 |
|
|
"Şikayətim "Camex.az"dandır..." Dia-az.info bildirir ki, bu barədə Gülər adlı istifadəçi "Müştərinin Səsi" sosial qrupundakı paylaşımında giley edir.
Narazı vətəndaş daha sonra yazır: "Ayın 2-si sifariş vermişəm. 6-sı xarici ambara çatıb və çatdığı gün də bəyan edilib. Həftədə bir dəfə Türkiyədən mallar göndərilir, deyirlər. 3 gün sonra "Camex"in öz "app"ında "yolda" göstərirdi. 1 həftə sonrasında isə təkrardan "xarici ambarda" statusunda oldu.
Zəng etdiyimiz zaman operatorun biri həftədə bir dəfə - 5-ci günlər, digəri isə 2-ci günlər məhsulların göndərildiyini qeyd etdi. Bəhanədə isə "sizin məhsulunuz həmin reyslərə çatmayıb" qeyd edilir.
Nə hikmətdirsə ayın 6-sından bəri 2-ci və ya 5-ci günlər gəlib çıxa bilmədi. "İnstagram"dan əlaqə saxladım. 19-u məhsulun göndəriləcəyinə dair söz verildi. Zəngdə isə başqa operator "27-i göndəriləcək" dedi. 27-si... nə 2-ci, nə də 5-ci gün olduğunu nəzərə alsaq, bunun da yalan olduğu məlum olur. Məhsul hələ də "xarici ambarda" statusundadır. Və mənə məhsulun niyə göndərilmədiyinə dair konkret cavab verən yoxdur.
Adamı hövsələdən çıxarırlar, zəng edib biraz aqressiv danışırsan, operator səndən də aqressiv danışır. Bu qədər karqo şirkətləri ilə işləmişəm, birinci dəfədir başıma gəlir. Birinci və sonuncu dəfədir ki, o karqoyla sifariş edirəm. Siz də əsəblərinizin korlanmağını istəmirsinizsə, uzaq durun..."