Buna görə məsuliyyət daşıyan, cavabdeh olan dövlət qurumları hara baxır..? Mərkəzin təsisçisi və rəhbəri Elgiz Şirinov 5 ildə dövlətə 1 manat vergi verməyib...
Mərkəzdəki işgəncə ilə ölüm hadisəsinə görə xeyli həbs olunan var, bəs Elgiz niyə həbs olunmayıb..?
Xeyli müddətdir ki, ayrı-ayrı şəxsi evlərdə, bağlarda gizli fəaliyyət göstərən, Hüquq Mühafizə Orqanları xəbər tutan kimi yerlərini dəyişən, polisi şərləyərək onlara haqq verirəm deyən, 18 filialı olan “Həyat üçün Şans” Reabilitasiya Mərkəzində baş verən cinayət əməllərindən və şirkətin rəhbəri Elgiz Şirinovdan yazırıq.
Məlumat üçün qeyd edək ki, mərkəzin təsisçisi və rəhbəri əsgərlikdə olmayan, orta məktəbdə oxuyarkən narkoman olan, heç bir təhsili olmayan, 3-cü sinifdə oxuyanda oğlan sinif yoldaşları tərəfindən sevilən Elgiz Şirinovdur. Ataların bir söz var ee... Keçəl dərman bilsə əvvəlcə öz başına sürtər...Görəsən uzun illərin narkomanı olan Elgiz Şirinov narkomanları necə müalicə edirmiş..? Digər bir tərəfdən nəinki tibbi, heç orta təhsili olmayan Elgiz Şirinov necə, hansı yolla, kimlərin əli ilə Reablitasiya Mərkəzi təsis edə bilib. Bizdə oaln məlumata görə, Elgiz Şirinov 5 ildir lisenziyası olmadan gizli şəkildə vergidən yayınaraq fəaliyyət göstərir.
Təsəvvür edirsiniz, 18 filialı, hər filialda 80 nəfər narkomanı olan və hər narkomandan 1500 manatdan 6600 manata qədər pul alaraq guya müalicə edirlər kimi fəaliyyət göstərən Mərkəz 5 ildir lisenziyası olmadan gizli şəkildə vergidən yayınaraq fəaliyyət göstərir. Bəs görəsən, bu məsələyə məsul, cavabdeh dövlət qurumları niyə FİL (PUL) qulağında yatıblar..?
Şəxsən özümüz şahid olmuşuq ki, rayondan güc-bəla ilə kəklikotu gətirib çörək pulu üçün Bakıda küçədə satan qoca kişini Dövlət Vergi Xidmətinin əməkdaşları sanki divara dirəyib ki, lisenziyanı göstər. Yazıq kişi lisenziya sözünün mənasını başa düşmədiyi üçün bilmirdi ki, neyləsin..
İndi İqtisadiyyat Nazirliyi yanında Dövlət Vergi Xidmətinin rəisi Orxan Nəzərlidən soruşuruq ki, əməkdaşlarınız qoca kişinin əlində 5 dəstə kəklikotunu görür, lisenziya tələb edir...amma... Bəs 5 ildir lisenziyası olmadan gizli fəaliyyət göstərən, 18 filialı olan, hər ay milyonalarla pul qazanan, addımbaşı hansısa pasientini döyərək öldürən Reablitasiya Mərkəzlərini görmürsünüz..? Bu hələ harasıdır..?
Elgiz Şirinov dövlətin içində sanki “dövlət” yaradıb. Elgiz Şirinov Reablitasiya Mərkəzində özü üçün şəxsi həbsxana, kars, cəza dəstəsi, əməliyyat qrupu yaradıb. İstədiyi pasiyenti döymək, cəza vermək, asmaq, suda boğmaq burada adi hal alıb. Kimsə sifariş verirsə, Elgiz Şirinovun əməliyyat qrupu gedib həmin şəxsi evdən zorla özünün düzəltdiyi “polis maşınına” soxub Reabilitasiya Mərkəzinə gətirir. Bəli, Elgiz Şirinovun özünə məxsus “polis maşını” da var.
