Bakıda Ziya Məmmədovdan miras qalan bərbad sistem - NƏ ETMƏLİ?
“Bu il Azərbaycan böyük bir beynəlxalq tədbirə ev sahibliyi edəcək. Payızda Bakıda keçiriləcək COP29 konfransı ilə bağlı ölkəmizə minlərlə xarici qonaq gələcək. O vaxta qədər sərnişindaşıma xidmətində keyfiyyət dəyişikliyinə nail olmaq lazımdır”.

Bu sözləri “Yaşıl Dünya” Ekoloji Maarifləndirmə İctimai Birliyinin sədri Elman Cəfərli “Cebhe.info”-ya açıqlamasında deyib.

Onun sözlərinə görə, paytaxtın sərnişindaşıma sistemində ciddi dəyişikliyə ehtiyac var:

“Qəsəbələrə gedən marşrut avtobuslarının çoxu (136, 171, 107, 155, 159, 157 və s.) köhnədir. Sərnişinlər ödənişi nağd edirlər və kart sistemi tətbiq olunmur. Avtobusların əksəriyyətinin salonu və ya oturacaqları yuyulmur. Çox təəssüf ki, bu hal Əhmədli, köhnə və Yeni Günəşli istiqamətində işləyən avtobuslarda da belədir. Ölkədə koronavirus pandemiyası ilə əlaqədar elan olunmuş xüsusi karantin rejimi bitməyib. O halda avtobusların oturacaqları niyə çirklidir? Aiddiyyəti qurumlar niyə öz işlərini düzgün görmür? COP29-a gələn qonaq, məsələn, 62 saylı marşrut avtobusuna minsə, hansı durumla rastlaşacaq? Hər halda onun Azərbaycan, Bakı haqqında təəssüratı yaxşı olmayacaq”.

QHT sədri deyib ki, marşrut xətlərinin şəhər daxilində lüzumsuz yerə uzadılması da doğru deyil:

“Bu bərbad qaydanı Ziya Məmmədovun zamanında yaratdılar. Avtobusa minirsən ki, A nöqtəsindən B nöqtəsinə gedəsən. Amma avtobus sanki labirintə girirmiş kimi bu küçədən girib o birindən çıxır. Bu, boşuna vaxt itkisidir. Haqlı olaraq sərnişinlər bu durumdan narazı qalırlar. Üstəlik atmosferə daha çox karbon qazı atılır. Bunda yeganə karlı çıxan yanacaqdoldurma məntəqələridir. Məsələn, Nəsrəddin Tusi küçəsindən Sabunçuya işləyən 62 saylı avtobusun “Bəy hamamı”nın yanında Neapol dairəsinə dönməsinə heç bir gərək yoxdur”.

Onun sözlərinə görə, şəhərin mərkəzindən Əhmədliyə işləyən 46 saylı avtobusun da küçə-küçə gəzməsinə ehtiyac yoxdur:

“Heydər Əliyev proslektində isə dayanacaq yoxdur. “Koroğlu” metrostansiyasından çıxdım ki, Dövlət Neft Şirkətinə gedəm. 3 kilometr məsafə qət etdim, amma dayanacaq tapmadım.

Dayanacaqları bu qədər uzatmağa nə ehtiyac var? Qısası, paytaxtın nəqliyyat sistemi insanyönümlü olmalıdır, avtomobilyönümlü yox. İnsanların əksəriyyətinin avtomobii yoxdur. Biz insanlara müraciət edirik ki, hava təmizliyinə görə şəxsi avtomobillərdən imtina edin, ictimai nəqliyyata üstünlük verin. Amma ictimai nəqliyyatın özü bərbaddır”.
 
 

 


Bölmənin digər xəbərləri

16 İyun 2024 Çimərlik mövsümü başladı: - Qiymətlər necədir?
16 İyun 2024 Demokratik Birlik Partiyasının (DBP) bayram təbriki
16 İyun 2024 Kürdə güclü partlayış: Çox sayda yanıq xəsarəti alan var
16 İyun 2024 Qəssabdan qaçan dana dama çıxdı - MARAQLI GÖRÜNTÜLƏR
16 İyun 2024 Samuxda 3 ton 100 kq çətənə bitkisi MƏHV EDİLDİ
15 İyun 2024 "Qapalı parkinqdə avtomobilə dəyən zərərə görə məsuliyyət var, açıq parkinqdə belə qayda yoxdur"
15 İyun 2024 "Şərurlu İsfəndiyar"ın günahı “150 kiloluq qadın”da gördüyü hadisəyə kim cavabdehdir? - ARAŞDIRMA
14 İyun 2024 Bakıda yaşayış binasının lifti yerə çırpıldı: Xəsarət alanlar arasında uşaqlar da var
14 İyun 2024 Bu gün Azərbaycan məktəblərində "Son zəng"dir
14 İyun 2024 Azərbaycan nazirləri hansı universitetləri bitirib? – Siyahı
13 İyun 2024 Qobustan türməsinin rəisi işdən çıxarıldı
13 İyun 2024 “İrşad Electronics” gömrük qaydalarını pozmaqda ittiham edilir
13 İyun 2024 Bakı Şəhər Yaşıllaşdırma Təsərrüfat Birliyinin məlumatı:
13 İyun 2024 "İmtahan keçirənlərin özləri savadsızdırlar" - Fazil Mustafa
13 İyun 2024 “Fəaliyyət” sözünü düzgün yaza bilməyənlərin məktəbdəki fəaliyyəti
13 İyun 2024 Sənədi olmayan bu evlərə “kupça” veriləcək
12 İyun 2024 Nə elm var... nə də təhsil: BELƏ HARA GEDİRİK? - HƏQİQƏTƏN DƏ...
12 İyun 2024 Yüz min sərnişinə şad xəbər: Sürətli sərnişin qatarlarına iki stansiyada dayanacaq verilir
12 İyun 2024 1209 müəllimin cavab verə bilmədiyi sadə sual…
11 İyun 2024  İki mühüm postda dəyişiklik gözlənilir... - İDDİA

Dünyapress TV

Xəbər lenti