 |
|
|
Politoloq Qabil Hüseynli Teleqraf.com-un suallarını cavablandırıb.
DİA.AZ onunla müsahibəni təqdim edir:
- Qarabağ ermənilərinin Laçın yolunda yoxlanılaraq ərazimizə buraxılacağı deyilir. Üstəgəl, separatçıların iddiasına görə, qarabağlı ermənilər Azərbaycan vətəndaşlığını qəbul etməsələr, buraxılmayacaqlar. Sizcə, bu baş versə, ardınca hansı gəlişmənin şahidi ola bilərik?
- Azərbaycan ordusu Qarabağın ermənilər yaşayan hissəsində suverenliyimizi bərpa etmək üçün kifayət qədər həll edici addımlar atıb və atır. Şuşanın şimalında separatçıların hərbi məqsədlər üçün istifadə etdikləri yollara nəzarət tam təmin olunub. Beləliklə, digər ərazilərimizə də nəzarətimizi bərpa etmək üçün ciddi addımlar atmağa hazırlaşırıq. Bu addımlardan növbətisi Laçın yolunda nəzarət-buraxılış və gömrük məntəqəsinin quraşdırılması olacaq. Bu məsələ ilə bağlı Rusiya sülhməramlılarının rəhbərliyi və siyasi dairələri ilə ciddi danışıqlar aparılır. Rusiya çalışır ki, nəzarət-buraxılış məntəqəsi qoyulacaqsa, orada Azərbaycanla yanaşı, rus sülhməramlılarının da nümayəndəsi olsun. Hələlik bu məsələ ətrafında razılaşma əldə edilməyib. Amma zənnimcə, kompromisə gəlmək mümkün olacaq.
Artıq Laçın yolunun başlanğıcında, Ermənistanla sərhəddə Azərbaycanın sərhəd və gömrük xidmətlərinin əməkdaşlarının yerləşdirilməsi kifayət qədər real görünür. Azərbaycan bu əsas üzərində öz suverenliyini tam bərpa etmək üçün möhkəm bir bünövrəni qoyur. Bu çərçivədə Qarabağın ermənilər yaşayan hissəsində də, suverenliyimizin bərpası prosesi davam etdiriləcək.
Laçın yolu məsələsinin həllindən sonra, çox güman ki, növbəti addım Ağdərə-Kəlbəcər yoluna nəzarətin bərpa edilməsi olacaq. Bundan sonra Ağdərənin mərkəzində yerləşmiş 2-3 minlik erməni silahlı qüvvələrinin tör-töküntülərini oradan çıxarmaq və ya zərərsizləşdirmək mümkün olacaq. Hesab edirəm ki, Laçın yolunda nəzarət-buraxılış məntəqəsinin qoyulması ilə yanaşı, Kəlbəcərə ən qısa yol olan Ağdərə-Kəlbəcər yoluna nəzarətin bərpa edilməsi üzərində də ciddi iş gedir. Qənaətimə görə, növbəti əməliyyatlarda hədəf Sərsəng su anbarı və Kəlbəcərə gedən yolun nəzarətə götürülməsi olacaq.
- Ermənistan Baş naziri Nikol Paşinyan iddia edir ki, Laçın istiqamətində sərhədin bir hissəsi Azərbaycanla anlaşma nəticəsində müəyyənləşib, digər istiqamətdə iş aparılır. Hesab etmək olarmı ki, artıq Rusiya və digər vasitəçilərin müdaxilə cəhdləri neytrallaşdırılır və Bakıyla İrəvan ikilikdə hərəkət etmək qərarına gəlib?
- Zənnimcə, bu proses gedir. Həqiqətən də Laçın rayonunun Ermənistanla sərhəd hissəsində delimitasiya işləri aparılıb, kompromis əldə edilib. Ermənilər əvvəllər yerinə yetirilməsi mümkün olmayan şərtlər irəli sürsələr də, sonda Azərbaycanın şərtləri ilə razılaşmaq və yerinə yetirmək məcburiyyətində qalıblar. Sərhədin az olmayan hissəsində xətlərin müəyyən edilməsində ermənilərlə razılıq əldə edilib. İş gedir. Hələlik Ermənistanın hakimiyyət orqanları bu məsələlərdə anlayış nümayiş etdirir. Hələ ki, Keçmiş SSRİ xəritələrindəki inzibati sərhədlər əsas götürülməklə dövlətlərarası sərhədin müəyyən edilməsi prosesinə anlaşıqlı yanaşırlar.