Təsəvvür edirsiniz “küçə uşağı”nın biri mənzilə rəsmi icazə olmadan girir, kimisə zorla həbs edir, başına-gözünə döyə-döyə Mərkəzə gətirlər. Təsəvvür edirsiniz, heç hüquq-mühafizə orqanlarının, prokurorun bu qədər səlahiyyəti yoxdur... Bu məsələdə Elgizə arvadı da yaxından köməklik edir. Belə ki, Elgiz Şirinov kişiləri, arvadı isə xanımları guya müalicə edirlər. Əslində isə vəziyyət tamam başqadır. Elgiz Şirinov başına 2500 narkomanı toplayıb, özünü muzdlu dəstənin başçısı kimi aparır. Elgiz Şirinov ölkədə tanınan, nüfuzlu və imkanlı şəxslərin uşaqlarının siyahısını tutub, onları tora salmağın, mala otuzdurmağın, valideynlərindən külli miqdarda pul almağın planlarını cızıb və tapıb... Elgiz Şirinovun arvadı isə Abşeronda Reabilitasiya Mərkəzi yaradıb və imkanlı, vəzifəli şəxslərin qız-gəlinlərini orada, guya, müalicə edir... Beləcə vaxtilə dost-tanışdan 5 manat narkotik pulu dilənən bu ər-arvad 5 ildə milyonçuya çevriliblər, narkotiklərin hesabına Yasamal rayonu, Nazim Hikmət küçəsindəki evini 100 min manata təmir etdirib, qeyri-qanuni balkon çıxarıb, (Yasamal Rayon İcra Hakimiyyətinin başçısı bu məsələyə öz diqqətini ayırsa yaxşı olar) 200 min manata maşın alıb, 1 milyona bağ evi axtarır və s.
Onu da qeyd edək ki, Elgiz və arvadı 5-10 qram narkotik satan xırda alverçi deyillər, bunlar gündə bəlkə neçə kiloqram narkotik vasitələri, narkomanlara verməklə öz işlərini bitmiş hesab edirlər. İndi isə Elgiz Şirinovun və dəstəsinin daha dəhşətli cinayət əməllərinə nəzər salaq.
Deməli, Elgiz Şirinovun qanunsuz Reablitasiya Mərkəzində narkomaniyadan əziyyət çəkən şəxs işgəncə nəticəsində ölüb. Və ölümə görə mərkəzin 4 əməkdaşı həbs olunub. İstintaq zamanı məlum olub ki, Elgiz Şirinovun qanunsuz fəaliyyət göstərən Mərkəzində narkomaniyadan müalicə olunan şəxslərə xüsusi işgəncələr verilib, faktlar aşkarlanıb. Ölüm halından başqa digər döyülən, işgəncə verilənlər də var.
Təsəvvür edirsiniz, vətəndaşı qanunsuz azadlıqdan məhrum edirlər, basıb maşına Mərkəzə gətirilər, işgəncə verirlər... Bütün bu əməllərin başında Elgiz Şirinov dayanır, amma... Mərkəzin əməkdaşları 10-11 il həbs edilir, Elgiz Şirinov və arvadı azadlıqda əməllərini davam etdirirlər. Cinayət işində adı hallanan Elgiz Şirinovu və onun arvadını kimlər xilas edib..?
Bax, əsas məsələ budur. Məsəl var deyərlər...o birisini göz yaşlarına, Elgiz kimi narkomanların andına inanmaq olmaz. Həm də necə olur ki, vətəndaşı mənzilindən zorla tutub gətirən Elgiz, cəza verən Elgiz, pulu alan Elgiz...həbs olunan başqaları... Elgiz Şirinov bu sahəni rentabelli biznesə çevirib. Belə ki, 18 filialın hər birindən 100 min alaraq direktor təyin edir. Özü də direktor mütləq narkoman olmalıdır. Elgiz hər yerdə polisləri ələ aldığını deyir. Amma onu da deyir ki, Korrupsiya İdarəsinə yol tapa, rüşvət verə bilmirəm.
Yuxarıda qeyd etdiyimiz kimi Elgizin Mərkəzinin 18 filialı var və hər ay hər filialdan 90-100 min manat gəlir götürür. İndi sadə bir hesabla müəyyən edə bilərik ki, Elgiz bu yaratdığı qeyri-qanuni və gizli işlətdiyi Mərkəzdən ayda 2 milyona yaxın pul qazanır və yuxarıda dediyimiz kimi 1 manat da vergi vermir. Elgizin 18 filialının hər birində 60-80 nəfər narkoman var. Deməli, Elgizin ətrafında 1000-lərlə cinayətkar var.
