Binə rayonunun Atçılıq yaşayış massivində uzaqdan möhtəşəm görünən bir təhsil ocağı var - 292 saylı orta məktəb. Məktəb Heydər Əliyev Fondu tərəfindən inşa olunub. Çox gözəl binası, həyətində quraşdırılmış günəş panelləri və külək turbinləri var. Bu isə o deməkdir ki, məktəbdə təhsil alan şagirdlə təkcə yeni texnologiyalarla işıqlandırılan siniflərdə oxumayacaqlar, həm də bir sıra dəqiq elmlərdə öyrəndiklərinin necə işlədiyini əyani şəkildə öz həyatlarında görəcəklər. Təbii ki, bu ortamda böyüyən yeni nəslin gələcəyin ən böyük dühaları olmaması üçün heç bir səbəb yoxdur.


Yəqin ki, bu şəkilləri görüncə siz də mənim kimi düşündünüz. Amma sevinməyə, xoşbəxtlikdən göyə hoppanıb düşməyə tələsməyin. Sən demə, bütün bu görünənlər məktəbin zahiri görünüşüdür. Daxili görünüşünə gəlincə, qısaca olaraq bunu deyə bilərəm: bu məktəbə çox bel bağlamayın. Burda nəinki XXI əsrin Eynşteyni, Keplepi, Fərabisi, İbn Sinası, heç bizim məhəllənin JEK müdiri də çıxa bilməz. Səbəbinimi soruşursunuz? Bu dəqiqə ərz edim: çünki bizim məhəllənin JEK müdiri də pis-yaxşı hansısa donqili məktəbdə dərs keçib. Eynilə Naxçıvan MR Daxili İşlər naziri Rəşad İsmayılov kimi, heç olmasa Ali Diplomatiya kolleci kimi adı böyük, özü kiçik bir məktəb qurtarıb. 292 saylı orta məktəbin şagirdləri isə ümumiyyətlə dərs keçmirlər.



Bəli, bəli, düz eşitdiniz. Məktəbdə oxuyan şagirdlərin valideynlərinin redaksiyamıza göndərdiyi məktubda belə deyilir. Valideynlərin iddiasına görə, bu məktəbdə yalnız ibtidai sinif müəllimləri var. Onlar da təbii ki, uşaqlara uzaqbaşı hərfləri yazmağı, rəqəmləri üst-üstə gəlməyi və bir-birinə vurmağı öyrədirlər. 5-cü sinifdən yuxarılar üçün isə əməlli-başlı müəllim qıtlığı yaşanır. Məhz bu səbəbdən uşaqlar dərsə gedib yarım saatdan sonra evə qayıdırlar. Məktəb rəhbərliyi onlara bu gün dərs olmayacağını deyib evə göndərir. Məntiqlə,292 saylı orta məktəbdə yaşanan bu biabırçılıq davam etdikcə, onun şagirdlərinin bilgi dağarcığının ibtidai sinif səviyyəsini keçə bilməsi də mümkün görünmür. Bu bilgi dağarcığı ilə isə XXI əsrin Eynşteyni olmağa ümid bağlaya bilməzsən.




Maraqlıdır ki, bu il açılan məktəbin uzaqdan möhtəşəm görünüşü yerli sakinlərin də diqqətini cəlb etmiş və onlar gələcəyin dühaları arasında öz övladlarını da görmək üçün əməlli-başlı yarışa başlamışdılar. Məktəbə tələbat o qədər böyük olmuşdu ki, müdiriyyət müraciət edənlərin hamısını qeydiyyata almağa macal tapa bilməmiş və problem Respublika mediasının da diqqət ayırdığı ən mühüm məsələyə çevrilmişdi. Xəzər TV-nin 1 ay bundan əvvəl hazırladığı reportajda bildirilir: «Paytaxtın Xəzər rayonu, Binə atçılıq massivində yaşayan bəzi sakinlər övladlarını yeni istifadəyə verilən 292 saylı məktəbə elektron qaydada qeydiyyatdan keçirə bilmirlər. Valideynlər iddia edirlər ki, məktəb rəhbərliyi tərəfindən onlara yerlərin dolduğu deyilir.


Xəzərxəbər.az xəbər verir ki, valideynlər bu təhsil ocağının evlərinin yaxınlığında olduğuna görə uşaqlarının digər məktəblərdə təhsil almasını istəmirlər.

Bakı Şəhər üzrə Təhsil İdarəsindən isə bildirilir ki, yeni inşa olunmuş 292 nömrəli tam orta məktəb 1890 yerlikdir. 2022–2023-cü təhsil ili üçün məktəbdə 77 sinif komplekti açılıb. Hazırda qeyd olunan siniflər üzrə 1880 şagird qəbul olunub. Vurğulanıb ki, vətəndaş müraciətləri nəzərə alınaraq həmin məktəbdə əlavə sinif komplektinin açılması imkanları araşdırılır».



Deyəsən, Azərbaycan Elm və Təhsil Nazirliyi məktəb deyəndə sadəcə içi boş sinif otaqları nəzərdə tutur. Məktəblərin yetərli müəllim kollektivi yoxdursa və şagirdlər məhz bu səbəbdən dərsə belə getmirlərsə, yeni komplekslərin tikilməsinə nə ehtiyac var? Görünür, mətbuata verdiyi müsahibələrdə «Səmimi olaraq qeyd edim ki, Azərbaycanda təhsilin keyfiyyəti aşağıdır» deyən Elm və Təhsil naziri Emin Əmrullayev problemin həlli yolunu tapıb. İndi onun həyata keçirdiyi siyasət «aşağı təhsildənsə ümumiyyətlə dərslərin keçirilməməsi daha yaxşıdır» məntiqinə əsaslanır və bu prinsip ilk öncə Heydər Əliyev Fondunun hesabına tikilən məktəblərdə sınaqdan çıxarılır.

Bərəkallah, Emin müəllim, siz bu məntiqinizlə hələ çox uzaqlara gedəcəksiniz. Nə bəlli olar, bəlkə günlərin birində İqtisadiyyat naziri də ola bilərsiniz.

Heydər Oğuz,
Ovqat.com

DSX-nin xidmətdən nahaq uzaqlaşdırılmış giziri məhkəmədən “war” sistemi incələməsi tələb edir

Dövlət Xidmətinin haqsız yerə xidmətdən uzaqlaşdırılan giziri Alim Cənnətovun anası, II qrup əlil Rəqsanə Cənnətovanın Bakı Apellyasiya Məhkəməsinin hakimi Azər Hüseynovun ədalətsiz qərarından şikayətini dərc etmişdik.

Xatırladaq ki, Dövlət Sərhəd Xidmətinin Dövlət Sərhəd Nəzarəti İdarəsində “Heydər Əliyev Beynəlxalq Aeroportu” sərhəd nəzarəti şöbəsinin yük sərhəd nəzarəti bölməsinin nəzarətçisi vəzifəsində gizir rütbəsində xidmət etmiş Alim Cənnətov iki il əvvəl Mirzəyev Şahin Sahib oğlu adlı şəxsin şikayəti əsasında və İdarənin daxili təhlükəsizlik şöbəsinin rəisi Namiq Cəlilovun ona qarşı qərəzli mövqe nümayiş etdirərək təzyiq altında aldığı izahatla formalaşdırdığı mənfi rəy nəticəsində guya “Hərbi vəzifə və hərbi xidmət haqqında” Azərbaycan Respublikası Qanununun 41.0.6-cı maddəsinə (xidməti uyğunsuzluğa görə) müvafiq olaraq vəzifədən azad edilib.

Haqsızlıqla barışmayan Alim Cənnətov Bakı İnzibati Məhkəməsinə müraciət edərək, Dövlət Sərhəd Xidməti rəisinin onun vəzifədən azad olunması və ehtiyata buraxılması barədə 11.03.2021-ci il tarixli 549Ş/H saylı əmrinin ləğv edilməsi, əvvəlki işinə bərpa olunmaqla məcburi iş buraxma dövründə ödənilməli olan əmək haqqının hesablanılaraq ona verilməsinin Dövlət Sərhəd Xidmətinə həvalə olunması barədə qərar çıxarılmasını xahiş etmişdir.

İşin halları Bakı İnzibati Məhkəməsində, daha əvvəl isə istintasq orqanında Rövşən Bayramov adlı müstəntiq tərəfindən araşdırılmış, Alim Cənnətovun xidməti uyğunsuzluq kimi dəyərləndirilə biləcək heç bir nöqsanının olmadığı qənaətinə gəlinmiş və hakim Mehriban Qarayevanın sədrliyi ilə Alim Cənnətovun iddiasının təmin olunması barədə qərar çıxarılmışdır.

Qarşı tərəf qərardan narazı qaldığı üçün Bakı İnzibati Məhkəməsi vasitəsilə Bakı Apellyasiya Məhkəməsinin İnzibati Kollegiyasına apellyasiya şikayəti vermişdi.

