 |
|
|
İspaniyanın "Barselona" komandası cari mövsümün sonunda qapıçısı İnyaki Penya ilə yollarını ayıracaq.
Kataloniyalılar 26 yaşlı qolkiperin xidmətində maraqlı deyil.
"Əlcək sahibi"nin vaxtilə icarə əsasında çıxış etdiyi "Qalatasaray" (Türkiyə) klubu onu transfer etməyi düşünür.
Qeyd edək ki, "Barselona" cari mövsümün gedişində ciddi zədələnən qapıçı Mark-Andre ter Şteqenin əvəzinə Voytsex Şensnını heyətinə qatıb. \\Axar.Az
"Zirə" Misli Premyer Liqasının 26-cı turu çərçivəsində doğma meydanda "Səbail"i 1:0 hesabı ilə məğlub edib.
Milli.Az xəbər verir ki, "qartallar"ın baş məşqçisi Rəşad Sadıqov oyundan sonra keçirilən mətbuat konfransında jurnalistlərin suallarını cavablandırıb:
- Çox stressli, emosional oyun alındı. Cavid Hüseynovu təbrik edirəm, çox yaxşı işlər görür, yaxşı komanda formalaşdırır. Rəqibi analiz edəndə müəyyən çətinliklər çəkirdik. Qış fasiləsindən sonra iddialı klublara uduzmamışdılar. "Səbail" əzmkar komandadır. Çətin olacağını bilirdik. Erkən qol vurmaq istədik ki, oyun daha rahat keçsin. Ancaq cəhdlərimiz uğursuz alınırdı. İkinci hissədə də qol epizodlarımız oldu. Şükürlər olsun ki, qol vurub, qalib gəldik. Futbolçular ruhdan düşmürdü. Onları təbrik edirəm.
- Çox qol epizodu yaratdız. Sizcə, niyə yalnız biri qol oldu?
- Bu tip oyunarda nadir hallarda qalib gəlirsən. Qol vurmasaydıq da, oyunçularıma oyuna görə minnətdarlıq bildirəcəkdim. Üç dirəkdən dönən topumuz oldu. Son hücumda qol vurmaq dramatik alındı. Bu da futbolçularımızı bir az da böyütməlidir. Özümüz üçün nəticə çıxarmalıyıq ki, sona qədər oynamaq lazımdır. Əvvəlki matçlarda da son dəqiqədə qol vurmuşuq. Amma bu başqa şey idi. Əslində, komandamızı böyütməlidir.
- Yeni transfer barədə nə deyə bilərsiniz?
- Qimanı 4-5 ildir tanıyıram. "Zirə"yə yeni gələndə də danışıqlar aparırdıq, daim əlaqədəydik. Ondan sonra Portuqaliyaya getdi, Polşada oynadı. Uğurlu karyerası olub. Yayda da danışırdıq. Fürsət yarandı, onu gətirdik. Hələ hazır deyil. 2 aydır klubsuzdur. Özünə gəlməsi ay yarım vaxt çəkəcək.
- Son saniyədə Məqsəd İsayevə cərimə meydançasına daxil olmaq göstərişi verdiz. Qolun gələcəyini hiss etdiz?
- Məqsəd dönən toplara cavabdeh idi. Hakim də futbolçulara göstərdi ki, son hücumdur, kornerdən sonra matç bitəcək. Ona görə Məqsədə bildirdim ki, hakim işarə verib, oyun bitir, cərimə meydançasına daxil ol. Uğurlu alındı. Qolu da futbolçularım vurub, pay sahibi onlardı.
- Son saniyədə gələn qol futbol tanrısının sizə hədiyyəsi idi?
- Allah birdir, təkdir. Futbol tanrısı, basketbol tanrısı deyə, bir şey yoxdur. Allah sonda bizə kömək oldu. Onun köməyi olmadan uğur əldə edə bilmərik.
- Adətən qələbəni futbolçular qazanır, məğlubiyyət isə baş məşqçinin olur. Niyə?
- Vəziyyətə, duruma görə ola bilər ki, fikirlərimiz dəyişsin. Bir yerdə uduzub, bir yerdə qazanmışıq. 4,5 ildir buradayam, həmişə belə olub.
"Ferrari"nin 40 yaşlı britaniyalı sürücüsü Lyuis Hemilton və tərəfdaşı Çarlz Lekler Formula 1 mövsümü başlamazdan əvvəl fanatları ilə son tədbiri keçirib.
Musavat.com publika.az-a istinadən xəbər verir ki, hadisə martın 6-da Milanda baş verib. Hemilton 2021-ci ildə sürdüyü SF-21 avtomobilini idarə edib.
Lekler isə 2019-cu il mövsümündə trasda olan SF-90 avtomobilini idarə edib. Azarkeşlərlə ünsiyyəti və nümayiş yürüşü zamanı Lyuis Milanın küçələrində "avtoşluq" edib, fanatlarını sevindirib.
2025-ci il mövsümü martın 14-də Avstraliya Qran Prisi ilə başlayır.
Futbol üzrə İspaniya çempionatının 27-ci turu çərçivəsində keçirilməli "Barselona" - "Osasuna" matçı ev sahiblərinin həkiminin vəfat etməsi səbəbindən təxirə salınıb.
Bu barədə "Barselona"nın mətbuat xidməti məlumat yayıb.
Görüş şənbə günü Bakı vaxtı ilə saat 00:00-da başlamalı idi.
"Klubumuz dərin hüznlə əsas komandanın həkimi Karles Minyaro Qarsianın vəfatı ilə bağlı xəbəri çatdırır. Bu səbəbdən "Barselona" - "Osasuna" matçı təxirə salınıb. İdarə heyəti və "Barselona"nın bütün əməkdaşları onun ailəsinə və dostlarına dərin hüznlə başsağlığı verir və bu çətin anda onların hisslərini bölüşür", - bəyanatda bildirilir.
