Endokrinoloq Yekaterina Yanq stresin orqanizmə mənfi təsirləri haqqında təfərrüatları paylaşıb.

Qaynarinfo xəbər verir ki, onun sözlərinə görə, belə hallar səbəbindən insanın uyğunlaşma mexanizmləri işə düşür, o cümlədən tənəffüs və nəbz, qan təzyiqi, əzələlərdə gərginlik və mədə-bağırsaq traktının hərəkətliliyində artma baş verir. Beləliklə, bədən daha çox enerji və qida sərf etməyə başlayır, tez bir vaxtda onların çatışmazlıqları ilə qarşılaşır.

Həkim öz Telegram kanalında xəbərdarlıq edib ki, stresin təsiri altında orqanizmdə zülal parçalanmağa başlayır və mədə şirəsinin turşuluğu azalır. Bu da zülal itkisini daha da artırır.

"Qida maddələrinin xroniki çatışmazlığı patologiyaların riskini artırır və bədəni vaxtından əvvəl qocaldır", - Yanq yazıb.

Stres səbəbiylə bədəndə ciddi dəyişikliklərin qarşısını almaq üçün qida çatışmazlıqları dərhal düzəldilməlidir. Bu, düzgün qidalanma ilə edilə bilər. Bu vəziyyətdə insan istənilən təcrübəyə daha asan dözür və daha tez sağalır, - endokrinoloq belə qənaətə gəlib.

Rusiya geniş spektrli superbakteriyalara qarşı dözümlü yeni nəsil preparatı qeydiyyatdan keçirib.

Ftortiazinon adlı dərmanı Qamalei adına Mikrobiologiya institutu hazırlayıb.

Artıq Səhiyyə Nazirliyi Rusiya istehsalı olan, həb formasında yeni antibiotiki rəsmi qeydiyyatdan keçirib.

Yeni dərman bağırsaq çöpü, pnevmoniya klebsiellaları, Pseudomonas aeruginosa kimi bakteriyalara qarşı nəzərdə tutulub.

O, digər antibiotiklərə davamlılıq qazanmış superbakteriyaların virulentliyini azaldır və toksinlərin hasilini söndürür, eləcə də bakteriyaların qanda, orqanizmdə hərəkətini bloklayır və onları immunitet üçün təsirsiz hala gətirir.

Hazırda Ftortiazinon dünyada analoqu olmayan antibiotikdir. \\Medicina.Az

Hansı vitamin çatışmazlığından əziyyət çəkirsiniz? - Diaqnozu özünüz qoyun

Hər bir vitamin çatışmazlığının özünəməxsus əlamətləri var. Vitamin çatışmazlığı orqanizmdə bir çox problemlər yaradır.

Medicina.az xəbər verir ki, əlamətlərinə əsasən hansı vitamin çatışmazlığından əziyyət çəkdiyinizi təxmini müəyyən edə bilərsiniz.

- Uzunmüddətli yorğunluq, zehnin bulanıqlığı və fiziki koordinasiyanın pozulması - B1, B12 vitamini çatışmazlığı
- Dəri xəstəlikləri və sinir sistemi pozuntuları, eləcə də dodaq və dildə çatların əmələ gəlməsi - B6 vitamini çatışmazlığı

- Qan azlığı - Fol turşusu, B12 vitamini və ya dəmir çatışmazlığı

- Saç və dırnaq problemləri - H vitamini (biotin) vəB7 vitamini çatışmazlığı

- Görmə problemləri - A vitamini çatışmazlığı

- Sümük ağrıları - D vitamini çatışmazlığı

Qeyd edək ki, dəqiq nəticə üçün həkimə müraciət edib testlərdən keçmək vacibdir. Özbaşına vitamin əlavəsi almaq tövsiyə edilmir.

"Ciddi ürək xəstəliyi olan sürücülər avtomobil sürməməlidirlər".

Bu barədə kardioloq və terapevt İvan Stepanenko bildirib.

Mütəxəssis ürək-damar xəstəliklərindən əziyyət çəkən bütün sürücülərə avtomobil idarə etmək imkanlarını həkimləri ilə müzakirə etməyi tövsiyə edib.

