Qazax Rayon İcra Hakimiyyətinin Qazax Şəhər üzrə Nümayəndəliyi yolların əsaslı təmiri ilə bağlı tender elan edib.

32gun.az xəbər verir ki, tenderi 143104 AZN nizamnamə kapitalına malik olan “Gəncə Körpü Tikinti-2” ASC qazanıb.

Qazax Rayon İcra Hakimiyyəti bu tender üçün qalibə 524.990,86 AZN ödəyəcək.

Bildirək ki, İqtisadiyyat Nazirliyi yanında Dövlət Vergi Xidmətinin reyestr məlumatlarında göstərilir ki, "Gəncə Körpü Tikinti-2” ASC 11 iyul 2007-ci ildə qeydiyyata alınıb. Nizamnamə kapitalı 143 104 AZN olan şirkətin hüquqi ünvanı Bakı şəhəri Nəsimi rayonu, Süleyman Rüstəm küçəsi, ev 47-də yerləşir. ASC-nin qanuni təmsilçisi Rzayev Süleyman Qəmbər oğludur.

"Gəncə Körpü Tikinti-2” ASC vaxtaşırı milyonluq tenderlərin qalibi olur. Yeri gəlmişkən, ASC-nin qalib gəldiyi tenderlər əsasən Gəncə Şəhər İcra Hakimiyyəti və ona tabeli qurumlara aid olur.

Yerli medianın yazdığına görə, "Gəncə Körpü Tikinti-2” ASC-nin əsl sahibi iş adamı Aqibət Məmmədovdur.

Qeyd edək ki, Qazax Rayon İcra Hakimiyyətinin baçısı Rəcəb Babaovdur.