“BMT Təhlükəsizlik Şurasının iclası zamanı Rusiyanın Qarabağdakı sülhməramlı kontingenti tənqid olunmadı. Çünki heç bir Qərb ölkəsi öz sülhməramlılarını ora göndərməyə hazır deyil”.

KONKRET.az xəbər verir ki, bunu erməni politoloq Sergey Melkonyan deyib.

“Qərb ölkələrinin diplomatları və ekspertləri ilə söhbətlərdən məlum olur ki, heç bir ölkə öz sülhməramlılarını Qarabağa göndərməyə hazır deyil. Hətta Aİ-nin monitorinq missiyasının necə reaksiya verdiyinin şahidi olduq. Bu fonda Aİ-nin “Qarabağ ermənilərini qorumaq” üçün ən azı 2000 silahlı sülhməramlı göndərəcəyini gözləmək doğru deyil. Orada belə söhbətlər belə aparılmır”, – deyə erməni politoloq bildirib.

Ukrayna Silahlı Qüvvələri(SQ) rusların birinci müdafiə xəttini yarıblar.

“AzPolitika.info” xəbər verir ki, “Teleqram” kanallarında strateji əhəmiyyətli Robotino kəndini azad edildiyini əks etdirən görüntülər yayılmağa başlayıb.

Daha əvvəl Qərb və Ukrayna mənbələri rusların minaladığı geniş ərazilərin minalardan təmizlədiyini bildirirdilər. Qeyd olunurdu ki, nəticədə Ukrayna SQ üçün geniş ərazilər açılır. Bu da nəticə etibarı ilə hücumların sürətini artıra bilər.

Ukrayna Müdafiə nazirinin müavini Anna Malyar da qoşunların Robotino kəndinə daxil olduqlarını təsdiqləyib. O bildirib ki, 47-ci briqadanın döyüşçüləri yerli sakinlərin “Bradley” BMP-lər vasitəsi ilə təxliyəsini təşkil ediblər.

“Döyüşlər davam edir, rus hərbçiləri Rabotinoyu artilleriyadan davamlı olaraq atəşə tutur”, - Malyar “Teleqram”ında yazıb və foto dərc edib.

Rusiya Müdafiə Nazirliyi Malyarın bəyanatını şərh etməyib.

Vağzalın damına edilən hücumda yanğın baş verib, beş nəfər yüngül xəsarət alıb.

Avqustun 19-dan 20-ə keçən gecə Moksvanın cənubunda, təqribən 500 km-də yerləşən Kursk şəhərində dəmiryolu vağzalına dron hücumu olub.

Bu haqda AzadlıqRadiosunun Current Time layihəsi xəbər verir.

Vağzalın damına edilən hücumda yanğın baş verib, beş nəfər yüngül xəsarət alıb.

Rusiya Müdafiə Nazirliyi Moskva istiqamətində başqa bir pilotsuz uçuş aparatının zərərsizləşdirildiyini bildirib.

Rostov vilayəti də gecə üç kamikadze dronun zərərsizləşdirildiyi haqda məlumat yayıb.

Rusiya isə Ukrayna şəhərlərini bombalamaqda davam edir.

Rusiyanın Ukraynaya hərbi təcavüzü 2022-ci ilin fevralından davam edir.

Ukraynanın Almaniyadan almağa ümid etdiyi “TAURUS” qanadlı raketləri qanunsuz tikilmiş Krım körpüsünü tamamilə məhv edə bilər.

Teleqraf.com xəbər verir ki, aviasiya üzrə ekspert Valeri Romanenko “FREEDOM” telekanalının efirində deyib.

İndi Ukrayna körpünü dağıtmaq üçün dəniz dronlarından istifadə edir, lakin Rusiya Federasiyası onu bumla qorumağa çalışır.

"Hazırda əlimizdə olan silah növlərindən yalnız dəniz qüvvələrinə məxsus pilotsuz təyyarələr körpüdə fəaliyyət göstərə bilər. Və onlar bir neçə dəfə əməliyyatları uğurla həyata keçiriblər. Körpünün ilk ciddi şəkildə zədələnməsini onların sayəsində olub. Ruslar körpü dayaqlarının yanında bum torları yerləşdiriblər ki, onu pilotsuz təyyarə vurmasın”.

Ekspertin fikrincə, Ukrayna “TAURUS” qanadlı raketlərini alacağı təqdirdə Krım körpüsünü tamamilə məhv edə bilərdi. Onlar “Storm Shadow” və “SCALP” raketlərindən daha uzun məsafəyə malikdirlər.

