"Şikayətim dövlət xəstəxanalarındandır, xüsusilə də bu gün mənə və ailəmə böyük stress, əsəb, gərginlik yaradan 1 saylı şəhər kliniki xəstəxanasından (SEMAŞKO)..."Gundemxeber.az  bildirir ki, bu barədə "Müştərinin Səsi" sosial qrupundakı paylaşımda giley olunur.

Narazı vətəndaş daha sonra yazır: "Həqiqətən də ora yolu düşən adamı öldürürlər, ailəsini də xəstə edib göndərirlər. Yaxınımız reanimasiya şöbəsindədir hal-hazırda. Lakin biz orda xəstənin halın soruşmaq üçün həkim tapmırıq. Xəstəmiz necədir? Hansı səbəbdən burdadır? Xəstəni öldürüb, sonra gəlib məlumat verirlər ki öldü. Gözümün qabağında ard-arda 4 meyit daşıdılar... camaatın içində çıxarıb tabuta qoyurlar... bu nə biabırçılıqdır? Orda oturan xəstə yaxınları bilirsiz nə qədər stress keçirir buna görə ?
Bu gün bir xəstənin ailəsinə məlumat verirlər ki bəs öldü bu adam. Üstündən biraz keçir deyirlər ki yox, ölmədi. Sonra bir də deyirlər ki, öldü xəstə. Nədi bu ? Dəlixanadı ? Məsuliyyətli bir nəfər çıxmır ortaya... atırlar hər şeyi yazıq mühafizəçinin üstünə. Mühafizəçiyə yalvarırsan ki, sən Allah xəstəm gör, necədi? Bu xəstəxanalara nə vaxt ciddi şəkildə baxıb nəzarət edən olacaq ? Ora gələnlərin 90% kasıb ailəsidi deyə ölməlidir mi ? Həkim axtarsaz tapa bilmərsiz tək gözləntiləri ciblərinə qoyulan puldu. Təbib hara baxır ? Kimə deyək dərdimizi ?"
İddia olunanlarla bağlı olaraq qarşı tərəfi də dinləməyə hazırıq..(dia.az)

Gundemxeber.az