğu sosial şəbəkələrdə yayılan videoların həqiqi olub-olmaması, habelə videolardakı görüntülərin çəkildiyi zaman və məkan, onlarda əks olunan hərbi qulluqçuların şəxsiyyəti, eləcə də obyektiv həqiqətin müəyyən edilməsi üçün hərtərəfli araşdırmalara başlanıldığını bəyan edib.
Xatırladırıq ki, Ermənistan silahlı qüvvələri tərəfindən hələ birinci Qarabağ müharibəsindən etibarən nəinki azərbaycanlı hərbçilərə, eləcə də mülki şəxslərə qarşı misli görünməmiş qırğınlar törədilib, yalnız bir gecədə 1992-ci ilin 26 fevral tarixində Xocalı şəhərində 613 mülki şəxs xüsusi qəddarlıqla qətlə yetirilib, bu günədək 4000-ə yaxın azərbaycanlının taleyi barədə heç bir məlumat verilməyib.
2020-ci oktyabrında Azərbaycanın Gəncə, Bərdə, Mingəçevir şəhərlərinin mülki əhalisini raket hücumuna tutaraq insanlıq əleyhinə cinayətlər törədilib.
Ermənistanın səbəbkarı olduğu mina təhlükəsi bu gün bölgədə insanların həyatına ciddi hədədir. 2020-ci ilin noyabrından bu günədək əksəriyyəti mülki şəxs olmaqla 250-dək insan mina qurbanı olub. Azərbaycan ərazilərində aşkarlanan minaların 2021-ci ildə Ermənistanda istehsal olunması faktı isə Ermənistanın bir tərəfdən mina xəritələrini hələ də tam olaraq Azərbaycana verməyərək, digər tərəfdən yeni minalar basdırmaqla Azərbaycanlılara qarşı hərbi cinayətlərini davam etdirdiyinin sübutudur.
Ermənistan hökuməti bu günədək törədilən hərbi cinsyətlərn qarşısının alınması və ya törədilmiş cinayətlərə görə aidiyyəti şəxslərin məsuliyyətə cəlb edilməsi istiqamətində bugünədək heç bir əməlli tədbirlər görməyib.
Ermənistanın əsassız iddialar yayaraq beynəlxalq ictimaiyyəti yanıltmaq və öz məsuliyyətini gizlətmək cəhdlərini qətiyyətlə qınayırıq.
Ermənistandan beynəlxalq öhdəliklərinə əməl etməyi və çoxsaylı hərbi cinayətlərə görə məsuliyyət daşıyan şəxslərin qanun qarşısında cavab verməsini tələb edirik”.
Rusiya BMT Təhlükəsizlik Şurasının Ukraynanın dörd regionunda keçirilən “qeyri-qanuni referendumları” pisləyən qətnaməsinə veto qoyub.
Bu qətnamə “referendumların” etibarsız olduğunu bəyan edib və bütün ölkələri ərazinin Moskva tərəfindən “iddia edilən ilhaqını” tanımamağa çağırıb.
15 üzvdən ibarət Təhlükəsizlik Şurasında qətnaməyə səsvermə zamanı 10 üzv lehinə, 1 üzv (Rusiya) əleyhinə səs verib. Çin, Hindistan, Braziliya və Qabon səsvermədə iştirak etməyib.
Qeyd edəki ki, ABŞ-ın BMT-dəki səfiri Linda Tomas-Qrinfild səsvermədən əvvəl bildirib ki, Rusiyanın veto qoyacağı təqdirdə, qətnamənin sponsoru olan ABŞ və Albaniya onu heç bir veto hüququ olmayan 193 üzvün olduğu Baş Assambleyaya çıxaracaq və dünyaya nümayiş etdirəcəklər. Ölkələr hələ də suverenliyin və ərazi bütövlüyünün qorunmasının tərəfindədir.
Rusiyanın veto qoyması ilə sənədin BMT Baş Assambleyasına çıxarılması dəqiqləşib.
Rusiyanın Riqadakı səfiri Mixail Vanin Latviya Xarici İşlər Nazirliyinə çağırılıb.
Bu barədə Latviya xarici işlər naziri Edqar Rinkeviç məlumat verib.