Sözün qısası, Elgiz Şirinov və onun cinayətkar dəstəsinin əməllərini ciddi və obyektiv araşdrımaq üçün xüsusi istintaq qrupu yaradılmalı və onlar layiq olduqları cəzanı almalıdırlar. Əks təqdirdə Ulu Öndər demişkən, dövlətə inam sarsılar. Hətta onu da bildirək ki, Elgiz Şirinov "Mən bu 2500 narkomanı nə edəcəm, küçəyə buraxacam?" deməklə dövləti şantaj edir. Amma Hüquq Mühafizə Orqanları bilməlidir ki, Elgiz Şirinovun gizli şəkildə qeyri-qanuni işlətdiyi Reabilitasiya Mərkəzlərində narkomanları sağaltmırlar, onlara hər gün narkotik dərmanlardan istifadə etmək imkanları yaradırlar və vurulan narkotikin dozasını aşağı salırlar. Hüquq Mühafizə Orqanları filiallarda adi bir yoxlama aparsalar, görəcəklər ki, qadağan olunmuş narkotik dərmanlar, azadlığı məhdudlaşdırılmış vətəndaşlar bu mərkəzlərdə gizli şəkildə saxlanılırlar. Məsələ burasındadır ki, Goradil kəndində yerləşən Reabilitasiya Mərkəzində baş verən hadisələri İkram adlı polis işçisi bilə-bilə gizlədir. Bu isə cinayət deməkdir. Araşdırmalarımız davam edir, məsələni diqqətdə saxlayacağıq.
gundelik baki.com
İddialarla bağlı qarşı tərəfin mövqeyini dərc etməyə hazırıq!
Teref.az

Teref.az yazır ki, şəhidin dəfnində gülən şəxsin Qartal tikinti və mühafizə firmasının rəhbəri əslən Laçınlı olan Şahin Məmmədov olduğu müəyyən edilib. Bu barədə jurnalist Elnurə Abuşova öz sosial şəbəkə səhifəsində yazıb. Elnurə Abuşovanın statusunu təqdim edirik:
"İş adamı, Sumqayıtda nüfuzlu şirkət kimi tanınan, Qartal tikinti və mühafizə firmasının rəhbəri Şahin Məmmədov şəhidin dəfnində gülürdü. Videoda şəxsən gördüm. Əslən Laçından olan bu iş adamının oğlanları niyə ön cəbhəyə getmir? Yolu, izi bizimkilərdən yaxşı tanıyarlar. Yoxsa Vətənin yalnız səfası bunlar üçündü?
Mənim qardaşım Bilik günü gələcəyin əsgəri 2 oğlunu məktəbə özü apara bilmədi. Laçında işıq çəkirdi..."
P.S. Qeyd etmək istəyirik ki, bu polis serjantı Ramil Şirinovun dəfn mərasimi zamanı baş verib.
Teref.az olaraq qarşı tərəfin mövqeyini dərc edə bilərik!
Teref.az

Teref.az yazır ki, sosial şəbəkə istifadəçisi Nağı Allahverdi aşağıdakı videonu paylaşaraq, altında şərh yazıb. Teref.az olaraq Nağı Allahverdinin şərhinin üslubuna, nöqtə və vergülünə toxunmadan təqdim edirik:
"Bu vidionu hərkəs izləsin və paylaşsinki haqq ədalət yerini tutsun cox maraqlidir . Bu xanimlarki Azər Aşurov adli adamin adini cəkir onu və onu onlari çinsi istismara çəlb etməkdə ittiham edir və həmin adami yaxinlarda Azəriqaz İstehsalat Birliyinin baş direktoru həçi Ruslan Əliyev çənablarinin əmri ilə birliyin İnsan Resurslari Departamentinin rəisi Xəqani Bəşirlinin hazirladiqi sənədlə Baki Regional Qaz İstismar Departamentinə ( BRQİD ) rəis müavini götürüblər. Maraqlidir bu çütlük bu əməllə nə demək və nə etmək istəyir ? Bundan qabaqda vaxti ilə sərf etmirəmsə İqtisadi İnkişaf Nazirliyində işləmiş və Baş Prakurorluq Yaninda Korrupsiyaya qarşi Mübarizə İdarəsinin əməkdaşlari tərəfindən 2000 manat rüşvət alarkən həbs olunaraq məhkəmə qaydasinda barəsində həbs qətimkan tədbiri cəkilən adamida yaxşi vəzifəyə götürmüşdü . Sadəçə bunlarin əməllərin başa düşmürəm bildiyim odurki bunlarin hərəkəti Prezidentin daxili siyasətinə ziddir . Yəqinki Daxili İşlər Nazirliyi Daxi , Baş Prakrorluq və Dövlət Təhlükəsizlik Xidməti bu məsənin araşdiraraq barələrində bir ölcü götürəçəklər . Bunlar dövlətə baqli adamlari işdən cixarir dövlətə ləkə olanlari işlə təmin edir. Ümid edirəmki bunlara STOP deyiləçək.
