Teref.az-ın poctuna daxil olmuş şikayət məktubunu təqdim edirik. Ucar rayonu 20 Yanvar küçəsi ev 34 sakini Hüseynov Tofiq Qəfər oğlu tərəfindən

ŞİKAYƏT

Mənim atam Hüseynov Qəfər Tofiq oğlunu Ucar rayon Mərkəzi xəstəxanasında həkimlər səhv müalicə ediblər deyə ürəyi xəstə düşdü və vəfat etdi.
Atam yüngül xəstələndi deyə Ucar rayon xəstəxanasına müraciət etdi.Orada Pərvanə adlı həkim atamı müalicə etdi.Uzun müddət müalicə alan atam günü-gündən zəiflədi.Səhhəti dahada pisləşdiyi üçün Göyçay xəstəxanasına apardıq.Orada müayinə edən həkimlər dedilər ki, müalicə səhv aparılıb deyə ürəyi çox zəifləyib.Bu minvalla atamın ürəyi ciddi xəstə düşdü və vəfat etdi.
Ucar rayon xəstəxanasında özbaşınalıq, savadsızlıq baş alıb gedir.Buna baxmayaraq qarşısı alınmır heç bir tədbir görülmür.Çünki xəstəxanasının Zeynal Bayramlı adlı direktoru keçmiş nəqliyyat naziri Ziya Məmmədovun qohumudur.Buna görə ondan hər gün əsaslı şikayətlər olsada baxılmır heç bir tədbir görülmür.
Prezident cənab İlham Əliyevdən xahiş edirəm insanlara qənim kəsilmiş Ucar rayon xəstəxanasının direktoru Zeynal Bayramlının və orada işləyən savadsız həkimlərin barəsində tədbir görəsiniz.