Nazir qeyd edib ki, bu, Rusiyaya yeni ərazilərin birləşdirilməsi ilə bağlıdır.
“Səfir Rusiyaya yeni subyektlərin qəbulu ilə bağlı çağrılıb”, - deyə Rinkeviç bildirib.
Mənbə: news.ru
Azərbaycan prezidenti İlham Əliyev sentyabrın 30-da Bolqarıstan Respublikasına rəsmi səfərə gəlib. Bu barədə dövlət başçısının mətbuat xidmətinin məlumatında deyilir. Səfərin proqramı açıqlanmır.
Xatırladaq ki, bu ilin iyulunda Bolqarıstanın baş naziri Kir Petkov Bakıda səfərdə olub. Onun Əliyevlə apardığı danışıqlarda əsas müzakirə mövzusu qaz tədarükü olub.
Əliyevin köməkçisi Vaşinqtona təşəkkür edib
“Hikmət Hacıyev və Armen Qriqoryanla növbəti zorakılığın qarşısının alınmasının, eləcə də müəyyən müddət ərzində məqsədyönlü danışıqların aparılmasının vacibliyini müzakirə etdik. Biz sabit və davamlı sülhün bərqərar olmasına töhfə verəcək konkret addımları da qeyd etdik”.
Bu fikirləri ABŞ-ın milli təhlükəsizlik üzrə müşaviri Ceyk Sallivan “Twitter” səhifəsində yazıb.
Dövlət Departamentinin nümayəndəsi Ned Prays isə “Turan”ın “Milli təhlükəsizlik müşaviri Ceyk Sallivanın Hikmət Hacıyev və Armen Qriqoryanla görüşü bundan öncə Nyu-Yorkda Entoni Blinken, Azərbaycan və Ermənistan xarici işlər nazirlərinin iştirakı ilə başlanmış prosesin tərkib hissəsidirmi” sualına belə cavab verib:
“Biz tərəflər arasında gərginliyin səngiməsini möhkəmləndirmək üçün bir neçə səviyyədə, bir neçə kanalla qarşılıqlı fəaliyyət göstəririk”.
Prays bildirib ki, Ağ Evdə Hacıyev və Qriqoryanın görüşü milli təhlükəsizlik üzrə müşavirlər səviyyəsində keçirilib.
ABŞ Dövlət katibi Blinken xarici işlər nazirliklərindən olan həmkarları ilə də danışıqlar aparıb.
O, həmçinin Ermənistan və Azərbaycanla liderlər səviyyəsində də qarşılıqlı əlaqə yaradıb.
Ermənistan Təhlükəsizlik Şurasının katibi Armen Qriqoryan “Amerikanın səsi”nə müsahibəsində sözügedən görüşü “effektiv” adlandırıb.
“Biz Qarabağ münaqişəsinin həlli ilə bağlı gündəliyi, eləcə də regionda sülhün bərqərar olması mövzularını müzakirə etdik. Bunlar blokun açılması, delimitasiyası, sərhəd təhlükəsizliyi, eləcə də regiona sabitlik və sülh gətirəcək digər məsələlərlə bağlıdır”, – Armen Qriqoryan belə deyib.
Onun sözlərinə görə, Ermənistan və Azərbaycan hazırda bir-biri ilə əlaqəli dörd gündəliyi – humanitar, blokun açılması, delimitasiya və demarkasiya, Qarabağ məsələsi ilə bağlı məsələləri müzakirə edirlər:
“Biz bu sahələrdə aydınlıq gətirməyə çalışdıq, necə irəliləyəcəyik və bütün bunlarla yanaşı, Ermənistanla Azərbaycan arasında sülh sazişi də var”.
Hikmət Hacıyev isə “Twitter” səhifəsində görüşə görə Amerika tərəfinə təşəkkür edib:
“Biz Ceyk Sallivanın regionumuzda davamlı sülh və sabitliyin gündəliyini müzakirə etmək və təşviq etmək üçün Ağ Evdə Azərbaycan və Ermənistan nümayəndə heyətlərinin görüşünün təşkilində göstərdiyi səyləri yüksək qiymətləndiririk”.