Nagi Allahverdi"
Teref.az olaraq qaldırılmış iddialarla bağlı qarşı tərəfin mövqeyini dərc etməyə hazırıq!
Teref.az

Teref.az

Xatırladaq ki, bu ilin fevral ayında saytımızda “Elşad Həsənov Yasamalı səhraya çevirir” başlıqlı məqalə dərc etmişdik. Məqalədə Elşad Həsənovun “xeyir-duası” ilə A.M.Şərifzadə 144 ünvanında “Qəbələ Residence” yaşayış massivinin sol tərəfində ağacların kəsilərək yerində tikinti aparılmasından, Yasamalın icra başçısının yaşıllıqların məhv edilməsinə şərait yaratmasından bəhs edilirdi. DİA.AZ bildirir ki, ümumiyyətlə, son zamanlar Yasamal rayonu ərazısındə obyektlərdən qanunsuz olaraq pul tələb edilməsi halları çoxaldığından vətəndaşların şikayətləri də artmaqdadır.
Redaksiyamıza müraciət edən Bakı şəhəri Nəsimi rayonu, Azadlıq prospekti ev 70 mənzil 12-də yaşayan Hümmətov İlham Heybət oğlu da Yasamal rayon İcra Hakimiyyətindən şikayətçidir. Vətəndaş iddia edir ki, 18.09.2023-cü il tarixdə saat 15:00 radələrində İH-nin Rayon təsərrüfatı şöbəsinin Baş məsləhətçisi Əsgərov Ümid Elxan oğlu özü ilə gətirdiyi işçilərlə birlikdə onun ailəsinə məxsus və bütün sənədləri qaydasında olan A.M.Şərifzadə 140a ünvanında yerləşən “Kanon” Aptekin pilləkənlərini zorla sökmüşdür. Vətəndaşın dediyinə görə Ümid icra başçısı Elşad Həsənovun tapşırığını yerinə yetirdiyini və ona çatacaq məbləği verməsələr göstərişi icra edəcəyini israr edibdi. Ona mane olmağa çalışan qadınları təhqir etməkdən belə çəkinməyən Ü.Əsgərov apteki işlədən Səidə Ağamirzadəyə xəsarət belə yetirilməsinə bais olubdu. Dövlət başçısının sahibkarlara dəstək verdiyi, şərait yaratdığı indiki zamanda Elşad Həsənov kimi məmurların belə süni maneçilik törətmələri yəqin ki, cəzasız qalmayacaqdır.
Mövzuya qayıdacağıq və yazıda adları keçən şəxsləri də dinləməyə hazırıq.

