DEF CON 2022 hakerləri ABŞ Müdafiə Nazirliyinin yeni texnologiyasını - hərbi bazalardakı yerli avtonom elektrik şəbəkələrinin parollarını (mikrosetləri) sındırmağa nail olublar.

"Report" "Cyberscoop"a istinadla xəbər verir ki, Pentaqon zəiflikləri aşkar etmək üçün texnologiyanı sınaqdan keçirib. DEF CON-un 1 700-dən çox iştirakçısının çoxu Pentaqonun hazırladığı şəbəkəni uğurla bağlayıb.

Hakerlərdən biri mikrosetlərin Kelvin temperatur şkalası üzrə işlədiyini müəyyən edib. Nəticədə o, proqnoz modelinə mənfi ədədlər qoyub, bu da sistemin çökməsinə səbəb olub.

Pentaqon bildirib ki, onlar həmçinin mikro şəbəkəni daha da sınaqdan keçirmək və boşluqları tapmaq üçün tam hüquqlu bir proqramı işə salmağı planlaşdırırlar.