Vasif Talıbov vəzifəsindən uzaqlaşdırıldı, ancaq onun tör-töküntüləri hələ də ağalıq etməyə davam edir. Bunlardan biri də Naxçıvan Hərbi prokuroru Yaşar Həsənovdur. Bacısı Talıbovlar ailəsinin gəlini olan bu adam Vasif Talıbovla birlikdə az qala 30 ildir ki, yüksək vəzifədə işləyir. Amma gözü doymayan bu prokuror Şərur rayonunda ən bərəkətli, ən bol sulu torpaqları icra hakimiyətinin əli ilə icarəyə götürüb kartof əkini ilə məşğul olur. Şərurun yerli camaatı, əkinçisi bunun əlindən torpaq tapıb əkə bilmir. Əkini olan camaat da bu prokurorun əlindən su tapıb əkinlərini suvara bilmir. Çunki nə vaxt su növbəsi tutsaq camaata deyilir ki, su Yaşar müəllimin sahələrinə gedir.
Bədbəxtçilik orasındadır ki, bütün əkin-biçin işlərini idarəsinin pulu, maşınları və işçiləri ilə edir. Dəfələrə onun əkin sahələrində hərbi nömrəli niva, qazel maşınlarla kartof, gübrə, lapatka, bel daşındığının görmüşük.
Seymur adında işçisi var idi. Həm prokurorluqda işləyirdi, həm də bunun işlərini görürdü, indi həmin isə Rüfət adlı şəxs baxır, o da prokurorluqda işləyir, özünün sürücüsüdü, tez-tez gəlib işlərinə nəzarət edir.
Şərur rayonunun Püsyan kəndində iki böyük kartof anbarı var bu adamın. Hər il bəlkə də 100 tonlarla məhsul götürür sahələrindən.
Hərbi prokuror olduğundan Kərəm Mustafayevlə də arası yaxşıdır. Məhsulunun çoxunu da baha qiymətə hərbiyə satır. Elə ona görə Kərəmin qardaşı Nemət Mustafayevin Naxçıvan hərbiçilərinə elədiyi zülmü bütün Azərbaycan gördüyü halda hərbi prokuror ola-ola bu adam göz yumur.
Baxın mətubatda, televizyada Kərəm Mustafayevin və qardaşı Nemət Mustafayevin qanunsuz hərəkətləri haqda çoxlu məlumatlar var, amma bu adamın adını çəkən yoxdu, halbuki əsas məsuliyyət bununku olmalıdı, çünki hərbi prokuror göz yummasa o qədər özbaşınalıq necə baş tuta bilər?
Heydər müəllim, bütün Şərur camaatı adından xahiş edirik, bu məsələni işıqlandırın, dövlətimiz Talıbovlarla quda olan bu adamı araşdırsın, Şərur rayonundakı əkin sahələri bunun əlində alınıb kəndliyə, əkinçiyə icarəyə verilsin.
Heydər Oğuz
Teref.az