Tibb elmləri namizədi, dietoloq Rimma Moisenko mövsümdənkənar giləmeyvə və meyvələr yeməklə C vitamini çatışmazlığını kompensasiya etməməyi tövsiyə edib.Foodinfo.az xəbər verir ki, ekspert Sputnik Radiosuna müsahibəsində bildirib ki, istixana meyvələri təbii şəraitdə yetişdirilən giləmeyvə və meyvələrlə eyni deyil, yalnız tərkibinə görə onlara yaxındır. Mütəxəssisin qeyd etdiyi kimi, onların tərkibində az miqdarda vitamin və mineral var, çünki süni iqlimdə bunu itirirlər. Həmçinin, meyvələri qorumaq və dezinfeksiya etmək üçün müxtəlif kimyəvi maddələrdən istifadə olunur. Ona görə də mövsümü meyvələrlə müqayisə oluna bilməz.

Xarici həkimlərin araşdırmalarına görə, infarkt olacağınızı əvvəlcədən müəyyən etmək mümkündür.

Onların fikrincə bəzi əlamətlər özünü bir ay öncədən büruzə verir.

Yerli kordioloqlar hesab edirlər ki, insanlar bəzi simptomları bilsələr təhlükəni özlərindən uzaqlaşdıra bilərlər.

Həmçinin həkimlərin sözlərinə görə, infarktla mübarizədə qadınlar kişilərə nisbətən üç dəfə daha az risk daşıyırlar.

Ətraflı Baku TV-nin süjetində:

Qazi Universitetinin professoru Dr. Uğur Coşkun kolerektal xərçəngə tutulmaq riskini artıran vərdişlərdən danışıb.

Medicina.az xəbər verir ki, onkoloq ABŞ-da aparılan bir araşdırmanın bağırsaq xərçəngi riskini çox miqdarda qırmızı ət və işlənmiş ət məhsulları ilə əlaqələndirdiyini diqqətə çatdırıb.
Onun sözlərinə görə, həddən artıq qırmızı ət istehlak edənlərdə bağırsaq xərçəngi riskinin 30 faiz; sosis, kolbasa kimi işlənmiş ət məhsulları yeyənlərdə isə 40 faizdən çox olduğu təsbit edilib.

Qərb tərzi qidalanma vərdişlərinin bağırsaq xərçəngi riskini artıran ən əhəmiyyətli faktorlardan biri olduğunu deyən Uğur Coşkun əlavə edib ki, “Cancer Epidemiology, Biomarkers, Prevention” jurnalında dərc olunan araşdırmada qırmızı ət və işlənmiş qidaların niyə hər kəsdə bağırsaq xərçənginə səbəb olmadığı sualına da aydınlıq gətirilib.

“ABŞ-da aparılan bu araşdırma 29 482 bağırsaq xərçəngi xəstəsini və 39 635 xərçəng olmayan şəxsi əhatə edib. Araşdırma çərçivəsində aparılan ətraflı genomik analizdə HAS2 və SMAD7 adlı genlərin qırmızı ət və işlənmiş qidaların həddindən artıq istehlakı və bağırsaq xərçəngi arasındakı əlaqəyə cavabdeh olduğu müəyyən edilib. Yuxarıda qeyd olunan riskə əlavə olaraq, HAS2 geninə sahib olan şəxslərdə bağırsaq xərçəngi riskinin 38 faiz, SMAD7 olanlarda isə 18 faiz daha yüksək olduğu aşkarlanıb. Nəhayət, bu araşdırma niyə çox miqdarda qırmızı ət və ya işlənmiş qidalar istehlak edən bəzi insanların bağırsaq xərçənginə tutulduğunu, digərlərinin isə xəstələnmədiyini izah edir”.

Onkoloqun sözlərinə görə, bu araşdırma inkişaf etdirildikdə və tapıntılar yeni araşdırmalarla təsdiqləndikdə, bəlkə də yaxın gələcəkdə qırmızı ət və işlənmiş qidaların kimlərdə bağırsaq xərçəngi riski yaratdığını və kimlərin bu qidaları təhlükəsiz şəkildə istehlak edə biləcəyini üzə çıxarmaq mümkün olacaq.