Hələ apellyasiya məhkəməsi prosesindən əvvəl Alimin valideynləri rəsmi məktubla Apellyasiya Məhkəməsinin sədrinə müraciət edərək, işə ədalətli baxılmasını xahiş edibmnişlər. Sanki valideynlərin ürəklərinə damıbmış ki, Azər Hüseynov Ali Məhkəmədə tutduğu vəzifədən endirilərək Bakı Apellyasiya Məhkəməsinə hakim təyin ediləndən sonra ədalət hissini tamamilə itirə bilər.

Rəqsanə Cənnətova redaksiyamıza təkrar müraciət edərək xatırlayır ki, məlum apellyasiya məhkəməsi prosesində Azər Hüseynovun köməkçiləri haqqın Alim Cənnətovun tərəfində olduğunu özlərinin bütün hərəkətləri ilə göstərir, hətta istehza ilə qarşı tərəfin nümayəndələri olan Rövşən Bayramovun və Ceyhun adlı şəxsin Alimin vəkilinin sualları qarşısında aciz qalıb tutarlı arqumentlərlə cavab verə bilməmələrinə istehza ilə gülümsünürdülər. Amma nə Rövşən Bayremov, nə də onun tərəf müqabili Ceyhun bəy bundan heç bir narahatçılıq hissi keçirməyib. Onların bu arxayınçılığı, özgüvənli davranışları Alimin atası Cənnət Cənnətovda şübhə oyatmışdır ki, yəqin Rövşən Bayramov məhkəmə çəkişməsinin öz xeyirlərinə həll olunmasını hakimlə qeyri-prosessaul sövdələşmələrində təmin edib. Odur ki, valideynlər Azər Hüseynovun sədrliyi ilə aparılmış hər iki prosesin qeydə alınmış video-görüntülərinin futbolda “war” sisteminin tətbiq olunduğu kimi mütləq şəkildə üzə çıxarılmasını və Ali Məhkəmədə incələnməsini istəyirlər və hesab edirlər ki, bu halda çəkişmənin ədalətli həllinə nail olmaq mümkündür.

Rəqsanə Cənnətova bildirir ki, Rövşən Bayramovun özü hələ araşdırma zamanı Alim Cənnətovun ərizəsində DSX-nin daxili təhlükəsizlik idarəsinin rəhbəri Namiq Cəlilovun ondan 7000 manat rüşvət tələb edib 1000 manatda dayanması, həmçinin Alimə qarşı təhqiramiz davranışları, təzyiq göstərərək izahat alması barədə ifadələrə rast gələndə, ərizəçidən və valideynlərindən bu xüsusatlara toxunmamağı xahiş etmişdir. Ancaq valideyn Cənnət Cənnətov yalnız oğlu Alim Cənnətov işinə bərpa olunacağı təqdirdə N.Cəlilovdan şikayət etməyəcəyini demişdir.

Cənnətovlar R.Bayramovun təmsil etdiyi qurumun mənafeyinə xidmət etməsini, hətta haqqı-ədaləti belə korporativ maraqlara qurban verməsini hardasa anlaşıqlı qəbul edirlər. Cənnət Cənnətov prosesin gedişində bir ara R.Bayramovdan hətta o qədər “səmimiyyət” duymuşdur ki, ondan yaşının 30-u çoxdan keçməsinə baxmayaraq niyə evlənmədiyini də soruşmuşdur. R.Bayramovun nə qədər maskalanmağı bacarsa da, məyuscasına başını yelləməyindən, üzündəki pərişan ifadədən “hansı günümə evlənim” sualını oxumuşdur. Cənnət Cənnətov sonradan o qənaətə gəlmişdir ki, doğrudan da R.Bayramov kimi işlədiyi qurumun zabitinin (bizim misalda N.Cəlilovun) gizirə (bizim misalda Alim Cənnətova) məhkəmədə uduzmaması üçün hər cür ədalətsizliyə getməyə və özünə nifrət qazanmağa razı olan bir şəxs elə təqaüdə çıxanadək ailə qurmasa yaxşıdır. Axı, ailə qurmaq həm də gələcəkdə valideyn olmaq, övlad yolunda çətinliklərə sinə gərmək, maneələri aşmağa hazır olmaq deməkdir. Heç cür ola bilməz ki, insan elə maneələrlə rastlaşanda özünün elədiyi ədalətsizliklər yadına düşməsin.

Cənnətovlar bildirirlər ki, Bakı Apellyasiya Məhkəməsinin hakimi Azər Hüseynovun sədrliyi ilə keçən apellyasiya məhkəməsinin qərarı tutarlı əsaslara deyil, yalnız ümumi, mücərrəd mülahizələrə söykənmiş və birinci instansiya məhkəməsinin ədalətli qərarı ləğv edilmişdir. Onlar Ali Məhkəmənin sədrinə həm məktubla, həm də KİV üzərindən müraciətlə xahiş edirlər ki, Ali Məhkəmədəki proses ədalət ilahəsi Femidanın tərəzisinə barmaq basan Azər Hüseynov kimisinə deyil, haqqı nahaqqa qurban verməyən peşəkar hüquqşünasa etibar edilsin. Valideynlər arxayındırlar ki, oğulları Alim hətta bu çəkişməni uduzsa da belə, daş daşıyan fəhlə işləsə belə, ömrünü N.Cəlilovdan, R.Bayramovdan, A.Hüseynovdan fərqli olaraq həm cəmiyyət içində, xalqın gözündə, həm də əlbəttə ki, mizan – tərəzisi düz olan Allahın nəzərində alnıaçıq, üzüağ yaşayacaq, ailəsinə, uşaqlarına haram tikə yedirtməyəcək, qarğış qabı olmayacaqdır.

Ali Məhkəmənin qərarından (tərəflərin hansının xeyrinə çıxarılacağındans asılı olmayaraq) sonra mövzuya qayıdacağıq.

Deryaz.az

Paytaxtın Yasamal rayonundakı bəzi küçə və məhəllələrdə yaşayan sakinlərin mətbuata etdiyi əsas şikayətləri son zamanlar zibilliklərin çoxalması ilə bağlıdır. Nabat Aşurbəyova küçəsinin sakinləri bir tərəfi park, digər tərəfi isə zibillik olan ərazidə antisanitariyanın hökm sürdüyünü bildirir, “Axşam tamam başqa cür mənzərə yaranır. Elə bil meşədən keçirsən. Daim küçə itləri buralarda olur,” – deyə şikayət edirlər. Yasamal rayonu ərazisində olan Qanlı gölün ətrafında zibilliyin yaratdığı mənzərəyə söz tapmaq olmur. Abbas Mirzə Şərifzadə küçəsində yaşayan sakinlərin əsas şikayəti isə məhəllərində olan zibil qablarının vaxtında daşınmaması səbəbindən küçənin zibillərin qoxusuna qərq olduğundan şikayətçidirlər.

Elektron media resurslarında Yasamal rayonundan olan bu tip şikayətlərə çox rast gəlinir və zibilliyə qərq olmuş küçələrin siyahısını uzatmaq da olar. Lakin bizim əsas məqsədimiz o deyil. Fikrimiz bu sahəyə birbaşa cavabdeh olan Yasamal rayon Mənzil Kommunal Təsərrüfatı Birliyinin fəaliyyətinə qısa bir nəzər salmaqdır.

Sözügedən təsərrüfat Birliyinin fəaliyyəti hələ 2006–2017-ci illərdə İbrahim Mehdiyevin Yasamal rayon İcra Hakimiyyətinə başçılıq etdiyi dövrlərdə də bərbad olub. Həmin dövrlərdə İbrahim Mehdiyevin Mənzil Kommunal Təsərrüfatı Birliyinə yerləşdirdiyi adamı vasitəsi ilə rayon əraisində qarış-qarış torpaq satdığı heç kimə sirr deyil. Onun paytaxtın“Sovetski” adlanan ərazisindəki Hacı Cavad məscidinin sökülməsi ilə bağlı işdən çıxarılmasından sonra rayona Əziz Əzizov başçılıq etməyə başladı. Əziz Əziovun da ilk işi Yasamal rayon Mənzil Kommunal Təsərrüfatı Birliyinə öz adamını yerləşdirmək oldu. Əziz Əzizovun dövründə də Yasamal Mənzil Kommunal Təsərrüfatı Birliyinin işi rayonunun abadlaşdırılmasından,təmizlik işlərindən daha çox “Sovetski”dəki söküntü işlərinə nəzarət etmək olmuşdu. Məlumatlara görə Əziz Əzizov “Sovetski”dəki tək söküntü işlərindən qısa zaman içində milyonlarla manat qazanmışdır.

Məlum olduğu kimi 2019-cu ilin noyabrından Yasamal rayon İcra Hakimiyyətinə Elşad Həsənov başçılıq edir. Sələflərindən fərqli olaraq Elşad Həsənov Yasamal rayon Mənzil Kommunal Təsərrüfatı Birliyinə öz adamını təyin edə bilməyib. Nə qədər qəribə olsa da, hazırda Bakı şəhər İçra Hakimiyyətinə tabeli Mənzil-Kommunal Təsərrüfatı Departamentinin Yasamal rayon Mənzil Kommunal Təsərrüfatı Birliyinə “Azərbaycan Dövlət Dəmir Yolları” Qapalı Səhmdar Cəmiyyətinin sədr müavini Zaman Novruzovun adamı, qohumu Ədalət Bağırov rəhbərlik edir.

