Ukraynanın Gənclər və İdman Nazirliyi Rusiyanı dəstəkləyən və ya Ukrayna qanunvericiliyini pozan bir sıra idmançı və məşqçiləri "İdman ustası" və "Əməkdar məşqçi" idman titullarından məhrum edib.

Oxu.Az xəbər verir ki, bu barədə nazirliyin rəsmi saytında məlumat verilib.

Ukrayna yığmasının sabiq yarımmüdafiəçisi Anatoli Timoşuk "Əməkdar idman ustası" və "Ukraynanın idman ustası" titullarından məhrum edilib. Oxşar titullar şahmatçı Sergey Karyakindən də geri alınıb. "Dinamo"nun və Gürcüstan millisinin sabiq futbolçusu Kaxa Kaladze "Ukraynanın beynəlxalq dərəcəli idman ustası" titulundan məhrum edilib.

Həmçinin avarçəkmə üzrə keçmiş Ukrayna çempionu Larisa Jalinskaya "Beynəlxalq dərəcəli idman ustası" və "İdman ustası" titullarını itirərək Rusiyaya qaçıb. Venesiyadakı turnirdən sonra Ukraynaya qayıtmayan karateçi Yevgeni Pilipyuk və həyat yoldaşı Darya Pilipyuk da "İdman ustası" titulundan məhrum ediliblər.

Bir neçə gün öncə "Barselona" prezidenti Xuan Laportanın Bakıya səfər etməsi və burada klubun akademiyasının açılması ilə bağlı qərar verilməsi Ermənistanda şok effekti verib.

TEREF xəbər verir ki, bu, marketinq üzrə ekspert Alfred Petrosyanın açıqlamasından sonra məlum olub.

Onun sözlərinə görə, İspaniya nəhənginin akademiyası region üzrə eksklüziv olaraq Ermənistanda açılmalı idi. Lakin iş adamı Adnan Əhmədzadə onların planını pozub:

"Barselonan"ın bizim qonşu ölkədə futbol akademiyası açacağını artıq bilirsiniz. Düşünürəm ki, bütün bunlarla bağlı bəzi detalları açmağın vaxtıdır.

"Barselona"nın akademiyası Ermənistanda açılmalı idi. Mən bütün bu prosesi bir ildən çox idarə etdim, nəticədə biz 134 səhifəlik razılığa gəldik, hər iki tərəfin hüquqşünasları tərəfindən yoxlanıldı və bu, reallığa çevrilməli idi. Razılaşmada xüsusi bənd var idi ki, yaxın 40 ildə "Barselona" bizim icazəmiz olmadan regionda başqa akademiya aça bilməzdi.

"İnstaqram" səhifəsində çarx yerləşdirməli olan Ronaldinyonu layihə səfiri seçdik. Orada bir neçə saniyə balabanda “Dream of My Country” mahnısını ifa etməli, sonra bütün bunları açıqlamalı idi.

Müqavilədə bənd var idi ki, qarşıdakı 10 il ərzində "Barca Legends" (Barsa Əfsanələri) komandası ilə 3 yoldaşlıq oyunu keçirə bilərik.

Heç bir dövlət qurumunun dəstəyi olmadan biz o yerə çatmışdıq ki, yalnız müqavilənin imzalanması tarixini təyin etmək qalırdı, amma gördüyünüz kimi, o gün gəlmədi.

Bu şəkildəkilərdən biri, heç bir xəbərdə adı belə çəkilməyən, Xuan Laportanın köhnə dostlarından, Azərbaycanın ən zəngin adamlarından biri və bu layihənin kardinalı Adnan Əhmədzadədir. Məhz onunla Barselonadakı gürcü restoranlarından birində xəngəl yedik. Bu, bizim üçün taleyüklü rol oynadı, deyə bilərik".

