 |
|
|
Demokratlar Partiyasından prezidentliyə namizəd və ölkənin vitse-prezidenti Kamala Harrisin 200 min dollardan çox dəyərində zərgərlik kolleksiyası var.
Valyuta.az xəbər verir ki, bu barədə Daily Mail məlumat yayıb.
Məlumata görə, siyasətçinin zinət əşyalarına 18,5 min dollar dəyərində qızıl Tiffany boyunbağı, üç Cartier saatı, o cümlədən polad və qızıldan hazırlanmış 16,5 min dollar dəyərində Ballon Bleu daxildir.
Onun həmçinin Los-Ancelesdən olan məşhur zərgər İrene Neuvirtdən bir neçə eksklüziv mirvari zinət əşyaları var.
Ən yeni tarix. Maraqlı faktlar.
Onun əsl adı Yekaterina olub – Yekaterina Semyonovna Svanidze. Amma yaxınları ona qısa adla, Kato deyə müraciət ediblər.
Elə gənc Soso da (Stalin) yaxın dostunun bacısını Kato adı ilə tanıyıb.
Bu tanışlıq sonradan onların ailə qurması ilə nəticələnib.
Yekaterina Svanidze 1885-ci ildə Tiflisdə anadan olub. Ailə Tiflisin Freylinskaya 3 ünvanında yerləşən kiçik bir evdə yaşayıb.
Kato yeniyetməlik yaşlarından işləməyə başlayıb, o, imkanlı ailələrin paltarlarını yumaqla pul qazanıb. Daha sonra dərzilik edib.
Kato Stalinlə qardaşının vasitəsi ilə tanış olub.
Belə ki, onun qardaşı Aleksandr Svanidze Tiflis ruhani seminariyasında Stalinlə birgə oxuyub və aralarında sıx dostluq münasibətləri yaranıb.
Məhz Aleksandr dostunu öz evlərinə dəvət edəndə Stalin Katonu görüb və ilk gündən ürəyində ona qarşı sevgi yaranıb. İlk görüşdən bir neçə gün sonra Stalin Katonu anası Keke ilə tanış edib, ondan xeyir-dua istəyib. Keke bu izdivaca böyük məmnunluqla “hə” deyib.
16 iyul 1906-cı ildə Stalinlə Kato ailə həyatı qurublar. Onların nikahı Müqəddəs David kilsəsində rəsmiləşib.
Kato heç vaxt Stalinin siyasi fəaliyyətinə müdaxilə etməyib, bu siyasət onun üçün maraqlı görünməyib.
O, yalnız həyat yoldaşının təhlükəsizliyinə görə narahat olub. Stalinin tez-tez axtarılması, günlərlə yoxa çıxması, təhdidlər, təzyiqlər Katonun ciddi narahatlığına səbəb olub.
Nəhayət, bu təhlükələrdən uzaq olmaq üçün ailə Tiflisdən çıxmağa məcbur olub. Stalinin Bakıda inqilabi proseslərdə iştirak etməsi zərurəti yarananda onlar Bakıda məskunlaşıblar.
1907-ci ildə cütlüyün bir oğul övladı, Yakov dünyaya gəlib. Bu əlamətdar hadisə ailənin sevincinə səbəb olsa da, bu sevinc uzun sürməyib. Bakıda Katonun səhhətində ciddi problemlər yaranıb. Vərəm xəstəliyinə tutulan Katonun sağlıq durumu günü-gündən daha da ağırlaşıb. Bakıda vəziyyətin mürəkkəb olduğunu nəzərə alan Stalin həyat yoldaşını Tiflisə aparıb və axtarışlardan yayınmaq üçün yenidən Bakıya dönüb.
Həkimlər Katonu xilas edə bilməyiblər. 5 dekabr 1907-ci ildə Kato əvvəli xəstəliyindən və qarın yatalağı nəticəsində daxili qanaxmadan vəfat edib. Həmin vaxt Yakov səkkizaylıq olub.
O ərəfələrdə axtarışda olan və ard-arda həbsxanalara düşən Stalin həyat yoldaşının dəfnində iştirak etmək üçün gizli yolla Tiflisə gəlib. Katonun ölümü onu sarsıdıb.