Məlumat üçün qeyd edək ki, Ədalət Bağırov təqribən on il, “Azərsu” ASC-nin struktur vahidlərindən olan Magistral Su Kəmərləri İdarəsinin rəisi işləyib. Bu Oqtay Əsədovun “Azərsu”ya rəhbərlik etdiyi dövrlərdə olub. Onda Zaman Novruzov da həmin strukturda tikinti sahəsinə rəhbərlik edirdi. Qorxmaz Hüseynov “Azərsu” rəhbərliyinə gələndən bir müddət sonra Ədalət Bağırov həmin vəzifədən uzaqlaşdırılıb. Ancaq Ədalət Bağırov “fenomenal” bacarıqlarına görə Bakı – Tbilisi – Qars dəmiryol xəttinin çəkilişini reallaşdıran idarələrdən birinə rəis gedir və hətta həmin sahədə səmərəli xidmətlərinə görə 2017-ci ildə “Tərəqqi” medalı da alır. Zaman Novruzovun hələ də ADDY-də mühüm vəzifə tutmasına baxmayaraq, Ədalət Bağırov artıq iki ildir ki, Yasamal rayon Mənzil Kommunal Təsərrüfatı Birliyinin rəisi vəzifəsinə gətirilib. Burada onun ADDY-dən uzaqlaşdırılmasının səbəbi maraqlıdır. Nədən dəmir yollarından birdən-birə kommunal təsərrüfatı birliyinə? Bir müddət əvvəl Bakı – Tbilisi – Qars dəmiryol xəttinin çəkilişi zamanı külli miqdarda dövlət vəsaititnin təyinatından kənarlaşdırılması ilə bağlı dövrü mətbuatda məlumatlar yayılmışdı. Bəlkə Ədalət Bağırov məhz bu məsələyə görə ADDY-dən uzaqlaşdırılıb? Burada üstünə aydınlıq gətiriləsi məsələlər çoxdu.

Mətbuatın yazdığına görə Ədalət Bağırov son 20 ildə üç müxtəlif sahəyə rəhbərlik edib ki, bunların heç biri, bir-birilə uzlaşmır. Yəni, Ədalət Bağırov o qədərmi hərtərəfli biliyə malik, universal bir kadrdır? Əslində isə o, heç də universal kadr deyil. Demək olar ki, hazırda “Azərbaycan Dövlət Dəmir Yolları” Qapalı Səhmdar Cəmiyyətinin sədr müavini olan Zaman Novruzov harada olubsa, Ədalət Bağırov da orada olub. Yəni, hər yerdə Zaman Novruzova arxalanıb. İndi bu universal kadr Yasamal rayon Mənzil Kommunal Təsərrüfatı Birliyinə normal rəhbərlik edə bilmədiyi halda, daha böyük vəzifələrə can atır. İştahası da balaca deyil.

Məlum olduğu kimi, indi dövrü mətbuatın gündəmində”Azərbaycan Dövlət Dəmir Yolları” Qapalı Səhmdar Cəmiyyətinin hələ boş olan sədri vəzifəsinə namizədlərdir. Onların arasında sədr müavini Zaman Novruzovun da adı hallanır. Zaman Novruzov ADDY-nın sədri olacağı təqdirdə Ədalət Bağırovu nələr gözləyir? Yox, o ADDY-də sədr müavini və yaxud idarə rəisi olmaq istəmir. Redaksiyamıza verilən ilginc məlumatlara görə Ədalət Bağırov Bakı şəhər İçra Hakimiyitənə tabeli Mənzil-Kommunal Təsərrüfatı Departamentinin sədri olmaq istəyir. Yəni, hazırki sədri Rəfail Mehralıyevin yerinə göz dikib. O, Rəfail Mehralıyevin ki, Bakı şəhər İçra Hakimiyyətinin başçısı Eldar Əzizov onunla bacarmadı. Görəsən Zaman Novruzov “Azərbaycan Dövlət Dəmir Yolları” Qapalı Səhmdar Cəmiyyətinin sədri vəzifəsinə təyin olarsa, onu yerindən tərpədə biləcəkmi?

Hadisələrin sonrakı inkişafını izləmək üçün bizə qalır, durub gözləmək. Ədalət Bağırova isə ulduzunun parlaması üçün Zaman Novruzovun ADDY-yə sədr təyin olunması üçün dua etmək.

Aktualinfo.org

"Gənc Tamaşaçılar Teatrının direktoru müharibədə iştirak etsəm də mənə iş verməyib"
“Müharibədən qayıdandan sonra 4-5 ay psixologiyamı toparlamaq üçün çox əziyyətlər çəkdim. O dönəmdə də heç bir yerdə çalışmırdım. Nə öz sahəmdə, nə də digər sahələrdə. Yanvar ayından sonra qərara gəldim ki, öz sahəm üzrə fəaliyyətimi davam etdirim. Mənim ilk müraciət etmək istədiyim teatr Gənc Tamaşaçılar Teatrı oldu. Niyə görə?! Oranın kollektivində tanıdığım dostlarım var idi, onlarla birlikdə çalışmaq istəyirdim. Bu həm mənim psixologiyamın toparlanmağına kömək edəcəkdi, həm də öz işimlə, bitirdiyim ixtisasla məşğul olacaqdım”

TEREF.AZ xəbər verir ki, bunu Moderator.az-a aktyor, Qarabağ müharibəsi veteranı Cavidan Kəsəmənli deyib. O, daha sonra Gənc Tamaşaçılar Teatrına nə qədər müraciət etsə də, müraciətlərinin cavabsız qaldığını bildirib.

“Bu teatra ilk müraciətim təxminən yanvar ayının ortalarında oldu. Teatrın direktoru Naidə İsmayılzadənin nömrəsini tapmışdım, müraciət etdim. Dedilər ki, “hə, gəlin görüşək”. Siz təsəvvür edin ki, mən həmin teatra 4 dəfə gedib-gəldim. İndi sual verə bilərsiniz ki, müraciət bir dəfə olur, niyə 4 dəfə gedib-gəlmisiniz?! Mənə konkret tarix deyilmişdi ki, “filan vaxtda gələrsiniz”. Mən yola çıxmışam ki, gedim görüşüm, görüş vaxtına 5-10 dəqiqə qalmış mənə zəng edib deyirlər ki, “rəhbərimiz Naidə İsmayılzadə işdə deyil”. Daha sonra dedilər ki, “filan vaxt gəl”! O gün də görüşə 5-10 dəqiqə qalmış dedilər ki, “başqa vaxt gələrsiniz”. Bu vəziyyət daha sonra bir dəfə də təkrarlandı. Müharibə iştirakçısının görüşünə gəlməməyin özü böyük bir qəbahətdir. 4-cü dəfə nəhayət ki, direktor işdə idi. Oturub danışdıq. Dedi ki, “biz istərdik sizinlə əməkdaşlıq edək, təəssüflər olsun ki, bizdə yer yoxdur, ştatımızda yer olanda özümüz sizə müraciət edəcəyik”. Onlarla normal sağollaşdım, heç bir problem yaratmadım, hansı ki, mən burada haqlı tərəf idim. Üstündən bir az keçdi. Gənc Tamaşaçılar Teatrının işə iki aktyor qəbul etdiyini öyrəndim. Bu dəqiq məlumatdır. Hansı ki, mənə deyilmişdi ki, “hal-hazırda ştatda boş yer yoxdur, sizə teatrımızda aktyor kimi iş verə bilmərik”. Onların işə götürdüyü həmin oğlanlar nə təhsil səviyyəsi üzrə məndən üstündürlər, nə də istedad cəhətdən! İkisi də bakalavr bitirmiş, hərbi xidmətdən yayınmış aktyor dostlarımızdır. Gənc Tamaşaçılar Teatrının direktoru Naidə İsmayılzadə onları işə götürüb, məni bir bəhanə ilə geri göndərdi. Gənc Tamaşaçılar Teatrı mənim çox qəlbimi qırdı! Mən bilirəm ki, onlar istəsəydilər bunu edə bilərdilər. Mənim kifayət qədər o teatrda çalışmağa haqqım var axı! Niyə bəhanə edirsiniz?! Ən azından gedib Mədəniyyət Nazirliyinə müraciət edə bilərdiniz, yer olmasaydı belə bir nəfərlik ştat açıb, məni o ştata qəbul edə bilərdiniz! Əgər o müraciət olsaydı bilirəm ki, məni işlə təmin edəcəkdilər. Yerin olmamağı sadəcə olaraq bir bəhanə idi. Mən bilirəm ki, teatrlara Mədəniyyət Nazirliyi tərəfindən Qarabağ veteranları və qazilərinin işlə bağlı göstərişi var. Bu göstəriş verildiyi halda məni qapıdan göndərirlərsə, bu artıq vəzifədən sui-istifadədir. Bunun başqa bir açıqlaması yoxdur. Bir neçə yerə müraciət etsəm də mənim şikayətlərimə, müraciətlərimə baxılmadığına görə, onlardan heç bir müsbət cavab ala bilmədiyim üçün indi məcbur oldum ki, bunu mətbuatda işıqlandırım. Görünür ki, bəzi qurumları Qarabağ veteranlarının, qazilərinin problemləri maraqlandırmır. Mənim sənətə sevgim sonsuzdur, öz sənətimi sevirəm. Bu qədər tərs məqamlara, haqsızlıqlara, məni teatr mühitindən uzaqlaşdırmaq istəyən insanlara baxmayaraq mən hələ də sənətimdə var olmaq, nələrəsə nail olmaq istəyirəm. Ümumiyyətlə Azərbaycan incəsənətinə töhfə vermək istəyirəm. Amma təəssüflər olsun ki, bunların qarşısını alan, problem çıxaran insanlar var. Mənim tələbim odur ki, bu insanları mədəniyyət sahəsindən uzaqlaşdırsınlar. Və yaxud da hansısa tədbirlər görülsün, onlar işlərini obyektiv görsünlər. Nəzərə alsınlar ki, mən bu torpağın azadlığı uğrunda döyüşmüşəm. Ondan əlavə, mən kənar ixtisas üzrə özümə iş tələb etmirəm! Mədəniyyət və İncəsənət Universitetinin dram teatrı aktyoru fakültəsinin həm bakalavr, həm magistr pilləsini bitirmiş bir tələbə kimi haqqım olan teatrda işlə təmin olunmağıma dəstək olan insanlar yoxdur! Nəinki dəstək olmaq, hətta bunun qarşısını alan məlum şəxs var! Çox istərdim ki, bu məsələ aidiyyatı qurumlar tərəfindən araşdırılsın! Buna da kifayət qədər haqqımın olduğunu düşünürəm və sona qədər də mən bu tələbimi edəcəyəm. Çünki mənə qarşı çox ciddi haqsızlıq var və bunun hər hansısa bir nəticəsi olmalıdır. Dediyim hər bir sözümün də arxasındayam, çünki mən həqiqətləri sizə danışdım” deyə müsahibimiz bildirib.

