 |
|
|
“Hər sistemin öz çətinlikləri var. Rəqib keyfiyyətli komandadır. Öz meydanında daha yaxşı oynayır”.
“Report”un məlumatına görə, bunu “Qarabağ”ın baş məşqçisi Qurban Qurbanov Fransada “Nant”a qarşı keçirəcəkləri UEFA Avropa Liqasının qrup mərhələsinin V tur oyunundan öncə mətbuat konfransında deyib.
50 yaşlı mütəxəssis bildirib ki, Bakıda bu komandaya 3:0 hesabı ilə qalib gəlmələri yanlış fikirlər gətirə bilər: “Əlimizə düşən hər imkandan maksimum istifadə etməyə çalışacağıq”.
O, sabahkı görüşdə favorit olmadıqlarını söyləyib: “Rəqibə böyük hörmətlə yanaşırıq. Bakıdakı matçda qol epizodları oldu. Hətta hesab 0:0 olarkən üstünlük onların tərəfində idi. Rəqibin heyətində bacarıqlı futbolçular var. Sadəcə, hər komandanın uğursuz seriyası olur. Son vaxtlar “Nant”ın oyununda irəliləyiş var”.
Qeyd edək ki, “Nant” – “Qarabağ” matçı Bakı vaxtı ilə saat 23:00-da başlayacaq.
“Nant” Avropa Liqasının qrup mərhələsinin 5-ci turunda “Qarabağ”la keçircəyi matç üçün iştirak ərizəsini açıqlayıb.
Qol.az klubun saytına istinadən xəbər verir ki, baş məşqi Atuan Kombuare sihahıya 23 futbolu daxil edib. İştirak ərizəsində erməni əsilli orta xətt oyunçusu Qor Manvelyan da yer alıb.
Qapıçılar: 1. Alban Lyafon, 16. Remi Deskam, 30. Denis Petriç
Müdafiəçilər: 2. Fabio, 3. Andrey Cirotto, 4. Nikolya Pallua, 12. Dennis Appia, 21. Jan-Şarl Kastelletto, 24. Sebastyan Korşya
Yarımmüdafiəçilər: 5. Pedro Çirivelya, 8. Samüel Mutussami, 10. Lüdovik Blas, 17. Mussa Sissoko, 19. Məhəmməd Açi, 22. Qor Manvelyan, 29. Kenten Merlen
Hücumçular: 7. Evann Gessan, 11. Markus Koko, 14. İqnatius Qanaqo, 27. Moyzes Simon, 31. Mustafa Məhəmməd, 55. Abdul-Kader Bamba
Sabah keçiriləcək “Nant” – “Qarabağ” matçı Bakı vaxtı ilə saat 23:00-da başlayacaq.
Qeyd edək ki, UEFA Avropa Liqasının qrup mərhələsinin 5-ci turunda sabah keçiriləcək “Nant” – “Qarabağ” oyununa təhlükəsizlik üzrə xüsusi nümayəndə təyin edib.
Sayt xəbər verir ki, buna səbəb “Qarabağ” klubunun sabahkı oyunda baş verə biləcək mümkün erməni təxribatı ilə bağlı quruma müraciətidir.
Bu gün məsələ ilə əlaqədar iclas keçirilib. “Nant” tərəfi sabahkı oyunda heç bir təxribatın törədilməyəcəyi ilə bağlı zəmanət verib.
“Sabah”ın baş məşqçisi Murad Musayev Rusiya mətbuatına geniş müsahibə verib.
Aut.az xəbər verir ki, Musayev Azərbaycanda olduğu bir il müddətində xasiyyətində də bəzi dəyişikliyin baş verdiyini bildirib. O, “Azərbaycanda bir il ərzində insani baxımından necə dəyişdiniz?” sualına belə cavab verib:
“Məncə, daha xoşniyyətli oldum, sakitləşdim. Başa düşdüm ki, futboldan savayı da işlər var. Əvvəllər kimsə məndən borc alar və deyərdi ki, məsələn, iki həftədən sonra qaytaracağam. Qaytara bilməsəydi, əsəbiləşərdim. İndi bir ildən sonra zəng edib desə ki, tezliklə borcu qaytaracağam, deyərəm ki, narahat olma, nə vaxt olsa, onda qaytararsan. Olmasa, heç lazım da deyil, qaytarma”.
Oktyabrın 27-də Avropa Liqasının qrup mərhələsinin 5-ci turu çərçivəsində Fransada “Nant”la qarşılaşacaq “Qarabağ”ı Bakıdan gətirən təyyarə Nantın Atlantik aeroportuna enib.
Sports.az xəbər verir ki, komandamızı Nantda yaşayan həmyerlilərimiz qarşılayıb.
Azərbaycan çempionunu coşqu ilə qarşılayan soydaşlarımız Avropa meydanlarındakı qürurumuz olan komandaya uğurlar arzulayıb.