Üçtərəfli görüşdən sonra sərhəddə atəşkəs pozulmuş Ermənistan ordusu 3 əsgərini itirmiş, Azərbaycan ordusunun bir əsgəri yaralanıb.
Xatırlatma
2020-ci ilin sentyabrında Azərbaycan və Ermənistan silahlı qüvvələri arasında qarşıdurma başlayıb.
Ümumilikdə 44 gün sürən və İkinci Qarabağ müharibəsi adlandırılan münaqişədə hər iki tərəfdən 6 mindən artıq hərbçi həlak olub.
Azərbaycan Dağlıq Qarabağ bölgəsinin bir hissəsinə və ətraf 7 rayona nəzarəti bərpa edib.
Həmin ilin 10 noyabr bəyanatına (Azərbaycan, Ermənistan və Rusiya arasında imzalanıb) əsasən, döyüşlər dayandırılıb.
Bundan sonra Laçın dəhlizində və Qarabağda Rusiya sülhməramlıları yerləşdirilib.
İkinci Qarabağ müharibəsindən öncə, 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilib.
Münaqişə SSRİ dönəmindən Ermənistanın Azərbaycana qarşı ərazi iddiaları ilə başlayıb.
Hindistanın Ermənistana 244,7 milyon dollar dəyərində silah-sursat göndərmək niyyəti fonunda Azərbaycan da öz mövqeyini ortaya qoymalıdır.
Azərbaycan Hindistanın riyakar və ermənipərəst siyasətindən nəticə çıxarmalı, ona cavab olaraq siyasi və hərbi sahədə Çinlə əməkdaşlığını daha da gücləndirməlidir.
Digər tərəfdən, Azərbaycan, Türkiyə və Pakistan arasında mövcud olan sıx münasibətlər Hindistanın riyakar siyasətinə adekvat cavab vermək baxımından böyük potensialdır.
DİA.AZ-ın məlumatına görə, Bizim.Media-ya açıqlamasında hərbi ekspert Ədalət Verdiyev bildirir ki, Hindistanın bu addımına cavab olaraq Azərbaycan da anoloji istiqamətdə uyğun fəaliyyətini gücləndirməlidir:
“Hindistan ilk dəfə deyil ki, belə riyakarlığa yol verir. Bu ölkə daha əvvəllər də Ermənistana silah satıb. Azərbaycanın Pakistan və Çinlə yaxınlaşması fonunda Dehlinin Ermənistana silah ötürməsi təsadüfi deyil. Amma bu prosesin sonda nə ilə nəticələndiyi də hamıya məlumdur.
Hindistanın bölgədə silahlanmanı artırmaq istiqamətində atdığı addımlar Qafqazda sabitlik və təhlükəsizliyə birbaşa olaraq təhdiddir. 244 milyonluq silah Ermənistan üçün böyük rəqəmdir. Bu Hindistanın ölkəmizə qarşı qərəzli mövqeyindən xəbər verir.
Bu təhdidin aradan qaldırılması üçün Azərbaycan tərəfi də uyğun fəaliyyətlərini həyata keçirməkdədir. Bakınn Çinlə bir çox sahələrdə, o cümlədən hərbi sahədə əməkdaşlığı mövcuddur”.
Ekspert qeyd edir ki, Hindistanın bu addımı fonunda Azərbaycan ona cavab olaraq Pakistan və Çinlə münasibətlərini daha da genişləndirməli, bu yolla Ermənistan tərəfindən törədilə biləcək təhdidlərin sıfırlanması üçün əlindən gələni etməlidir.
Onun fikrincə, Hindistanın bu əməlinin qarşısının alınmasında Azərbaycan-Türkiyə-Pakistan birliyi də böyük potensiala malikdir:
“Hindistan elə də böyük silah ixracatçısı deyil. Özünün bir şəhəri boyda olan İsraildən silah alan Hindistanın Ermənistana verəcəyi silahlar bölgədə güc balansını azaltmağa hesablansa da, bu prosesə onsuz da ciddi təsir etməyəcək. Hər bir halda Ermənistana verilən bu silahlar kritik deyil. O silahların qarşısını almaq üçün Azərbaycan kifayət qədər potensiala malikdir”.
