Detoks (detox) pəhrizləri orqanizmi təmizləmək və zərərli maddələrdən qurtulmaq məqsədi ilə tətbiq olunan qısa müddətli qidalanma proqramlarıdır.Foodinfo.az xəbər verir ki, bu pəhrizlər adətən meyvə, tərəvəz, smuzi, şirələr və suyun artan miqdarına əsaslanır. Detoks pəhrizlərinin əsas məqsədi bədənin təbii detoksifikasiya prosesini dəstəkləmək və həzm sistemini istirahət etdirməkdir. Mütəxəssislər detoks pəhrizlərinin qısa müddətli tətbiqinin bədənə faydalı ola biləcəyini, lakin uzun müddət davam etdirildikdə qida çatışmazlığı və sağlamlıq problemlərinə səbəb ola biləcəyini bildirir. Həkimlə məsləhətləşmədən detoks pəhrizinə başlamaq məsləhət görülmür. Doğru balanslaşdırılmış pəhriz və fiziki fəaliyyət bədənin sağlamlığını və təbii detoksifikasiya proseslərini daha səmərəli dəstəkləyə bilər.