Dəfn Tiflisdə, Kukiysk qəbirstanlığında keçirilib. Tabut məzara endirdikdən sonra Stalin özünü tabutun üstünə atıb. Onu qəbirdən dəfn mərasimində iştirak edənlərdən biri, gürcü siyasətçisi və tarixçisi, ictimai xadim Geronti Kikodze çıxarıb. Sonralar o, həmin hadisəni belə xatırlayıb:
“Ağır mənzərə idi, hətta mən deyərdim ki, dözülməz bir səhnə idi. Stalin özünü tabutun üstünə atmışdı. Mən onu çətinliklə məzardan çıxartdım. Onların evliliyinin ömrü bir ildən bir az artıq çəkmişdi. Amma, görünür, aralarında böyük sevgi yaşanıb. Katonun vəfatının kədəri Stalinin bütün cizgilərində əks olunmuşdu. Həmin anlarda qoçaq, çevik Stalin olduqca miskin, çarəsiz, çıxılmaz vəziyyətə düşən bir insan kimi görünürdü...”
Katonun ölümündən sonra səkkizaylıq Yakovu Stalinin anası Kekenin himayəsinə vermək istəyiblər. Ancaq hansısa səbəbdən Keke Yakovu saxlamaqdan imtina edib. Bu imtinadan sonra Yakovu Katonun anası öz himayəsinə götürüb.
Stalin Katonun qohumları ilə əlaqələrini kəsməyib. Xüsusilə qardaşı Aleksandrla daha yaxın münasibətdə olub. Onları həm də inqilabi proseslər yaxınlaşdırıb.
Aleksandr da fəal inqilabçılardan biri sayılıb.
Stalin hakimiyyətə gəldikdən sonra da Aleksandr və həyat yoldaşı onunla əlaqələrini kəsməyiblər. Onlar Stalinin həm mənzilində, həm də bağ evində bütün tədbirlərdə ev sahibi kimi iştirak ediblər. Sovet lideri həyat yoldaşının qohumlarına lazımi qədər diqqət və qayğı göstərib. Amma qanlı 1937-ci il çox şeyləri dəyişdiyi kimi, bu münasibətlərə də əl gəzdirib.
Bu günə qədər də məlum olmayan mənbədən Stalinə məxfi şəkildə məlumat verilib ki, Aleksandr Svanidze Almaniya kəşfiyyatına işləyir. Bu xəbərdən sonra Stalin Aleksandrdan bunu etiraf etməyi tələb edib. Aleksandr isə onu gözləyəcək bütün təhlükələrə baxmayaraq bu faktı təsdiqləməyib.
Stalinin göstərişi ilə Aleksandr Svanidze güllələnib, az sonra onun həyat yoldaşı da eyni cəzanı alıb. Bununla da Stalin keçmişi ilə əlaqələrini birdəfəlik kəsib.
Stalin 1918-ci ildə ikinci dəfə Nadejda Alliluyeva ilə ailə həyatı qurub. Bu nikahda da onu bəxti gətirməyib. Sovet liderinin həyat yoldaşı 1932-ci ildə müəmmalı şəkildə “intihar” edib.
Rəsmi nikahdan başqa Stalinin həyatında bir çox qadınlar olub, aktrisa, tibb bacısı, ictimai xadim statutusunda olan qadınlar.
Amma bu qadınlar da Stalinə ilk sevgisini, Katonun sevgisini verə bilməyib. Yəqin elə bu səbəbdən də Stalin ən sevincli və ən kədərli günlərdə hansı məclisdə olmasına baxmayaraq Katonu xatırlayıb, onun adını dilinə gətirib.
İlham Cəmiloğlu, Musavat.com
ABŞ-ın vitse-prezidenti və ölkənin ən yüksək vəzifəsinə namizəd olan Kamala Harrisin həkimi Coşua Simmons seçkilərə bir ay qalmış onun səhhətinin əla olduğunu və dövlət başçısı vəzifələrini yerinə yetirə biləcəyini təsdiqləyib.