Azarkeşlər oktyabrın 27-də tribunalardan lazımi dəstəyi verəcəklərini bildiriblər.
Xatırladaq ki, bu komandalar arasında Bakıda keçirilən ilk oyun Azərbaycan təmsilçisinin 3:0 hesablı qələbəsi ilə bitib.
Fransanın “Paris Sen-Jermen” futbol klubu Çempionlar Liqasının qrup mərhələsinin beşinci turunun matçında öz meydanında İsrailin “Makkabi” klubunu qəbul edib. Görüş 7:2 hesabı ilə meydan sahiblərinin xeyrinə başa çatıb.
“Report” xəbər verir ki, hücumçu Lionel Messi iki qolla yanaşı, iki məhsuldar ötürmə də edib.
Bununlada o, Çempionlar Liqası tarixində bir matçda iki qol vurub, iki məhsuldar ötürmə edən ən yaşlı futbolçu (35 yaş və 123 gün) olub.
Qeyd edək ki, UEFA Çempionlar Liqasının qrup mərhələsində V turun daha 6 oyunu keçirilib. Bununla 1/8 finalın növbəti 3 iştirakçısı bəlli olub.
UEFA Avropa Liqasının qrup mərhələsində iştirak edən və formada olan komandaların yeni siyahısın tərtib edib.
Qol.az turnirin sosial şəbəkə hesabına istinadən xəbər verir ki, yerli çempionat və Avropa Liqasının nəticələrinə əsasən tərtib olunan 10-luqda Azərbaycan təmsilçisi “Qarabağ” da yer alıb.
Son 5 rəsmi matçda 4 qələbə qazanan, 1 heç-heçə edən Ağdam təmsilçisi 3-cü pillədə qərarlaşıb. 5 görüşün hamısında qalib gələn “Fənərbaxça” (Türkiyə) və “Renn” (Fransa) isə ilk yerləri bölüşür.
Qeyd edək ki, “Qarabağ” bundan əvvəlki siyahıda 1-ci idi.
“Qarabağ”ın futbolçusu Riçard Almeyda UEFA-nın Ağdam təmsilçisi üçün hazırladığı repartah zamanı açıqlama verib.
Qol.az xəbər verir ki, o deyib ki, Azərbaycana gəlmək təklifi alanda nə özü, nə ailəm bu ölkənin harda olduğunu bilirdi: “Google”da axtardıq. Ürəyimdə bunun doğru seçim olacağını hiss etdim və onlara bu fürsətdən istifadə etmək istədiyimi söylədim.
Avropanın ən böyük klubları növbəti rəqiblərinin Azərbaycanın “Qarabağ” klubu olduğunu görəndə bizə yuxarıdan aşağı baxırdılar. Təkcə 2017-ci ildə deyil, ümumimən oynadığımız hər şey haqqında bizimli əlaqəsi olanlar bilir. Həmin il bizim üçün uğurlu oldu. Çempionlar Liqasının qrup mərhələsinə vəsiqə qazandıq. Həmin mövsüm doğrudan da bizim üçün əlamətdar idi”.
Almeyda bildirib ki, “Qarabağ” dünyanın ən yaxşı komandalarından biridir: “Bu klub onun üçün hər şey deməkdir. Həyatda qazandığım hər şey Tanrı və zəhmətim sayəsində oldu. Qurban Qurbanov, komanda yoldaşlarım, klubun prezidenti də hər zaman mənə kömək edir. Onlara minnətdaram”.
O, daha sonra vurğulayıb: “Klub hər gün inkişaf eləmək və “Qarabağ”ı Azərbaycandan kənara çıxarmaq istəyir ki, Avropa bizim nə istədiyimizi bilsin”.
"Barselona" klubu 2023-cü ilin yayında komandanın dörd kapitanı olan təcrübəli futbolçularla vidalaşmaq niyyətindədir.
Söhbət Serxio Buskets , Jerar Pike, Serxi Roberto və Jordi Albadan gedir.
Buskets və Robertonun müqavilələri bu mövsümün sonunda bitir. Serxio böyük ehtimalla karyerasını MLS-də davam etdirəcək. Onunla artıq bir neçə klub maraqlanır. Pike və Alba müqavilələri daha iki il müddətinə qüvvədədir, lakin onlar əsas heyətdəki yerlərini itiriblər. Buna görə də klub yüksək maaşlar səbəbindən onlarla vidalaşmaq niyyətindədir. Klubun baş məşqçisi Xavi artıq futbolçular üçün əvəzedicilər axtarmağa başlayıb.//offsideplus.az
“Qalatasaray” klubu “Mançester Yunayted”dən Kriştiano Ronaldo və “Barselona”dan Memfis Depayı transfer edəcəyi ilə bağlı xəbərlərə reaksiya verib.
Qaynarinfo xəbər verir ki, klub bununla bağlı rəsmi açıqlama yayıb.
