Dövlət Əyar Palatasına sədr keçmək üçün Milli Aerokosmik Agentliyinin baş direktoru Natiq Cavadova 2014-cü ildə 500 min dollar verdyini iddia edən Nağı Kəngərli ilə həmsöhbət olduq.

O bildirdi ki, N. Cavadov həmin pulu Heydər Əliyev Fonduna köçürmək adı ilə ondan alıb, ancaq o, vəzifəyə təyin olunmayıb.
Kanal 13

Daha ətraflı aşağıdakı videoda:

Biz bir media olaraq illərdir ki, ölkədə baş verən ən xırda müsbət halları təqdir edirik, müsbət halların çox olmasını təbliğ edirik...
Yəni hər şeyi qaralamaq, hər şeyin üstündən qara xətt çəkmək, hər şeyi inkar etmək bizim bir media olaraq dəsti-xəttimizə uyğun deyil.
Sözün qısası, biz bir media olaraq sağlam, obyektiv, qərəzsiz tənqidin tərəfindəyik. Biz Fövəqadə Hallar Nazirliyi ( FHN) barəsində yazanda da bu prinsiplərə həmişə sadiq qalmlşıq. Yəni biz kimləsə, hansı qurumlasa münasibətlərə ŞƏXSİ MÜSTƏVİDƏN deyil, ÜMUMİLLİ MARAQLAR müstəvisindən, dövlətçilik prizmasından yanaşmağa çalışırıq. Ona görə də dəfələrlə FHN-lə bağlı yazmışıq ki, cənab nazir Kəmaləddin Heydərov yox yerdən nazirlik yaratdı, olmayan qurumu ərsəyə gətirdi.
Qısa izahat üçün qeyd edək ki, Azərbaycan müstəqilliyini elan edəndə ölkədə təhsil, səhiyyə, daxili işlər, hətta formal olsa da XARİCİ İŞLƏR NAZİRLİYİ var idi. Amma FHN yox idi. Nə isə, cənab Kəmaləddin Heydərov qısa vaxtda belə bir qurumun yaradılmasını reallaşdıra bildi. Amma sonrakı illərdə məlum oldu ki, yanğın söndürməyə gedən maşınların suyu yoxdur, hətta bəlli oldu ki, FHN əməkdaşlarının hündür mərtəbəli binalara çıxması üçün nərdivanlar yoxdur. Heç kimə sirr deyil ki, FHN-nin texniki bazasının yaradılması üçün cənab Prezidentimiz külli miqdarda dövlət vəsaiti ayırıb. Bəs belə olan halda bu dövlət vəsaitləri hara və kimlərin cibinə gedib..?
Təəssüf ki, FHN-dəki vəzifəli şəxslərlə bağlı sosial şəbəkələrdə yayılan videolar qurum haqqında haqlı olaraq cəmiyyətdə neqativ fikirlər formalaşdırdı. Ancaq qurum öz-özlüyündə mənfi reputasiya qazana bilməzdi. Bunu yaradan konkret kadrlar var. Belə mənfi reputasiyalı kadrlardan biri də Fövqəladə Hallar Nazirinin müavini Orucəli Hacıyevdir.
Ötən yazılarımızda qeyd etdiyimiz kimi keçmişi ibtidai sinif müəllimi olan Orucəli Hacıyev qısa vaxtda FHN-nin genaralı mərtəbəsinə DIRMAŞA bildi. Bəli, məhz DIRMAŞA... Adamlar var ki, illər uzunu bir sahədə ləyaqətlə çalışır, işə can qoyur, amma 30 ildə 3 mərtəbə yüksələ bilmir. Amma kimlərsə 4-5 ilin içərisində obrazlı desək, “praporşiklikdən generala” qədər yüksələ bilir.
Bəli, məhz Orucəli Hacıyev FHN-ə ibtidai sinif müəllimi kimi, yəni “praporşik” kimi gəlmişdi. Çox qısaca onu qeyd edək ki, Naxçıvan Dövlət Pedaqoji İnstitutunu bitirən, İBTİDAİ SİNİF MÜƏLLİMİ olan və sonradan qara metal alveri ilə məşğul olan, İranla bines quran, Əli Həsənovla, “Quska” ilə dost olan, Ukraynadan İrana metal ixrac edən Orucəli bir neçə il sonra FHN-də peyda oldu. Bu adamın adı hansı cinayət əməllərində hallanmır..?
Bəli, mediada yayılan xəbərlərdən bəlli olur ki, Ukraynada öldürülən iş adamının anası deyir ki, Orucəli mənə dedi ki, sənin oğlunu general Rövşən Əkbərov öldürüb…Amma sonra sözünü dandı. Bu əməlin adı Cinayət Məcəlləsində cinayəti bilib gizlətməkdir. Mediada yayılan digər xəbərdən bəlli olur ki, Orucəli Hacıyev Pirşağıda vətəndaşları aldadaraq 2 hektar torpaq sahəsini ələ keçirib. Belə ki, Orucəli Hacıyev 16 nəfər şəxsin 2 hektar torpaq sahəsini alıb orada istirahət kompleksi tikmək istəyib. Və vətəndaşlardan etibarnamə alaraq torpaqları ələ keçirib. Bu işdə Orucəlinin yaxın dostu “Axund” FTKA şirkətinin sahibi Fuad Axundov vasitəçilik edib. Orucəli Hacıyev nazir müavini olmaqla yanaşı “Babək-97” şirkətini yaradaraq ölkədə sement satışını demək olar tam mənada inhisara alıb. Respublikaya hər ay 50 min ton sement idxal edən “Babək-97” firması FHN-nin əsas podratçı şirkətidir. Ölkənin fövqəladə hal baş verən bütün bölgələrində tikintilərə sement verilməsini məhz bu firma təşkil edir. Orucəli Hacıyevin adı mediada həm də ayı ovlamaq məsələsində hallanır.