Məsələ ilə bağlı qarşı tərəfin fikirlərini də işıqlandırmağa hazırıq!

Onu da qeyd edək ki, Cavidan Kəsəmənli böyük şairimiz Nüsrət Kəsəmənlinin nəvəsidir.

Bakı şəhəri Xəzər rayonu Binə qəsəbəsi Südçülük sovxozu ərazisində yaşayan bir qrup sakin “Kaspi” qəzetinin redaksiyasına müraciət edərək, şəxsi həyət evlərində rabitə əlaqəsinin, telefon xəttinin, internetin olmamasından şikayət ediblər. Sakinlərin iddialarına görə, bir neçə il bundan öncə məhəllələrdə rabitə xətti üçün dirəklər basdırılsa da, kabelləşmə işi həyata keçirilməyib.



Vətəndaşlar bununla bağlı Xəzər Rayon Telefon Qovşağına, “Azərpoçt” MMC-nin Mərdəkandakı müvafiq şöbəsinə, Rəqəmsal İnkişaf və Nəqliyyat Nazirliyinə, Xəzər Rayon İcra Hakimiyyətinə, Binə qəsəbə nümayəndəliyinə və Bələdiyyəyə ərizə ilə dəfələrlə müraciət etdiklərini, həmçinin şifahi şəkildə görüşüb problemi diqqətə çatdırdıqlarını söyləyiblər. Lakin illər keçsə də, Südçülük sovxozu ərazisində yaşayan sakinlərin qeyd olunan problemi həllini tapmayıb. Beləliklə də, internet əsri olan müasir dövrdə paytaxt Bakının inkişaf etmiş rayonunun bir qrup sakininin mənzili hələ də telefon xəttinə və internetə həsrət qalıb.



Südçülük sovxozu ərazisində yaşayan sakinlərin şikayətini araşdırmaq üçün ilk növbədə Xəzər rayon icra hakimiyyəti ilə əlaqə saxladıq. İcra hakimiyyəti başçısı aparatının İctimai-siyasi və humanitar məsələlər şöbəsinin məsul əməkdaşı müraciətimizin səbəbini öyrəndikdən, suallarımızı dinlədikdən sonra əlaqə telefon nömrəmizi qeyd etdi, söz verdi ki, hazırda ərazidə olan şöbə müdiri gələn kimi bizimlə mütləq danışacaq, suallarımızı cavablandıracaq. Lakin verilən vədlər elə vəd olaraq qaldı, bizimlə heç kim əlaqə yaratmadı.



Problemlə bağlı Rəqəmsal İnkişaf və Nəqliyyat Nazirliyinə ünvanladığımız sorğuya cavab olaraq bildirildi ki, qeyd olunan ərazi “Azeronline” MMC tərəfindən kabelləşdirilir. Nazirliyin rəsmi açıqlamasına görə, Xəzər rayonu Binə qəsəbəsi Südçülük sovxozu “Məxməri” çay evi ərazisinin kabelləşməsi 2022-ci ilin noyabr ayında yekunlaşacaq. Ümumilikdə isə Xəzər rayonu Binə qəsəbəsi Südçülük sovxozu ərazisi tam şəkildə 2023-cü ilin birinci yarısı kabelləşəcək.



“Azeronline” MMC ilə də əlaqə saxlayıb kabelləşmənin gecikməsinin səbəbini soruşduq. Qurumun Müştəri xidmətlərinin Müştərilərlə əlaqələr bölümünün rəhbəri Hilal Mehdiyev bildirdi ki, adıçəkilən ərazidə rabitə xəttinin çəkilməsi üçün, yəni kabelləşmə məqsədilə dirəklər 8-9 ay bundan öncə basdırılıb. Onun sözlərinə görə, ərazinin kabelləşməsi üçün layihələndirmə “Azeronline” MMC-yə, tikinti işinin həyata keçirilməsi isə podratçı şirkətə məxsusdur: “Biz layihələndirir, sifariş veririk, podratçı şirkət də əraziyə gedərək layihədə nəzərdə tutulanı tikir, qurur. Hazırda proses layihə və cədvəl üzrə, nəzərdə tutulmuş vaxt çərçivəsində davam etdirilir, heç bir gecikmə halı yoxdur. Sadəcə nəzərə almaq lazımdır ki, Südçülük sovxozu ərazisi böyükdür. Bu qədər ərazini ən qısa zamanda kabelləşdirmək, işi yekunlaşdırmaq qeyri-mümkündür. Daxili prosedur qaydalarına uyğun olaraq ərazi hissələrə bölünüb və hissə-hissə iş görülür. Podratçı şirkət bu qanunauyğunluqla tikinti aparır”.



H.Mehdiyev söylədi ki, əgər ərazidə dirəklər basdırılıbsa, kabelləşmə gedibsə, podratçı şirkət tərəfindən ən qısa zamanda iş sona çatdırılıb “Azeronline” MMC-yə təhvil veriləcək: “Bizim məqsədimiz vətəndaşları internetlə təmin etməkdir. Biz prosesin yubanmasında maraqlı tərəf deyilik. Çünki layihənin icrası strateji baxımdan insanları internetlə təmin etməkdirsə, digər tərəfdən bu, biznesdir. Vətəndaş internet xidmətindən yararlandıqca aylıq ödəniş edir. Belə olan halda biz hər hansı yubadılmada maraqlı ola bilmərik. Gecikdirmə istənilən biznesə böyük zərbədir. Amma bəzi reallıqlar var ki, bunu kimsə dana bilməz. Ola bilər ki, biz hansısa ərazidə kabelləşmə işi həyata keçiririk və paralel olaraq “X” qurum məhz həmin ərazidə digər bir iş görür. Misal üçün qazıntı, yol, su, qaz xətti çəkilişi və sair. Bax, bu zaman bizim xətlərlə o xətlərin toqquşması, azacıq da olsa, hər hansı qəza baş verməsi ehtimalı, riski yaranarsa, işlər müvəqqəti olaraq dayandırıla, layihədə müəyyən dəyişikliklər edilə bilər. Belə fors-major hallar istisna deyil. Tikinti işini əsassız şəkildə yubadan podratçı şirkətlə də biz təkrar əməkdaşlıq etmərik. Hazırda “Azeronline” MMC Azərbaycanın 20-dən artıq rayonunda 50-dən çox kəndə internet verir. Bu say hər keçən gün artmaqdadır”.