Bakı Baş Səhiyyə Mərkəzinin FB səhifəsində qeyd edilib ki, mərkəzin tabeçiliyinə Bakı şəhərində yerləşən 105 tibb müəssisəsi daxildir.
Məlumat üçün qeyd edək ki, əvvəllər Bakı Səhiyyə İdarəsinin ( Bakzdrav ) 31 ştat vahidi olub, indi isə işçilərin sayı 165-ə çatdırılıb. Bir soruşan yoxdur ki, dövlət vəsaiti hesabına ştat vahidini 5 dəfədən çox artırmaq kimə və nə üçün lazımdır..? Əlbəttə, bu ştatların çoxu rüşvətlə satılır. Ümumiyyətlə, son illər səhiyyə sahəsində baş verənlər əsl kadr genosididir.
Bəli, bir tərəfdə Səhiyyə Nazirliyi, o biri yanda İcbari Tibb Sığorta Dövlət Agentliyi, sonra Allah qoymasa TƏBİB, bu yanda Bakı Baş Səhiyyə Mərkəzi, o biri yanda hər rayonda Tibb Mərkəzləri... Bu açıq-aşkar ölkənin səhiyyə sistemini məhv etməkdir. Hər gələndə təcrübəli işçiləri, kadrları uzaqlaşdırıb, savadsız, idarəetmə təcrübəsi olmnayanları, qohum əqrəbalarını, dost-aşnalarını vəzifələrə doldururlar. Başa düşmürlər ki, söhbət millətin sağlamlığından, millətin gələcəyindən gedir. Nə qədər eyni, paralel səhiyyə qurumları olar..?
Bütün bunlar hamısı dövlət vəsaitini sağa-sola dağıtmaqdır ee... Hər gün müxtəlif apteklərə daxil olanda növbə əlindən dayanmaq olmur, sanki insanlar marketlərə alış-verişə gəliblər. Bütün bunlar hamısı yarıtımaz səhiyyə siyasətinin nəticəsidir. Bakı Baş Səhiyyə Mərkəzinin FB səhifəsinə daxil olub nəzər salıram. Bakı Baş Səhiyyə Mərkəzində 2022-ci il üzrə yekun hesabatına həsr olunmuş iclası keçirilib. İclasda “Bakı Baş Səhiyyə Mərkəzi”-nın direktoru Elçin Əmirov, direktor müavinləri, departament, şöbə müdirləri və tabeli tibb müəssisələrinin rəhbərləri iştirak ediblər. İclasın materialı xeyli uzun olduğu üçün dərc etmirik.
Ancaq onu qeyd edək ki, iclasın sonunda Elçin Əmirov basıb -bağlayaraq, əhalinin tibbi xidmətə əlçatanlığının təmin edilməsi, göstərilən xidmət keyfiyyətinin artırılması istiqamətində müəssisə rəhbərlərinə müvafiq tapşırıqlar verib. E.Əmirov ötən illə müqayisədə xeyli irəliləyiş əldə olunduğunu və Mərkəzin hədəfinin əhali arasında keyfiyyətli tibbi xidmətin təşkil edilməsi olduğunu bir daha iclas iştirakçılarının nəzərinə çatdırıb. Elçin Əmirov hansı keyfiyyətli tibbi xidmətdən danışa bilər..? Elçin Əmirov vəzifədə olduğu 2 il müddətində təcrübəli kadrların hamısını işdən uzaqlaşdırıb və baş həkim vəzifələrini satmaqla məşğul olub. Öz qohum əqrəbalarını, vaxtilə işlədiyi Penitensiar Xidmətin Hospitalındakı dostlarını vəzifələrə doldurub, baş həkim təyin etdirir. Lap sonuncu olaraq 12 saylı uşaq poliklinikasında kadr dəyişikliyi edərək Fəridə Şəmilovanı baş həkim təyin edib. Əgər bu təyinatın arxasında nələr durduğu araşdırılsa, ortaya biabırçı mənzərə çıxacaq. Təkraçılıq olsa da, Elçin Əmirov haqqında qısaca məlumat verək. Elçin Əmirov Bakıya gəlməzdən öncə Şəki Mərkəzi Xəstəxanasının Baş həkimi olub.
Ondan əvvəl isə Elçin Əmirov uzun illər Ədliyyə Nazirliyinin Hospitalının rəisi vəzifəsində çalışıb. Və hər iki vəzifədə işlədiyi zaman Elçin Əmirov korrupsioner kimi ad çıxarıb.
Təsəvvür edirsiniz, Elçin Əmirov Şəki Mərkəzi Xəstəxanasının Baş həkimi işləyərkən dəftəxana ləvazimatı adı altında 100 min manatdan çox vəsaiti mənimsəyib. Şəki Mərkəzi Xəstəxanasının Baş həkimi olan Elçin Əmirov rayondakı xəstəxanalarda onlarla “ölü canlar” saxlayaraq hər ay onların maaşlarını alıb. TƏBİB-in sədri Vüqar Qurbanovun yaxın dostu olan Elçin Əmirov 2 ildir Mərkəzin direktorudur. İki ildir Bakı Şəhər Baş Səhiyyə Mərkəzində direktor olan Elçin Əmirov ixtisarlar adı altında onlarla işçini vəzifəsindən, işindən uzaqlaşdırıb və...
Görəsən səhiyyə naziri Teymur Musayev bunları görmür..? Bəs, TƏBİB-in direktoru Vüqar Bayramov nə üçün Elçin Əmirovun bu əməllərinə göz yumur..? Və son zamanlar Elçin Əmirov Mərkəzə 32 nəfər yeni işçi qəbul edib. Qalan boş olan ştatlar satılır.
İndi gördünzmü, Elçin Əmirov hansı oyunlardan çıxır. Güman edirik ki, yaxın zamanda onun əməlləri ciddi şəkildə yoxlanılacaq.
gundelik baki.com