Bəli, Orucəli Hacıyev Şamaxıda böyük torpaq sahələrini ələ keçirib, orada otel və villa tikdirib, hətta deyilənə görə qoruq ərazilərində ayı ovlayır. Hətta bir vaxtlar Orucəli Hacıyevin ayı ovlaması ilə bağlı mediada video yayılmışdı, sonradan hamısını pul verib sildirdi. Orucəli Hacıyevin adı həm də mediada dəhşətli intihar hadisəsində hallanır.
Belə ki, sahibkarın həyat yoldaşı Prezident İlham Əliyevə müraciətində yazır ki, Fövqəladə Hallar nazirinin müavini Orucəli Hacıyevin bacısı oğlu Sunay Əliyev dayısının adından vədlər verərək həyat yoldaşımı klinker (sement istehsalı üçün xammal ) alqı-satqısına cəlb etməklə onun və mənim külli miqdarda pulumuzu mənimsəyib. Respublikaya klinker gətirilməsinin Orucəli Hacıyevin nəzarətində olduğunu deyən bacısı oğlu sahibkarı müflis vəziyyətinə salıb. Və sonda sahibkar özünü güllə ilə vuraraq öldürüb. Ancaq bütün bunlarla bağlı Orucəli Hacıyev mətbuata heç bir açıqlama verməyib, susmağa üstünlük verib.
Onu da qeyd edək ki, Orucəli Hacıyevin oğlu Elvin Hacıyev də atasından geri qalmır. İndi isə Elvin Hacıyevin şirkətlərinin və mülklərinin siyahısına nəzər salaq: – “BOL SÜFRƏ” MMC – “BABYLON-GROUP” MMC – “BABYLON AQRO” MMC – “BT PROJECT” MMC – “APİ DELTA GROUP” MMC QAX RAYONU, LƏKİT kəndində hüquqi qeydiyyata alınıb). – Bakının Zirə qəsəbəsində 4.4 hektarlıq əsasən pomidor yetişdirilən İSTİXANA (“BOL SÜFRƏ” MMC); – Qax rayonunda 2000 arı ailəsindən ibarət ARIÇILIQ TƏSƏRRÜFATI və BAL EVİ (“Api Delta Group); – Şurabad qəsəbəsində 30 hektardan artıq sahədə süni göllərdən ibarət NƏRƏ VƏ SAZAN BALIĞI FERMASI (“Babylon Agro”); – SULTANAHMET KÖFTECİSİ – Səbayel rayonu Əbdülkərim Əlizadə küçəsi 16 (“Babylon Group”); – SULTANAHMET KÖFTECİSİ METROPARK (7-ci mərtəbə) – (“Babylon Group”); – SULTANAHMET KÖFTECİSİ PARK BULVAR (Ticarət Mərkəzinin 3-cü mərtəbəsi) – “Babylon Group”); “Babylon Group” eyniadlı köftəxanaları Batumidə, Qazaxıstan və Rusiyada da açmaq üçün brend sahibi olan GATE 25 RESTORANI ailəsi ilə razılıq əldə edib. – Xocalı prospektində, Dəmirçi Towerin 25-cı mərtəbəsində fəaliyyət göstərən GATE 25 bar-restoranı (“BT Project” MMC). – Bakının “Torqovıy” kimi tanınan ərazisində, Rəsulzadə küçəsində fəaliyyət göstərən TARHUN RESTORANI (“Babylon Group”) – TARHUN (METROPARK) adı ilə daha bir restoran Təbriz küçəsindədir. – Nazir müavininin oğlu nizamnamə kapitalı 11688495.00 AZN, illik dövriyyəsi 4 milyon dolları aşan TECHNOİL şirkətinin həmtəsisçisidir. TECHNOİL-un Sumqayıtda, Sülh küçəsində yerləşən müəssisəsi mühərrik və sənaye yağları istehsal edir.
İndi özünüz düşünün. İbtidai sinif müəlliminin FHN-də general olması bir rüsvayçılıq...Məmurun ayı ovlaması başqa bir qanunsuzluq... Nazir müavini Orucəli Hacıyevin qanuna zidd olaraq bu boyda biznes fəaliyyəti ilə məşğul olması, İranla biznes əlaqələri onu deməyə əsas verir ki.... Orucəli Hacıyevin yaxın zamanda həbsi qaçılmazdır...
P.S. Orucəli Hacıyevin vasitəsilə FHN-də lövbər salan Ramiz Mehdiyevin qohumları başqa bir yazının mövzusudur.