Gündəlik-Bakının “Məcid Əliyev Şəki və Zaqatala səhiyyəsini bazara çevirib” başlıqlı ötən yazısında Şəki Rayon Mərkəzi Xəstəxanasının ( RMX) Baş həkiminin qanunsuz əməllərindən bəhs etmişdik.
Qısa məlumat üçün qeyd edək ki, Şəki rayonunda iki korpusda rayon Mərkəzi Xəstəxanası (RMX), Doğum evi, Birləşmiş uşaq xəstəxanası, Psixatriya xəstəxanası, Ağ ciyər xəstəlikləri xəstəxanası, 7 poliklinika şöbə və poliklinika, 3 kənd sahə xəstəxanası, 15 kənd həkim məntəqəsi, Təcili yardım və s fəaliyyət göstərir. İndi gördünüzmü, Məcid Əliyevin tabeçiliyində böyük bir səhiyyə şəbəkəsi yerləşir. Məcid Əliyev 2010-2017-ci illərdə Şəki RMX-nin baş həkimi olduğu zaman yol verdiyi ciddi qanunsuzluqlara və külli miqdarda dövlət vəsaitini mənimsəməyə görə tutduğu vəzifədən kənarlaşdırılıb.
Məcid Əliyev Şəki RMX-nin baş həkimi olarkən Baş prokurorluq yanında Korupsiyaya qarş Mübarizə Baş İdarəsi tərəfindən aparılan yoxlamalar zamanı külli miqdarda yeyintilər aşkarlanıb. Məcid Əliyevin həbs olunması məsələsi gündəmdə olub. Lakin bunlara baxmayaraq Məcid Əliyev yüksək vəzifəli məmurun vasitəsilə nəinki, vəziyyətdən çıxa bilib, hətta Zaqatalada xəstəxanaya direktor vəzifəsinə də təyinat alıb.
Sonra isə Zaqatalada Mərkəzi xəstəxananın baş həkimi olub. Onun bu vəzifəyə təyin edilməsində TƏBİB-in rəhbəri Vüqar Qurbanovun da rolu olub. Görəsən az qala həbs olunmaq təhlükəsi ilə üz-üzə qalan Məcid Əliyev necə oldu ki, Zaqatala Mərkəzi Xəstəxanasına baş həkim təyin edildi..? Beləliklə Məcid Əliyev Şəkidəki əməllərini Zaqatalada davam etdirməyə başlayıb. Bəli, Məcid Əliyev Zaqatalada baş həkim kimi çalışarkən, rayonda “ölü canların” maaşını yeyən, korrupsioner birisi kimi tanınıb. Rayon ziyalıları mediaya müraciətində qeyd edirlər ki, bu gün elə bir tibb işçisi yoxdur ki, Məcid Əliyevə rüşvət vermək üçün Kapital Banka müraciət etməsin. Əgər doğrudan da kimlərsə bu məsələni yoxlamaq istəyirsə, buyurun yoxlayın. Məcid Əliyev rayona baş həkim gəldiyi gündən neçə nəfər tibb işçisi bankdan nə qədər kredit götürüb, miqdar isə onun tələb etdiyi qədərdir. Bu rəqəm 3000 – 5000 azn arasıdır. Bu hələ harasıdır..?
Məcid Əliyev elektrik generatotu almaq, hətta tualet kağızı, tibbi əlcək almaq üçün həkimlərdən pul yığır. Bəs görəsən dövlətin ayırdığı külli miqdarda vəsait kimlərin cibinə gedir..? Bütün bunlar ortada ola-ola Məcid Əliyev bir müddət əvvəl yenidən Şəkiyə qayıdıb.
Bəli, TƏBİB İdarə Heyəti sədrinin vəzifəsini icra edən Vüqar Qurbanovun əmri ilə Məcid Əliyev Şəki rayon Mərkəzi Xəstəxanasına direktor təyin edilib. Bəli, bu gün Şəkidəki xəstəxanaların işləməyən, ancaq adı olan texniki personalı öz maaşlarını baş həkimlə bölürlər. Məcid Əliyev bir çox kənd sahə xəstəxanalarına və həkim məntəqələrinə öz yaxın adamlarını rəhbər təyin etməklə, onların əli ilə ayrılan vəsaitlərin silinməsinə və bir çox şəxslərin adlarının həmin tibb ocaqlarında getməsinə şərait yaradır. Məcid Əliyev Şəkidə doğuşun, cərrahi əməliyyatların bahalı qiymətini müəyyən edib. Qeysəriyyə üsulu ilə doğmaq 600 manatdır. Deyilənə görə, Məcid Əliyev tibbi stansiyaların müdirlərindən hər ay 1500 alır.
Təsəvvür edirsinizmi, Məcid Əliyev tibbi məntəqələrə lazım olandan çox sanitar-xadimələr götürür və onların da maaşına şərikdir. İndi isə oxucularımıza və TƏBİB-in rəhbərliyinə Məcid Əliyevlə bağlı redaksiyamıza daxil olan yeni məlumatları təqdim edirik.
Daxil olan məlumatlara görə, Məcid doktorun qudası, Dəhnə klanının böyüyü, Moskvada tanınmış mafiya babası, Lotu Qulinin sağ əli kimi tanınan Elçindir.
Bəli, guya humanist həkim peşəsinin sahibi olan Məcid Əliyev adamlara mafiya babası Elçinin adı ilə hədə-qorxu gəlir. Məcid Əliyevin dostlarından biri də Şəkidə Qanköçürmənin sabiq müdiridir. Bu adam qan satdığına görə, vəzifəsindən uzaqlaşdırılıb. Və hazırda qiymətli ağacları kəsərək “ağac kömürü” biznesi ilə məşğul olur. Məcid Əliyev hazırda Qorxmaz adlı şəxsi Ümumi şöbəyə müdir təyin etmək üçün onun sənədlərini TƏBİB-ə göndərib. Ancaq Qorxmaz savadsız olduğu üçün imtahan verə bilmir.
Şəki səhiyyəsində kadr təyinatı məsələsində 113-də işləyən Arzu həkimin də rolu böyükdür. Onun da Məcid doktora təsir imkanları az deyil. Onun da sənədləri baş həkim təyin edilmək üçün TƏBİB-ə göndərilib. Məcid doktorun sürücüsü İlkin də özünə çox yaxın olan xanımı Arxiv şöbəsinə müdir təyin etdirib.
Onu da qeyd edək ki, Mərkəzi Xəstəxanada bir Göynük şəbəkəsi var. Belə ki, Ümumi şöbənin müdiri Göynüklü, müavini Göynüklü, oğlu da Təcili Yardımda işləyir. Baş həkimin müavini Vüqar isə Regional Maliyyə İdarəsinin sabiq müdiri çox hörmətli Həsən müəllimin qaynıdır. Bizim Həsən müəllimlə heç bir işimiz yoxdur, çünki o...
İndi isə keçək Məcid doktorun oğlunun macəralarına. İçki düşkünü olan, oğul 2 gündən bir avtomobilini içkili idarə etdiyi üçün QAİ-yə düşür və...sonda MTN-də çalışdığı vəzifəsindən uzaqlaşdırılıb. Məcid doktorun oğlu atasının pullarını otaqda səpələyərək fotosessiya göstərib və sosial şəbəkədə paylaşıb. Və nəticədə vəzifəsini itirib.
Yeri gəlmişkən, doktorun oğlu Dəhnə mafiyasının başçısı Elçinin kürəkənidir. Məcid Əliyevin bir qohumu Elnarə də Ailə Sağlamlıq Mərkəzində baş tibb bacısıdır. O isə ölülərə sağlamlıq kağızı verdiyi üçün onun barəsində prokurorluq cinayət işi açıb. Və əvvəlki baş həkimin vaxtında vəzifəsindən uzaqlaşdırılıb. Sonradan Məcid Əliyevin köməkliyi ilə məhkəmə yolu ilə işinə bərpa olunub. Məcid Əliyevin biznes şəbəkəsinə, obyektlərinə gəldikdə isə, onun Londonda evləri, Şəkidə “moyka”ları, inkubator fabriki və daha nələri... İşçilərə isə deyir ki, gətirin işdə saxlayaq...
Bir sözlə, Məcid Əliyev Şəkidə əməlli-başlı səhiyyə bazarı açıb.
gundelikbaki.com

Xatirə Quliyeva
Fəlsəfə elmləri doktoru

PROBLEM EVİMDƏN İDİSƏ EVİMDƏN NECƏ PAYLAŞIRAM BU YAZINI?!