Bəlkə də Rusiya kənardan baş verənləri seyir etdikcə, qəlbindən qara fikirlər keçir, amma hər halda Ermənistan da anlamağa başlayıb ki, Azərbaycanla anlaşmağa məcburdur və azərbaycanlıların onlara qarşı hər hansı ərazi iddiası yoxdur. Azərbaycanın yeganə məqsədi dünyanın tanıdığı ərazi bütövlüyü və sərhədlərin bərpası və qalan ərazilərində suverenliyinin təmin olunmasıdır. Bu da sülhyaratma üçün çıxış nöqtəsidir. Bunun üzərində həm sərhədləri müəyyənləşdirmək, həm də sülh müqaviləsinin prinsipial müddəalarını razılaşdırmaq olar. Bundan sonra bölgədə qalıcı sülh üçün konkret addımlar atmaq mümkündür.
- Paşinyan sülh müqaviləsi üzrə intensiv işin aparıldığını da bildirib. Bəs bu proses nə qədər vaxt ala bilər?
- Bəli, sülh müqaviləsi üzrə intensiv iş gedir. Proses iki tərəf arasında onlayn formatda aparılır. Müqavilə maddə-maddə hər xırda detalına qədər razılaşdırılır. Yavaş da olsa, kompromis əldə edilən məsələlərin sayı çoxalır. Azərbaycan prezidenti bu il üçün sülh müqaviləsi ilə bağlı ermənilərə altı ay vaxt vermişdi. Zənnimcə, Nikol Paşinyan da bunda maraqlıdır. Hesab edirəm ki, tam olmasa da, tərəflər arasında müəyyən anlaşma nöqtlələri mövcuddur.
Artıq iki ölkə öz arasında anlaşa bilir. Bu səbəbdən də yaxın bir neçə ay ərzində hər iki tərəfin razı olduğu sülh müqaviləsinin paraflana biləcəyinə, yaxud imzalanmağa hazır olacağına inanıram.
- Avropa Birliyi müşahidəçilərinin Ermənistanın Azərbaycanla sərhədində möhkəmlənməsi Rusiyanı qəzəbləndirib. Rusiya rəsmisi Mariya Zaxarova bu istiqamətdə KTMT missiyasının da yerləşdirilə biləcəyini açıqlayıb. Sizcə, belə bir addım, bir-birinə zidd iki tərəfin eyni məkanda yerləşməsi hansı gəlişməyə yol aça bilər?
- Rusiya Avropa Birliyinin prosesdəki rolunu qısqanclıqla qarşılayır. Artıq Ermənistanın istəyi ilə Avropa Birliyinin mülki missiyası bu ölkənin ərazisində yerləşib. İndi Moskva İrəvana təzyiq göstərir ki, rus qüvvələri KTMT missiyası adı altında Ermənistana gətirilsin. Zənnimcə, bu baş tutmayacaq.
Zaxarova topun Ermənistan tərəfində olduğu barədə fikir söyləyir, amma Ermənistan başqa cür düşünür. Hamının fikri budur ki, artıq sülhyaratma prosesində irəliləyiş var. Rusiyanın bu prosesə qoşulması isə bunun üstündən xətt çəkə, bölgədə yeni qarşıdurmaya zəmin yarada bilər. Ona görə də həm Azərbaycan, həm də Ermənistan Rusiyanın səylərini qəbul etmir. Bunu açıq bildirməsələr də, bəzi hallarda Rusiyanın təklif və çağırışlarının qulaq ardına vurulması nəzərdən qaçmır. Bu da onu göstərir ki, Avropa Birliyinin səyləri üstünlük qazanır.
Tanınmış meyxanaçı Mehman Əhmədli Teleqraf.com-un suallarını cavablandırıb.
DİA.AZ onunla müsahibəni təqdim edir:
- Meyxana ilə bağlı nə kimi yeniliyiniz var?
- Əlimizdə bir-iki layihəmiz var. Amma sırf meyxana ilə bağlı deyil. İnşallah, bu haqda yaxın günlərdə xəbər tutacaqsız.
- Meyxana sənətinin hazırkı vəziyyətini necə dəyərləndirirsiniz?
- Meyxanaya dəyər verənlərdən birincisi mənəm. Başqa həmlarlarımız meyxana sənətini aşağı çəkirlər, biz qaldırırıq. Hər zaman çalışırıq ki, meyxana dəyərə minsin.
- Söz sənətində nəyi bəyənmirsiniz?
- İndi bəyənməli nə var ki? Meyxana sənəti var? Toy mərasimlərində də meyxana yoxdur. İndi ancaq oxumaq və oynamaq dəbdədir... Meyxananın ziyanına olan hər şey var. Biz də meyxananı qoruyub saxlayırıq. Üç-dörd nəfər var ki, meyxananı qoruyurlar. Onlar olmasa, bu sənət məhv olar. Nə qədər ki biz varıq, qoymayacağıq. Çalışacağıq, meyxana əvvəlki aktivliyinə qayıtsın.
- Sizcə, meyxana sənətinin tanıdılmasında kimin rolu daha çoxdu?
