 |
|
|
Ukrayna ordusunda qadınların cəbhədə müxtəlif vəzifələrdə iştirak etmələri üçün hazırlıq prosesi davam edir.
“Qafqazinfo” xarici KİV-ə istinadən xəbər verir ki, Rusiya ilə Ukrayna arasında müharibə davam edərkən Ukrayna ordusunun 60 mindən çox qadından ibarət 128-ci Karpat Dağ Hücum Briqadası hazırlıqlarını həyata keçirir.
Briqadadakı qadınlar da cəbhə xəttində müxtəlif sahələrdə vəzifələrin öhdəsindən gəlmək üçün Zaporojye vilayətində hazırlıq işlərini davam etdirirlər.
Həmin hazırlıq işlərindən görüntüləri təqdim edirik:
Bu gün Vətən müharibəsinin şəhidi, “Vətən yaxşıdır” mahnısı ilə könüllərdə taxt quran Xudayar Yusifzadənin ad günüdür.
Şəhidimiz 1998-ci il iyulun 15-də Bərdə şəhərində anadan olub.
X.Yusifzadə 2004-2015-ci illərdə Bərdə şəhərində Bülbül adına 1 nömrəli Uşaq İncəsənət Məktəbində təhsil alıb.
O, 2016-2018-ci illərdə Dövlət Təhlükəsizliyi Xidmətinin “N” saylı hərbi hissəsində müddətli həqiqi hərbi xidmətdə olub. Daha sonra isə o, Dövlət Sərhəd Xidmətinin Sərhəd Qoşunlarının sıralarında müddətdən artıq həqiqi hərbi xidmət qulluqçusu olaraq xidmət edib və “gizir” hərbi rütbəsi alıb.
2020-ci ilin Tovuz döyüşləri zamanı general-mayor Polad Həşimovun şəhid olmasından sonra öz istəyi ilə Bərdə Rayon Hərbi Komissarlığına müraciət edib.
Azərbaycan Ordusunun Sərhəd Qoşunlarının giziri olan Xudayar Yusifzadə 2020-ci il sentyabrın 27-də Azərbaycan Silahlı Qüvvələri tərəfindən Ermənistanın işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı əvvəlcə Füzuli rayonunda sərhəd məntəqəsində xidmət edib, daha sonra isə Cəbrayılın və Zəngilanın azadlığı uğrunda gedən döyüşlərdə savaşıb. Xudayar Yusifzadə oktyabrın 22-də Zəngilan döyüşləri zamanı Ağbənd istiqamətində şəhid olub.
Bərdə şəhərinin Şəhidlər xiyabanında dəfn olunub.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti, Ali Baş Komandan İlham Əliyevin sərəncamlarına əsasən Xudayar Yusifzadə ölümündən sonra “Vətən uğrunda”, “Zəngilanın azad olunmasına görə” medalları və “Azərbaycan Bayrağı” ordeni ilə təltif edilib.
2021-ci il fevralın 18-də Xudayar Yusifzadənin təhsil aldığı Bərdə şəhərinin Bülbül adına 1 nömrəli Uşaq İncəsənət Məktəbində onun büstünün açılış mərasimi olub.
Xudayar Yusifzadə ölümündən iki gün əvvəl Əliağa Vahidin “Vətən yaxşıdır” şeirinə bəstələnmiş mahnını ifa edib və bunu telefon vasitəsilə lentə alıb. Həmin video qısa müddət ərzində sosial şəbəkələrdə trendə çevrilib.
Qeyd edək ki, “Vətən yaxşıdır” təsnifinin musiqisi Əlibaba Məmmədova, sözləri Əliağa Vahidə aiddir. Təsnif Əlibaba Məmmədovun xeyir-duası ilə “Xudayar təsnifi” adlandırılıb.
Ermənistanda hərbi hissənin komandiri 19,5 milyon dram (təxminən 50 min ABŞ dolları) məbləğində rüşvət aldığı üçün həbs edilib.
“Report” yerli mətbuata istinadən xəbər verir ki, bu barədə Korrupsiyaya Qarşı Mübarizə Komitəsi məlumat yayıb.
Məlumata görə, V. M. toxuculuq fabrikinin direktoru V. E.-nin maraqlarına uyğun qanunsuz hərəkətlərə görə 19,5 milyon dram rüşvət tələb edib və məbləğin bir hissəsini alıb.
İstintaq materiallarına görə, şirkət 2023-cü ildə Müdafiə Nazirliyinin tədarükçüsü olub və texniki tələblərə cavab verməyən (kiçik ölçülü) 70 min ədəd alt paltarı təhvil verib. “Buna göz yummaq” üçün hərbi hissə komandiri anbar rəisi vasitəsilə şirkətdən rüşvət kimi 12 milyon dram tələb edib.