Zeytun yarpağının ekstraktı 2-ci tip şəkərli diabetin müalicəsinə müsbət təsir göstərir. Bu, beynəlxalq tədqiqat qrupunun apardığı araşdırmada sübut edilib.AZƏRTAC Rusiya mediasına istinadla xəbər verir ki, Cənubi Ural Dövlət Universitetinin alimləri mədəaltı vəzi və digər orqanların toxumalarını uğurla bərpa edə bilən bioloji aktiv birləşmələrin yüksək tərkibinə görə bu ekstraktın əhəmiyyətli antioksidant və hipoqlikemik aktivliyini aşkar ediblər.Diabet mədəaltı vəzi kifayət qədər insulin istehsal etmədikdə və ya bədən istehsal etdiyi insulindən səmərəli istifadə edə bilmədiyi zaman inkişaf edən ciddi xroniki xəstəlikdir. Hazırda şəkərli diabetin iki növü var. Birinci tip diabet insulindən asılıdır və əsasən 30 yaşdan kiçik gənclərə təsir göstərir.İkinci tip diabet isə insulindən asılı deyil. Belə xəstələrdə insulin istehsal olunur və pəhrizə riayət etməklə, dərmanlardan istifadə etməklə və aktiv həyat tərzi keçirməklə şəkər səviyyəsinin kifayət qədər uzun müddət normal qalmasını təmin edə və fəsadların qarşısını təhlükəsiz şəkildə almaq olar.Ümumdünya Səhiyyə Təşkilatının məlumatına görə, son 40 ildə dünyada şəkərli diabetdən əziyyət çəkənlərin sayı 4 dəfə artıb. Düzgün müalicə olmadıqda diabet korluq, əzaların amputasiyası, böyrək çatışmazlığı, infarkt və insult kimi ağırlaşmalara səbəb ola bilər.

“Dərman vasitələrinin farmakonəzarət Qaydası”nda dəyişiklik edilib.

Bununla bağlı Baş nazir Əli Əsədov qərar imzalayıb.

Qərara əsasən, Qaydaya bu anlayışlar əlavə edilir:

- dərman vasitəsinin qeydiyyat tarixi - eyni təsiredici maddə və ya eyni təsiredici maddə kombinasiyalı dərman vasitələrində, həmin təsiredici maddə və ya təsiredici maddə kombinasiyalı bir dərman vasitəsinin Avropa İttifaqında () ilk dəfə qeydiyyata alındığı tarix və ya bu tarixi müəyyən etmək mümkün olmadıqda, həmin təsiredici maddə və ya təsiredici maddə kombinasiyalı bir dərman vasitəsinin məlum olan ilk qeydiyyat tarixi;

- dərman vasitəsinin beynəlxalq qeydiyyat tarixi – yuxarıda nəzərdə tutulmuş dərman vasitələri istisna olmaqla hər hansı bir ölkədə dərman vasitəsinin ilk qeydiyyat tarixi;

- məlumat kilid tarixi - dövri olaraq yenilənən təhlükəsizlik hesabatında verilən məlumatların toplanmasının bitdiyi tarix.

Həmçinin, sözügedən qaydaya edilən dəyişikliklə farmakonəzarət üzrə məlumat və hesabat sənədləri (RİP, DYTH, FSƏD) artıq türk dilində də təqdim ediləcək.

İtlər bir sıra təhlükəli xəstəliklərin daşıyıcısıdır, bəziləri insanlar üçün ölümcüldür.

“Cebhe.info”-nun “RİA Novosti”-yə istinadən verdiyi xəbərə görə, bunu Rusiya Kino Federasiyasının prezidenti Vladimir Qolubev deyib.

Qolubevin sözlərinə görə, itlərin keçirdikləri xəstəliklər arasında exinokokkoz, quduzluq, hətta vərəm də var:

“Bəli, itlər də vərəmdən əziyyət çəkirlər və onu insanlara keçirə bilərlər. Ev heyvanları qida yolu ilə, məsələn, xəstə heyvanın ətini yeməklə, heyvandan və ya insandan hava damcıları ilə yoluxa bilər”.

Eyni zamanda, insanın özü də ev heyvanını yoluxdura bilər.

Mütəxəssis it sahiblərini öz vəziyyətlərinə nəzarət etməyə və peyvəndləri heç vaxt özbaşına ləğv etməməyə çağırıb.

Dünyada xərçənglə bağlı çoxlu araşdırmalar aparılır. Qazi Universiteti Tibb Fakültəsinin alimi Prof. Dr. Uğur Coşqun kolorektal xərçəngindən danışıb. O, mart ayında kolorektal xərçənglə bağlı maarifləndirmə üçün bir çox tədbirin təşkil edildiyini bildirib.

Tribunainfo.az xəbər verir ki, alim Qərb üsulu qidalanma vərdişlərinin bağırsaq xərçəngi riskini artırdığını bildirib.

U.Coşkun qırmızı ət, sosiska, salam kimi işlənmiş qidaların həddindən artıq istehlak edilməməsini tövsiyə edib.

