"Psixoloq Samirə Bağırova (SamiRa Amon) yanvar ayında nəşr olunan "Hu (Aydınlanma)" romanında İslam dinini və İslam dinin ehkamlarını aşağılayır, "Quran"ın pedofiliyanı təbliğ etdiyini iddia edir..."

Bu barədə Kulis.az-a kitabın oxucularından biri yazıb.
Oxucu məktubunda qeyd edib ki, "Hu" kitabı dinimizi gözdən salmağa hesablanıb:

“Samirə Bağırova adlı psixoloq "Hu" adlı kitabında dinimizi, peyğəmbərimizi, dinin müqəddəs hökmlərini, qaydalarını, müqəddəs kitabımız “Qurani-Kərim”i tənqid edib, hətta deyərdim, təhqir edib, dini şərtlərə istehzayla yanaşıb, müqəddəs dəyərlərimizi ələ salıb. Hətta deyərdim ki, bəzi yerlərdə İslam haqqında bilgisiz olan bu xanım, İslam və Quran haqqında yanlış şərhlər verib, bu yolla dini gözdən salmağa çalışıb. Əhalisinin böyük hissəsi müsəlman olan bir ölkədə İslam haqqında bu cür qıcıqlandırıcı əsər yazmaq, qalmaqalları sevən Samirə Bağırovanın növbəti təxribatıdır.


Oxucunun sözlərinə görə, "Hu" adlı kitab təcili şəkildə qadağan edilməlidir:
"Romanda “Quran”, qurban ayini, Həcc ziyarəti, dini qaydalar, peyğəmbərimiz istehza hədəfidir. Hətta Quranın pedofilizmi təbliğ etdiyi iddia olunur. Düşünürəm ki, bu cür qalmaqallı kitab gənclərimizi dini dəyərlərdən uzaqlaşdırmağa hesablanıb. Aidiyyatı qurumlar bunu nəzərə almalı, SamiRa Amon imzası ilə satışda olan “Hu” adlı kitab təcili şəkildə qadağan edilməlidir."
S.S. Görəsən nədən dindarlar öz postulatlarının əksi ola bilən hər bir fikrə belə hücum edirlər.Nədən alternativ fikrin olmasını belə qəzəblə qarşılayırlar? Bəyəm din məcburidir və ya dini və din kitabları araşdırıla bilməz və bu kitablardakı fikirlərə alternativ fikir bildirmək olmaz?
TEREF