“Sputnik Armeniya” radiostansiyasının Qarabağ ərazisində, eyni zamanda Xankəndi və ermənilər yaşayan bölgələrdə yayımı dayandırılıb.
Bu barədə erməni teleqram kanalları məlumat yayıb.

Məlumatda iddia olunur ki, bu barədə Marqarita Simonyanın adına sorğu göndərən Rusiya Dövlət Dumasının deputatı Konstantin Zatulin (ermənipərəst mövqeyi ilə fərqlənir) qəribə cavab alıb. Marqarita Simonyana bağlı olan media holdinqin adından məşhur jurnalist Dmitri Kiselyovun cavabı belə olub. Bunun səbəbi (“Sputnik Armeniya” radiostansiyasının yayımının Qarabağda dayandırılması) Ermənistanın (Paşinyanın) Azərbaycanın ərazi bütövlüyünü tanımasıdır.

“Russia Today” media qrupunun baş direktoru Dmitri Kiselyov Dövlət Dumasının deputatı Konstantin Zatulinin məktubuna cavab olaraq bildirib ki, “Sputnik” radiosunun Qarabağda yayımının dayandırılması Ermənistanın baş naziri Nikol Paşinyanın Azərbaycanın 1991-ci il sərhədləri çərçivəsində ərazi bütövlüyünü tanımağa hazır olması barədə bəyanatı ilə bağlıdır. O qeyd edib ki, bundan sonrakı yayım üçün rəsmi Bakıdan icazə lazımdır: “Azərbaycanın razılığı olmadan Qarabağ ərazisində radiokanalımızın fəaliyyəti Moskvanın Bakı ilə münasibətlərinin səmimiliyinə şübhə yaradır”.

Xatırladaq ki, Avropa İttifaqı “Russia Today” telekanalının yayımını və “Sputnik” agentliyinin üzv ölkələrdə fəaliyyətini qadağan edib.

Ötən il “Sputnik” Agentliyinin Azərbaycan nümayəndəliyinin rəhbərliyində kadr dəyişikliyi olub. “Sputnik” rəhbərliyinin qərarına əsasən agentliyin Bakı bürosuna Rusiya Xüsusi Xidmət Orqanlarının nümayəndəsi Vitali Denisov gətirilib. Məlumata görə, Rusiya Xüsusi Xidmət Orqanlarının polkovniki Vitali Denisovun jurnalistika ilə heç bir əlaqəsi yoxdur. Onun daha öncə Cənubi Osetiyada Rusiyanın strateji tapşırıqlarını icra etdiyi bildirilir. Denisov agentliyin rəhbəri olduğu ilk gündən Ermənistan və Qarabağdakı vəziyyətlə bağlı tənqidi materialların dərc olunmasını qadağan etməklə, azərbaycanlı jurnalistlərin yaradıcılıq imkanlarını məhdudlaşdırıb.

Yeri gəlmişkən, ötən ilin avqustunda “Sputnik Azərbaycan”ın rus redaksiyasının dörd redaktoru eyni gündə istefa vermişdi. İstefa verən redaktor Cəmilə Əfəndiyeva bildirmişdi ki, səbəb yeni direktor Vitali Denisovun Rusiya Müdafiə Nazirliyinin Azərbaycanın Müdafiə Nazirliyinin bəyanatına tamamilə zidd olan açıqlamasını sayta yerləşdirməkdə israr etməsi oldu. Rusiya MN-in mətnində çoxdan mövcud olmayan “Dağlıq Qarabağ” sözləri yazılmışdı, üstəlik onlar Azərbaycan tərəfini rusiyalı sülhməramlıların müvəqqəti yerləşdikləri ərazidə atəşkəsi pozmaqda günahlandırırdılar. Sitat: “Həmin gecə növbədə olan buraxılışa məsul redaktor ümumi ”çatda" yazdı ki, biz xəbəri bu formada dərc edə bilmərik. Yəni Azərbaycan MN-in bəyanatına ziddir, agentlik Rusiyaya məxsus olsa da, Azərbaycanda işləyirik. Ancaq Denisov israr etdi ki, xəbər çıxmalıdır, agentlik Rusiyanın olduğuna görə də Rusiyanın nöqteyi-nəzərini əks etdirməlidir. Guya biz öz üzərimizə böyük məsuliyyət götürürük və bizim məsləhətlərimizi heç soruşmur. Növbədə olan redaktor bildirdi ki, sabah ərizə yazacaq. Biz də onunla həmrəy olduğumuzu bildirdik".