O da məlum olub ki, bu, birinci dəfə deyil. Analoji “xidmətlərə” görə 6,5 milyon və 1 milyon dram məbləğində rüşvət daha əvvəl, 2022-2023-cü illərdə alınıb. Söhbət yenə də kiçik ölçülü alt paltarları və qadın ayaqqabılarının tədarükündən gedir. Hərbi hissə komandirinə pul anbar rəisi vasitəsilə ötürülüb.
İyulun 13-də həmin şəxslər saxlanılıb, onlara qarşı ittiham irəli sürülüb. Şübhəli şəxslər həbs olunub.
Böyük Britaniya NATO üçün yükə çevrilib, çünki ölkənin silahlı qüvvələri acınacaqlı vəziyyətdədir.
Musavat.com xəbər verir ki, Şimali Atlantika Alyansının əsas ölkəsinin bu zəifliyini ABŞ kəşfiyyatının keçmiş zabiti Skott Ritter YouTube kanalında jurnalist Qarland Niksonla müsahibəsində qeyd edib.
“Krallığın ordusu o qədər zəifləyib ki, ölkənin alyansda iştirakı məhsuldar deyil”, o deyib. Amerikalı kəşfiyyatçının sözlərinə görə, NATO üzvlərinin qalan hissəsi alyansın strukturunda çox sayda ingilislərin olması ilə maraqlanır.
Bundan əlavə, Ritter oxşar problemin Almaniya ordusunda da müşahidə olunduğunu qeyd edib. Onun fikrincə, silahlı qüvvələrinin inkişafına böyük sərmayə qoyan əsas ölkələr ABŞ və Polşadır.
Bundan əvvəl Britaniya ordusunun xidmətində cəmi 40 döyüşə hazır tankın, 10-a yaxın freqat və esminesinin qaldığı bildirilirdi.
Ukrayna Prezidenti Volodimir Zelenski NATO sammitinin keçirildiyi Vilnüsdən qayıtdıqdan sonra ölkəsindəki təhlükəsizlik vəziyyəti ilə bağlı xüsusi xidmət orqanlarının rəhbərləri ilə müşavirə keçirib.
“Report” xəbər verir ki, bu barədə dövlət başçısı teleqramda bildirib.
Müşavirələrdən biri Ukrayna Təhlükəsizlik Xidmətinin rəisi Vasili Malyukla olub. Bundan əlavə, ölkə başçısı Müdafiə Nazirliyinin Baş Kəşfiyyat İdarəsinin rəisi Kirill Budanov və Xarici Kəşfiyyat Xidmətinin sədri Oleksandr Litvinenko ilə görüşüb.
“Biz vəziyyəti çox diqqətlə təhlil edirik – müharibə ilə bağlı hər şeyi və daxili təhlükəsizlik üçün vacib olan hər şeyi”, - Zelenski deyib.
Avropa Parlamenti mövcud qıtlığı aradan qaldırmaq üçün Avropa İttifaqında (Aİ) sursat və raket istehsalının artırılması planlarını təsdiqləyib.
“Report” xəbər verir ki, bu barədə “RBC-Ukraina” Avropa Parlamentinin mətbuat xidmətinə istinadən məlumat yayıb.
Qeyd olunub ki, Sursat İstehsalına Dəstək Aktı (ASAP) Ukraynaya döyüş sursatı və raketlərin tədarükünü sürətləndirmək və təşkilata üzv ölkələrə arsenallarını doldurmağa kömək etmək üçün hazırlanıb.
Sənəd Aİ Şurası tərəfindən təsdiqləndikdən sonra qüvvəyə minəcək.
“Ukrayna ordusunda artilleriya mərmiləri çatışmazlığı yaranıb”.
“Report” “Reuters”ə istinadən xəbər verir ki, bunu Vilnüs Beynəlxalq Hava Limanında jurnalistlərin suallarını cavablandıran ABŞ prezidenti Cozef Bayden deyib.
O, xüsusilə, Ukrayna Silahlı Qüvvələrində artilleriya mərmilərinin çatışmazlığı yaşadığını bildirib. Bayden deyib ki, ABŞ tədarüklərini artırmaq üçün çalışır.
Türkiyədə hərbi avtomobillə minik avtomobilinin toqquşması nəticəsində faciəvi qəza baş verib.
Demokrat.az xəbər verir ki, bu barədə "Habertürk" məlumat yayıb.
Məlumata əsasən, hadisə Türkiyənin Van vilayətində baş verib.
Qəza nəticəsində 1 nəfər yerindəcə dünyasını dəyişib, hərbi maşında olan 13 əsgər isə yaralanıb.
Hadisə yerinə jandarma və Təcili Tibbi Yardım qrupları gəlib.