- Meyxana deyənlərin əksəriyyətinin bu məsələdə rolu var. Hərəmiz bir tərəfdən - Namiq Qaraçuxurlu, Ağakərim, Ağamirzə Məmmədov bu sənətə xidmət etməyə çalışdıq... İndiki nəsil əksinə, meyxana altında başqa iş görür, ona zərbə vururlar. Gərək bunu etməsinlər...
- Meyxanaçılar Namiq Quruçuxurlu, Pərviz Bülbülə fərqli bir formata keçdirlər. Bunun meyxanaya təsirini bilmək istərdik.
- Onlar başqa formata keçdilər, ziyan da ordan başladı.
- Namiq Qaraçuxurlu və Pərviz Bülbüləyə iradınızı bildirdinizmi?
- Bəli, iradımı bildirdim. Zamanında nəyi təqdim edərsən, onu da istəyərlər. Onlar necə ifa etdilərsə, kütlə də onu istədi. Danışırsan, deyirlər paxıllıq edir, danışmırsan məhv olur. Biz danışmamağı seçdik, sənət də məhv oldu.
- Dostunuz Rəşad Dağlını həbsxanada ziyarət edirsinizmi?
- Bəli. Rəşada dəstək oluruq. Çətin vəziyyətdə yanında olmağa çalışırıq. Şükür Allaha, sağlamlığı yerindədir. Azadlıqdan başqa hər şeyi var. Allah qapısın açsın.
Rəşad bizim dostumuz, qardaşımız, həmkarımızdır. O da bu sənətin əziyyətini çəkmiş sənətkarlardandır. Görüşəndə də özünə deyirik ki, səbrli olsun, ailəsindən narahatlıq keçirməsin. Hər gün məclislərdə olan bir insanın birdən-birə bağlı qapı arxasına düşməsi çox çətindir. Çox böyük stressdir. Çalışırıq, stess keçirməyə qoymayaq.
- Rəşad Dağlının iki övladı var. Onun ailə üzvlərinə kim maddi olur?
- Rəşad Dağlının ətrafında olanlar dəstəyini əsirgımirlər. Sağ olsunlar. Hər toy mərasimindən kömək edirlər. Ailəsinə, oğluna baş çəkirlər. Kim nə edirsə, Allah köməyi olsun.
- Meyxanaçı Ələkbər Yasamallı ilə münüasibətiniz necədir?
- Çoxdandır görüşmürük. Münasibətimizdə problem yoxdur. Sadəcə heç yerdə qarşılaşmırıq.
Baku TV-də yayımlanan “Qərbi Azərbaycan xronikası” verilişinin növbəti buraxılışı efirə gedib.
Verilişin qonağı Azərbaycan Milli Elmlər Akademiyasının Tarix İnstitutunun Qərbi Azərbaycan şöbəsinin müdiri Cəbi Bəhramov olub.
O, Azərbaycan torpaqlarının daşnaklara verilməsi vədindən bəhs edib:
“Qərbi Azərbaycanın İrəvan şəhəri də daxil olmaqla 9 min kvadratkilometri 1918-ci ilin may ayının 29-da heç bir referendum keçirilmədən, üstəlik, həmin ərazidən seçilən üç deputatın iki dəfə etiraz etməsinə baxmayaraq, Azərbaycan Milli Şurasının qəbul etdiyi qeyri-legitim qərarla ermənilərə güzəştə gedilib. Bu məkanda Ermənistan mövcud olmayıb. 1918-1920-ci illərdə daşnak Ermənistanı ilə sovet Rusiyası arasında gedən məxfi danışıqlar nəticəsində onlara sovet hakimiyyətini qəbul edəcəkləri təqdirdə Azərbaycan SSR-in torpaqlarından veriləcəyi vəd edilmişdi”.
Daha ətraflı süjetdə:
Bu dəfəki qonağımız veteran jurnalist Allahverdi Əsədovdur. Allahverdi Əsədov 1984-cü ildən AzTV-nin Qarabağ bölgəsi üzrə xüsusi müxbiri olub. Onunla Qarabağda proseslərin necə başlaması, proseslərin gedişi, öz başına gələn hadisələr, helikopterin Qarakəntdə vurulması, Xocalı soyqırımının çəkilməsi, haqısızlıqlar, ona qarşı edilən sui-qəsd və digər məsələlərdən danışmışıq.
Teref.az
Əməkdar jurnalist Xoşqədəm Hidayətqızının həyat yoldaşı, müğənni Doğuş Teleqraf.com-un suallarını cavablandırıb.
Teref.az müsahibəni təqdim edir.
- Doğuş bəy, həyatınıza aid film çəkilməsi haqqında xəbərlər yayılmışdı. Nə dərəcədə doğrudur?
