AXİRƏTDƏ YARDIM, GÜNAHLARIN BAĞIŞLANMASI... -
Özünü 12-ci İmam Mehdi kimi təqdim edərək 40 nəfərə qarşı dələduzluq etməkdə təqsirləndirilən Aqil Babayevin cinayət işi üzrə məhkəmənin baxış iclası keçirilib.

"Report" xəbər verir ki, Bakı Ağır Cinayətlər Məhkəməsinin hakimi Eldar İsmayılovun sədrliyi ilə baş tutan prosesdə zərərçəkmiş Anar Aslanov təqsirləndirilən şəxsə 585 300 manat verdiyini bildirib.

Onun sözlərinə görə, A.Babayevi 2004-cü ildən tanıyıb: "Mənə özünü İmam Mehdi kimi təqdim edirdi. Hər zaman mənə deyirdi ki, dinin əsas qaydalarından biri odur ki zəkat verim. 2021-ci ildə artıq hamımız anladıq ki, bu insan dələduzluq edir. Belə olan halda da hüquq-mühafizə orqanlarına müraciət etdik".

Təqsirləndirilən şəxs isə onun barəsində səsləndirilən ittihamları qəbul etməyib.

Məhkəmənin növbəti iclası avqustun 30-na təyin edilib.

Qeyd edək ki, İttiham aktına əsasən, A.Babayev 2007-ci ildən 2020-ci ilə qədər olan müddətdə Bakı və Abşeronda yerləşən bağ evlərində dini məclislər təşkil edərək inanclı insanları özünün İmam Mehdi Sahib əz-Zaman olmasına inandırıb.

O, təşkil etdiyi dini məclislərdə özünü yer üzünə ilahi qüvvə tərəfindən yaxşılıqlar və maddi çətinliyi olan insanlara köməklik göstərmək məqsədilə göndərildiyini deyib, axirət əzabından xilas olmaq üçün ona inanmağın vacibliyini vurğulayıb.
Ətraflı

A.Babayev insanları təsir altına salıb, hər ay ona pul ödənilməsini istəyib. Deyib ki, toplanan pullar kasıblara paylanılır, şəhid ailələri, Qarabağ əlilləri üçün evlər tikilir. Tabeliyində olan insanların onun sözündən çıxdığı təqdirdə isə onlara müxtəlif zorakılıq hərəkətləri edərək şərəf və ləyaqətlərini alçaltdığı da müəyyən edilib.

O, zərərçəkmiş Anar Aslanova axirət dünyasında kömək edəcəyini vəd verib. A.Babayev ona bildirib ki, lazım gələcəyi vaxtda zühur edəcək. A.Aslanov verilən vədlərə inanaraq "Hyundai Santafe" markalı avtomobil də daxil olmaqla ona 585 min 300 min manat məbləğində ziyan dəyib.

Digər zərərçəkmiş Natiq Sadıqov isə axirət dünyasında savab qazanmaq üçün A.Babayevə ümumilikdə 543 min manat pul verib.

İş üzrə zərərçəkmiş Zaur Abdullayev isə biznes fəaliyyətində uğur qazanmaq və günahlarının bağışlanması üçün A.Babayevə 134 min manat pul təqdim edib.

Ümumilkdə zərərçəkmişlərə 2 milyon 500 min manat ziyan dəyib. A.Babayevin barəsində Cinayət Məcəlləsinin 178.4-cü (dələduzluq, külli miqdarda ziyan vurmaqla törədildikdə) maddəsi ilə ittiham elan olunub.

O, “ŞaurmaN1” restoranlar şəbəkəsinin şəriki olub.

Cinayət işi üzrə 40 nəfər zərərçəkmiş şəxs qismində tanınır.
 

Bölmənin digər xəbərləri

17 Aprel 2025 Bakıda ataya hücum edib, uşaqlarını qaçırdılar
17 Aprel 2025 “Sədərək” ticarət mərkəzi su altında qaldı – VİDEO
17 Aprel 2025 ”Bakıxanov Residence”də evləri yağış damır -VİDEO
16 Aprel 2025 Bakıda taksilərin qiyməti qalxdı: 60 manat
16 Aprel 2025 DTX işə qarışdı, nazir işdən çıxarılır: həbs oluna bilər - TƏFƏRRÜAT
16 Aprel 2025 “Köməkçiləri, katibələri, ailəsi-uşağı üçün maşın alırlar” - REAKSİYA
15 Aprel 2025 Teleqramda kütləvi bloklanma
15 Aprel 2025 Həbs edilən sabiq məmurun şok əməlləri - 6,5 milyonluq fırıldaq
14 Aprel 2025 MKİ UNO ilə bağlı sənədin məxfiliyini ləğv edib – sovet əsgərləri “uçan boşqab” vurubmuş
14 Aprel 2025 "Mənə maşın hədiyyə edilməyib, yalan söhbətdir"
14 Aprel 2025 Təhlükəli hidrometeoroloji hadisə ilə bağlı xəbərdarlıq
14 Aprel 2025 Türkiyədə son 30 ilin rekord soyuqları qeydə alınıb
14 Aprel 2025 “Bizim həyət” layihəsi çərçivəsində yenilənmiş növbəti həyət sakinlərin istifadəsinə verilib
14 Aprel 2025 Kreditə götürdüyü 5 min elə həmin gün oğurlandı
13 Aprel 2025 "Penn State"in riyazi bilikləri ilə təəccübləndirən azərbaycanlı dahisi
13 Aprel 2025 Gündəmi zəbt edən qəzadakı taksi sürücüsünə yeni maşın hədiyyə ediləcək
13 Aprel 2025 Biznesmen Balayar Ağamalıyev İNTİHAR ETDİ
13 Aprel 2025 Azərbaycanda video operator faciəvi şəkildə öldü - FOTO
13 Aprel 2025 Xanlar Vəliyevin əleyhinə səs verən yeganə deputat - Səbəbi açıqlandı
12 Aprel 2025 Türkiyədə yaşayan jurnalist Bakıdakı evinin əlindən alınması problemi ilə üzləşib

Dünyapress TV

Xəbər lenti