Yaralı əsgərlərdən biri şəhid olub.
NATO-nun Vilnüs sammitində Almaniya kansleri Olaf Şolz və Müdafiə naziri Boris Pistorius Ukraynaya təxminən 700 milyon avro dəyərində yeni hərbi yardım paketini açıqlayacaqlar.
“AzPolitika.info” xəbər verir ki, bu barədə “Süddeutsche Zeitung” qəzeti özəl mənbələrə istinadən məlumat yayıb.
Məlumata görə, yeni silah paketinə 25 “Leopard” tankı, 40 “Marder” piyada döyüş maşını, iki “Patriot” hava hücumundan müdafiə sistemi və 20 min artilleriya mərmisi daxil edilməlidir.
Bundan əvvəl Fransa Prezidenti Emmanuel Makron NATO-nun Vilnüs sammitində Ukrayna ordusunun əks-hücumunu dəstəkləmək üçün “SCALP” uzaqmənzilli hava-yer raketlərinin Ukraynaya təhvil verilməsi barədə qərar qəbul etdiyini açıqlamışdı.
Bu ilin yanvarında Almaniya Ukraynaya 178 “Leopard 1” tankının çatdırılmasını təsdiqləyib. Yekun məqsəd 2024-cü ilin birinci və ya ikinci rübündə Kiyevə 100-dən çox tank çatdırmaqdır. Ukraynaya gətirilən “Leopard” tankları artıq Ukrayna Silahlı Qüvvələrinin yay əks-hücum əməliyyatı zamanı döyüşlərdə iştirak edib.
Möhtərəm Kərəm paşa, bilirəm, başınız yeni icad etdiyiniz arxaya yeriş qaydasının təkmilləşdirmə məşqlərinə qarışıb, amma məşqdən sonra hərdən şikayətlərə də baxsanız yaxşı olar. Sizə bir zabitinizin şanlı məktubunu göndərirəm.
Naxçıvan Əlahiddə Ümumqoşun Ordusunda (yəni məşhur arxaya addımı ilə yadda qalan Kərəm paşanın korpusunda) hərbi həkim kimi xidmət edən Sarvan Tağıyev adlı şikayətçi yazır:
"Sabahınız xeyir olsun. Çox sağolun minnətdaram ki, mənə vaxt ayırdız. Deməli, mənim problemim həm özümün, həmdə valideynimin-anamın xəstəlikləri ilə bağlıdır. Mən hərbi həkiməm zabitəm 2017-ci ildən Naxçıvan Əlahiddə Ümumqoşun Ordusunda xidmət edirəm, ailənin tək övladıyam bacım və qardaşım yoxdur. Atam rəhmətə gedib həmin vaxt məni nə dəfnə nə yas mərasimlərinə buraxmadılar. İndi də Anamın vəziyyəti ağırdı tələb etdikləri qaydada hərbi həkim komissiyasından da keçirmişəm komissiya qərar verib ki, valideyn dağlıq və əlverişsiz iqlim şəraitində yaşaya bilməz. O arayışı Orduya da təqdim eləmişəm ama 1 ildən çoxdur ki, heç bir tədbir görmürlər, özümün gözündə keratokonus, mürəkkəb miopik astiqmatizm, miopiya xəstəlikləri var ama tərxis eləmirlər. Bugün mənim əsas problemim tərxis olunmaqda deyil əsas problemim valideynim gözümün önündə əriyir gedir və mən heçnə edə bilmirəm. Bu vəziyyət məni məhv edir artıq. Nazirliyə müraciət edirəm yazılı və şifahi. Müraciətlərə baxmırlar reaksiya vermirlər. Xahiş edirəm bu məsələni ictimailəşdirək mənim onsuz da itirəcək heçnəyim qalmayıb mən ailəmə görə rütbə, vəzifə və hərşeydən imtina eləmişəm. Nazirliyin qaynar xəttinə də bildirmişəm ki, bu məsələ məni cinayətə və intihara sövq edir artıq bu problemi ictimailəşdirəcəm. Gözümün önündə hərbi qulluqçuların yerini dəyişirlər hətta ən komfortlu yerlərə təyinat verib göndərirlər. Mənə gələndə müxtəlif bəhanələr gətirirlər. Sual verirəm suallarım cavabsız qalır cavab verə bilmirlər axı. Bilmirəm vallah uje o qədər çarəsiz qalmışam ki, nəyi necə edim bilmirəm.
Bilirəm buna görə mənə cəza da verəcəklər, bəlkə rütbəmi də alacaqlar, vəzifədən də çıxaracaqlar, ama başqa yolum qalmayıb artıq. Mənim üçün nə rütbə, nə vəzifə ailəmdən, valideynimdən önəmli deyil".
Heyder Oguz
Teref.az