- Hələ ki həyatıma aid film çəkməyin vaxtına var. Amma "Əqrəbin doğuşu" adlı film çəkməyi planlaşdırırıq. Ekran əsəri bir çox ölkələrdə yayımlanacaq. Hazırlıq prosesi davam edir.
Filmdə necə bir obraz canlandıracağım haqqında öncədən məlumat vermək istəmirəm. Amma "Əqrəbin doğuşu" filmi türk dünyasının nə qədər güclü və böyük olduğunu göstərən bir layihə olacaq.
- "Sokak" filminə çəkilirsiniz. Filmin çəkilişləri necə gedir?
- Bəli, "Sokak" filminin 90 faizi çəkilib. Ekran əsərinin bitməsinə çox az qalıb.
- Xoşqədəm Hidayətqızı ilə ARB televiziyasında yayımlanan "Günaydın Azərbaycan" verilişində tərəf müqabilisiniz. Veriliş reytinqdə öndədir. Təəssüratlarınızı eşitmək istərdik.
- Təqdir aldıq, heç zaman reytinqdə birinciyik və sair demirik. Çünki ayağımızı yerə sağlam atan insanlarıq. Amma təqdir aldıq.
- Peşəkar aparıcı Xoşqədəm Hidayıtqızı ilə tərəf müqabili olmaq necə bir hissdir?
- Xoşqədəm xanım hər şeyin ən yaxşı, keyfiyyətli olmasını istəyir. O, öz verilişində çox ciddidir. Amma "Günaydın Azərbaycan" ev proqramı olduğu üçün çox rahatdır və axarına görə davam edir. Övladlarımız da yanımızdadır. Yəni "Günaydın Azərbaycan" tam bir ilə ailə proqramıdır.
Prezident İlham Əliyevin sərəncamı ilə Məsim Məmmədov Prezidentin Şərqi Zəngəzur iqtisadi rayonuna daxil olan Laçın rayonunda xüsusi nümayəndəsi təyin olub. Bununla Prezidentin regionlar üzrə xüsusi nümayəndələrinin sayı beşə çatıb.
Bundan öncə Fuad Nəcəfli Naxçıvan Muxtar Respublikasında, Emin Hüseynov Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla), Aydın Kərimov Şuşa rayonunda, Vahid Hacıyev isə Şərqi Zəngəzur iqtisadi rayonuna daxil olan Qubadlı, Cəbrayıl və Zəngilan rayonlarında Prezidentin xüsusi nümayəndəsi vəzifəsinə təyinat alıblar.
Prezident İlham Əliyev yeni vəzifəyə təyinatı münasibətilə Məsim Məmmədovu qəbul edərkən bildirib ki, azad edilmiş ərazilərdəki yeni idarəetmə modeli ölkəmizin bütün digər hissələrində də tətbiq edilməlidir. Bundan öncəki çıxışları zamanı da dövlət başçısı mövcud regional idarəetmə modelinin sovetlər dövründən qaldığını, zamanın tələblərinə cavab vermədiyini bəyan edib.
Qeyd edək ki, Elm və Təhsil, Gənclər və İdman, Ədliyyə, Mədəniyyət və digər nazirliklərin iqtisadi rayonların təsnifatı üzrə regional idarələri yaradılıb. Rayonlar üzrə şöbələr isə həmin idarələrin tərkibində sektor kimi fəaliyyət göstərir.
Bununla yanaşı, icra hakimiyyətlərinin ləğv olunmayacağı ilə bağlı versiyalar da dolaşır. Bəzi ehtimallara görə, Prezidentin xüsusi nümayəndələri təyin olunandan sonra da icra hakimiyyətəri ikili tabeçilik formasında öz fəaliyyətini davam etdirəcək.
Regional idarəetmə sahəsində islahatlar hansı formada həyata keçirilməlidir? Bu islahalar regionlarımızın inkişafına töhfə verə biləcəkmi? Müxtəlif nazirlik və dövlət qurumlarının timsalında tətbiq olunan bu model özünü doğruldubmu?
DİA.AZ-ın məlumatına görə, Milli Məclisin Hüquq siyasəti və dövlət quruculuğu komitəsinin üzvü Vüqar İsgəndərov AYNA-ya açıqlamasında deyib ki, yeni idarəetmə formasına keçid dövrün tələbidir: “Cənab Prezident İlham Əliyev Laçın rayonu üzrə xüsusi nümayəndə təyin edərkən, eləcə də ondan sonrakı çıxışları zamanı dəfələrlə bəyan edib ki, yeni idarəetmə modelinə keçid təmin ediləcək. 2018-ci ilin Prezident seçkilərindən sonra inauqurasiya çıxışı zamanı cənab Prezident ölkəboyu kompleks islahatların həyata keçiriləcəyinin anonsunu verdi. Ötən dövr ərzində cəmiyyətin əksər sahələrində, bütün hakimiyyət qollarında islahatlar aparılıb. İcraedici, qanunverici, məhkəmə hakimiyyətləri yenilənib, idarəetməyə gənc və peşəkar kadrlar cəlb olunub. Dövlət-vətəndaş münasibətləri keyfiyyətcə yeni mərhələyə qədəm qoyub”.