Millət vəkili Vahid Əhmədov da bir neçə dəfə Rusiyanın “Sputnik” agentliyinin Azərbaycandakı fəaliyyətinin dayandırılmasının zəruri olduğunu bildirib: “Ukraynada baş verənlərdən və Marqarita Simonyanın Moskvada Azərbaycanın ali rəhbərliyinə qarşı aşkar tərbiyəsizlik sərgiləməsindən sonra onun rəhbərlik etdiyi agentliyin kitabının bağlanmaması bir yana, fəaliyyətinə yeni nəfəs verilməsinə ad tapa bilmirəm. Vaxtilə bu agentliyin əməkdaşı mənə müraciət edib açıqlama istəyəndə sərt şəkildə bildirmişdim ki, missiyası sonadək bəlli olmayan və Marqarita Simonyan kimi bir Azərbaycan düşməninin rəhbəri olduğu agentliyə mən heç zaman danışmaram. Zaman mənim haqlı olduğumu göstərdi və hesab edirəm ki, belə bir təxribatçı adamın rəhbərlik etdiyi media resursunu hamı ”iqnor" etməlidir. Üstəlik, Ukraynada baş verənlər və M. Simonyanın bu məsələlərdə tutduğu faşist mövqe, bu azmış kimi Moskvada səfərdə olan prezident İlham Əliyevə və birinci xanım Mehriban Əliyevaya qarşı aşkar hörmətsizlik, hətta deyərdim ki, tərbiyəsizlik etməsindən sonra gözləmək olardı ki, belə bir təxribatçı agentlik gəldiyi yerə qədər qovulacaq. Amma biz bunun əksini görürük. Marqarita Simonyana niyə qapını göstərmirik? Heç nədən çəkinmək lazım deyil. M.Simonyanın qəbuledilməz hərəkətləri ortadadır və Azərbaycanda hamının nifrət etdiyi bir adamın rəhbəri olduğu agentliyə yer olmamalıdır".

TEREF.AZ-ın məlumatına görə, Media hüquqları üzrə ekspert, hüquqşünas Ələsgər Məmmədli “Yeni Müsavat”a şərhində qeyd etdi ki, “Sputnik Armeniya” radiostansiyasının Azərbaycan ərazisində fəaliyyət göstərməsi hüquqi baxımdan problemli idi. Ekspert qanunvericiliyin tələblərinə diqqət çəkərək bildirdi ki, Azərbaycan qanunvericiliyinə görə milli tezlik resursları dövlətə məxsusdur və ölkə ərazisində lisenziya alaraq fəaliyyət göstərə bilərlər: “Radio və televiziya fəaliyyəti üçün əsas şərtlərdən biri təsisçinin azərbaycanlı olmasıdır. Yalnız dövlətlərarası müqavilələrə əsaslanan müəyyən istisnalar ola bilər, bu isə qarşılıq prinsipinə əsaslanır. Bildiyim qədər Azərbaycana məxsus informasiya resurslarının hər hansı ölkədə Azərbaycan dilində fəaliyyəti yoxdur. Mövcud qanunvericilik çərçivəsində lisenziyalı fəaliyyətin dövlət tərəfindən tənzimləndiyini nəzərə alsaq, ”Sputnik"in fəaliyyətinin dayandırılması hüquqi baxımından normal hesab olunur".

Ekspert vurğuladı ki, informasiya resurslarının etik çərçivəsi olmalıdır, “Sputnik”in quruluş fəlsəfəsi isə təbliğata əsaslanır: “Sputnik” hər yerdə Rusiyanın aqressiv, işğalçı, bəzən diskriminasiya yaradan siyasətinin legitimləşdirilməsi məqsədi ilə fəaliyyət göstərir, açıq şəkildə ağ-qara, boz propaqanda ilə məşğul olur. Avropa məhz buna görə qadağa tətbiq etdi. Hesab edirəm ki, Azərbaycan ciddi şəkildə milli maraqlarını, informasiya təhlükəsizliyini nəzərə alıb, xüsusilə rusdilli əhali arasında təbliğatın qarşısını almalıdır. Bu baxımdan “Sputnik”in fəaliyyətinə əvvəldən icazə verilməməli idi".