Əvvəlcə Sizə, özüm haqqında deyim: Aliməm! Elmlər doktoruyam. 37 ildir xalqın elminin inkişafına xidmət edirəm. Başda Azərbaycan xalqının ümummilli lideri Heydər Əliyevə həsr olunmuş 2 monoqrafiya olmaqla 7 tədqiqatt əsərinin, yenə , Ulu öndər Heydər Əliyevə həsr olunmuş elmi məqalələrimdən ibarət 1 Toplu olmaqla 5 elmi kitabın, ümumilikdə 20 kitab və 200-dən çox elmi məqalənin müəllifiyəm. Azərbaycan alimləri arasında xaricdə - ABŞ, ÇİN, Avropa ölkələri, Pakistan və digər ölkələrdə ən çox çap olunan alimlərdən biriyəm.
Bundan başqa ABŞ, Türkiyənin elmi jurnal rerdaksiyası üzvü, həmçinin “Cahanplus.com” (“Cahan.tv” saytını yaratmışam və Cahan.tv internet televiziyasını qurmaqdayam) saytının rəhbəriyəm. Bu sadalananlar əminəm ki, Sizə sözsüz olaraq mənim üçün internetin nə qədər mühüm olduğunu aydın ifadə edir.
İndisə, Sizə ondəfələrlə etdiyim Şikayətlərin media təsvirinə keçirəm. Belə ki, Sizə neçə illərdir hörmətli “həci” titulundan istifadə edən, əslində isə, “həci xasiyyətində”- ədalətli, dürüst olmayan, dövlət rəhbərimizin çox gözəl təbiricə bəzi “quldur” məmurlardan fərqlənməyən, hətta onları dalda qoyan” Maştağa ATS –nin rəisi Mübariz adlı şəxsdən şikayət edirəm. Amma səbəbi məntiqlə bu gün həbsxanaları doldurmuş məmurların iş prinsipi olan, ancaq faktiki “nəyə görəsə” qorunan bu həci rəisinizdən mənim tutarlı faktlarla olan Şikayətlərim saya salınmır! Bəs Prezidentimiz kimə deyir ki, vətəndaşların şikayətini diqqətə alın, bəs Prezidentimiz təsadüfi deyir ki, “təəssüf ki, təyin etdiyimiz bəzi məmurlar etimadı doğrultmurlar”?!
Yoxsa Prezident bunları Sizlərin ecazkar kreslolarınıza oturan kimi yaranan potoloji unutqanlığınızdan, laqeydliyinizdən əziyyət çəkən Xalqa toxtalıq üçün deyir?! Hər halda vəziyyət göz qabağındadır. Minlərlə şikayətçinin olması məmur biganəliyinin nişanəsidir. Ona görə də mən çox-çox mühüm əhəmiyyətli (məsələn, beynəlxalq elmi nəşrlər üçün ölkəmizin bugünki, haqq mübarizəsindən 1-2 tutarlı məqalə yazardım!..) işlərimi bir kənara qoyub media üzərindən Sizə müraciət edirəm.
Nədir mənim problemim?!

Sizin səlahiyyətlər verdiyiniz BTRİB-in, Sabunçu rayon ATS qovşağının yüksək vəzifəli məmurlarının “həci ”, “həci ” – deyib, Maştağa ATS –nin rəisi Mübariz Vəliyevin mənim Halal haqqımın taptalamasına imkan vermələridir mənim problemim! Hələ ola da bilər ki, Sizin o yüksək vəzifəlilər Prezidenti “xalqın xidmətçisi olan” ölkənin bu “həci ağa, xan, şah, padşahla” çox “qaranlıq maraqlarda” ortaqdılar həmin yüksək vəzifələrdə milyonçu olan məmurlarınız! İllər öncə kütləvi həbs olunan rabitə işçilərinin milyonçuluğuna o qədər təəccüblənmişdik ki!.. İndi belə “həci rəislər”-in varlığında, dalğasında da “o qasırğaların təkrarı çox təbii və gözləniləndi!.. Ot kökü üstündə bitir” axı...
Yoxsa bu qədər haqlı şikayətə, bu qədər əsaslı faktlara bir reaksiya verib, “həci”-yə “gözünün üstündə qaşın var, deyənlər”-olmalıydı axı!..
Cənab Rəşad Nəbiyev, bu müraciətlə diqqətinizə çatdırıram ki, adıma olan 0124553339 telefonu mənim və yaxın ailə üzvlərimin bağ evinə aiddir. Bu telefon və ona qoşulu internet üçün 12 ay pul ödəyib yalnız pandemiyadan əvvəl xaricə, rayonlarımıza getdiyimiz günləri çıxmaqla təxminən 1 ay istifadə edirik. Lakin hər yay bağımıza köçdükdən sonra 1 həftə, 10 gün dəhşət əsəbiliklə telefon və internet xəttimizi bərpa edirik. Niyə?! Maştağa ATS-in rəisi, - “həci” bizim bu ödənişini etdiyimiz xidməti böyük ehtimallarla başqasına verir. Dəfələrlə telefon zəng çalıb, eyni adamları soruşublar. Telefon hər dəfə mənim şikayətlərimdən sonra “düzəlib. Eləcə də ”İnternet mənim “mübarizələrimdən” sonra zəif də olsa verilib.
Rəhbərlik etdiyiniz nazirliyə 10 dəfələrlə etdiyim şikayətlərdən sonra keçən il 7 nəfərdən ibarət komisiya gəldi. Dedilər, “ATS-dən qapınıza qədər diqqətlə yoxlamışıq, son olaraq gəlib evdən nizamlayırıq və 1 daha problem yaşamayacaqsız”! Gəldlilər, Maştağa ATS-in “həci” tituluna qəti layiq olmayan saxtakar rəisi də gəlmişdi. Onu xeyli danladılar, ona xüsusi tapşırıqlarını verdilər, getdilər. Həmin yay bağda olduğumuz müddətdə telefon da, internet də çox yaxşı işlədi.
Bu yay köçdük bağa. Yenə internet işləmir!.. Həqiqətən 10 dəfələrlə Sizin rəhbərlik etdiyiniz nazirliyə şikayət etdim. YENƏ eyni ssenari… “Həci” ağa, şah, padşah rəis hökm etdi ki, bayırda hər yeri dəqiq yoxlamışış, problem yalnız evinizdədir. Nazirlik, “həcini” göz bəbəyi kimi qoruyan BİTRİB səlahiyyətliləri mənə zəng edib bildirdilər ki, problemin həll olunmağını istəyirsizsə, ATS montyorlarını evə buraxmalısız. Problemin evimdən olmadığını dəqiq bildiyim halda məcbur olub gələn montyoru evə buraxdım. Cavan rəhmətə getmiş 1 müəllimə qadının oğlu Əli gəldi. Evimə girən dəqiqədə “həci” ona zəng etdi. Dediyi bu cümləni nəinki “həci”, heç mənəviyyatı olan alkoqolik də deməz: “Aldat başını Akta qol çəkdir!”… Əlinin yanında dayandığım üçün bu sözləri öz qulaqlarımla eşitdim. Təbii, mən də “həci”-nin eşidəcəyi səslə “ mən başı aldadılanlardan deyiləm”- dedim.
… Əli modemə yaxınlaşdı, çox gülməli tərzdə “arxasında çıqqılı knopka var aa, ondandı, düzəltdim, baxın indi işləyəcək”-dedi və internetin işlədiyini sübut etmək üçün mənim yataq otaımda olan notbooka baxmağa gəldikdə, mən pəncərəmdən Əli ilə birlikdə gəlmiş montyorlardan birinin qonşunun həyətində olan şalbana çıxıb nə isə etdiyini gördüm. Əliyə də göstərdim. Hətta şəklini də çəkdim. Sizə şikayətlərimdən birində bu şəkli də göndərmişəm. BURADACA SİZ HÖRMƏTLİ NAZİRƏ “HƏCİ” TİTULLU SAXTAKAR RƏİSİNİZİN NAZİRLİYƏ, BİTRİB-ə dediyi yalanı XATIRLADIRAM : PROBLEM EVİNDƏDİR, QOYMUR, EVƏ GİRƏK! BƏS PROBLEM YALNIZ EVİMDƏ İDİ?! BƏS Evimə kimi HƏR QARIŞ YOXLANMIŞDI?! NƏ OLDU, BƏS İŞÇİSİ ŞALBANA NİYƏ ÇIXMIŞDI?!
Deməli, mənim mənzilimdən deyildi internetin işləməməsi. “Həci”-nin bildiyi məsələ idi. Mənim küçəyə çıxıb, şalbandakı montyoru “aşağı düşürməyim” “Həci”-nin bildiyi işi yarımçıq qoydu. Yəni, şalbandakı düşdü, internet düzəlmədi. Əlinin adoptorun arxasıbdakı çıqqılı knopka fırıldağı bununla fiaskoya uğradı. Bundan sona Əli “həci”-yə olanları məlumat verdi və “Həci” hökm etdi ki, bu “işin” ustasını göndərmişəm, buraxsın evə, o sübut edəcək və əsas məsələ, - internet işləyəcək.
Yenə məcbur olub üzündən xalis narkomana oxşayan, qəti məmur görkəmində olmayan bir kişini işçini buraxdım evə. Ona, mən də, Əli də mənim yataq-iş otağımda olan notbooku götürüb modemin olduğu digər otağa keçməsini bildirsək də, bu ümumi görkəmindən heç normal təəssürat oyatmayan şəxs Əliyə “mən məzuniyyətdəyəm, vaxtım yoxdur”- deyib, sürətlə çarpayımın üstündə olan notbooka baxmaq üçün çarpayımın önündə oturdu. Nə qədər sərt tələb etsəm də o yataq otağımdan çıxmadan notbookuma baxdı. Guya çox savadlı imiş kimi əvvəl notbookumun FORMATLANMASININ, sonra internetin işləməsi üçün notbookun şunurunun olmasının vacib olduğunu bildirdi (bəhanə gətirdi). Mən ona “bu günə kimi şunursuz işləyirdi, bağa gəldi, şunursuz işləmədi?” – deyib, onlara mənim internet problemimin evimdən deyil, “həci”-nin şalbana montyoru çıxarması səbəbindən olduğunu dönə-dönə bildirdim və evimi tərk etmələrini tələb etdim.
Onlar küçədə “həci” rəisə nə dedilər, bilmirəm. Birdən təkrar qeyd edirəm ki, görkəmcə sözün hərfi mənasında qətiyyən hökumət məmuruna oxşamayan və məzuniyyətdə olduğu halda xidmətə göndərildiyindən narazılığəını gizlətməyəmn şəxs sürətlə mənim telefon xəttimin evimə daxil olduğu yerə qaçdı. Fikrimcə, problemin nə olur-olsun mənim boynuma qalması üçün qırmaq istəyirdi. Görünür “həci” əmr etmişdi. Mən ondan divarımdan kənarlaşmasını tələb etdim. Geri qayıtdı. Bu vaxt şalbana çıxmış montyor da bizə yaxınlaşdı. Onlar – Əli, şunur olmasa internet işləməyəcək deyən, “hacı” –nın sağ əli və heç normal adam təəsüratı yaratmayan işçi və şalbana çıxmış işçi mənə acizanə surətdə, - “biz qara fəhlələrik. Bizə rəis nə əmr edir, yerinə yetiririk. Tapşırığı yerinə yetirməyək, işsiz qalaq?! “- dedilər . Yeri gəlmişkən, dünən öyrəndim ki, “həci” şalbana çıxardığı, deməli, sirri bilən işçini Ramanaya keçirtdirib…
Doğurdan da "dəvədən böyük fillər" bu “həci” saxtakar, işini yarıtmaz rəisi “nəyə görəsə” yaxud “kimə görəsə” 80-90 min əhalisi olan Maştağa qəsəbəsinə vəzifəyə qoyub, qoruyurlarsa bu “qara fəhlələr”-in nə günahı var, onlar neyləyə bilərlər?! Baxın, şalbana çıxartdırdığını uzaqlaşdırdı…