“Heç şübhəsiz, regional idarəetmə orqanları da bu prosesdən kənarda qala bilməz. Prezidentin regionlar üzrə xüsusi nümayəndə təyinatları uğurlu bir başlanğıcdır və yaxın gələcəkdə digər iqtisadi rayonlar üzrə də xüsusi nümayəndələrin təyin olunmasına şahidlik edəcəyik”, - deyə həmsöhbətimiz bildirib.
Deputatın sözlərinə görə, bu sahədə islahatlar bələdiyyələrin də cəmiyyətdə rolunu artıra bilər: “İdarəetmənin optimallaşdırılması, regional idarəçiliyə keçid dünya təcrübəsində geniş istifadə olunur. Hesab edirəm ki, bütün regionlar üzrə xüsusi nümayəndə təyinatları ölkəmizin hərtərəfli inkişafına töhfə verməklə yanaşı, bu sahədə olan neqativ halları da aradan qaldıracaq”.
“Etiraf etmək lazımdır ki, icra hakimiyyətləri müasir dövrün tələblərinə cavab vermir və öz fəaliyyətini buna uyğun formada təşkil edə bilmir. İlkin olaraq işğaldan azad edilmiş ərazilər üzrə xüsusi nümayəndə təyinatları müsbət addımdır və həmin bölgələrin inkişafına stimul verəcək. O ki qaldı bəzi dövlət qurumlarının timsalında regional idarələrin fəaliyyətinə, açıq şəkildə söyləmək olar ki, məhz bu təsisatların yarannasından sonra rüşvət və korrupsiya faktlarının sayında əhəmiyyətlə dərəcədə azalma müşahidə olunur. Yəni, regional idarəetməyə keçidin vacibliyi bu qurumların təcrübəsində özünü doğrultdu, - deyə İsgəndərov vurğulayıb.
TEREF.AZ-ın məlumatına görə, iqtisadçı ekspert Natiq Cəfərli də AYNA-ya şərhində söyləyib ki, sovetdən qalma idarəetmə modeli olaraq icra hakimiyyətləri özünü doğrultmur: “Əksər icra başçısı özünü çalışdığı rayonun rəhbəri yox, “şahı”, “xanı” kimi aparır. Çoxsaylı korrupsiya faktlarına yol verir və vətəndaşları süründürməçiliyə salırlar. Buna görə həbs edilən başçılar da olub”.
“İcra hakimiyyəti təsisatı sovetdən qalma katiblik institutunun davamıdır. Onların səlahiyyət və məsuliyyət bölgüsü də müəyyənləşməyib. İcra hakimiyyərləri ölkədə biznesin, liberal bazar iqtisadiyyatının inkişafının qarşısını alan, onların fəaliyyətinə süni maneçiliklər yaradan bir instituta çevrilib. İnstusional olaraq bu təsisat özünü doğrultmayıb. Bu səbəbdən bundan imtina olunmalıdır”, - deyə müsahibimiz diqqətə çatdırıb.
Xüsusi nümayəndələrin təyin olunması məsələsinə gəldikdə, Cəfərli bunu müsbət addım hesab edir, lakin yetərli olmadığı qənaətindədir: “Paralel olaraq bələdiyyə institutlarının gücləndirilməsi, mer seçkilərinin təyini və bələdiyyə strukturları ilə bağlı qanunvericiliyə müəyyən dəyişikliklərin olunmasına ehtiyac yaranacaq. Seçim vətəndaşa verilməlidir. Məhz bu yolla otimal idarəetməyə keçidi və şəffaflığı təmin edə bilərik”.
“Bilirsiniz ki, illərdir parkinson xəstəliyindən əziyyət çəkirəm. Bu xəstəlik əsəbdən, sinirdən yaranır. Baş və beyinlə bağlıdır. İllərlə yığılır, yığılır, qocalanda da öz təsirini göstərir. Səhhətimlə bağlı dərman preparatları qəbul edirəm. Amma bunun müalicəsi dünyanın böyük klinikalarındadır. Müəyyən dəstəklər olub, amma tam olaraq heç kim deməyib ki, gəl səni sağaldım”.
DİA.AZ bildirir ki, bunu Moderator.az-a açıqlamasında tanınmış aktyor Allahverdi Yolçuyev deyib.