Qeyd edək ki, İspaniya çempionatının cədvəlinə 57 xalla "Barselona" başçılıq edir. "Osasuna" 33 xalla 11-ci yerdədir.\\Oxu.Az
Azərbaycan klublarının 2023/2024-cü illər mövsümündə UEFA-dan əldə etdiyi gəlir bəlli olub.
Axar.az xəbər verir ki, Avropa futbol qurumu ötən mövsüm komandalarımıza ümumilikdə 12 milyon avro ödəyib. Azərbaycan bu göstərici ilə Avropada 24-cü olub.
Qeyd edək ki, avrokuboklardakı çıxış və digər layihələrlə əlaqədar UEFA tərəfindən ayrılan maliyyə vəsaitləri AFFA-nın vasitəsilə müvafiq klubların hesabına köçürülüb.
Kontinental Xokkey Liqası (KHL) klubu Salavat Yulaev Ufa Arenanın nəqliyyat vasitələrini və media kubunu yerli regional fonda girov qoyub.
Bu barədə SHOT Telegram kanalı məlumat yayıb .
Mənbənin sözlərinə görə, ötən il Başqırd klubu futbolçulara və heyətə maaşların ödənilməsini dəfələrlə gecikdirsə də, mövsümün sonuna kimi 1,2 milyard rubl məbləğində borcunu tamamilə ödəyib.
2025-ci ilin may ayına qədər klub girov qoyulmuş aktivlər siyahısına dörd Toyota Land Cruiser, bir Toyota Avensis və bir Toyota Corolla, iki Mercedes-Benz Tourismo avtobusu, bir buz generatoru, bir yan buz kəsmə maşını, iki buz səthini bərpa edən maşın və bir neçə digər avtomobili yerləşdirib.
Hazırda Salavat Yulaev KHL Şərq Konfransının turnir cədvəlində ikinci yeri tutur.
Hazırkı KHL çempionu "Metallurq"dur. Finalda klub KHL pley-off finalında - Qaqarin Kubokunda Yaroslavl "Lokomotiv"i üzərində sarsıdıcı qələbə qazandı. “Metallurq” ardıcıl dörd oyunda qalib gələrək final seriyasını 4:0 hesabı ilə qapayıb.
Azərbaycan Premyer Liqasının XXV turunun “Sumqayıt”la oyununda komanda yoldaşı ilə toqquşaraq zədələnən Bəhlul Mustafazadənin durumuna aydınlıq gəlib.
Bu barədə klubun mətbuat xidməti məlumat yayıb.
Bildirilib ki, 28 yaşlı müdafiəçinin zədəsi ciddi deyil.
Həkimlərin son müayinəsindən sonra təcrübəli oyunçu bu gün komanda ilə birlikdə məşqlərə başlayıb.
Qeyd edək ki, qarşılaşma “Qarabağ”ın 2:0 hesablı qələbəsi ilə başa çatmışdı.
UEFA Çempionlar Liqasının 1/8 final mərhələsində bu gün daha 4 qarşılaşma baş tutub.
“Report” xəbər verir ki, “İnter” səfərdə “Feyenoord”un, “Liverpul” isə PSJ-nin qonağı olub.
“Bavariya” evdə “Bayer 04” ilə, “Benfika” isə “Barselona” ilə üz-üzə gəlib.
UEFA Çempionlar Liqası
1/8 final, ilk oyunlar
5 mart
21:45. “Feyenoord” (Niderland) – “İnter” (İtaliya) 0:2
00:00. PSJ (Fransa) – “Liverpul” (İngiltərə) 0:1
00:00. “Bavariya” (Almaniya) – “Bayer 04” (Almaniya) 3:0
00:00. “Benfika” (Portuqaliya) – “Barselona” (İspaniya) 0:1
Qeyd edək ki, 1/8 final mərhələsinin cavab qarşılaşmaları martın 11-12-də keçiriləcək.
Dünyaca məşhur "Opta" nəşri superkompüterin 1/8 final mərhələsinin ilk oyunları öncəsi Çempionlar Liqasının 2024/25 mövsümünün favoritlərinin reytinqini yeniləyib.
"Liverpul" əsas favorit olaraq qalır. "Qırmızılar"ın titul qazanmaq şansı 17,2%-dən 19,2%-ə yüksəlib.
İkinci yerdə "Barselona" (14,8%), üçüncü sırada isə "İnter" (14%) qərarlaşıb.
Turnirin qalibi olmağa namizədlərdən ilk "altılığ"a, həmçinin "Arsenal" (11,6%), "Real Madrid" (9,8%) və PSJ (9,5%) daxildir. Onları "Bayer Leverkuzen" (5,4%), "Bavariya" (5,3%), "Atletiko Madrid" (4,2%) və "Benfika" (1,3%) izləyir.
Qeyd edək ki, Çempionlar Liqasının 1/8 final mərhələsinin ilk oyunları martın 4-ü və 5-də baş tutacaq. Cavab oyunları martın 11-i və 12-də keçiriləcək.
UEFA Çempionlar Liqasının 1/8 final mərhələsinin ilk matçında Madridin iki təmsilçisi - "Real Madrid" və "Atletiko Madrid" üz-üzə gəliblər.
Oxu.Az xəbər verir ki, "Santyaqo Bernabeu" stadionunda baş tutan qarşılaşmada "Kral klubu" qələbə qazanıb - 2:1.
Ev sahiblərindən qolları Rodriqu və Dias vurublar. Qonaqlardan isə Alvares fərqlənib.