Hörmətli nazir, cənab Rəşad Nəbiyev! Bu “qara fəhlələr” sözlərini deyib getdilər. … Mən əsəbiliklə “vörddə” yazı yazıram, təxminən 17 radələrində internet açıldı. BƏS “HƏCİ” PADŞAHIN ƏSABƏLƏRİ, HƏLƏ ÖZÜ (VOTSAPDA YAZIB MƏNƏ!) DEYİRDİ Kİ, ŞUNUR OLMADIĞI ÜÇÜN İNTERNET İŞLƏMİR!.. NƏ OLDU, BƏS ŞUNURSUZ NECƏ İŞLƏDİ?! Mən deməmiş də peşəkarlar anlayar, yaxud “həci” –nin şalbana çıxardığı “qara qul” bilər, necə oldu işlədi… Üstəlik BƏS “HƏCİ” PADŞAH deyirdi MƏNZİLDƏNDİ?! “HƏCİ” leksionunda deyim, “and olsun o müqəddəs məqama ki, mənim mənzilimdən deyildi, ikincisi, mənim interneti notbook-kompyuter üzərində düzəltmək bacarığım yoxdur və Allah lənət eləsin, internet xəttimi kiməsə satana, Allah lənət eləsin “hacı” kimi hörmətli – nüfuzlu titulu ilə belə saxtakarlıq edənlərə!”.
Hörmətli nazir, mən iunternetim işləyəndən dərhal sonra notbookun şunursuz vəziyyətdə işlədiyini sübut edən şəkilləri çəkib rəhbərlik etdiyiniz nazirliyə göndərdim. ANCAQ görünür “həci”-nin daşdan keçən “hörmət” vasitələri haqlı vətəndaşdan, 12 ay pulunu ödədiyi ancaq maksimum 2 ay istifadə edə bilməyən abunəçidən, nəhayət xalqın alimindən daha dəyərli oldu ki, ona bu sübutlarla lazımı cəzanı vermədilər!

Hörmətli nazir, cənab Rəşad Nəbiyev! Bu hadisə yayın əvvəlində oldu. İyil ayının 4-ü, 7 –si tarixlərində. O vaxtdan Sentyabr ayının 14-ünə, axşam saat 20-yə kimi internet normal işlədi.
Böyük ehtimallarla “həci” artıq məzuniyyət dövrünün bitdiyini, mənim də işə çıxacağımı düşünərək şalbana 1 “qara fəhləsini” çıxardıb, internetimi bağlatdırdı… Mən gərək axı bu “həci” padşaha ona ciddi bir məsələ ilə bsğlı şəhərdəki mənzilimi kirayə verib bağda daimi ysşamağa qərar verdiyimi bildirəydim… Xülasə, ATS-dən tanıdığım montyor Əliyə zəng edib yenə internetimin kəsildiyini deyib, kömək istədim. İş vaxtı deyildi və telefondan məclis səsləri gəlirdi. Hiss olunurdu ki, bu “qara qul” məşğuldu. Amma buna baxmayaraq mənə ATS-in əlaqədar şöbəsinin telefonunu göndərdi 0124552199. Ev telefonundan Zəng etdim, cavab verən “səhv düşdüyümü” bildirdi. Təkrar Əliyə zəng edib, dəqiqləşdirdim. Səhv deyildi nömrə. Bu dəfə əl telefonumdan yığdım və eyni səs cavab verib, ATS OLDUĞUNU, İNTERNETƏ cavabdeh olmadığını, 155 çağrı mərkəzinə zəng etməli olduğumu söylədi. 155-i yığdım. Növbədə 9-cu adam oldum. Xeyli sakitləşdirici milli melodiyanı dinlədikdən sonra həqiqətən çox mədəni, mehriban səsli bir qız özünü təqdim etdi: Aysel. Ona vəziyyəti nəql etdim. Diqqətlə qulaq asdı və çox ciddi səslə, “Sizə qulaq asdıqca baxırdım. Sizin modem normal işləyir. Mən Sizin şikayətinizi qeydə aldım”- dedi. Bundan sonra tam arxayın oldum ki, “hacı rəisin” işidir və rəhbərlik etdiyiniz nazirliyə şikayət ünvanladım.