“Son günlər klubumuzun Kriştiano Ronaldo və Memfis Depayla maraqlanması ilə bağlı bəzi mətbuat orqanlarında yer alan xəbərlər həqiqəti əks etdirmir. Klubumuzun hər iki futbolçunun transferi istiqamətində bir əlaqəsi və ya təşəbbüsü yoxdur”, deyə “Qalatasaray”ın açıqlamasında bildirilir.
Qeyd edək ki, karyerası ərzində ardıcıl olaraq “Sportinq” (Portuqaliya), “Mançester Yunayted” (İngiltərə), “Real” (İspaniya) və “Yuventus”da (İtaliya) çıxış edən Ronaldo 2021-ci ildə İngiltərə təmsilçisinə dönüb. Baş məşqçi ilə aralarındakı problemə görə heyətdən kənarda qalan portuqaliyalı ulduzun qışda komandanı tərk edəcəyi deyilir. 37 yaşlı futbolçu cari mövsümdə cəmi 12 oyuna çıxaraq 2 qol vurub və bir məhsuldar ötürmə edib.
Memfis Depay PSV (Niderland), “Mançester Yunayted” (İngiltərə) və “Lion” (Fransa klublarında çıxış edib. 2021-ci ildən “Barselona” forması geyinən 28 yaşlı forvard cari mövsümdə 3 oyuna çıxaraq bir qol vurub. Onun da komandadan getməsi gözlənilir.
Kişi boksçular arasında Azərbaycan çempionatı davam edir.
Manset.az xəbər verir ki, 38 komandanın iştirakı ilə Boks Mərkəzində təşkil olunun yarışda bu gün 1/4 final mərhələsinə start verilib.
Baş tutan 20 döyüşün nəticəsinə əsasən 5 çəki dərəcəsi üzrə yarımfinalçılar bəlli olub. Qələbə qazanan boksçular bununla da özləri üçün ən azı bürünc medalı özləri üçün təmin ediblər.
Yığma üzvlərindən Ümid Rüstəmov, Maqsud Xasmetov, Nəbi İsgəndərov, Sərxan Əliyev, Mirşərif Kazımzadə və Eldar Quliyev 1/4 final mərhələsini uğurla adlayıblar.
Qeyd edək ki, bu mərhələnin döyüşlərinə sabah yekun vurulacaq. Görüşlər saat 14:00-da başlanacaq.
Azərbaycan çempionatı
IV günün nəticələri
1/4 final mərhələsi
57 kq
Ümid Rüstəmov (DİN İK) – Nadir Əhmədov (“Qızıl əlcək” İK) – 5:0
Hüseyn Əliyev (“Səbail” İK) – Rasim İbrahimov – ikinci diskvalifikasiya olunub
Maqsud Xasmetov (“Neftçi” İK) – Vüsal Kazımov (“Sərhədçi”) – 5:0
Rüfət Qənizadə (Sabirabad) – Əzrək Bəbirov (BFL) – birinci döyüşə gəlməyib
67 kq
Nəbi İsgəndərov (“Neftçi” İK) – Kənan Qasımlı (“Sərhədçi”) – 5:0
Fariz Süleymanov (DGK İK) – İbrahim Hüseynov (Abşeron) – 5:0
İlqar Salahov (DGK İK) – Pərvin Heydərov (“Qızıl əlcək” İK) – 3:2
Şəmsi Şahbazov (MOİK) – Pərviz Quliyev (Ağcabədi) – ikinci döyüşə gəlməyib
71 kq
Nofər Əlizadə (Naxçıvan MR) – Sərxan Əliyev (MOİK) – 0:5
Səməd Həsənzadə (Sabirabad) – Nicat Qurbanov (Gəncə) – 0:5
Rəşid Həsənov (BFL) – Hüseyn Mustafazadə (“Naxçıvan” İK) – 5:0
Tural Qaraşov (“Neftçi” İK) – Niyaməddin Allahverdiyev (“Zabit” İK) – 0:5
75 kq
Mirşərif Kazımzadə (“Neftçi” İK) – Ənvər Babayev (UGİM-1) – ikinci döyüşə gəlməyib
İsmayıl Hüseynov (BFL) – Böyükağa Qasımov (“Qara papaq” İK) – ikinci döyüşə gəlməyib
Türkeş Mustafayev (BFL) – Səbuhi Abışov (MOİK) – 0:5
Rahim Əliyev (“Qızıl əlcək” İK) – Amin Kuşkov (DGK İK) – birinci döyüşə gəlməyib
86 kq
Surət Qarayev (“Neftçi” İK) – Çələbi Çələbili (Ağdaş) – birinci tam üstünlüklə qalib gəlib
İbrahim İsmayılov (Z-1) – Emin Kərimli (Biləsuvar) – birinci tam üstünlüklə qalib gəlib
Eldar Quliyev (“Neftçi” İK) – Vaqif Bəşirov (Şirvan) – ikinci döyüşə gəlməyib
Tural Useynov (“Səbail” İK) – Məhəmməd Yusifov (Balakən) – 4:1