O, “Cancer Epidemiology, Biomarkers, Prevention” jurnalında dərc olunan son araşdırmaya da aydınlıq gətirilib.

ABŞ-da nəşr olunan bu araşdırmaya 29 min 482 bağırsaq xərçəngi və 39 min 635 qeyri-xərçəng hadisəsi daxildir.

Araşdırmada çox miqdarda qırmızı ət istehlak edənlərdə bağırsaq xərçəngi riskinin 30 faiz, salam və kolbasa kimi işlənmiş qidaları istehlak edənlərdə isə 40 faizdən çox olduğu qeyd edilib.

Toyuq yumurtasının faydalı olub-olmadığı təkcə onların keyfiyyətindən deyil, həm də hazırlanma üsulundan asılıdır.

TEREF lent.az-a istinadən bildirir ki, maksimum fayda əldə etmək üçün yumurtanın necə yeyilməsinə diqqət edilməlidir.

Qidalanma mütəxəssisləri mütləq qaynadılmış yumurtaya üstünlük verməyi məsləhət görürlər. Çünki qızardılmış yumurta daha zərərlidir. Yumurta nə qədər çox qızardılırsa, onların tərkibində bir o qədər pis xolesterin və kanserogen olur.

Çiy yumurtaya gəlincə, onları yemək sağlam insanda belə həzm problemlərinə səbəb ola bilər.

Bundan əlavə, çiy yumurta yemək salmonellyozla doludur.