Azərbaycanın bank sektorunda baş vermiş qanunsuzluqlar, cinayət əməlləri, maxinasiyalar demək olar ki, hamıya bəllidir. Məhz buna görə də, yağışdan sonra göbələk kimi artan özəl banklar, son illər bağlanmaqda, müflis olmaqda davam edir.
Sözün düzü, bu bankların hamısı demək olar ki, məmurlara aiddir. Belə banklardan biri də “DəmirBank” ASC-dir. Bu bank 6 oktyabr 1989-cu il tarixdə yaranıb, ancaq lisenziyanı 23 noyabr 1992-ci il tarixdə alıb. Yəni Azərbaycanın ən qoca banklarından biridir. Amma təəssüf ki, qanunsuz əməllərinə görə, bu bank 2017-ci ildə Bakı Apellyasiya Məhkəməsi tərəfindən müflis elan edilib və ləğvedici proses Əmanətlərin Sığortalanması Fonduna verilib.
İndi gördünüzmü, 28 yaşı olan bank necə müflis olub. Əslində bu bankı müflis edənlər olub. Onlardan birincisi, bankın İdarə Heyəti sədrinin müavini, bankın Kredit Departamentinin direktoru Rauf Axundov olub. Yəni bu adam bankda bir başa kreditlərə məsul olub.
Təsəvvür edirsiniz bankların filial müdirləri milyonluq mənimsəmələrlə həbs olunurlar. Bunların hamısı Rauf Axundovun cinayətkar şəbəkəsidir.
Təsəvvür edirsiniz, Rauf Axundov cinayətkar notarius müdirləri ilə birgə əməllər törədiblər. Yəni saxta etibarnamə ilə kimlərinsə evini banka girov qoyaraq milyonları mənimsəyiblər. Və nəticədə vətəndaş küçədə qalmalı olub.
Təsəvvür edirsiniz, Rauf Axundov üzərinə həbs qoyulmuş avtomobili “Dəmirbank”da lizinq yolu ilə başqa bir vətəndaşa satıb. Və polis maşını müsadirə edib. Belə faktlar yüzlərlədir ee...
Təsəvvür edirsiniz, Rauf Axundov öz yaxın dostunun qardaşının tabeçiliyində olan Kəndli Fermer Təsərrüfatına 3 milyon 950 min manat kredit verib, sonra 386 min manat faiz gəlib, yəni təxminən 4 milyon manat. Və 1 manat kredit qaytarılmayıb. Bunu Rauf Axundov mənimsəyib.
İndi bildinizmi, “DəmirBank” niyə müflis olub..? Bu adam hansı banka gedibsə oranı xaraba qoyub, daha doğrusu, pulları mənimsəyərək, bankları müflis edib.
Gəlin görək, bu Rauf Axundov kimdir, nəçidir..? Rauf Axundov 1995-ci ildən bank sektorunda çalışır. 2007-ci ildən “Dəmir Bank ” ASC-də Bankın Kredit Departamentinin direktoru, İdarə Heyəti sədrinin müavini və 2017-ci ilin dekabrın 22-dək bankın Müşahidə Şurasının üzvü vəzifələrində çalışmışdır. 2018-ci ilin dekabrın 1-dən 2020-ci ilin dekabrınadək “Synergy Group” MMC- nin icraçı direktoru vəzifəsində çalışmışdır. 2021-ci ildən hal-hazıradək "Brand Kredit BOKT" MMC-nin İdarə Heyətinin üzvüdür və eyni zamanda 2021-ci ilin 29 oktyabrından "SP Agro" MMC yaradaraq ona rəhbərlik edir. Bizə elə gəlir ki, bu adamın ali təhsil diplomları da saxtadır. Nə isə keçək əsas məsələyə.
İndi gördünüzmü, DəmirBankı xaraba qoyan kimi, Rauf Axundov özünü verib “Synergy Group” MMC- nin icraçı direktoru vəzifəsinə.