Bizimyol.info xəbər verir ki, bu barədə dərc olunmuş tibbi hesabatda deyilir.
“Vitse-prezident Harrisin səhhəti əla vəziyyətdədir. O, prezidentin tapşırıqlarını yerinə yetirmək üçün lazım olan fiziki və mənəvi dözümə malikdir”, - deyə sənəddə qeyd olunub.
Simmons qeyd edib ki, Harrisin 2024-cü ilin aprelində keçirilən son tam tibbi müayinəsi heç bir anormallıq aşkar etməyib və bütün əsas sağlamlıq göstəriciləri normaldır. O vurğuladı ki, siyasətçi “məşğul iş qrafikinə baxmayaraq, sağlam, aktiv həyat tərzinə” riayət edir, həmçinin “çox sağlam pəhriz”ə əməl edir, nadir hallarda spirtli içki qəbul edir və siqaret çəkmir.
Həkim bildirib ki, siyasətçi son 3 il ərzində allergenə xas immunoterapiyadan keçib və bu, ona mövsümi allergiya əlamətlərini aradan qaldırmağa imkan verib.
59 yaşlı Harris ilk dəfə səhhəti ilə bağlı məlumat dərc edib. Bundan əvvəl Amerika mediası qeyd edib ki, Ağ Evdə mütəmadi olaraq tibbi müayinədən keçən vitse-prezident heç vaxt tibbi hesabatını ictimaiyyətə açıqlamayıb.
ABŞ-da ümumi seçkilər noyabrın 5-də keçiriləcək. Respublikaçı Donald Tramp və Demokrat Harris prezidentlik uğrunda mübarizə aparacaqlar. Tramp Amerikanın 45-ci prezidenti olub və 2017-2021-ci illərdə bu vəzifəni icra edib. O, 2020-ci il seçkilərində Demokratlar Partiyasından olan hazırkı prezident Baydenə uduzub və indi yenidən Ağ Evə qayıtmağa çalışır.
Bərdə rayon Heydər Xəliloğlu adına Qullar kənd tam orta məktəbinin direktoru Günay Musayeva vəzifəsindən imtina edib.
Oxu.Az xəbər verir ki, o, Nizami Gəncəvi adına Xankəndi şəhər 4 nömrəli tam orta məktəbinə ibtidai sinif müəllimi kimi gedib.
Günay Musayeva "Böyük Qayıdış" prosesində iştirak etməkdən qürur duyduğunu deyib.
Almaniyada baş verən ağlasığmaz cinayət dünyanın gündəmini zəbt edib.
Milli.Az xarici mətbuata istinadla xəbər verir ki, Almaniyada kosmetoloq rəfiqəsi ilə birlikdə blogeri vəhşicəsinə öldürüb.
Fotoda: Schahraban K.
Khadidja O. adlı qıza 56 bıçaq zərbəsi vuran Schahraban K. və əlbir olduğu Sheqir K. bunu dini ayinlə əlaqələndiriblər.
Belə ki, Schahraban K. sosial şəbəkədə tapdığı oxşarını öldürməklə guya öz ömrünü uzatmış olub. O, elə düşünüb ki, bu üsulla əcəldən yayına biləcək.
Fotoda: Khadidja O.
Blogerin meyiti qızların maşınından tapılıb. Valideynləri polisə xəbər verib. Qızlar dərhal polis tərəfindən saxlanılıb.
Onlar ifadələrində bildiriblər ki, sosial şəbəkədə tanış olduqları Xədicəni ( Khadidja O.) reklama çəkmək adı ilə görüşə çağırıb sonra bu cinayəti törədiblər.
Cinayətlə bağlı 190 nəfər dindiriləcək. Sirli cinayətin üstünü tam detalları ilə açmaq üçün məhkəmədə psixoloq və ekspertlər də iştirak edəcək.
Avropa İttifaqının ölkəmizdəki Nümayəndəliyinə məxsus 980 min manatı mənimsəməkdə ittiham olunan Zərifə Abbasovanın məhkəmə araşdırması yekunlaşıb.
"Qafqazinfo”nun məlumatına görə, Bakı Ağır Cinayətlər Məhkəməsində keçirilən iclasda hökm oxunub.