"Bəzi patologiyalar halında, məsələn, bir sıra ürək ritminin pozulması ilə sükan arxasına keçmək qəti qadağandır. Lakin əksər hallarda ürəyində problem olan insanlarda bununla bağlı məhdudiyyət yoxdur", - deyə Stepanenko qeyd edib.

Bundan əlavə, kardioloq vurğulayıb ki, ürək dərmanları avtomobil idarə etmək qabiliyyətinə təsir etmir. \\Redaktor.Az

Ruslarda və dünyada adı qarmala, suriya rutu, qəbirotu, cadugər bitkisi adlanan üzərlik əsasən Asiyada, Qafqazda bitir.

Şərq insanları bu qəribə bitkinin və toxumlarının beyinə, bədənə, ruha təsir etdiyini qədimdən müəyyən ediblər.

“Medicina” xəbər verir ki, təbabətin atası İbn Sina qarmalanın bihuş edici, təmizləyici, yara açıcı və ağrıkəsici təsiri olduğunu demişdi.

O, özü oynaq və sinir ağrılarında bədəni qarmala yağı ilə bağlamağı tövsiyə edirdi.


Kolit, menstruasiya problemi və sidik saxlamamağın da dərmanı üzərlik imiş.

Üzərlik hələ tam yetişib toxumları açılmamış toplanır.

Üzərlik tüstüsü ilə məbədləri, evləri, insanı, xəstələri qara qüvvələrdən təmizləyirdilər.

Eləcə də bu bitki maqların, cadugərlərin, müxtəlif rituallarla məşğul olan qarıların istifadə etdiyi bitki idi. İnsanın həyatına uğuru gətirib, problemləri uzaqlaşdırırmış.

Alimlər üzərlik tüstüsünün həqiqətən sakitləşdirici, rahatlaşdırıcı, dezinfeksiyaedici təsirini sübut edib.

Onun zökəm, qrip, malyariya, mədə-bağırsaq problemi, yaralar və qıcolmalarda, sinir xəstəliklərində faydalı olduğu bildirilir.

Toxumunun dəmləməsi astma, təngnəfəslik, bronxitdə təsirlidir.

Oynaq, revmatizm, sümük ağrılarında bitkidən isti vanna edirdilər.

Elmi araşdırmalar otun çubuqlarını yandırarkən buxar və tüstüsünün təsirindən dizenteriya, vərəm çöpləri, bağırsaq çöpləri, bakteriya və virusların təsiri azalır, yoluxma riski azalır, xəstəliklər yayılmır.

Uşağını ana südü ilə qidalandıran analarla yanaşı, bunun əksini edənlər də var. Bəzən isə analar körpələrinə ana südü ilə yanaşı uşaq qidalarından da verirlər. Bu gün satışda müxtəlif növ və müxtəlif qiymətə uşaq qidaları mövcuddur.
Bu qidalar barədə zaman-zaman müxtəlif fikirlər səsləndirilir, onların uşaqlar üçün zərərli olduğu deyilir. Hətta bir sıra uşaq qidaları da var ki, onların tərkibində soya olduğu, bunun isə GMO bir komponent olduğu deyilir ki, bu da körpə uşağın orqanizmi üçün təhlükəli hesab olunur. Bir sıra psixoloqlar uşaq qidalarının marketlərdə əl çatan yerdə saxlanılmasını məsləhət görmür. Çünki bu, qidaları görən və süd verən analara psixoloji təsir göstərir və onların südü azalır. Belə olan təqdirdə isə yalnız ana südü ilə doymayan uşaqlara bu qidalardan almaq məcburiyyəti yaranır. Baş çəkdiyimiz marketlərdə uşaq qidaları əl çatan və diqqət cəlb edən yerlərdə satılırdı. Onların qiyməti isə 3 manatdan başlayıb 65 manatadək dəyişir. Uşaq qidaları arasında daha çox satılanlar "Humana”, "Cabrita”, "Nutrilon”, "Heinz”, "Nestle”, "Aquşa”dır. Bu qidaların bəzilərinin tərkibində keçi südü var ki, bu da xeyirli sayılır.