Qeyd edək ki, bir neçə gün öncə Azərbaycan Prezidenti İlham Əliyevin "Barselona" prezidenti Xuan Laportanın qəbul edib. Görüşdə iş adamı Adnan Əhmədzadə və AFFA prezidenti Rövşən Nəcəf də iştirak edib. İspaniya təmsilçisinin rəhbəri İlham Əliyevə klubun Azərbaycanda yaradılacaq akademiyası barədə məlumat verib.


(publika.az)

“Əl-Nəsr”ın 40 yaşlı portuqaliyalı hücumçusu Kriştiano Ronaldu Asiya Çempionlar Liqasının 1/8 final mərhələsinin “İstiqlal”la ilk oyununu buraxacaq.
Səudiyyə klubu komandanın siyahısını açıqlayıb. Ronaldu siyahıya düşməyib.

Daha əvvəl məlum olub ki, "Əl-Nəsr" Ronaldonun təhlükəsizliyini təmin etmək üçün İran klubundan görüşü neytral ərazidə keçirməyi xahiş edib. "İstiqlal" bundan imtina edib.

Oyun martın 3-də İranda keçiriləcək.

Paris Sikkəxanasına 2024-cü il Olimpiya Oyunları üçün medalların dəyişdirilməsi üçün 220 müraciət daxil olub.

AzPost xarici mediaya istinadla bildirir ki, Paris Sikkəxanası onlardan bəzilərini əvəz edib və idmançıların istəyi ilə dəyişdirmə əməliyyatını davam etdirir. Qeyd edilir ki, yeni mükafatlar orijinallarla eyni olacaq, lakin davamlılığı artırmaq üçün onlara qoruyucu lak vurulacaq.

Xatırladaq ki, 2024-cü ildə Parisdə keçirilən oyunların iştirakçıları yüzdən çox qüsurlu medalı geri qaytarıblar. Hətta fransalı üzgüçülər Klement Sekki və İohan Ndoye-Brouard, eləcə də amerikalı skeytbordçu Nyjah Huston da mükafatların keyfiyyətindən şikayət ediblər.

Qeyd edək ki, sözügedən yarışlarda iştirak edən azərbaycanlı idmançılara verilən medalların da qısa zamanda korlandığı barədə mediada məlumatlar yayılıb.

Türkiyə Super Liqasında baş tutan "Adana Demirspor" - "Bodrum" oyununda qapıçı huşunu itirib.

Qarşılaşmanın 34-cü dəqiqəsində Adana klubunun qolkiperi Vedat Karakuş rəqib komandanın oyunçusu Puşkaş ilə toqquşmadan sonra yerdə qalıb və huşunu itirib.

"Əlcək sahibi" beyin travması şübhəsi ilə xəstəxanaya aparılıb.

Görüntüləri təqdim edirik:
Offsideplus.az

“Santos”un futbolçusu Neymar yenidən Avropaya qayıdacaq.
Ajans.az xarici KİV-ə istinadən xəbər verir ki, 33 yaşlı vingerin Braziliya klubu ilə müqaviləsi yayda başa çatır.

Ulduz futbolçu sabiq klubu “Barselona”ya qayıtmağı planlaşdırır. Bu barədə braziliyalı ön xətt oyunçusunun agenti Pini Zahavi məlumat verib. Braziliya millisinin üzvü iyul ayında azad agent statusunda olacaq.

Qeyd edək ki, Neymar 2013-2017-ci illərdə “Barselona”da çıxış edib.

İspaniya Kral Kubokunda ilk yarımfinal matçı baş tutub.

Oxu.Az xəbər verir ki, Kataloniyada yerli "Barselona" ilə Madrid "Atletiko"su üz-üzə gəlib.

Qarşılaşmada 8 qol vurulub. Katalonların 4 qoluna paytaxt təmsilçisi də 4 dəqiq zərbə ilə cavab verib - 4:4.

Qeyd edək ki, cütlüyün cavab matçı aprelin 2-də keçiriləcək.

Digər finalçı isə "Real Madrid" və "Real Sosyedad" komandalarının mübarizəsi nəticəsində bəlli olacaq.