Rusiyanın ABŞ-dakı səfiri Anatoli Antonov Vaşinqtonun ünvanına tənqidi fikirlər səsləndirib.
DİA.AZ AzVision.az-a istinadla xəbər verir ki, bu barədə Rusiya səfirliyinin Teleqram kanalı məlumat yayıb. Səfir deyib ki, ABŞ Rusiya Federasiyasının siyasi-iqtisadi strateji məğlubiyyətinə nail olmaq istəyindən çıxış edərək, Rusiya-Afrika sammitinin əhəmiyyətini azaltmağa çalışır.
Səfirin sözlərinə görə, “ruslara aid hər şeyə nifrət” və Rusiya Federasiyasına strateji məğlubiyyət yaşatmaq istəyi Vaşinqton rəsmilərinin gözünü kor edib.
Antonov əlavə edib ki, ABŞ Rusiyanın yaxın aylarda Afrikanın bir neçə ölkəsinə pulsuz olaraq 25-50 min ton taxıl göndərməyə hazır olduğunu elan etməsindən sonra özünə gələ bilmir.