Hörmətli nazir, cənab Rəşad Nəbiyev! Qeyd etdiyim kimi 14 sentyabrda birdən-birə dayandı internetim. Bu qeydi xüsusi olaraq vurğulayıram. Çünki, məlumunuz olduğu kimi 15 sentyabrda MİDA-nın mənzil satışı günü idi. Mən evə ehtiyacı olan vətəndaş kimi illərdir çoxlarının qəti inanmadığı bu “yarışmaya” ALLAHA TƏVƏKKÜL qatılıram. İndi 14 sentyabr, son “sınaq” və 15 sentyabr SATIŞ günü mənim internetimin işləməməsinin İkinci qrup əlil, şəkər xəstəsi bir yaşlı adam üçün nə demək olduğunu xahiş edirəm ki, bir anlıq təsəvvür edin!.. Səhərə qədər əsəbi oldum! Bəlkə, 1-2 saat yata bildim.
Səhər notbookumu götürüb bağın yerləşdiyi ərazidən keçən M8 avtobusunun birinci reysi ilə ilk dərs günü olduğu üçün dəhşət sıxlıq, basa-bas vəziyyətdə şəhərə gəldim. Avtobusda sərnişinlər danışarkən eşitdim ki, “dünəndən Tik-Tok və s. şəbəkələr” bağlanıb. Elmlər Akademiyasında gəldiyim evdə təbii ilk işim, notbooku açıb internetin olub-olmadığını yoxlamaq oldu. Hətta notbook açılana kimi ev telefonundan 155-ə də zəng vurdum (xoşbəxtlikdən növbəm 1-ci oldu) soruşdum. “Heç bir problem yoxdu”- cavabını aldıqda həyəcandan, yuxusuzluqdan halım elə pisləşdi ki, evdəkilər təcili yardım çağırdılar. Həkimin müayinəsinin nəticələri məndə yazılı qalır… 2 elementar nəticəni diqqətinizə çatdırım ki, daimi yüksək şəkərli adamın şəkəri 86 idi… Qan təzyiqim də həmişə olduğundan yüksək – 170!.. Mənə sakitləşdirici iynələr vuruldu. Yaşasın Sizin “Həci” rəis!.. Yaşasın vətəndaşı belə ölüm həddinə gətirib çıxarana arxa-dayaq olan məmurlarınız!
Bu halımda MİDA-nın Satış sisteminə qoşuldum. Düzü mən e-gov.az sistemi ilə qoşuldum və ev seçdim də… Amma təsdiqləmə yazısını hey axtardım, tapılmadı. Seçdiyim mənzilin və ümumilikdə bütün prosesin səhifələrinin şəklini çəkdim. Əlaqədar bir neçə adama yazdım, göndərdim. 1-indən aldığım cavab məni təəccübləndirmədi: Yasamal Yaşayış Massivi səhifəsində əməliyyat aparmısız!.. Əlbəttə səhhəti belə kritik olan adam bundan da artıq səhv edər… Xoşbəxtlikdən axşam xəbərlərdən öyrəndim ki, MİDA-da Satış təxirə salınıb.
Onu da xüsusi olaraq diqqətinizə çatdırıram ki, mən mənə maraqlı olan və son dərəcə gərgin bu işi işləyərkən saat 10.09-da 0555727101 telefonundan Maştağa ATS-inin əməkdaşı olduğunu bildirən (adı Vüsal, soyadı Mütəllimzadədir) bir şəxs zəng edib, İNTERNETİMİ düzəltmək üçün EVİMƏ gəlməli olduğunu dedi. Bu adama problemin evimdə olmadığını, dünən 155 çağrı mərkəzinin əməkdaşının da bunu bildirdiyini, həmçinin daimi olaraq modemin üzərində sol tərəfdə yanan 4, sağ tərəfdə yanan 1 İŞIQ-ın problemin evimdə olmadığını təsdiqlədiyini dedim. Əvvəl MƏNZİLİMƏ GƏLMƏYİ TƏKİD ETDİ! ƏSƏBİ HALIMDA ONA QƏLƏT EDİRSİZ, - DEDİM. İndi normal halımda da deyirəm: HEÇ KƏSİN KİMİNSƏ MÜLKİYYƏTİNƏ ONUN ÇAĞIRIŞI OLMADAN GƏLMƏYƏ, GİRMƏYƏ İXTİRA YOXDUR! XÜSUSİ SANKSİYA OLMADAN BAŞ PROKURORUN BELƏ MÜLKİYYƏT SAHİBİNİ NARAHAT ETMƏYƏ HÜQUQU YOXDUR! 0555727101 telefonunun sahibi MƏNİM bu sərt cavabımdan sonra məni açıq surətdə ŞANTAJ və TƏHDİD etməyə başladı: “PROBLEM ÖZ EVİNİZDƏDİR! BİZİ TƏHQİR EDİRSİZ! ATK TƏRTİB EDİB, POLİSƏ VERƏCƏYİK SİZİ! Ona “əllərindən gələni beş qaba çəkməyi” tövsiyyə etdim, bu öz yerində. Həmçinin ona onlardan məhkəməyə şikayət edəcəyimi dedim.
Onunla danışdığımdan 6-7 saat sonra isə yığışıb gəldim qaldığım bağ evinə. Dəqiq, 18.12-də notbookumu açdım, BUDUR! İNTERNET İŞLƏYİR!!! BƏS EVİMDƏN İDİ?! PROBLEM EVİMDƏN İDİSƏ, NƏ OLDU, NECƏ OLDU, MƏN EVDƏ OLMADAN, O “HƏCİ” RƏİSİN AĞZI İLƏ MƏNİ TƏHDİD EDƏN MONTYOR EVİMƏ GİRMƏDƏN DÜZƏLDİ ?! BAXIN iyul ayında da beləcə “həcinin” montyorları (həmçinin ÖZÜ!) şunur yoxdu, ona görə İNTERNET İŞLƏMƏYƏCƏK – DEDİKLƏRİ HALDA AXŞAM İŞLƏMİŞDİ… İndi də mən heç evdə olmadığım halda işlədi…
Hörmətli nazir!.. Mən bilirəm, “müxənnətdən bəhanə əskik olmaz!” – “həci” rəisiniz deyə bilər ki, “hökumət bağlayıb, internet zəif olub”… Belə halda EVİMƏ NİYƏ MONTYOR GÖNDƏRİRDİ?! NƏ HAQLA MONTYOR EVİMƏ GƏLMƏYİ TƏKİD EDİRDİ, SONRA DA MƏNİ TƏHDİD EDİRDİ?! İkincisi, mənim rəsmi çağırışım olmadan niyə EVİMƏ GƏLMƏYƏ təkid edirlər?! Mən şəhərdə idim. Yəqin ki, ev telefonuma dəfələrlə zəng vurublar gəlmək üçün.
… BİTRİB – lə əlbirdirlər!. Evdə olsaydıb, İyul ayındakı kimi BİTRİB zəng edəcəkdi ki, YOLLAR YOXLANILIB, YALNIZ EVİNİZDƏDİR, NİYƏ BURAXMIRSIZ, MƏN DƏ MƏCBUR OLUB, BURAXACAQDIM EVİMƏ, GƏLİB YATAĞIMIN QARŞISINDA OTURUB SAVADSIZLIQLARINI SƏRGİLƏYƏCƏKDİLƏR! “Həci” Əliyə verdiyi “ALDAT BAŞINI AKT-a QOL ÇƏKDİR”- TAPŞIRIĞINI verəcəkdi, bu MƏNİ HƏDƏLƏYƏN DƏ ALLAH BİLƏ, NƏ ÜSULLA MƏNƏ AKT-I imzaladacaqdı!.. Titulu cəlbedici, üzdən “çayın lal axanı” Maştağa ATS-nin rəisi Mübariz Rafiq oğlu Vəliyevin budur İŞ ÜSULU! Neçə illərdir mən 12 ay telefon, internet pulu ödəyib 2 ay belə normal faydalana bilmirəm! O MƏNƏ MADDİ VƏ MƏNƏVİ ZİYAN vurur! Amma nazirliyinizdə, BİTRİBdə onu qoruyurlar! Demək ki, o, çox məmurları türməyə aparmış, aparan “sehirli” açara malikdir və Telefon-Rabitə səlahiyyətlilərinin ürəyinə gözəl yol tapıb!..
Təkrar edirəm: Qələt edib evimə çağırışım olmadan gəlirlər! Qələt edib evimə görkəmindən qətiyyən məmura oxşamayan, əksinə narkomana oxşayan, vətəndaşın tələbinə zidd gedib, yatağının qarşısında outran mədəniyyətsiz, ədəbsiz, üstəlik savadsız, səviyyəsiz adamı göndərirlər! Qələt edib, məni POLİSLƏ hədələyirlər! Qələt edib məni TƏHDİD edirlər! TƏKİD etmirdilər ki, evimdəndi? Bəs mən evdə olmadan, onlar evimə gəlmədən necə işlədi intetrnetim?! CAVAB VERSİNLƏR!

Hörmətli nazir!.. Unudulmasın bu hadisələr 21-ci əsrin 20-ci illəri kimi elektron inkişafın ən yüksək mərhələsində, paytaxtın 20-30 km.liyində baş verir. Unudulmasın ki, alimə qarşı bunlatr baş verərsə, gör sadə vətəndaşlarla necə davranılır?! Bütün sahələrdə gəncləşmə prosesi gedir. Doğrudanmı Rəqəmsal İbkişaf və Nəqliyyat nazirliyinin insan – kadr resursları gəncləri əhatə etmir?! Doğrudanmı bu adından modernlik ucalan qurumda “həci”-lik gəncləşmə, səviyyə tələblərindən üstündür. Yəni doğurdan layiqli gənc kadrlarınız yoxdur?! Amma neçə universitet bititrmiş yüksək ixtisaslı, intellektual səviyyəli, yüksək peşəkarlığa malik gənclərimiz işsizlikdən şikayət edirlər!

Bütün bunları yazaraq Sizdən xahiş edirəm, MÜRACİƏTİMİ nəzərə alıb, Maştağa ATS-nin rəisi Mübariz Vəliyev, məni dünən TƏHDİD EDƏN. POLİSLƏ HƏDƏLƏYƏN VÜSAL MÜTƏLLİMZADƏ, mənim haqlı şikayətlərimi saymayan və bu qaraguruhu ciddi-səhdlə müdafiə edən əməkdaşlarınız barədə ölçü götürəsiz! Onlar cəzalanmalıdırlar!..Nəzərə alınsın ki, mən yaradıcı adamam, mənə internet “su-hava” kimi lazımdır. İkincisi, 1 gün ödənişi gecikdirənlərə xidmət dayandırılırsa, internetim işləməyən günlərin mənə ödənişlərini kim verməlidir?!


PS. Dinə ehtiramlı nəslin övladıyam. Atamın babası Maştağada məscid, minarə tikən Usta Hacıquludur. Atamın əmisi və babam Bakıda qəbirlərin üstündəki xaç işarələrini gülabpuçla əvəz ediblər. Ana Babam isə Məşədi Bağur Məşədə atla gedib, öz dövrünün savadlı Mollası - Quran hafizi olub. Çiçək xəstəliyi yayılanda gözləri tutulub. Quranı əzbər bildiyi onda aşkarlanıb. Onlarla Həcə, Kərbalaya, - müqəddəs yerlərə gedənim var və ümumiyyətlə? çox dindar, mömin tanıyıram. Özüm də inanclı, ibadət adamıyam. Dinimizə də, saf dindartlarımıza da hörmətim sonsuzdur. Elə həmin qədər də “hacı” adını daşıyıb saxtakar, cinayətkar olanlara nifrət edirəm. “Aldat onu Akt-a qol çəkdir”- deyəcək” həcilər öz qələtlərini “oğru elə bağırdı ki, ..”; “qara məni basınca, mən qaranı basım” misallarındakı kimi başqasının üstünə atarkən qul haqqı yediklərinin fərqində deyillərsə, mən hər sözümə cavabdeh adamam! Ona görə - Mübariz Vəliyevə görə deyirəm: Olmaz olsun belə həci rəislər! Şəhərtipli Maştağa qəsəbəsini əyalət, sakinləri cəngəllik varlıqları, tabeliyində olan məmurları qula-kölə kimi görməyə onun haqqı da, hüququ da yoxdur!