TEREF.AZ bildirir ki, AzTV-nin Xəbərlər studiyasının baş redaktor müavini Jalə Mütəllimova “Yeni Müsavat”a mövzunu belə şərh etdi: “Biz dəfələrlə bu məsələni gündəmə gətirmişik. Nəyə görə Azərbaycanın dövlət mövqeyi ifadə olunan yazılarda müəlliflər hədəf olur? 2000-ci illərin əvvəlində xarici media orqanlarının Bakı ofisləri bağlandı çünki anti-Azərbaycan fəaliyyəti ilə məşğul idilər. Marqarita Simonyanın rəhbəri olduğu media quruluşu anti-Azərbaycan mövqeyi sərgiləməsə də, Azərbaycan dövlətinin mövqeyinə yer vermir. Guya neytral, balanslı mövqe saxlamağa çalışırlar, əslində isə o, dəfələrlə Ermənistan tərəfindən mükafatlandırılıb. Eyni zamanda Marqarita Simonyan prezindet İlham Əliyevin ”gəlin, reallıqları görün" dəvətinə reaksiya vermədi. “Sputnik Azərbaycan”da milli media üçün yararlı kadrlar var ki, sosial problemlərdən dolayı ora sığınıblar. Onları Azərbaycan mediasına cəlb etmək, dolayısı ilə “Sputnik Azərbaycan”ın fəaliyyəti üçün əsas qoymamaq lazımdır. Bu media quruluşu Avropada bloklansa da, dünyanın 40-dan çox ölkəsində fəaliyyət göstərirdi ki, birmənalı olaraq Rusiya siyasi kursunun təbliği ilə məşğul idi. Bunun tərkib hissəsi həm də Ermənistanın dəstəklənməsidir. Məhz bu xəttə görə şərtlər irəli sürə bilərik, məsələn media quruluşu Simonyanın şəxsi vəsaiti ilə, yaxud 51% Azərbaycanın maliyyəsi ilə fəaliyyət göstərə bilər, yaxud tamamilə bloklana bilər. Xatırladım ki, “Sputnik Azərbaycan”ın əvvəlki rəhbərlərindən biri diplomatik nömrə ilə gəzirdi və hər kəsə deyirdi ki, Ermənistanın mövqeyini dəstəkləyir. Belə olan halda, “Sputnik Azərbaycan”ın fəaliyyətinə niyə son qoyulmasın?"

ABŞ Nümayəndələr Palatası F-16 qırıcılarının Türkiyəyə satışı üçün ilkin şərti açıqlayıb
Teref.az "Report"a istinadən xəbər verir ki, bu barədə xarici KİV məlumat yayıb.

Bildirilib ki, Türkiyə qırıcıların tədarükünü istəyirsə, İsveçin NATO-ya üzvlüyünü ratifikasiya etməlidir

Qeyd olunub ki, bu iki proses bir-biri ilə bağlıdır

Xatırladaq ki, Türkiyə F-16-ların tədarükü üçün uzun müddətdir mübarizə aparır.

Qeyd edək ki, İsveç və Finlandiya 2022-ci il mayın 18-də NATO-ya üzv olmaq üçün ərizə ilə müraciət etmişdi. Türkiyə bu ölkələrin Alyansa üzvlüyü üçün terrorçuları dəstəkləməmələri ilə bağlı şərt irəli sürmüşdü. Finlandiya Ankaranın bu tələblərini yerinə yetirib.

Finlandiya bu ilin aprelində NATO-ya üzv olub. Lakin İsveç Türkiyənin şərtlərinə əməl etmədiyinə görə Ankara Stokholmun quruma qoşulmasının əleyhinə səs verib. Nəticədə İsveç hələlik NATO-ya qəbul edilməyib.

İyulun 10-da Türkiyə Prezidenti Rəcəb Tayyib Ərdoğan, İsveçin Baş naziri Ulf Kristersson və NATO-nun Baş katibi Yens Stoltenberq Vilnüsdə görüşüblər. Müzakirələrin sonunda R.T.Ərdoğan İsveçin Alyansa üzvlüyünə razılıq verib

