Aqrar sektor 1,5% böyüyüb
Ötən ildə Azərbaycanda 12 milyard 995,2 milyon manat dəyərində kənd təsərrüfatı məhsulu istehsal edilib.

İndex.az Dövlət Statistika Komitəsinə istinadən xəbər verir ki, bu, 2023-cü ilin göstəricisi ilə müqayisədə 1,5 % çoxdur.

Son bir ildə ölkədə istehsal olunmuş bitkiçilik məhsullarının dəyəri 1,1 % artaraq 6 milyard 162,3 milyon manat, heyvandarlıq məhsullarının dəyəri isə 1,7 % artaraq 6 milyard 832,9 milyon manat olub.

Bu ilin əvvəlinə qarğıdalı da daxil olmaqla 1 milyon 021 min hektar sahədən, hər hektardan orta hesabla 31 sentner olmaqla, ilkin çəkidə 3 milyon 276,6 min ton və ya 2023-cü illə müqayisədə 0,9 % çox dənli və dənli paxlalı bitkilər toplanıb.

2024-cü ildə istehsal olunmuş dənli və dənli paxlalı bitkilərin 1 milyon 685,7 min tonunu və yaxud 51,4 %-ni buğda təşkil edib. Buğdanın məhsuldarlığı 30,9 sentner olub. Bundan əlavə, 1 milyon 838,9 min ton və ya 2023-cü ilə nisbətən 0,7 % çox tərəvəz, 1 milyon 317,9 min ton (4,5 % çox) meyvə və giləmeyvə, 927,4 min ton (8,2 % az) kartof, 490,6 min ton (11,9 % çox) bostan məhsulları, 307 min ton (11,1 % çox) pambıq, 289,1 min ton (31,5 % çox) şəkər çuğunduru, 205,1 min ton (8,6 % az) üzüm, 31,2 min ton (6,6 % çox) günəbaxan, 6,5 min ton (2,2 % çox) tütün, 1,1 min ton (4,8 % az) yaşıl çay yarpağı yığılıb.

Bildirilir ki, ölkədə 2025-ci ilin məhsulu üçün payızlıq bitkilərin kütləvi səpini başa çatmaq üzrədir və cari il yanvar 1-nə olan vəziyyətə görə, 941,7 min hektar sahədə dən və yaşıl yem üçün payızlıq bitkilər səpilib. Səpin aparılmış sahənin 99 %-ni və yaxud 932,2 min hektarını dən üçün payızlıq bitkilər təşkil edib ki, onun da 505,5 min hektarı buğda, 426,6 min hektarı arpa, 0,1 min hektarı isə çovdar əkinlərinin payına düşür.

2023-cü ilin göstəriciləri ilə müqayisədə dən üçün payızlıq bitkilərin səpin sahəsi 8,2 %, o cümlədən buğdanın səpin sahəsi 15,5 % azalıb, arpanın səpin sahəsi 2,3 % artıb.

12 ayda quş əti də daxil olmaqla diri çəkidə 659 min ton ət, 2 milyon 298,5 min ton süd, 2 milyard 300,8 milyon ədəd yumurta, 14,8 min ton yun, 239,4 ton barama istehsal olunub. 2023-cü illə müqayisədə ət istehsalı 1,7 %, süd istehsalı 0,6 %, yumurta istehsalı 5,1 % artıb, yun istehsalı 2,2 %, barama istehsalı 32,9 % azalıb.

2024-cü ildə hər inək və camışdan orta hesabla 1 min 834 kiloqram (2023-cü ildə 1 min 746 kq olub) süd sağılıb. Yanvarın 1-i vəziyyətinə ölkə üzrə 6 milyon 850,2 min baş qoyun və keçi, 2 milyon 459,7 min baş iribuynuzlu mal-qara, o cümlədən 1 milyon 223,1 min baş inək və camış mövcud olub. İribuynuzlu mal-qaranın 49,7 %-ni inək və camışlar təşkil edir.

2024-cü ildə quşçuluq müəssisələrində diri çəkidə 82,3 min ton quş əti və 1 milyard 148,7 milyon ədəd yumurta istehsal olunub.

Ümumilikdə bu müəssisələr üzrə cəmi quşların sayı 12 milyon 091,5 min baş olub, hər yumurtlayan toyuqdan orta hesabla 248 ədəd yumurta alınıb.
 

Bölmənin digər xəbərləri

22 Yanvar 2025 Şəkərin qiyməti 4 ilin ən aşağı səviyyəsinə düşdü
22 Yanvar 2025 ABŞ-ın BMT-yə 2,8 milyard dollar borcu yığılıb
21 Yanvar 2025 Rusiya Türkmənistanı Çinin qaz bazarından çıxarır
21 Yanvar 2025 Tramp çıxışında kriptovalyutalardan danışmadı: "Bitkoin"in qiyməti endi
20 Yanvar 2025 Bəzi ərzaq məhsulları ucuzlaşa bilər
20 Yanvar 2025 ASCO ötən il gəmilərlə daşınan yüklərin həcmini açıqlayıb
20 Yanvar 2025 “BRAVO” müştəriləri belə aldadır-Qərar qəbul olunaraq cərimələndi
19 Yanvar 2025 Bu gedişlə... BAĞLANACAQ! - DETALLAR
18 Yanvar 2025 Dünya Bankı Ukraynanın iqtisadi proqnozunu pisləşdirib
18 Yanvar 2025 Ötən il əhalimizin gəlirləri 83 milyard manatı keçib
17 Yanvar 2025 Şirkətlər “Yelo Bank”dakı depozitlərini geri götürürlər – Son rəqəmlər
17 Yanvar 2025 Azərbaycanda icarə münasibətlərində vergi öhdəliyinin icrası sadələşdirildi
16 Yanvar 2025 Dünya Bankı Pakistan üçün 20 milyard dollarlıq maliyyələşdirmə planını açıqlayıb
16 Yanvar 2025 UNUN qiyməti müəyyənləşdi: ÇÖRƏK BAHALAŞACAQ - BELƏ HARA GEDİRİK?
15 Yanvar 2025 “Landmark” niyə 120 milyona satılır? – RƏSMİ AÇIQLAMA
14 Yanvar 2025 Çin “TikTok”un ABŞ aktivlərini İlon Maska sata bilər
14 Yanvar 2025 Bitcoin iki ayın ən aşağı səviyyəsinə düşdü: Kriptovalyuta bazarında geriləmə
14 Yanvar 2025 “Yüzminlərin haqqı yenidən pozuldu” – Hüquqşünaslardan yekdil rəy
13 Yanvar 2025 Daha bir şirkət ölkədən pul çıxarıb
13 Yanvar 2025 Naxçıvanda güzəştli kreditlərin əksəriyyəti yüksək vəzifəli məmurların nəzarətində olan müəssisələrə verilir- İTTİHAM

Dünyapress TV

Xəbər lenti