Maraqlıdır, ümumiyyətlə, uşaqlar doğulduğu vaxtdan neçə müddət ərzində ana südü ilə qidalanmalıdır? Ümumiyyətlə, satışda olan uşaq qidaları zərərlidirmi?

Qida məsələləri üzrə ekspert Ağa Salamov Referans.az-a açıqlamasında bu sualları cavablandırıb.

“Uşaqlara körpəlik dövrlərindən verilən süni qidalar inək südündən hazırlanır və bu da parçalanmış zülal olmadığı üçün uşaqların immun sistemində çaşqınlıq yaradır. Ana südündə olan komponentlər, qida dəyəri həmin süddə yoxdur, olması mümkün də deyil. Ana mütləq şəkildə öz südündən körpəsinə verməlidir. Çox təəssüflər olsun ki, bu süni qidaları uşaqlara verirlər və bu immun sistemində də çaşqınlıq yardığına görə belə uşaqlar kənardan gələn virus və bakteriyalara açıq olurlar. Həmin sintetik qidaların genini uşaq orqanizmində aktivləşdirdikdə bu onlarda problemlər yaradır”.

Ekspert bildirib ki, sintetik qidalardan istifadə gələcəkdə körpələrdə şəkərli diabet, ürək problemləri, immun sistemi pozğunluqları və s. kimi xəstəliklərə səbəb ola bilər. Eyni zamanda ekspert belə qidaların uşaqlarda asılılıq yaratdığını da deyib. Süni qidanın qəbulundan sonra təkrarən ana südünün verildiyi təqdirdə körpənin bunu qəbul etməməsi ehtimalı yüksəkdir.

“Digər tərəfdən bu qidaların körpələrə verilməsi maddi baxımdan da ailənin büdcəsinə mənfi təsir göstərir. Bu məsələdə qazanan sadəcə süni, sintetik qidaları istehsal edən şirkətlər və faiz alan həkimlərdir. Bu şəxslər pul uğrunda genefondumuzu məhv ediblər”.

İftardan sonra türk qəhvəsi və mineral su içməyin faydaları

İftardan sonra türk qəhvəsi və mineral su istehlak etmək ən yaxşı vərdişlərdən biri hesab edilə bilər.

Medicina.az bu vərdişin faydalarını təqdim edir:

Türk qəhvəsi tərkibindəki kofein sayəsində zehni oyaqlığı artırarkən, mineral su orqanizmi ehtiyac duyduğu minerallarla təmin edərək tarazlığı qoruyur.
Türk qəhvəsi iftardan sonra özünü yorğun hiss edənlər üçün çox faydalıdır. Bundan əlavə, türk qəhvəsi həzmə kömək edir. Qəhvə mədə turşusunu bir qədər artırmaq potensialına malikdir və buna görə də həzm sisteminə müsbət təsir göstərə bilər. Türk qəhvəsi içmək tərkibindəki kofein stimulyatorları sayəsində deformasiyaya uğramış sinir sistemini yeniləyir.

Ancaq xatırlamaq lazımdır ki, hər kəsin bədən quruluşu fərqlidir və kofeinə fərqli reaksiya verə bilər. Bəziləri üçün gecə kofein istehlakı yuxusuzluğa və ya yuxu keyfiyyətinin azalmasına səbəb olur. Odur ki, fərdlərin öz bədənlərinə və yuxu rejiminə diqqət yetirməsi və qəhvə istehlakını buna uyğun tənzimləməsi vacibdir.

Mineral suyun faydalarına gəldikdə isə, iftardan sonra içildikdə azalan mineral nisbətini artıraraq bədənin məsamələrini açır və beləliklə toksinləri xaric edir.

Mineral su tullantıları ağızdan, yemək borusu və bağırsaqdan xaric etməyə kömək edir. Bu, oruc tutarkən ağız qoxusunu azaldır, çünki ağızda və mədədə yemək qalıqları qalmır. Mineral su istehlakı konsentrasiyanı artırır, zəifliyi və yorğunluğu aradan qaldırır. Bundan əlavə, imsakda bir şüşə mineral su içmək oruc zamanı daha az susamaqla nəticələnir.