Təsəvvür edirsiniz, yüz milyonlarla dövriyyəsi olan bu şirkəti 2018-2020-ci illərdə, yəni 2 ildə Rauf Axundov böyrü üstə qoyub və aradan çıxıb. Sabiq nazir Fazil Məmmədovun dövründə Azərbaycanın ən iri və gəlirli holdinqi olan "SYNERJİ GROUP"-u Rauf Axundov külli miqdarda vergi borcuna salaraq tərk edib. Daha doğrusu, bu şirkəti Rauf Axundov əməlli-başlı talayıb. Biz bu şirkətin dünyanın müxtəlif ölkələrindəki geniş şəbəkəsi barədə uzun-uzadı yazmaq istəmirik. Görəsən, bütün bu cinayət əməllərini müvafiq dövlət qurumları niyə araşdırmır..?
Rauf Axundov mənimsədiyi 100 milyonları indi özünün təsis etdiyi “SP Agro” MMC-yə yatırıb. Məlumat üçün qeyd edək ki, İqtisadiyyat Nazirliyi yanında Dövlət Vergi Xidməti “SP Agro” Məhdud Məsuliyyətli Cəmiyyəti 2021-ci ilin oktyabrın 26-da dövlət qeydiyyatına alıb. Verilən məlumatda qeyd edilir ki, “SP Agro” MMC-nin nizamnamə kapitalı 100 manatdır və qanuni təmsilçisi Axundov Rauf Arif oğludur. “SP Agro” MMC-nin hüquqi ünvanı Bakı şəhəri, Yasamal rayonu, Zahid Xəlilov, ev.101 m.15. ünvanıdır.
İndi isə keçək Rauf Axundovun gül biznesinə. Bakı şəhərində Rauf Axundovun xeyli sayda gül mağazaları var. Və mağazaların çoxunu İran vətəndaşları işlədir. Bu gül mağazaları vergidən yayınır, gəlirlərini gizlədirlər.
Bəli, hər il Rauf Axundov 8 Mart, 14 Mart Sevgililər günündə milyonlar qazanır, amma 1 manat vergi ödəmir. Ümumiyyətlə, Rauf Axundovun İranlılarla şübhəli əlaqələri var, Lənkəran-Yardımlı ərazisində “xoşagəlməz” işlərlə məşğul olurlar. Sabiq nazir Ziya Məmmədovun dövründə Rauf Axundov DəmirBank vasitəsilə xeyli saxta layihələr həyata keçiriblər.
Onu da qeyd edək ki, əvvəllər Rauf Axundov hər yerdə özünü Rusiyanın adamı, Ramiz Mehdiyevin kürəkəni İlham Əliyevin yaxın dostu kimi qələmə verərək, özünü toxunulmaz hesab edirdi.
Bəli, Ramiz Mehdiyevin vaxtında Rauf Axundov atını hansı istiqamətdə istəsə idi, o cürə sürə bilirdi, hətta köndələn belə. Rauf Axundov "mənim başım dünyanı idarə biləcək, gücə malikdir, mənə burada qiymət qoymurlar" deməklə nəyə nail olmaq istəyib. Bu fikir çox maraqlı və düşündürücüdür. Bir balaca siyasi yetkin olmaq yetər ki, Rauf Axundovun bu fikrini öz beynində müzakirə edib, nəticə əldə etsin.
Biz bir çox yazılarımızda qeyd edirik ki, ən təhlükəli adam əlində külli miqdarda pulu olanlardır. Rauf Axundov isə həmin pullu və təhlükəli adamlar siyahısındadır. Bir məsələni qeyd etmək istəyirik ki, Rauf Axundov sənin fikirləşdiyin dünyanı idarə edəcək qüvvən ola bilər, amma o dünya sənin öz dünyan ola bilər. O ki qaldı, dünyanı idarə edəcək qüvvənin səndə olmasını araşdırmağa, o bizim işimiz deyil.
Amma növbəti yazımızda Rauf Axundovun Hüquq Mühafizə Orqanlarında araşdırılan işləri, "Gül Bazar"da bir gündə edilən milyonlarla alver və Vergilər Nazirliyində onun qara işlərini ört-basdır edən dostu barədə məqalə dərc edəcəyik. Bizi izləyin. //gundelik-baku.com//