Abşeron Rayon İcra Hakimiyyəti və Fövqaladə Hallar Nazirliyi (FHN) qanunsuz tikililərlə bağlı heç bir addım atmır.

Bu məsələni müntəzəm diqqətdə saxlayan Yenicag.az-da bir neçə gün əvvəl belə bir tikili barədə material dərc olunub. Həmin yazıda dövlət başçısının il ərzində ən azı 4-5 dəfə istifadə etdiyi, ölkənin ən strateji magistrallarından sayılan Bakı-Sumqayıt yolunun Xırdalan dairəsindən keçən hissəsinə yaxın ərazidə fərdi ev adı altında dövlət qeydiyyatına alınan, reallıqda isə ticarət mərkəzi kimi inşa edilən tikilidən bəhs edilib.

Haqqında danışılan tikili ilə bağlı əldə etdiyimiz yeni məlumata əsasən, Dövlət Şəhərsalma və Arxitektura Komitəsində fərdi ev kimi qeydiyyata alınan o tikilinin sahibi rəsmi sənədə görə, Fərzəliyev Bəhruz İsfəndiyar oğludur. Bununla belə, sözügedən obyektin Abşeron Rayon İcra Hakimiyyətinin başçısı Abdin Fərzəliyevə məxsus olduğu iddia edilir.

Maraqlı və təəccüb doğuran məqam isə budur ki, qanunsuz tikililərə cavabdeh olan Abşeron Rayon İcra Hakimiyyəti və Fövqaladə Hallar Nazirliyi (FHN) hələ də bəhsi keçən məsələyə reaksiya verməyə tələsmir. Adları çəkilən rəsmi dövlət qurumlarının Abşeron rayonunda aparılan qanunsuz tikiliyə göz yummasına səbəb isə həmin obyektin Abşeron Rayon İcra Hakimiyyətinin başçısı Abdin Fərzəliyevə məxsus olması barədə səslənən iddiaların ciddiliyini xeyli artırır.

Hazırda Abşeron rayonunda aparılan qanunsuz tikililərin sayının yüzlərlə olduğu bildirilir.

Onu da qeyd edək ki, tikintisi davam etdirilən ticarət obyekti Bakı-Sumqayıt magistral yolunun cəmi 4-5 metrliyində yerləşir. Sutkanın səhər və axşam saatlarında daim sıx tıxacların müşahidə edildiyi o ərazidə belə bir obyektin inşası yaxın gələcəkdə magistralda hərəkətin daha dözülməz vəziyyət alacığını əminliklə söyləməyə imkan verir.

Mövzunu davam etdirəcəyik.

