 |
|
|
“İstənilən danışıqlarda kompromislər axtarmaq lazımdır”
“Ukrayna ilə münaqişənin həlli ilə bağlı danışıqlar heç şübhəsiz gələn il başlayacaq”. AYNA TASS-a istinadən xəbər verir ki, bunu jurnalistlərə Federasiya Şurasının spikeri Valentina Matviyenko deyib.
“Mən öz fikrimi bir daha bildirirəm. Təbii ki, danışıqlar prosesi mütləq gələn il başlayacaq. Amma mənim fikrimcə, danışıqlar prosesi çox çətin olacaq. İstənilən danışıqlarda kompromislər axtarmaq lazımdır, lakin Rusiyanın səsləndirdiyi əsas şərtlərə ciddi riayət etməklə”, - spiker vurğulayıb.
Onun sözlərinə görə, “pozulmuş İstanbul razılaşmaları” Rusiyanın yanaşmalarının təməlini, əsasını ehtiva edir: “Biz bu yoldan bir zərrə qədər də kənara çıxmayacağıq. Qalan hər şeyi dialoqda müzakirə edə və kompromislər axtara bilərik. Və biz dəfələrlə demişik ki, istənilən vaxt danışıqlar masası arxasına əyləşməyə hazırıq, lakin Minsk razılaşmaları ilə əldə etdiklərimiz təkrarlanmayacaq”, - Federasiya Şurasının spikeri bildirib.