“AZSERTCENTER” MMC şirkəti Antiinhisar və İstehlak Bazarına Nəzarət Dövlət Xidmətinin rəhbərliyi tərəfindən onlara təzyiqlər olduğunu, eyni zamanda Xidmətin tabeliyində olan Azərbaycan Akkreditasiya Mərkəzinin qanunları pozduğunu və inhisarçılıq yaratdığını iddia edir.

Antiinhisar və İstehlak Bazarına Nəzarət Dövlət Xidməti isə bildirib ki, bir sıra uyğunluğu qiymətləndirən qurumlar tərəfindən Dövlət Xidmətinin tabeliyində olan Azərbaycan Akkreditasiya Mərkəzinin onlara verdiyi icazələrdən (akkreditasiya attestatı) sui-istifadə edilərək sahibkarlıq subyektlərinə qanunsuz uyğunluq sertifikatları və yoxlama haqqında şəhadətnamələr təqdim edilib.

“AZSERTCENTER” MMC-nin direktoru Mahmud Yusubov müraciətində yazıb ki, “AZSERTCENTER” MMC-nin Yüngül sənaye, məişət avadanlıqları, rabitə vasitələri, telekommunikasiya avadanlıqları, elektron avadanlıqlar və ağac emalı materiallarının sertifikatlaşdırılması üzrə orqanı 2015-ci ildən qanunvericiliyə uyğun olaraq Respublikamızda bu sahədə AZS ISO/IEC 17065-2021 “Uyğunluğun qiymətləndirilməsi. Məhsulların, proseslərin və xidmətlərin sertifikatlaşdırılmasını aparan orqanlara dair tələblər” standartının tələblərinə uyğun akkreditasiya olunaraq fəaliyyət göstərən ilk sertifikatlaşdırma orqanıdır. Fəaliyyətimiz əsasən xarici istehsalçıların məhsullarının uyğunluğunun qiymətləndirilməsindən ibarətdir. “AZSERTCENTER” Sertifikatlaşdırma Orqanı Azərbaycan Respublikasında yeganə orqandır ki, 5-ci sxem üzrə İtaliya, İrlandiya, Fransa, ABŞ və s. kimi ölkələrdə Baker Hughes, General Electric, Juniper Networks, LG Electronics və s. müəssisələrin istehsal sahəsində iştirak edərək uyğunluğun qiymətləndirilməsini həyata keçirmişlər. Həmçinin Orqanımızda fəaliyyət göstərən 22 nəfər əməkdaşın hər biri sertifikatlaşdırma sahəsində təcrübəli, beynəlxalq sertifikatlara malik ekspertlərdir.

"“AZSERTCENTER” Sertifikatlaşdırma orqanının fəaliyyət göstərdiyi 7 il ərzində Azərbaycan Akkreditasiya Mərkəzi tərəfindən 3 dəfə akkreditasiya olunub, akkreditasiya dövründə 6 dəfə akkreditasiya tələblərinə riayət olunmasına aid illik qiymətləndirilməsi müsbət nəticələnmişdir. Həmçinin bu zaman ərzində uyğunluğun qiymətləndirilməsi prosesini eyni sahə üzrə apararaq fəaliyyətimizi davam etdirmişik.

İlkin olaraq nəzərinizə çatdırmaq istərdik ki, fəaliyyətə başladığımız tarixdən bugünə kimi fəaliyyətimiz dövründə tərəfimizdən verilən bütün uyğunluq sertifikatlarının qanunvericiliyə uyğun olaraq surəti Azərbaycan Respublikasının Antiinhisar və İstehlak Bazarına Nəzarət Dövlət Xidmətinə, və Xidmətin tabeliyində olan Azərbaycan Akkreditasiya Mərkəzinə dövlət reyestrinə yerləşdirilməsi üçün göndərilmişdir. Lakin, 2020-ci il ilin avqust ayından (Xidmətin Əsasnaməsinin təsdiqlənməsindən 3 ay sonra) etibarən qərəzli olaraq tərəfimizdən verilən uyğunluq sertifikatlarının heç biri dövlət reyestrinə yerləşdirilməmişdir. Burada əsas məqsəd tərəfimizdən verilmiş uyğunluq sertifikatlarının dövlət reyestrində görünməməsini təmin etməklə əməkdaşlıq etdiyimiz xarici təşkilatlarda orqanımız haqqında müəyyən çaşqınlıqların yaradılmasıdır. Eyni zamanda, bu addımın atılmasında əsas məqsəd yuxarıda adı çəkilən təşkilatların (İtaliya, İrlandiya, Fransa, ABŞ və s. kimi ölkələrdə Baker Hughes, General Electric, Juniper Networks, LG Electronics və s.) xidmətimizdən imtina edilməsinə və inhisarçılıq yaradaraq himayəlik etdikləri və yeni yaradılan “PROBO” MMC-yə yönləndirilməsindən ibarətdir. Qeyd edək ki, “PROBO” MMC 2020-ci ilin dekabr ayından etibarən (Azərbaycan Respublikasının Antiinhisar və İstehlak Bazarına Nəzarət Dövlət Xidmətinin Əsasnaməsinin təsdiqləndiyi dövrdən) fəaliyyətə başlamışdır. Bu təşkilatın yaradıldığı və fəaliyyətə başladığı dövrdən etibarən 10 ilə yaxın olaraq eyni sahə üzrə fəaliyyət göstərən “AZSERTCENTER” Sertifikatlaşdırma Orqanına müəyyən təzyiqlər olunmağa başlamış və illərdir uyğunluğun qiymətləndirilməsini apardığımız sahə üzrə Azərbaycan Respublikasının Antiinhisar və İstehlak Bazarına Nəzarət Dövlət Xidmətinin yanında Azərbaycan Akkreditasiya Mərkəzi tərəfindən müəyyən məhdudiyyətlər qoyulmuşdur", - Mahmud Yusubov müraciətində iddia edir.