Dünən Azərbaycanın görkəmli şərqşünas alimi, ədəbiyyatşünas, tənqidçi, tərcüməçi, filologiya elmləri doktoru Aida Nəsir qızı İmanquliyevanın anım günü idi. 1992-ci il sentyabrın 19-da vaxtsız vəfat etmiş professor Aida İmanquliyevanın işıqlı xatirəsi hər il olduğu kimi bu il də ailə üzvləri, elmi ictimaiyyət tərəfindən yad edildi. Yəqin ki, görkəmli alimin vaxtilə qızıl medalla bitirmiş olduğu Bakı şəhər 132 saylı orta məktəbin kollektivində də bu günü unutmadılar…
Xatırladaq ki, paytaxtın Səbail rayonundakı 132 və 134 saylı məktəblər 2010-cu ildə sökülərək yenidən inşa olunublar. Məhz bundan sonra Təhsil Nazirliyi bu iki orta təhsil müəssisəsini birləşdirərək 132-134 saylı Təhsil Kompleksinin yaradılması barədə qərar qəbul etdi. Əslində böyük əksəriyyət yeni yaradılmış kompleksə məhz 132 saylı məktəbin direktoru Aliyə xanım Təhmasibin rəhbərlik edəcəyini gözləyirdilər. Hətta 132 saylı məktəbin açılışında şəxsən iştirak etmiş ölkə prezidenti cənab İlham Əliyev də həmin tədbirdə Aliyə Təhmasibin əməyini xüsusi vurğulamış və ona fəxri ad verilməsi haqqında fərman imzalamışdı. Lakin bu önəmli hadisədən bir gün sonra Aliyə xanım işdən çıxarılaraq, yerinə əvvəllər Səbail rayon Təhsil Şöbəsinin müdiri vəzifəsində və Təhsil Nazirliyinin Monitorinq və Qiymətləndirmə İdarəsində çalışmış Sara Xanlarova təyin olundu. Məhz bundan narazı qalan bir çox valideynlər Aliyə Təhmasibin öz vəzifəsinə bərpasını tələb edirdilər. Lakin o vaxt da TN-nin yarıtmaz kadr siyasəti həm şagirdlərin, həm valideynlərin, həm də ümumilikdə təhsil sisteminin mənafeylərini üstələdi. Sara Xanlarova yeni təhsil kompleksinin direktoru vəzifəsində qaldı. Bu gün isə, 132-134 saylı təhsil kompleksində baş alıb gedən korrupsiya halları valideynlərin əsl baş ağrısına çevrilib.
Budur, 2023/2024-cü tədris ili başladı. Artıq elə ilk gündən, ilk saatlardan məktəblərdən həyəcanlı siqnallar gəlməyə başlayıb. Bildirilir ki, Bakıdakı 132-134 saylı Təhsil Kompleksində elə ilk dərs günündən Valideyn Komitəsi hərəkətə keçərək, yaxın vaxtdan etibarən şagirdbaşına yığılacaq pullardan söz salıb və həmçinin, 5 Oktyabr – “Müəllim Günü”nə hazırlıq görülməsi tapşırılıb.
…İndi isə qayıdaq məqalənin giriş hissəsində qeyd etdiyimiz mövzuya. Rəhmətlik Aida xanım İmanquliyeva 134 saylı deyil, 132 saylı orta məktəbin məzunu olub. 134 saylı məktəbin direktoru olmuş Sara Xanlarova 132 saylı məktəbi necə deyərlər, “yoğurub-yapmadan, hazırca kökə kimi” tapıb. Bununla belə, 132 saylı məktəbdə formalaşmış gözəl ənənələri də öz adına çıxır. Bu ənənələrdən biri də Aida İmanquliyevanın xatirəsi ilə bağlı olanlardır. 2016-cı ildə təhsil kompleksində “Unudulmaz məzun Aida İmanquliyeva” adlı kitabın təqdimatı keçiriləndə müəlliflər “Respublika” qəzetinin müxbiri Gülşən Hüseynova və Azərbaycan Dövlət İnformasiya Agentliyinin (AZƏRTAC) müxbiri İbrahim Əsədov olsalar da, Sara Xanlarova elan etdi ki, kitabın ideyası ona məxsusdur. Həmçinin qeyd etdi ki, məktəb rəhbərliyi “Məşhur məzunlar” layihəsi üzrə hər il bir tanınmış məzunu barədə kitab hazırlamağı qərara alıb və ən məşhur məzun Aida İmanquliyeva olduğu üçün ilk kitab məhz ona həsr olunub.
Motiv aydındır – Aida İmanquliyevanın övladları Birinci vitse-prezident Mehriban xanım Əliyevanın, akademik Nərgiz xanım Paşayevanın xoşuna gəlmək! Maraqlıdır ki, həmin təqdimata qədər Sara Xanlarova heç vaxt belə bir layihəsinin olduğunun anonsunu verməyib. Yaxşı halda bu layihə onun ağlına kitabla birgə gəlmiş ola bilərdi. Amma dəfələrlə Azərbaycan və SSRİ Ali Sovetinin deputatı seçilmiş rəhmətlik Aliyə xanım Təhmasibin belə ideyası ola bilərdi. Çünki onun özü də motivasiyalı idi – 132 saylı məktəbin məzunu olmuşdu və silsilə kitabların biri də ona həsr olunacaqdı. Bəlkə də ideyasını tabeçiliyində olduğu rayon Təhsil Şöbəsinin müdiri Sara Xanlarova ilə bölüşmüşdü də…
Qarşı tərəfi də dinləməyə hazırıq.
DİA.AZ