“İllər öncə böyük səhvim o oldu ki, çalışdığım teatrdan ayrıldım. Çünki o illərdə Aztv-də çalışırdım. 4 qız övladım var. Oğlan övladım olsaydı deyərdim ki, sən get işlə. Mən ailəmə görə el şənliklərinə üstünlük verdim. Çünki ailəni maddiyatla təmin edən tək şəxs idim. Uzaqlaşdım ki, yenidən qayıdım, amma alınmadı. Aktyoru teatrdan yola salırlar. Bu peşə sahiblərini təqaüdə çıxartdınsa, onun ölüm hökmünə qol çəkmiş olursan. Yaşlı rolu yaşlı aktyor oynamalıdır, cavanı da cavan aktyor” deyə sənətkar bildirib.
Aktyor bildirib ki, tələbələrinin fəxri adı olsa da, ona illərdir bu ad verilməyib.
“Tələbələrim xalq artisti fəxri adı daşıyırlar. Mənim heç əməkdar artist fəxri adım da yoxdur. Sənətdə az iş görməmişəm. Dublyaj sahəsində, teatrlarda çalışmışam, uşaq verilişlərində tərbiyəni təbliğ etmişəm. Sənətkara qiymət verilməyəndə ona pis təsir edir, yandırıb tökür. Bir ölkədə kinostudiya 30 il bağlıdır, yoxdur, hansı kinodan danışaq?! Mədəniyyətimiz, mədəni dəyərlər getdikcə unudulur. Aktyorun həyatı boyu xarakter boxçası olmalıdır. Avtobusda da, metroda da, yolda gedəndə də obrazları yığıb, torbaya qoyursan. Çünki mən insanları müşahidə edirəm. Bəzən avtobusda, yolda səsimdən tanıyıb, mənə “Ovçu Pirim” deyirlər. Mən gözlədim ki, bu layihəni yenidən televiziyada gündəmə gətirərlər. Amma əksinə oldu. Görünür ki, onlara uşaqları tərbiyələndirən verilişlər lazım deyil” deyə sənətkar bildirib.
Aktyor uşaqlığı ilə bağlı bir etiraf da edib.
“Uşaqlıqdan zəhmətkeş olmuşam. Bəzən evdə pul olmurdu, məni qonşuya pul almağa yollayırdılar. Bir dəfə gedib gördüm ki, qonşu göyərti satır. Ondan həmin göyərtiləri hardan aldığını soruşdum. Mənə də gündə atam 20 qəpik verirdi ki, məktəbdə özümə nəsə alım. Həmin pulları yığaraq, bazara getdim. Göyərti alıb satırdım. Ailəni dolandırırdım, evə baxırdım. 10-cu sinfi bitirənə qədər göyərti satdım. İndi gənclər var ki, işləmək istəmirlər. Elə bütün günü çayxanada oturub nərd, domino oynayırlar. Belə olmaz. Gənclər əziyyətə, zəhmətə qatlaşmalıdırlar” deyə sənətkar bildirib.
Allahverdi Yolçuyev gənclərə tövsiyyələrini də verdi.
“Gənc aktyorların xeyrinə danışanda da məndən inciyirlər. Özləri ilə çox öyünürlər. İstedadları var, görünüşləri var, hər şey qaydasındadır. Bütün rolları eyni oynayırlar, başqalaşa bilmirlər. Mən elə özüm də özümdən narazıyam. Radionun fondunda 40-50 tamaşam var. Hər dəfə dinləyəndə narazı dinləyirəm. Gənc aktyorlarımız mogikan, görkəmli sənətkarlarımızı tanımırlar. Heç soruşsaq birinin də adını bilmirlər. Küçədəki söhbətləri, söyüşü, biədəbliyi komediya ilə səhv salmaq olmaz. Bu boş gülüşdür. Cavanlarımızın əksəriyyəti yüngül yolu seçiblər” deyə sənətkar bildirib.
“Zeynəb mənim gözümün ağı-qarası bircə bacım idi. Bəzən yalnış fikirlər söylənilir, düzgün olmayan fikirlər yazılır ki, guya bizim münasibətimiz olmayıb. O fikirlərə mən bir kəlmə ilə münasibət bildirmək istəyirəm ki, ey insanlar, bilmədiyiniz, görmədiyiniz, qulağınızla eşitmədiyiniz, şahidi olmadığınız hadisəni danışmayın. Ən azından bu günahdır. Hər ailədə söz-söhbət olur. Bu bir qanundur. Heç kim deyə bilməz ki, bizim ailədə söz-söhbət olmayıb. O mənim ata bir, ana bir bacım, ciyərimdir. Ət dırnaqdan ayrılmaz. Dəfələrlə Zeynəb bacım da efirlərdə bu haqda danışıb. İnanın ki, onun yeri, həyatımdakı boşluğu görünür. Övladı ilə də üz-üzə oturanda deyirəm ki, kaş elə yanımızda olaydı, böyük bacı kimi bizi danlayaydı. Ürəyi necə istəyir, nə istəyir edərdi, eybi yox. O bir az səbrsiz idi. Onun yeri boşdur, görünür. Canımın bir parəsi idi. Bu gün balaları, nəvələri mənim yanımdadırlar. Zeynəbin iyini onlardan alıram, onlara baxıb təsəlli tapıram. Elə bilirəm ki, bacım da yanımdadır. Bu gün Ramazan süfrəsində oturub, iftarımızı bir yerdə açırıqsa, çörəyimi onlarla paylaşıramsa, inanıram ki, bacımın ruhu şaddır. Mən Allahdan dünyasını dəyişən bütün bacılara rəhmət diləyirəm. Allah mənim bacıma da rəhmət etsin”.