İcra başçısı Müstəqim Məmmədovun yaxın dostu olan Suliddin bütün günü içkili vəiyyətdə şəhərdə avtoşluq edir...
Yazacağımız mövzu Tərtər rayonundakı bələdiyyə sədri ilə bağlı olduğu üçün media üzərindən xırda bir araşdırma aparmalı olduq. Məlum oldu ki, Tərtər rayonunda 25 bələdiyyə fəaliyyət göstərir. Həmin siyahını https://az.wikipedia.org/Tetrer belediyyeleri saytında tapa bildik.
Təsəvvür edirsiniz, bələdiyyələrin adı var, amma bələdiyyəyə daxil olan kəndlərin, bələdiyyə sədrlərinin ad-soyadı yoxdur.
Nəhayət axtardığımız informasiyanı icra hakimiyətinin http://terter-ih.gov.az/az/page/23.html saytında tapa bildik.
Deməli, məlumat üçün qeyd edək ki, Tərtər rayonundakı bələdiyyələrdən biri Yuxarı Qapanlı bələdiyyəsi ( Yuxarı Qapanlı kəndi, sədri Ələkbərov Suliddin Surxay oğludur), digəri isə Qaradağlı bələdiyyəsidir ( Təzəkənd, Kəngərli, Qaradağlı kəndlərini əhatə edir, sədri Hikmət Təvəkkül oğlu Nəcəfovdur ). Təkcə onu qeyd edək ki, Təzəkənd kəndinin 360 hektar ərazisi, 241 hektar pay torpağı var. Hər yerdə olduğu kimi Tərtər rayonunun bələdiyyə sədrləri də kəndlilərə kəndin ərazisində həyətyanı torpaq sahəsinin ayrılması və həmin torpaq sahəsinə aid rəsmi sənədlərin verilməsi üçün xeyli miqdarda rüşvət tələb edirlər.
Bütün bunlar azmış kimi Tərtər rayonu, Yuxarı Qapanlı bələdiyyəsinin sədri Ələkbərov Suliddin Surxay oğlu təkcə sədr olduğu Yuxarı Qapanlı bələdiyyəsinin deyil, həm də Təzəkənddə xeyli əraziləri öz əlinə keçirib. Məlumdur ki, sovet dövründə rayonlarımızın çoxunda “Kökəltmə birliyi” deyilən Heyvandarlıq kompleksləri fəaliyyət göstərirdi. Həmin birliklərin geniş əraziləri, örüş sahələri, binaları var idi.
Bəli, bələdiyyə sədri Suliddin Ələkbərov rayonun icra başçısı Müstəqim Məmmədovla birləşərək Tərtər rayonu ərazisindəki bahalı, münbit torpaqları öz adına özəlləşdirib. Bələdiyyə sədri Suliddin Ələkbərov təkcə yuxarıda qeyd etdiyimiz keçmiş Kökəltmə birliyinin-Heyvandarlıq kompleksinin 97 hektar ərazisini özəlləşdirib. Bundan başqa bələdiyyə sədri başqa bir 240 hektar sahəni də öz adına sənədləşdirib. Bələdiyyə sədri Suliddin Ələkbərov icra başçısı Müstəqim Məmmədovun ən yaxın adamıdır.
Qısa vaxtda əldə etdiyi milyonluq mülklərin, ölçüyə gəlməz vəsaitin çoxluğundan başgicəllənməsi Suliddin Ələkbərovun həyat tərzini də dəyişib. Belə ki, bələdiyyə sədri bütün gün yeyib-içərək bahalı avtomobili ilə şəhərdə o yana-bu yana avtoşluq edir.
Deməli, məlumdur ki, neçə illərdi ki, sakinlər müqavilə əsasında torpaqları icarəyə götürüb əkib-becərirlər. Kimin müqaviləsinin vaxtı bitirsə, Suliddin Ələkbərov müqavilənin müddətini uzatmır, heç bir ciddi əsas olmadan müqaviləni ləğv edir. Və.. Suliddin Ələkbərov həmin torpaqları icarədarlardan alaraq öz adına müqavilə bağlayır.
Yuxarıda qeyd etdiyimiz kimi Suliddin Ələkbərov rayondakı Kökəltmə birliyinin 97 hektar ərazisini özəlləşdirib və həmin əraziyə öz adına 3 fazalı elektrik xətti də çəkdirib. Yəni Sülhəddin Ələkbərov az qala Tərtərin yarısını öz adına sənədləşdirib. Tərtərin icra başçısı Müstəqim Məmmədov və onun bələdiyyə sədri olan dostu Suliddin Ələkbərov Ramiz Mehdiyevin dövründə rayonda sağa da, sola da at oynadırdılar. Ramiz Mehdiyev vəzifədən gedəndə bu dostların gecəsi-gündüzü qara olmuşdu. Amma sonradan özlərinə yeni dayaq tapa bildilər. Və hazırda öz əməllərini davam etdirirlər.
gundelik baki.com