Zərifə Abbasova barəsində ibtidai istintaq dövründə ev dustaqlığı qətimkan tədbiri seçilmişdi. Məhkəmənin ilk iclasında da onun sərbəst mühakimə edilməsinə qərar verilmişdi.
Amma bir neçə iclas sonra xanım müttəhim məhkəmədən gizlənib. O, həbsli axtarışa verilib. Üstündən 7 ay keçməsinə baxmayaraq, yerini müəyyən etmək mümkün olmayıb.
Bugünkü prosesdə prokuror Orxan Səmədov çıxış edərək məhkəmədən qiyabi qaydada ittihamedici hökm çıxarılmasını, üzərinə həbs qoyulmuş əmlakın müsadirə edilməsini istəyib.
Əhməd Quliyevin sədrlik etdiyi məhkəmə tərkibinin qərarı ilə Z.Abbasova qiyabi olaraq 10 il 6 ay azadlıqdan məhrum edilib. Onun evi ziyanın ödənilməsinə yönləndirilmək məqsədilə müsadirə edilib.
Qeyd edək ki, mühasib işləyən Zərifə Abbasova 2017-2022-ci illər ərzində Nümayəndəliyin bank hesabında olan pul vəsaitlərini nağdlaşdırmaqda, habelə saxta ödəniş tapşırıqları vasitəsilə müxtəlif vaxtlarda vəsaitləri öz əməkhaqqı kartına köçürərək təşkilata məxsus 980 min manatdan artıq pulu mənimsəməkdə ittiham edilir. İstintaq materiallarında yazır ki, Z.Abbasova nümayəndəliyin rəhbəri Peter Mixalko və onun müavini Zoltan Szalainin ona qarşı inamından istifadə edərək vaxtaşırı onların səlahiyyətində olan möhürləri götürərək sənədlərə möhür vurub, onların yerinə imzalar atıb. Bundan sonra o, nümayəndəliyin hesabından şəxsi avro və manat hesablarına köçürmələr edib. Öz bank kartına köçürdüyü pulları əsasən, onlayn formada şəxsi ehtiyacları üçün xərcləyib.
Z. Abbasova məhkəmədə özünü qismən təqsirli bilib. O, 983 min deyil, 50 min manat mənimsədiyini etiraf edib.
Oğlu rusiyalı aktrisa Aqata Musenizedən imtina edib.
Gundemxeber.az xəbər verir ki, bu haqda o özü açıqlama verib.
Sənətçi etiraf edibi ki, oğlu 11 yaşlı Timofey avqust ayından evi tərk edib və onunla ünsiyyətini kəsib:
"O, avqust ayından bəri evdə deyil, atası ilə qalır. Qızım Mia qardaşı üçün çox darıxır. Tim bizimlə ünsiyyət qumur. Düzünü desəm, bu barədə nə edəcəyimi anlamıram. Tək qalmaq istədiyini deyir. Təbii ki, onun kiçik ürəyinin bu qərarları təkbaşına verdiyini düşünmürəm. Mən Timofeyin nə qədər çevik psixikaya malik olduğunu bilirəm və bu sınaqda məğlub olsam belə, bundan heç vaxt istifadə etməyəcəyəm. İndi mənim analıq hisslərimin necə tapdalanmasını və Timofey ilə Mia arasındakı əlaqənin kəsilməsini uzaqdan izləyirəm. Zaman hər şeyi göstərəcək".
Xatırladaq ki, Pavel Priluçiy və keçmiş həyat yoldaşı Aqata Musenize 2020-ci ildə boşanıblar. Onların bu nikahdan iki övladı var
Gundemxeber.az
Rusiyanın Tolyatti şəhərində bütün ictimaiyyəti sarsıdan dəhşətli faciənin təfərrüatı məlum olub. Belə ki, mənzillərdən birində eyvanda çoxsaylı bıçaq yarası ilə cəsədləri aşkar edilən 2 və 5 yaşlı iki qızın bədənlərində dişləmə izləri tapılıb.
Bu barədə “Shot” “Telegram” kanalı şahid ifadələrinə istinadla xəbər yayıb.