Həmçinin, “AZSERTCENTER”nin direktoru iddia edir:

"Azərbaycan Respublikasının Antiinhisar və İstehlak Bazarına Nəzarət Dövlət Xidmətinin rəhbərliyinin və onun tabeliyində olan Azərbaycan Akkreditasiya Mərkəzinin inhisarçı siyasətinə əlavə olaraq onu da bildirmək istərdik ki, himayəlik etdiyi qurumlar tərəfindən verilən uyğunluq sertifikatlarının görünməməsi məqsədilə 2021-ci il tarixindən etibarən rəsmi internet saytında uyğunluq sertifikatlarının dövlət reyestrinin aparılması qanunsuz olaraq dayandırılmış və ictimaiyyətdən gizlədilmişdir. Azərbaycan Respublikasının Antiinhisar və İstehlak Bazarına Nəzarət Dövlət Xidmətinin Əsasnaməsində uyğunluq sertifikatlarının reyestrinin aparılması vəzifəsi olmasına baxmayaraq atılan bu qərəzli addım həmçinin, Azərbaycan Respublikasının Nazirlər Kabinetinin 17 iyul 2021-ci il tarixli 215 saylı “Uyğunluq sertifikatlarının və uyğunluq bəyannamələrinin reyestrinin aparılması Qaydası”nın təsdiq edilməsi barədə Qərara ziddir. Antiinhisar siyasəti əsasında yaranmış Xidmət bu sahədə inhisarçılıq siyasəti həyata keçirərək akkreditasiya edilmiş sertifikatlaşdırma orqanlarının fəaliyyətlərinə müdaxilələr edir. Azərbaycan Respublikasının Prezidentinin qəbul etdiyi qanunvericilik aktlarının ölkə ərazisində sahibkarlığın inkişafına yönəlməsinə baxmayaraq, Azərbaycan Respublikasının Antiinhisar və İstehlak Bazarına Nəzarət Dövlət Xidmətinin rəhbərliyi və Xidmətin tabeliyində olan publik hüquqi şəxslər tərəfindən uyğunluğu qiymətləndirən qurumların bu cür sıxışdırılması sahibkarlığın inkişafına yönəlmiş siyasətə ciddi xələl gətirir. Təəssüflər olsun ki, fəaliyyəti inhisarçılığın qarşısını almağa yönəldilmiş bir qurumun həyata keçirdiyi siyasət sertifikatlaşdırma bazarında özü inhisarçılıq yaradır".

DÖVLƏT XİDMƏTİ: QANUNSUZ UYĞUNLUQ SERTİFİKATLARI TƏQDİM EDİBLƏR

Bir neçə gün öncə, İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti yaydığı press-relizində bildirib ki. ölçmə vasitələrinin yoxlanılması, kalibrlənməsi, habelə sertifikatlaşdırma fəaliyyəti ilə məşğul olan uyğunluğu qiymətləndirən akkreditasiya edilmiş müstəqil qurumların fəaliyyətinə nəzarəti gücləndirib.