Türkiyə Prezidenti Rəcəb Tayyib Ərdoğanla Rusiya Prezidenti Vladimir Putin arasında telefon danışığı olub.
“Qafqazinfo” xarici KİV-ə istinadən xəbər verir ki, görüşdə Rusiya-Ukrayna müharibəsi ilə bağlı son hadisələr dəyərləndirilib.
Prezident Ərdoğan görüşdə uzun müddətdir üzərində çalışdıqları Rusiya-Ukrayna əsir mübadiləsinin uğurla başa çatmasından və Birləşmiş Millətlər Təşkilatının dəstəyi ilə hazırladıqları İstanbul sazişinin fəaliyyətindən məmnunluğunu ifadə edib.
Noyabrda başa çatacaq mexanizmin uzadılmasının ortaq maraq olduğunu bildirən Ərdoğan, Rusiya gübrələrinin və taxıl məhsullarının fasiləsiz ixracı üzərində işləri davam etdirdiklərini qeyd edib.
Ərdoğan daha müsbət irəliləyişlərə yol açmaq üçün gərginliyin azaldılması istiqamətində addımların atılmasının lazım olduğunu, Rusiyadan da Ukraynadakı bəzi bölgələrin Rusiyaya qatılması məsələsi başda olmaqla, bu prosesi asanlaşdıracaq addımlar atmasının gözlənildiyini bildirib.
Rusiya Prezidenti Putindən danışıqlara bir şans verilməsini istəyən Ərdoğan bu prosesdə yardımçı rol oynamağa hazır olduqlarını qeyd edib.
Türkiyə Prezidenti Rəcəb Tayyib Ərdoğan sabah Rusiya lideri Vladimir Putinlə telefon danışığı aparmağı planlaşdırır.
APA-nın İstanbul müxbirinin verdiyi xəbərə görə, bu barədə o, “CNN Türk” və “Kanal D” telekanallarına müsahibəsində deyib.
Ərdoğan qeyd edib ki, bu danışıq Türkiyənin təşəbbüsü ilə baş tutacaq və o rusiyalı həmkarı ilə Ukraynadakı son vəziyyəti, xüsusən də Ukrayna regionlarında baş tutan “referendum”ları müzakirə edəcək:
“Mən sülh mövzüsünda ümidsiz deyiləm. Dərhal belə nəticə əldə edəcəyimizi söyləmək xəyal olardı. 4 şəhərdə keçirilən referendum hadisəsi bəla gətirir. Kaş belə bir referendum keçirilməyəydi. Amma biz bütün bunları diplomatiya yolu ilə həll edə bilərdik, onlar da edə bilərdilər. Analoji vəziyyət 2014-cü ildə Krımda baş vermişdi. O zaman uğur qazana bilmədik. Cənab Putinə “Krımda yoldaşlarımız var, atdığınız addım düzgün deyil” dedik, amma alınmadı. Cənab Zelenski də 4 regionda referendumla bağlı dəstəyimizi istəyir. Dostlarım əlaqə saxlayacaq və mən sabah Putinlə bu məsələləri ətraflı müzakirə etmək istərdim”,- deyə Ərdoğan bildirib.
"Ukrayna ərazilərində keçirilən referendum diplomatik səyləri çətinləşdirir".
"Report" xəbər verir ki, bunu Türkiyə Prezidenti Rəcəb Tayyib Ərdoğan "CNN Türk"ə müsahibəsində bildirib.
Ərdoğan qeyd edib ki, nüvə müharibəsi fəlakətə gətirib çıxara bilər:
"Bu haqda danışmağı ağlına belə gətirməməlisən. Ümid edirəm ki, bu məsələni heç vaxt gündəmə gətirmədən diplomatiya yolu ilə həll etmək ən düzgün addım olardı. Ukraynanın bəzi işğal olunmuş ərazilərində Rusiyanın tərkibinə daxil olmaq üçün keçirilən referendum, hətta Rusiyanın səfərbərlik qərarı da narahatlıq doğurur. Bu, sabitliyi çətinləşdirir. Cənab Putin, əgər ağlına nəyisə qoyursa, elə də edir".
Türkiyə lideri sabah rusiyalı həmkarı Vladimir Putinlə telefon danışığı aparmağı planlaşdırdığını da əlavə edib.