Qeyd edək ki, amansız cinayətdə əsas şübhəli onların 13 yaşlı ögey bacısıdır.
Məlumata görə, faciə zamanı qızların valideynləri “mənzilə qanunsuz daxil olma” işi ilə bağlı polis idarəsində dindirilmədə olublar. Belə ki, daha əvvəl ana həyat yoldaşı barədə onu döydüyü və xəyanət etdiyi ilə bağlı şikayət edib. Sonradan cütlük barışsa da, polis idarəsində ifadə verməli olublar. Həmin müddətdə isə 10 yaşlı qız da evdə olmayıb, kiçik uşaqlara onların 13 yaşlı bacısı baxıb.
10 yaşlı qız evə qayıdanda, eyvanda qan gölməçəsində kiçik bacılarının kəsilmiş cəsədlərini aşkar edib, bu zaman böyük bacı evdə olmayıb. O, dərhal anasına zəng edib.
Sonradan məlum olub ki, 13 yaşlı qız parka rəfiqələri ilə gəzməyə gedibmiş. Ana baş verənlərlə bağlı qızına mesaj yazanda isə o, belə cavab verib: “Bəli, mənəm! Hahaha”.
Faciənin baş verdiyi ailə qonşular tərəfindən müsbət xarakterizə olunur. Şübhəli qızda indiyə kimi heç bir psixi pozğunluq müşahidə edilməyib. Qızlar yaxşı oxuyur və dərnəklərə gedirdilər.
“Bu hamımız üçün böyük şokdur. O həmişə sakit, təvazökar, mehriban olub. Anası vaxtaşırı ondan kiçiklərə baxmağı xahiş edirdi”, – deyə ailəyə yaxın mənbə bildirib.
Ümumilikdə qadın beş qız böyüdüb: üçü ilk nikahdan, ikisi isə indiki həyat yoldaşından (18 yaşlı böyük qızı ayrı yaşayır).
Hazırda müstəntiqlər dəhşətli cinayətin bütün təfərrüatlarını və 13 yaşlı qızın motivlərini araşdırırlar. Valideynlər və sağ qalan bacılar dərin şok vəziyyətindədirlər.
Regional İstintaq Komitəsinin məlumatına görə, şübhəli yeniyetmə qız psixiatrik müayinə üçün psixiatriya xəstəxanasına yerləşdirilib.
Avstraliyalı əkiz bacılar Eypril və Ameliya Meddison uşaqlıqdan hər şeylərini bölüb, eyni maraqları və həyatları var.
Bakupost.az xəbər verir ki, indi bacılar təkcə kosmetika, geyimlərini yox, həyat yoldaşını da eyni seçmək qərarına gəlib.
Əvvəllər əkizlər müxtəlif oğlanlarla sevgili olublar, amma həmişə də qısqanclıq səbəbindən ayrılıblar. Çünki bacılar bir-birindən ayrı qala bilmir.
Ona görə də onlar bir kişi ilə evlənib, üçlükdə, bir evdə yaşamaq istəyirlər.
Eypril və Ameliya əzələli, idmançı və tatulu oğlan axtarır.
Qızlar bildirir ki, onlar birlikdə yemək yeyəcək, gəzəcək, lakin intim həyat növbəli olacaq.
2023-cü il fevralın 10-u səhər saat 8 radələrində Bakının Xətai rayonunda 1977-ci il təvəllüdlü Solmaz Mansurova qətlə yetirilib.
Hadisə Sarayevevo küçəsi, ev 14, mənzil 63-də baş verib. Hadisə yerinə baxışda iştirak edən 2007-ci il təvəllüdlü Ziya Mansurov mətbəx bıçağı ilə anasını öldürdüyünü etiraf edib.
Faktla bağlı Xətai Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.
Məhkəmə-tibbi ekspertizasının rəyinə görə, Solmaz Mansurovanın bədən səthində 195 ədəd bıçaq yarası aşkar edilib. Onun ölümünə kəskin qanitirmə səbəb olub.
Lent.az qətl hadisəsinin istintaq materiallarını əldə edib.