Azərbaycanın Qızıl Aypara Cəmiyyətinin Xankəndiyə göndərdiyi yardımı ermənilərin hələ də qəbul etməməsi məsələsinə gəldikdə isə M.Brayza bildirib ki, bunlar erməni diasporunun oyunlarıdır.
Fransa və Qarabağdakı separatçı, ekstremist ermənilər Qarabağın hüquqi statusu məsələsini yenidən gündəmə gətirməyə cəhd edirlər.
Bunu beynəlxalq ekspert, Ceymstaun Fondunun İdarə Heyətinin üzvü, ABŞ-ın Azərbaycandakı keçmiş səfiri Metyu Brayza deyib.
O qeyd edib ki, İkinci Qarabağ müharibəsinin başa çatdığı və Azərbaycan, Rusiya və Ermənistan liderləri arasında atəşkəs bəyanatını imzaladığı gündən, yəni 10 noyabr 2020-ci ildən bəri Fransa hökumətinin rəsmi mövqeyi Bakını müharibəyə görə günahlandırmaqdan ibarət olub:
"Fransa Qarabağın hazırda Rusiya sülhməramlılarının nəzarətində olan və erməni separatçılarının yerləşdiyi hissəsinin hüquqi statusunun dəyişdirilməsi məsələsini açıq saxlamağa çalışır. Ermənistanın baş naziri Nikol Paşinyanın da razılaşdığı atəşkəs sazişi Qarabağın hüquqi statusunun dəyişdirilməsinin mümkünlüyünü özündə ehtiva etməməsinə, həmçinin Nikol Paşinyanın "Ermənistan Azərbaycanın Qarabağ da daxil olmaqla ərazi bütövlüyünü tanımağa hazırlaşır" sözlərinə rəğmən, Fransa hökumətinin atdığı addımlar məhz Qarabağın hüquqi statusunun dəyişdirilməsinə, həmin bölgənin muxtar ərazi və ya Ermənistanın parçası kimi tanınmasına nail olmağa yönəlib".
Azərbaycanın Qızıl Aypara Cəmiyyətinin Xankəndiyə göndərdiyi yardımı ermənilərin hələ də qəbul etməməsi məsələsinə gəldikdə isə M.Brayza bildirib ki, bunlar erməni diasporunun oyunlarıdır:
"Bütün bu gərginliklərin səbəbi Qarabağın etnik erməni icmasının ekstremist üzvlərinin dəhşətli dərəcədə revanşist və milliyyətçi erməni diasporunun, məsələn, Amerika Erməni Milli Komitəsinin dəstəyi ilə İrəvan hökumətinə göstərdiyi siyasi təzyiqlərdir. Onlar da Qarabağın hüquqi statusu məsələsini yenidən gündəmə gətirməyə çalışırlar.
Nəticə olaraq erməni tərəfi Ağdam-Xankəndi yolu vasitəsilə gələn humanitar yardımı rədd edib, sadəcə Ermənistandan Laçın yolu vasitəsi ilə gələn yardım qəbul etmək istəyirlər. Bu isə beynəlxalq humanitar hüquqa əsaslanan humanitar yardım məsələsinin siyasiləşdirmənin nümunəsidir. Çünki beynəlxalq humanitar hüquqa əsasən humanitar yardım mümkün olan yollardan çatdırılmalı və qəbul edilməlidir"(Report).

Livandakı erməniləri bu dəfə Türkiyəyə qarşı təxribat törədib.

Ermənilər Türkiyə yük maşınlarının Livana keçidini əngəlləyib.

Yük maşınlarına və sürücülərinə boya və çürük yumurta atılıb, maşınların üzərində türkləri təhqir edən ifadələr yazılıb.

Türk yük maşınları Livana gedə bilməyib və geri qayıdıb.

Qeyd edək ki, 50-yə yaxın erməni əsilli şəxs Azərbaycanın Livandakı səfirliyinə hücum edib.

Ermənilər binanın ətrafındakı hasara zərbələr endirib, özləri ilə gətirdikləri içərisində boya olan və partlayıcı bərkidilmiş şüşələri səfirliyin inzibati binasına atıblar. Hücum nəticəsində səfirliyin heyəti xəsarət almayıb.

Səfirliyə qarşı törədilən bu hücumla əlaqədar cinayətkarların aşkarlanması və həbs edilməsi məqsədilə, Livanın Xarici İşlər Nazirliyinə müvafiq nota təqdim edilib və aidiyyəti üzrə tədbirlər həyata keçirilir.

Nikol Kremlə dişini qıcayıb: ölümcül səhvdir - Korotçenko

Ermənistan XİN-in rəsmi nümayəndəsi Rusiya haqqında məzmun və məna baxımından tamamilə boş fikirlər səsləndirib. İrəvanı qıcıqlandıran odur ki, Kreml öz milli maraqlarına ziyan vurmaqla Ermənistan üçün odun içərisindən şabalıd çıxarmaq fikrində deyil. Rusiyaya dişlərini qıcaması Paşinyan və komandasının ölümcül səhvidir. Axı heç bir Fransa, ABŞ, AB, Hindistan, İran Ermənistanın problemlərini həll etməyəcək, onlar yalnız bundan istifadə edəcəklər.