DİA.AZ bildirir ki, bunu Moderator.az-a açıqlamasında xalq artisti Nazpəri Dostəliyeva deyib.
“Allahın işinə heç kimin qarışmağa ixtiyarı yoxdur. Oğlum Əlidən sonra efirlərə çıxmamağı düşünürdüm. Amma tamaşaçılarımın sevgisi məni səhnəyə, efirlərə qaytardı. Allah məni ana edəndə sevindirdi, məndən oğlumu aldı və böyük səbr verdi. Ayaqda qalmağa yerdə tamaşaçılar, göydə isə Allahın sevgisi məni güclü etdi. Bu boyda sevgini büküb, bir kənara ata bilməzdim. Özümü nankor hiss edərdim. Mən axı nankor deyiləm. İnanın 1 il mənim evimin qapıları bağlanmadı. Öz-özümə söz verdim ki, mən səhnəyə qayıdacam” deyə sənətkar bildirib.
Xalq artisti həyatının mahnılarına sirayət etməsindən də danışıb.
“Bəstəkarlar mənim ifamda lirik mahnıları daha çox sevirdilər. Lirik mahnıların da ayrılığı, həsrəti, sevgisi var. Lirik silsilə mahnılarımın hər birinin qəribə bir tarixçəsi var idi. Həyatda sevincli, kədərli anlarım da olub. Ayrılıq da yaşamışam, kədərim də olub. Amma göz yaşımı gizlətmişəm. Hər zaman övladlarımı fikirləşmişəm. Nə qədər də kədərimi gizlətsəm də şair Nüsrət Kəsəmənli bunu görürdü. “Mənim göz yaşımı görməyəcəksən” mahnısı belə yarandı. Həyatım zaman-zaman oxuduğum mahnıların mövzusuna da təsir edib. İllər keçsə də, hər vaxt mahnılarım sevilir. Hər müğənninin bir sevilən, seçilən mahnısı, ifası olur. Bu elə bir mahnı olmalıdır ki, o həyatda olmasa belə, hər zaman həmin mahnı ilə yada düşməlidir. Bu baxımdan çox xoşbəxt bir sənətkaram. Mahnılarımı oxuyanların sayı-hesabı yoxdur. Mən oxuya bilməyənlərin də xətrinə dəymirəm. Bütün bunlar məni sevindirir ki, gələcək nəsillər üçün bir şeylər yarada bilmişəm. “Nə olar Allahım ayırma bizi” mahnısını Nüsrət Kəsəmənli və Cabbar Musayev yaratmışdı. Nüsrət müəllim deyirdi ki, “Nazpərinin səsi gələndə mən özümü itirirəm, həyəcanlanıram, onun səsində bir qəribəlik var” deyə xalq artisti bildirib.
Patruşev bu dəfə “dövlətlərə öz bütövlüyünü qoruyub saxlamaqda kömək etməyi” yersiz saydı: Moskva daha yardım etməyəcək
Rusiya Təhlükəsizlik Şurasının katibi Nikolay Patruşev ABŞ-la bağlı yeni açıqlama verib. AYNA xəbər verir ki, Patruşev “Rossiyskaya qazeta”ya müsahibəsində bildirib ki, Rusiya ən azı iki dəfə ABŞ-ı dağılmaqdan xilas edib.
Patruşev vurğulayıb ki, Rusiya Federasiyası daha ABŞ-a bütövlüyünü qoruyub saxlamağa kömək etməyəcək: "Rusiya ən azı iki dəfə ABŞ-ın özünü xilas etdi - müstəqillik uğrunda müharibə və vətəndaş müharibəsi zamanı. Amma hesab edirəm ki, bu dəfə dövlətlərə öz bütövlüyünü qoruyub saxlamaqda kömək etmək yersizdir".
Eyni zamanda, Patruşev kinayəli şəkildə Rusiyanı "ona kömək üçün müraciət edən istənilən xalqın suverenliyinin və dövlətçiliyinin tarixi müdafiəçisi" adlandırıb.