Manaf Şirinovun uzun müddət direktor olduğu Avro-Asiya İnşaat Korporasiyası “Evrascon” ASC ( keçmiş “Azərkörpü” ASC) ilə bağlı yazıya keçməzdən öncə qısa məlumat verək.
1968-ci ildə Bakı şəhərində SSRİ Nəqliyyat Tikintisi Nazirliyinin nəzdində yaranmış «Körpütikintidəstəsi-100» kimi fəaliyyətə başlayan qurum 2001-ci ildə keçirilmiş özəlləşdirmədən sonra “Azərkörpü”yə çevrilib, Açıq Səhmdar Cəmiyyəti statusu alıb. 2013-cü ildə isə “Azərkörpü” ASC rebrendinq elan etdi və öz adını Avro-Asiya İnşaat Korporasiyası “Evrascon” adı ilə əvəz etdi. Manaf Şirinovun mətbuata dediyinə görə, guya adın dəyişməsinin səbəbi şirkətin yaxın və uzaq xarici ölkələrdə gördüyü mühüm işlərdir. Manaf Şirinova deyən yoxdur ki, təkcə Qazaxstanda gördüyünüz tikinti işlərində milyonlarla maxinasiyalar olmuşdu.
Budur, sizin uğurunuz..? Bəli, Manaf Şirinovun şirkəti Qazaxıstanda, Özbəkistanda, Moldovada, Rusiyada, Ukraynada gördüyü bütün tikinti işlərində həmişə ciddi maxinasiyalara yol verib. Çoxları düşünə bilər ki, Manaf Şirinov bu layihələri necə əldə edib..?
Əslində biz həmişə yazırıq ki, böyük şirkətlərin arxasında iri məmurlar olmasa, həmin şirkətlər 1 ay da ayaqda dayana bilməz. Bəli, “Azərkörpü”, hazırda adı Avro-Asiya İnşaat Korporasiyası “Evrascon” olan şirkət birmənalı olaraq sabiq baş nazirin müavini Abid Şərifovun ailə şirkətidir. Bu qədər sadə və bəsit. Və həmin layihələri də Abid Şərifov öz əlaqələri vasitəsilə əldə edirdi. Bəlkə Qaradağda limanın tikintisini, yaxud Kür çayı üzərindəki körpünün tikintisini Manaf Şirinov özü əldə etmişdi..?
Manaf Şirinova Kür çayının üzərində tikdiyi körpünün bir neçə ay sonra təmirə dayanmasını xatırlatmaq lazımdır. Manaf Şirinov təkcə dövlətə deyil, həm də Azərbaycan təbiətinə milyonlarla ziyan vurmuşdu. Manaf Şiirnov ona yaxın media qurumlarına böyük-böyük müsahibələr verir, dövlətdən və dövlətçilikdən danışır. Görəsən, Manaf Şirinov uzun illərdir ki, neçə milyon vergidən yayınmasından niyə danışmır...?
Manaf Şirinov maşın, avadanlıq, texnika almaq adı ilə milyonlarla manipulyasiya edib. Bir sözlə, Abid Şərifovun ailə şirkəti hesab olunan "Avro-Asiya İnşaat Korporasiyası Evrascon” ASC kifayət qədər dövlət vəsaitini mənimsəyib. Hətta Manaf Şirinovun bir müddət saxlanılması barədə də mediada xəbərlər yayılıb. Amma sonradan Abid Şərifovun hesabına buraxılıb. Manaf Şirinovun əməlləri barədə yazmaqla qurtaran deyil. Hazırda Manaf Şirinovun şirkətini, başqa adla, İNDER TEXNİKA MMC adı ilə onun oğlu Seymur Şirinov idarə edir. Seymur Şirinovun müavini isə Azad Qasımovdur. Azad Qasımov hər yerdə deyir ki, Seymur Şirinov kimdir ki, şirkətin əsl sahibi mənəm. Azad Qasımov deyir ki, Seymurun tikintidən, inşaat işlərindən başı çıxmır, amma mən... Bəli, Azad Qasımov restoranlarda pul səpir və fəxrlə dosatlarına deyir ki, Füzuli Hava Limanını mən tikmişəm, Qarabağın, Cəbrayılın bütün abadlıq və tikinti işləri mənə tapşırılıb. Azad Qasımovdan soruşan yoxdur ki, restoranlarda səpələdiyin dollarları necə və hansı yolla qazanmısan..?
Əlbəttə, dövlətin tikintiyə ayırdığı milyonları mənimsəməklə...
Gündəlik Bakı