Bunu rusiyalı hərbi ekspert, “Milli müdafiə” jurnalının baş redaktoru İqor Korotçenko deyib.

“Paşinyan siyasi vakumda deyil, erməni seçicilərin real əksəriyyəti onun arxasında dayanır. Bu o deməkdir ki, Rusiyaya qarşı iddialar Ermənistan vətəndaşlarının əksəriyyəti tərəfindən irəli sürülür. Bununla necə davranmalıyıq? Sakit. Biz “tarixi dostluq” və “qardaş xristian xalqı” haqqında bəyanatların qiymətini bilirik. Ona görə də indi Rusiya-Ermənistan münasibətlərinin sağlam praqmatizm üzərində qurulacağı və Kremlin tarixən kiməsə və nəyəsə borclu olması illüziyalarının aradan qalxacağı normaldır”, - Korotçenko bildirib.

Onun sözlərinə görə, Ermənistan Moskvanın diplomatik əlaqə saxladığı dövlətlərdən sadəcə biridir.

“Bizdə heç kim İrəvana qəsdən zərər yetirməyəcək. Hətta yaxşı mənada təşəkkür etməliyik ki, Kreml indi Cənubi Qafqaz regionunda baş verən bütün hadisələrə “erməni eynəyi” ilə baxmayacaq. Uzun müddətdir ki, bir çox lobbiçilər tərəfindən bu eynəkdə “əziyyət çəkən xalq” görüntüsü əks etdirilir. Ermənistan suveren dövlətdir, onun öz milli maraqları var. Amma Rusiyanın da milli maraqları var. Və biz onları yalançı ideologiyalar adına qurban verməməliyik və verməyəcəyik”, - o bildirib.\\Axar.Az

Xarici İşlər Nazirliyinin (XİN) mətbuat katibi Ayxan Hacızadə ABŞ Dövlət Departamentinin mətbuat katibi Metyu Millerin 31 avqust tarixli bəyanatı ilə bağlı şərh verib.

Şərhdə deyilir:

"Azərbaycan ABŞ Dövlət Departamentinin bölgədəki vəziyyətlə bağlı bəyanatını qeydə alır. İlk növbədə, Azərbaycan tərəfinin erməni əsilli sakinlərin təlabatlarının ödənilməsi istiqamətində təklifləri, o cümlədən Ağdam-Xankəndi yolundan istifadə ilə paralel olaraq, Laçın yolundan hərəkətin intensivləşməsi təklifini irəli sürməsinin, eləcə də gündəlik əsasda onlarla erməni sakinin Laçın sərhəd buraxılış məntəqəsindən hər iki istiqamətdə keçməsi fonunda bölgədə “blokada” olması iddiaları qəbuledilməzdir.

Erməni sakinlərin bəzi nümayəndələrinin Azərbaycan ərazilərində yerləşən Rusiya sülhməramlı kontingenti vasitəsilə Azərbaycan Qızıl Aypara Cəmiyyəti tərəfindən Ağdam-Xankəndi istiqamətinə göndərilmiş və hazırda Xankəndinə keçidi gözləyən yük maşınlarına mane olmaq istiqamətində səyləri və yolu bağlaması şəraitində bölgədə “gərgin humanitar vəziyyət” mövcudluğu iddialarını əsassız edir.

Azərbaycanın Qarabağ bölgəsində məskunlaşan erməni sakinlərin reinteqrasiyası, Qarabağ bölgəsinə humanitar yüklərin müxtəlif marşrutlarla çatdırılması, həmçinin Azərbaycanın xüsusi nümayəndəsi ilə yerli erməni sakinlərin nümayəndələri arasında görüşün təşkili ilə bağlı Azərbaycanın erməni sakinləri dəfələrlə görüşə dəvət etməsi, bu istiqamətdə görüşlərin təşkili ilə bağlı əldə olunmuş razılıqlardan Ermənistan tərəfinin öz qondarma rejimi vasitəsilə qeyri-qanuni şərtlər və müxtəlif bəhanələr irəli sürməklə boyun qaçırması ABŞ tərəfinə yaxşı məlumdur.

Azərbaycan tərəfinin bu istiqamətdə təkliflərinin davamlı olaraq rədd edilməsi isə vəziyyətin heç də humanitar deyil, əksinə siyasi xarakter daşıdığını bir daha nümayiş etdirir.