İstintaqla müəyyən edilib ki, Solmaz Mansurova oğlu Ziya Mansurova daim şərəf və ləyaqətini alçaldıb fiziki ağrılar verib. Ziya bunun üçün qisas məqsədi ilə anasını öldürmək qərarına gəlib. O, fevralın 10-u səhər saat 6 radələrində yaşadıqları evin mətbəx otağından bıçağı götürərək, yataq otağına keçib və çarpayıda yatan qadına zərbələr vurmağa başlayıb.
Solmaz Mansurova xilas olunmaqdan ötrü, müqavimət göstərərək digər otağa qaçıb. Ancaq Ziya ona çatıb, bacılarının gözlərinin qarşısında həmin otaqda, anasının bədənin müxtəlif nahiyələrinə çoxsaylı zərbələr vuraraq anasını xüsusi amansızlıqla öldürüb.
İş üzrə dindirilmiş Ziya Mansurov bildirib ki, Xətai rayonunda yerləşən məktəb-liseydə 9-cu sinifdə oxuyur. Uşaqlıqdan anası tərəfindən pis rəftara məruz qalıb, ləyaqəti alçaldılıb, mütəmadi döyülüb:
"Bir dəfə Adil adlı sinif yoldaşımla telefonla danışan zaman anam üstümə qışqıraraq məni söydü. Bunu eşidən sinif yoldaşım qorxusundan telefonu söndürdü. Özəl şirkətdə mühafizəçi işləyən atam fevralın 9-u saat 18 radələrində gecə növbəsinə getmişdi. Həmin gün məktəbə gedib günorta qayıtdım. Evdə nahar edib hazırlığa yollandım. Evə qayıdandan sonra bir qədər telefonda oyun oynadım.
Əsəblərim gərgin olduğundan anamı öldürmək qərarına gəldim. Bütün gecə bunu fikirləşdiyim üçün yata bilmədim. Ayın 10-u səhər saat 6 radələrində yatdığım otaqdan çıxıb, mətbəxə keçdim. Bıçağı götürüb, anamın yatdığı otağa girdim və çarpayıda yatan Solmaz Mansurovanın başına və bədəninin müxtəlif nahiyələrinə ardıcıl zərbələr endirdim. Anam yuxudan ayılaraq qışqırıb bıçağı məndən almağa çalışdı. Müqavimət göstərirdi. Sonra anam bacılarımın yatdığı otağa qaçdı. Əlimdə bıçaqla onun arxasınca qaçdım. Səs-küyə oyanan bacılarım Nigara və Nərminə qarşımamalarını deyərək, həmin otaqda anama zərbələr vurmaqda davam etdim. Anam güclə ayaq üstə qalaraq əvvəl ayaqyoluna, sonra isə hamama qaçdı. Qapını bağlamağa çalışsa da, buna imkan vermədim. Hamam otağında yerə yıxılan anama yenə xəsarətlər yetirdim. Qadının səsi kəsildi və o, yerdə, hərəkətsiz vəziyyətdə qaldı. Sonra hamamdan çıxdı, halı pisləşmişdi. Atam, sonra isə təcili yardım briqadası ilə polis əməkdaşları gəldilər".
Əvvəl də anasını eyvandan itələyib yıxmaq istəyib
Zərərçəkmiş şəxsin hüquqi varisi Sabir Hüseynov ifadəsində göstərib ki, qızı Solmaz Faiq Mansurovla ailə həyatı qurub, nikahlarından 3 övladları dünyaya gəlib:
"Solmaz "8-ci kilometr" bazarında yerləşən qadın paltarları mağazasında satıcı işləyirdi. 2023-cü il fevralın 4-də Ziya anasını eyvandan itələyərək yerə yıxmaq istəyib, lakin Solmaz bundan yayındığı üçün oğlunun istəyi baş tutmayıb. Solmaz nə üçün belə hərəkət etdiyini soruşanda, oğlu guya zarafat etdiyini demişdi. Bu hadisəni Solmaz mənə zəngləşəndə danışıb. Bundan 6 gün sonra Ziya anasını yaşadığı evdə çoxsaylı bıçaq zərbələri ilə qətlə yetirib. Hadisə zamanı kürəkənim Faiq evdə olmayıb. Cinayəti gizlətməkdən ötrü Nigar atasına zəng edib, anasının özü-özünə bıçaq zərbələri vuraraq intihar etdiyini deyib. Lakin polis əməkdaşları hadisə yerinə gəldikdən sonra məlum olub ki, bu intihar hadisəsi deyil".