Xidmətdən Marja-ya daxil olmuş məlumatda qeyd olunub ki, bu məqsədlə aparılan araşdırmalar zamanı müəyyən edilib ki, bu sahədə fəaliyyət göstərən bir sıra uyğunluğu qiymətləndirən qurumlar tərəfindən Dövlət Xidmətinin tabeliyində olan Azərbaycan Akkreditasiya Mərkəzinin onlara verdiyi icazələrdən (akkreditasiya attestatı) sui-istifadə edilərək sahibkarlıq subyektlərinə qanunsuz uyğunluq sertifikatları və yoxlama haqqında şəhadətnamələr təqdim edilib.

"İstehlakçıların və sahibkarlıq subyektlərinin hüquq və mənafelərinin qorunması, habelə akkreditasiya haqqında qanunvericiliyin tələblərinin pozulmasının qarşısının alınması məqsədilə Dövlət Xidməti tərəfindən bu qurumlar barəsində protokollar tərtib edilərək baxılması üçün məhkəməyə göndərilib və qanun pozuntusuna yol vermiş qurumlara məhkəmə tərəfindən inzibati cərimələr tətbiq edilib",- Xidmətin məlumatında bildirilir.

Dövlət Xidmətinin məlumatında qeyd edilib ki, 2022-ci ildə Azərbaycan Akkreditasiya Mərkəzi tərəfindən akkreditasiya haqqında qanunvericiliyin tələblərinə əməl etməyən 1 uyğunluğu qiymətləndirən qurumun akkreditasiyası ləğv edilib, 6 qurumun fəaliyyəti müvəqqəti dayandırılıb. Sahibkarlıq subyektlərinə təqdim edilmiş 131 uyğunluq sertifikatı və 5 yoxlama haqqında şəhadətnamənin ləğvi barədə göstəriş verilib. //Marja//

Bakı Nəqliyyat Agentliyi (BNA) qurumun balansında olan yeraltı avtomobil dayanacaqlarında avtonəqliyyat vasitələrinin giriş-çıxışını təmin etmək üçün istifadə olunan biletlərin satın alınması ilə bağlı müsabiqəyə yekun vurub.

Hurriyyet.az xəbər verir ki, satınalma müsabiqəsinin qalibi "Cardinalia Septem Group” MMC olub. BNA ilə şirkətin arasında bağlanan müqavilənin maliyyə dəyəri 23.600 manat təşkil edir.

İqtisadiyyat Nazirliyi yanında Dövlət Vergi Xidmətinin reyestr məlumatlarına görə, "Cardinalia Septem Group” MMC 4 may 2018-ci ildə qeydiyyata alınıb. Nizamnamə kapitalı 5 AZN olan şirkətin hüquqi ünvanı Bakı şəhəri Nəsimi rayonu, Alı Mustafayev küçəsi, ev 29, mənzil 58-də yerləşir. MMC-nin qanuni təmsilçisi Abdullayev Saleh Zahir oğludur.

Şirkət 4 ildir ki, fəaliyyət göstərməsinə baxmayaraq, açıq mənbələrdə haqqında heç bir məlumat yoxdur. Saleh Abdullayev də populyar sahibkar deyil. Yəni, onunla bağlı məlumatlara da rast gəlinmir.

Şirkətin nizamnamə kapitalının 5 AZN təşkil etməsi onun tender əməliyyatlarında iştirak üçün yaradıldığına şübhələri artırır.

Satınalma müsabiqənin şərtlərindən məlum olur ki, BNA 200.000 bilet alacaq. Nəzərə alsaq ki, bu sayda biletə görə 23.600 manat ödənilir, o zaman qurumun bir bileti 11 qəpiyə alması məlum olur. Amma yeraltı dayanacaqlarda 1 saat üçün biletin qiyməti ən azı 1 manatdır. Bu isə BNA-nın parking xidmətindən milyonlarla manat gəlir əldə etməsi deməkdir.

BNA 2015-ci ildə yaradılıb. 2016-cı ildən quruma Vüsal Kərimli rəhbərlik edir. Bir müddət əvvəl məlum olmuşdu ki, ölkədə icitmai nəqliyyata bilet satışı üzrə inhisarçı operator olan "K Group” MMC Vüsal Kərimlinin nəzarətindədir. Şirkətin hüquqi ünvanı BNA rəhbərinin qeydiyyatda olduğu evdə yerləşir.

FacebookTwitterWhatsAppTelegram