Azərbaycan dövlətlərin suverenliyinə və ərazi bütövlüyünə hörmət əsasında bölgədə sülh, təhlükəsizlik və sabitliyin bərqərar olmasında, erməni sakinlərin ölkəmizin qanunvericiliyi çərçivəsində reinteqrasiyasında qərarlıdır".

Bu barədə “Azad İran” “Telegram” kanalı məlumat verib.

“Xərclərimizi ödəmək insanların borcudur, mən lütf edib insanlardan pul alıram!” - deyə o qeyd edib.

İnsanlara xidmət etdiyini bildirən müftəxor molla bu xidmətinin də qarşılığını insanlardan almalı olduğunu vurğulayıb. Onun sözlərinə görə, o, Allaha borcludur, guya aldığı pulu da dini işlər üçün xərcləyir.

Zaxarova ilə erməni jurnalist arasında qarşıdurma yaşandı
Artıq birinci dəfə deyil ki, Rusiya Xarici İşlər Nazirliyinin nümayəndələri ilə Rusiya erməni təxribatçı jurnalistlər arasında sözlü qarşıdurma yaşandığının şahidi oluruq. Belə ki, bu təxribatçılar Rusiya qurumlarının nümayəndələrinin Azərbaycan əleyhinə hər hansı fikir səsləndirməsi üçün dəridən-qabıqdan çıxırlar.

Bu cür sözlü qarşıdurmalar xüsusən ənənəvi olaraq Rusiya Xarici İşlər Nazirliyinin brifinqlərində müşahidə olunur. Bu gün də istisna olmadı.

Teref.Az xəbər verir ki, erməni təbliğatçı-jurnalist gözlərində təşviş ifadəsi ilə bir-birinin ardınca təxribatçı suallar verərək, Rusiya Xarici İşlər Nazirliyinin mətbuat katibi Mariya Zaxarovanı Azərbaycana qarşı bəyanat səsləndirməyə vadar etməyə çalışıb, lakin səyləri boşa çıxıb.

Belə ki, psevdo-jurnalist bu yaxında Azərbaycan bayrağını təhqir edən üç erməninin "Laçın" sərhəd-buraxılış məntəqəsi yaxınlığında saxlanılması ilə bağlı sual verərək, eyni zamanda, rus sülhməramlılarını müdaxilə etməməkdə qınayıb və bildirib ki, "insanlar onlara etibar ediblər". Zaxarova isə cavab olaraq bildirib ki, bu kontekstdə məsuliyyəti rus sülhməramlı kontingentin üzərinə atmaq yersiz və yanlışdır.

"Yerinə otuzdurulan" erməni təxribatçı bu dəfə Rusiyanın Azərbaycan nümayəndələri ilə Azərbaycanın Qarabağ ərazisindəki erməni əhali arasında görüş keçirmək təklifi ilə bağlı sual verərək, bu zaman erməni azlığın nümayəndələrinin saxlanılmayacağına zəmanət məsələsini qaldırıb. Zaxarova bildirib ki, razılaşmaların icrası bunun təminatıdır.

"İnterpretasiya ilə, yeni konstruksiyalar icad etməklə, üçüncü tərəfləri cəlb etməklə məşğul olmaq lazım deyil", - deyə o əlavə edib.

Onun sözlərinə görə, razılaşmaların icrasında qeyri-dürüstlük olduqda artıq zəmanət barədə düşünmək olmur. Hiddətlənmiş erməni jurnalist Zaxarovadan Ermənistanın məhz hansı razılaşmaları pozduğunu soruşub. Zaxarova isə cavabında bildirib ki, pozuntudan bəhs etmir, sadəcə, razılaşma şərtlərini icra etməyin lazım olduğunu deyir. Zaxarova İrəvan üçün mühüm məsələ ilə bağlı Ermənistanın mövqeyinin əsaslı şəkildə dəyişdiyini qeyd edib. \\Trend

ABŞ-nin Nyu-York şəhərində 127 illik su şəbəkəsi partlayıb.

Teref.az xəbər verir ki, hadisə nəticəsində şəhərin mərkəzi küçələri və şəhərin ən işlək metro stansiyası su altında qalıb.Böyükşəhər Nəqliyyat İdarəsi (MTA) metroya təxminən 8,1 milyon litr suyun axdığını və 3 metro xəttində fasilələr olduğunu açıqlayıb.

Qeyd edək ki, Nyu-Yorkda köhnə su və kanalizasiya xətlərinin yenilənməsi üçün son 3 ildə 1,9 milyard dollar xərclənib.(olkə.az)