Şahid Faiq Mansurov bildirib ki, arvadı Solmaz çox əsəbi adam olub. Evdə və işlədiyi mağazada heç kəslə yola getməyib:
"Kiçik bir səbəb hövsələdən çıxmasına, məni, oğlumu və qızları söyməsi, hətta zor tətbiq etməsi üçün əsas olurdu. Bir dəfə mübahisə edən zaman mətbəx bıçağı ilə ayağıma xəsarət yetirmişdi. Amma Solmaz arvadım olduğu üçün polisə məlumat vermədim. Ziya məni anasından boşatdırmaq məqsədilə, anasının telefonunda saxta kişi profili yaratmışdı və qadının həmin şəxslə sevgi söhbətləri aparmasını göstərmişdi. Sonra oğlum telefonda olan yazışmaları mənə göstərdi. Mən də mətbəxdə olan Solmaza ismarışları göstərərək, kiminlə yazışdığını soruşdum. Arvadım bu yazışmaların ona aid olmadığını demişdi.
Fevralın 10-da səhər qızım Nərmin Solmazın telefonundan mənə zəng edərək, Ziyanın analarını öldürdüyünü bildirdi. Dərhal işdən çıxıb, evə gəldim. Mənzilə girəndə, qızların qonaq otağında divanda oturduqlarını, oğlumun isə ayaq üstə dayanıb ağladığını, Solmazı isə hamam otağında, yerdə uzanıqlı, qana bulaşmış vəziyyətdə gördüm. Yaxınlaşıb nəbzini yoxladım.
Ziyadan niyə öldürdüyünü? soruşanda, o ağlayaraq, cavab vermədi. Sonra zəng edib hadisə barədə qardaşıma və Gəncə şəhərində yaşayan qayınatama məlumat verdim".
Şahid Nigar Mansurova ifadəsində göstərib ki, anaları əsəbi, çox çılğın qadın olub, onları döyüb, təhqir edib, ataları ilə belə yola getməyib:
"Fevralın 10-da səhər bacımla qışqırıq səslərinə oyandıq. Yuxulu olduğumuz üçün heç nə anlaya bilmədik. Anamızın qardaşımın vurduğu bıçaq zərbələrindən yayınmağa çalışdığını gördük. Ziya bizi hədələyərək, hərəkətlərinə müdaxilə etməməyimizi və qonaq otağına keçib oradan çıxmamağımızı bildirdi. Qorxaraq bacımla qonaq otağına qaçıb qapını bağladıq. Bir müddətdən sonra anamın qışqırıq səsi kəsildi. Qonaq otağından çıxıb, anamızı hamam otağında uzanıb qaldığını gördük. Bundan sonra Nərmin atamıza zəng edərək, təcili evə gəlməsini dedi".
Məhkəmə iclasında Ziya Mansurov ittiham üzrə özünü təqsirli bilərək, əməlindən peşman olmasını qeyd edib.
Prokuror təqsirləndirilən şəxsə 11 il cəza təyin edilməsini istəyib.
Məhkəmə nəticəyə gəlib ki, istintaq orqanı tərəfindən Ziya Mansurovun əməli Cinayət Məcəlləsinin 120.2.4-cü (xüsusi amansızlıqla qəsdən adam öldürmə) maddəsi ilə düzgün tövsif edilib. Məhkəmə onun yetkinlik yaşına çatmamasını cəzasını yüngülləşdirən hal kimi qiymətləndirib. Mansurovun cəzasını ağırlaşdıran hallar müəyyən edilməyib.
Bakı Ağır Cinayətlər Məhkəməsinin hökmü ilə cəzasını ümumi rejimli tərbiyə müəssisəsində çəkməklə Ziya Mansurov 10 il müddətinə azadlıqdan məhrum olunub.