ABŞ-ın xilası ilə bağlı qəribə “tarixi” istinadlarla yanaşı, Patruşev təhdid yağdırmağı da unutmadı. Xüsusilə də həmin müsahibədə Rusiya Təhlükəsizlik Şurasının katibi qəfildən istənilən düşməni məhv etməyə qadir olan “unikal silahların” mövcudluğundan danışıb.
“Rusiyanın unikal silahı var ki, bu silahlar Rusiyanın mövcudluğuna təhlükə yaranarsa, istənilən rəqibi, o cümlədən ABŞ-ı məhv etməyə qadirdir”, - Patruşev bildirib.
Ukraynalı ekspertlər Patruşevin bəyanatını qəribə, bir az gülməli, bir az da maraqlı bəyanat sayırlar. Analitiklər Rusiyanın ABŞ-ı necə “xilas” etdiyinin sual olaraq qaldığını, Kremlin özündə də bu suala cavab olmadığını bildirirlər. Ekspertlər hesab edirlər ki, Rusiya Ukrayna cəbhəsində məğlub olduqca, Putinin dünyadan təcridi daha da dərinləşdikcə, Moskvada gülünc bəyanatların sayı da çoxalacaq.
Maraqlıdır ki, bu bəyanat nüvə gərginliyi fonunda verilib. Çünki iki gün əvvəl Rusiya Prezidenti Vladimir Putin Belarus ərazisində nüvə silahları üçün anbarların hazırlandığını açıqlayıb. Anbarların iyulun 1-nə kimi inşasının tamamlanacağı bildirilir. Bundan sonra Ukrayna BMT Təhlükəsizlik Şurasının iclasını çağırıb. ABŞ-dan və Avropadan verilən bəyanatlar Rusiyanın təhlükəli “nüvə oyununa” başladığını, bunun nəticələrinin çox ağır olacağını göstərir.
Rəsmi Minsk: “Məcburi cavab tədbiridir”
Bu arada, Belarus Rusiya nüvə silahının dövlətin ərazisində yerləşdirilməsini müdafiə qabiliyyətini və təhlükəsizliyi gücləndirmək üçün “məcburi cavab tədbirləri” adlandırıb. İddialara görə, bu addım heç bir şəkildə Nüvə Silahlarının Yayılmaması Müqaviləsini (START) pozmur.
Belarus Xarici İşlər Nazirliyinin rəsmi saytında yerləşdirilən məlumatda qeyd edilir ki, Belarus və Rusiya arasında hərbi əməkdaşlıq ciddi şəkildə beynəlxalq hüquq normalarına uyğun həyata keçirilir: “Belarusun təyyarələrinin xüsusi döyüş sursatı ilə idarə etməyə qadir pilotların hazırlanması, belə təyyarələrin modernləşdirilməsi, həmçinin nüvə başlıqlarının yerləşdirilməsi bura daxildir. Belarus ərazisi üzərində nəzarəti Minskə vermədən, habelə müvafiq texnologiyalardan istifadə etmək START-a heç bir şəkildə zidd deyil”.
XİN əlavə edib ki, bu cür hərəkətləri qeyri-nüvə və nüvə gücləri arasında hərbi əməkdaşlıq sahəsində yenilik adlandırmaq olmaz. Rəsmi Minsk birgə nüvə missiyaları təcrübəsinin çoxdan mövcud olduğu NATO-ya istinad edib. Nazirliyin bəyanatına görə, Alyansa üzv ölkələrin ərazisində ABŞ-ın 150 taktiki nüvə silahı və onlardan istifadə üçün 250 təyyarə yerləşdirilib.
XİN "bütün tərəfdaşları" qlobal və regional təhlükəsizliyin arxitekturasının, silahsızlanmanın çoxtərəfli mexanizmlərinin gücləndirilməsinə yönəlmiş konstruktiv və qarşılıqlı hörmətli dialoq naminə "qarşıdurma ritorikasından və silahlanma yarışının inkişaf edən spiralından" imtina etməyə çağırıb.
Avropa ölkələri Putinin açıqlamasına reaksiya verib. Latviya Belarusu Rusiya Federasiyasının digər hərbi dairəsi adlandırıb, Almaniya isə işğalçı dövləti “nüvə ilə qorxutmaqda” ittiham edib. Avropa Komissiyası “İsgəndər”in Belarusda yerləşdirilməsinə sanksiyalarla cavab verəcəyini vəd edib.
“Xalqın xidmətçisi”nin rəhbəri David Araxamia Rusiya Federasiyasının planlarını Belarus Respublikasından gələn təhlükənin artması adlandırıb. O, etiraf edib ki, Ukraynanın əlavə səfərbərliyə ehtiyacı ola bilər ki, bu, Belarusla sərhəddə müdafiəni gücləndirmək deməkdir.
ayna.az