Stomatoloji xidmətlər dövlət poliklinikalarında və özəl stomatoloji kabinetlərdə demək olar ki, eyni qiymətlə yerinə yetirilir. Halbuki dövlət poliklinikalarında bütün ləvazimatlar, xərclər dövlət hesabına ödənilir. Bəs belə olan halda niyə poliklinikalardakı qiymətlərə nəzarət edilmir? Üstəlik, stomatoloji xidmətlər niyə icbari tibbi sığortaya daxil edilmir?

Xezerxeber.az-ın məlumatına görə, ümumiyyətlə, stomatoloji xidmətlərin tarifləri bəlli deyil.

Vətəndaşlar isə hesab edirlər ki, Tibbi Ərazi Bölmələrini İdarəetmə Birliyinin (TƏBİB) tabeliyində olan poliklinikalarda qiymətlər özəl müəssisələrə nisbətən qənaətbəxşdir.

Bəs stomatoloji xidmətlər üçün vahid tariflərin tətbiqi nəzərdə tutulurmu?

Ətraflı süjetdə:

Alimlər müəyyən ediblər ki, həddindən artıq spirtli içki qəbul edən gənc qadınlarda koroner ürək xəstəliyi riski daha yüksəkdir.

Medicina.az bildirir ki, “News Medical Life Sciences”də yer alan xəbərə görə, tədqiqatçılar ABŞ-ın Kaliforniya ştatındakı bir tibb müəssisəsində müalicə alan, 18-65 yaş arasında olan təxminən 243 mini kişi və 189 mini qadın olmaqla, 430 mindən çox xəstədən toplanmış məlumatları təthlil ediblər.

Tədqiqatçılar 2014 və 2015-ci illərdə rutin qiymətləndirmələrində xəstələrin bildirdikləri spirt qəbulu səviyyələri ilə 2015-ci ildən sonrakı 4 il ərzində qoyulan koroner ürək xəstəliyi diaqnozları arasındakı əlaqəni təhlil ediblər.

Tədqiqatçılar müəyyən ediblər ki, orta yaşı 44 olan və tədqiqat zamanı ürək xəstəliyi olmayan iştirakçılardan 3 108-də bu müddət ərzində koroner ürək xəstəliyi yaranıb. Tədqiqatçılar həftədə səkkiz dəfədən çox spirtli içki qəbul edən gənc qadınların daha az spirtli içki qəbul edənlərlə müqayisədə ürək xəstəliyi riskinin yüksək olduğunu qeyd ediblər.
Araşdırmalar göstərir ki, ən çox xəstələnmə riski “son 3 ayda gündə 3 dəfədən çox spirtli içki qəbul edən qadınlarda və ya gündə 4 dəfədən çox spirtli içki qəbul edən kişilərdə”dir. Həddindən artıq spirtli içki qəbul edən qadınların ürək xəstəliyi tapmaq riski orta dərəcədə spirtli içki qəbul edənlərə nisbətən 68 faiz daha yüksəkdir.

Tədqiqat çərçivəsində yüksək miqdarda spirtli içki qəbul edən qadınların orta miqdarda alkoqol istehlak edən qadınlarla müqayisədə ürək xəstəliyi riskinin 29 faiz, az miqdarda spirtli içki qəbul edənlərlə müqayisədə isə 45 faiz daha çox olduğu müəyyən edilib.

Tədqiqatçılardan biri olan kardioloq Camal Rana həddindən artıq spirtli içki qəbul edən kişi və qadınların ürək xəstəliyi riskinin ən yüksək olduğuna diqqət çəkib.

“Həddindən artıq alkoqol istehlak etmədikdə belə qadınlarda risk daha yüksəkdir. Biz yaşlı qadınlarda riskin artdığını gördüyümüz üçün gənc yaş qrupundakı qadınlardan belə bir nəticə gözləmirdik. Bu, tamamilə təəccüblüdür”, - kardioloq bildirib.

Tədqiqatın nəticələri “American College of Cardiology”nin aprelin 6-da keçirəcəyi konfransda təqdim olunacaq.