Dəniz qorxusu da adlandırılan talassofobiya göllər, dənizlər və okeanlar kimi böyük su hövzələrindən qorxmaqdır.
Talassofobiya sözü dəniz və qorxu mənasını verən iki yunan sözünün birləşməsindən əmələ gəlib və dəniz qorxusu deməkdir. Bir sözlə, talassafobiya böyük su hövzələrindən qorxmaq deməkdir. Talassofobiyası olan insanlar okean, dəniz və böyük göllərdən qorxurlar. Əgər dəniz qorxusu varsa, narahatlığınız düşünəndə, görəndə və ya dənizə getdikdə başlayır. Talassofobiyanızın şiddətindən asılı olaraq, narahatlığınız dəniz fotosuna baxan və ya dəniz sözünü eşidən kimi başlaya bilər.
Talassofobiyanın səbəbləri nələrdir?
Talassofobiyanın bir çox səbəbi ola bilər. Bu amillərdən biri su ilə pis təcrübədir. Məsələn, üzməyi bilmədiyiniz zaman dənizə və ya gölə düşmək, üzərkən böyük dalğa ilə üzləşmək, boğulma təhlükəsi yaşamaq, çox böyük balığın yanından keçərkən yaşanan qorxu fobiyanın yaranmasına səbəb ola bilər. Digər tərəfdən, fobiyalar heç bir pis təcrübə olmadan yarana bilər.
2015-ci ildə aparılan bir araşdırmanın nəticələrinə görə, fobiya kimi narahatlıqlar ilə bağlı problemlərin orta dərəcədə irsi olduğu düşünülür. Lakin bu tezisi tam sübut etmək üçün daha çox araşdırmaya ehtiyac var.
Beyninizdə qorxunu inkişaf etdirsinizsə, talassofobiya kimi xəstəliklərin inkişaf ehtimalı daha asan baş verə bilər. Talassofobiyanın səbəblərindən biri bilinməyən qorxu ola bilər. Bir insanın dəniz və ya göl kimi dərin sular haqqında məlumatı yoxdursa və ya suda idarəetməni itirmək düşüncəsi qorxu və narahatlığa səbəb ola bilər. Başqa bir fikir də budur ki, dəniz qorxusu bizim ibtidai kodlarımızda yazılıb.
Talassofobiyaya necə qalib gəlmək olar?
Dəniz qorxusu ilə mübarizə aparmağın ən təsirli yolu müalicə etməkdir. Bir çox fobiyanın müalicəsində effektiv şəkildə istifadə edilən koqnitiv davranış terapiyası talassofobiyanın müalicəsində də təsirli bir üsuldur. Terapevtiniz seanslar zamanı bu qorxu ilə qarşılaşmağınıza kömək edir. Müalicəniz müddətində dəniz qorxunuz getdikcə azalacaq və həyat keyfiyyətiniz yüksələcək. Lazım gələrsə, psixiatrınız müalicəyə əlavə olaraq dərman istifadə etməyi tövsiyə edə bilər. Dərman sayəsində narahatlıqdan yaranan emosional və fiziki simptomlarınız, sağalma və müalicə müddəti azalacaq.
Son illərdə istifadə edilən virtual reallıq metodu da dəniz qorxusunu aradan qaldırmağa kömək edə bilər. Virtual eynək istifadə edilərək həyata keçirilən bu müalicədə bir mütəxəssisin müşayiəti ilə virtual mühitdə yavaş-yavaş fobyanızla qarşılaşa bilərsiniz. Bu yeni metodun mümkün təsiri barədə dəqiq məlumat vermək mümkün deyil, çünki bu üsulla bağlı araşdırma aparılmır.
Müalicə ilə yanaşı, müəyyən ehtiyat tədbirləri və həyat dəyişiklikləri talassofobiya ilə mübarizə aparmağa kömək edə bilər. Həkiminizlə məsləhətləşərək içə biləcəyiniz bəzi bitki çayları rahatlamanıza kömək edə bilər. Eynilə gündəlik olaraq təcrübələrini yazmaq, idman etmək, meditasiya etmək, istirahət texnikaları, hobbilərlə məşğul olmaq və ya dəstək qruplarında iştirak etmək talassofobiya ilə mübarizə aparmağa kömək edə bilər.
Talassofobiyanın diaqnozu necə qoyulur?
Talassofobiya diaqnozunun qoyulması üçün əvvəlcə fiziki sağlamlıq probleminizin olub-olmadığı yoxlanılır. Bunun ən etibarlı yolu laboratoriya testləridir. Həkiminiz problemlərinizin hipertiroidizm və ya ürək sağlamlığı problemlərindən qaynaqlandığını öyrənmək üçün laboratoriya testləri təyin edə bilər. Fiziki sağlamlıq probleminin olmadığı müəyyən olunarsa, həmin şəxs psixiatr və ya psixoloqa göndərilir və diaqnoz qoyulur. Diaqnoz qoyarkən psixiatr xəstə ilə danışarkən aşağıdakı vəziyyətlərə görə diaqnoz qoyur:
Həyatın demək olar ki, hər anında əks olunan fərqli bir qorxu və ya narahatlıq hissi
Narahatlıq hissi problemin əsas təhlükəsindən daha yüksəkdir
Narahatlıq və ya bu ərazilərdə olmağa dözümsüzlük səbəbiylə dəniz və ya göl kimi sahələrdən qaçmaq
Narahatlıq 6 aydan çox davam edir və ya qalıcı olur
Talassofobiyanın qarşısını almaq olarmı?
Talassofobiya kimi bir narahatlığı yüksək şüurla inkişaf etməyə başlayan kimi qarşısı alına bilər. Bundan əlavə, talassofobiyalı insanlar narahatlığın qarşısını almaq üçün aşağıdakı tədbirləri görə bilərlər:
Talassafobiyaya səbəb olan və bunu gücləndirən amilləri müəyyənləşdirin və bunu gücləndirənlərə qarşı diqqətli olun. Müntəzəm idman və balanslı qidalanmaya diqqət yetirin. Spirtli içki qəbul etməyin, çünki spirt depressiya yaradır.
Mənbə: Acı badem hayat
Tərcümə etdi: Nuran Əhmədzadə
https://24media.az/1805-talassofobiya-nedir-onu-ne...

Rusiya Elmi Cərrahiyyə Mərkəzinin 2 saylı Elmi Mərkəzinin Urologiya şöbəsinin müdiri, uroloq Sergey Korolev urolitiyaz (böyrək daşı xəstəliyi) üçün pəhrizin xüsusiyyətləri haqqında danışıb.Doktor Korolev urolitiyaz üçün qidalanma ilə bağlı məsləhətlər verdiO, bildirib ki, böyrək daşları oksalat (kalsium və oksalat turşusu duzları), urat (sidik turşusu duzları) və fosfat (fosfor turşusu duzları) bölünür. Və hər bir daş növü öz pəhrizini tələb edir. Mütəxəssis qeyd etdiyi kimi, böyrək daşı varsa, gənc heyvanların və quşların ətini istisna etməli, həmçinin duzlu pendirləri və paxlalıları məhdudlaşdırmalısınız.Fosfat daşları üçün əsasən "turş" ət qidaları göstərilir.Oksalat daşlarınız varsa, gündə 2-2,5 litr maye qəbul etməlisiniz. Bəzi hallarda süd məhsulları, duzlu qəlyanaltılar, şokolad, əncir, qara qarağat, qaragilə, şirniyyat, mürəbbə, qənnadı məmulatları, kakao və güclü qəhvəni məhdudlaşdırmalısınız.