Ukraynalı pilotlar, mühəndislər və texniki işçilər artıq Amerikanın "F-16" qırıcılarında təlimlərə başlayıblar. Təlim proqramına ingilis dilinin tədrisi də daxildir, çünki baza səviyyə kifayət deyil.

Publika.az xəbər verir ki, bunu Ukraynanın müdafiə naziri Oleksiy Reznikov "Kanal 24”ə deyib.

Reznikov əlavə edib ki, bu təlimlərlə bağlı təfərrüatları açıqlamayacaq.

Müdafiə Nazirliyinin rəhbəri qeyd edib ki, aviasiya koalisiyasına 11 tərəfdaş ölkə daxil olub. Ukraynalı pilotların, texniklərin və mühəndislərin hazırlanması layihəsində isə liderliyi Niderland və Danimarka götürüb.

İtkin düşən şəxslərdən kiminsə sağ qalması barədə məlumat yoxdur.

Hurriyyet.az xəbər verir ki, bu fikirləri Əsir və itkin düşmüş, girov götürülmüş vətəndaşlarla əlaqədar Dövlət Komissiyası İşçi Qrupunun rəhbəri İsmayıl Axundov itkin düşmüş şəxslərlə bağlı brifinqdə deyib.

"Güman edirik ki, onların hamısı ermənilər tərəfindən qətlə yetirilib", - o qeyd edib.

NATO-nun Avropadakı Birləşmiş Qüvvələrinin keçmiş baş komandanı etiraf edir ki, Rusiyanın Qara dənizin beynəlxalq sularında gəmilərə hücumu halında NATO və Rusiya Federasiyası birbaşa toqquşa bilər.

Qaynarinfo xəbər verir ki, bu barədə "Politico” nəşri yazır.

2009-2013-cü illərdə NATO Avropa Birgə Qüvvələrinə komandanlıq edən amerikalı admiral Ceyms Stavridis bildirib ki, Qara dənizdə əhəmiyyətli dərəcədə eskalasiya - Rusiyanın bazar günü Türkiyə gəmisi ilə etdiyi kimi - müttəfiqləri reaksiya verməyə məcbur edə və Rusiya Federasiyası ilə Alyans arasında birbaşa qarşıdurmaya səbəb ola bilər.

"Rusiyanın Qara dənizin beynəlxalq sularında hərəkətləri onun NATO ilə Rusiya Federasiyası arasında dənizdə müharibəyə çevrilməsi ilə bağlı real risklər yaradır”, - Stavridis bildirib.

Onun fikrincə, NATO ölkələri Ukraynaya dəstək üçün bu qədər resurs yatırdıqdan sonra Rusiya Federasiyasının dəniz blokadası ilə Ukrayna iqtisadiyyatını necə "boğduğunu” sadəcə seyr etməyəcəklər.

Stavridis rusiyalı hərbçilərin türk gəmisinə qarşı hərəkətlərini dəniz quldurluğu ilə müqayisə edib.

"Rusiya gəmiləri ələ keçirməyə başlasa, onları qorxutmağa hazırlaşsa, düşünürəm ki, NATO dəniz tədarükü üçün humanitar dəhlizi dəstəkləməklə cavab verəcək”, - deyə Stavridis bunun ticarət gəmiləri üçün hava müdafiəsi və NATO gəmilərinin müşayiəti ola biləcəyini ehtimal edib.

Qeyd edək ki, iyulun 17-də Rusiya "taxıl sazişi”nin dayandırıldığını elan edərək, Rusiya Federasiyasının iştirakı olmadan təşəbbüsü davam etdirmək qərarına gələn tərəfləri "risklərlə” hədələyib. Bundan əlavə, Moskva Odessanın liman infrastrukturunu və Dunay limanlarını kütləvi atəşə tutmağa başlayıb.

Kiyev və müttəfiqləri hələ də Türkiyənin təsiri ilə Rusiyanı razılaşmaya qaytarmağa ümid edirlər. Yaxın vaxtlarda Rusiya prezidentinin Ankaraya səfəri gözlənilir.
Birləşmiş Ştatlar bəyan edib ki, Qara dənizdə Ukrayna taxılı olan gəmiləri müşayiət etməyi müzakirə etmir. Daha sonra ABŞ-ın Türkiyə, Ukrayna və bir sıra qonşuları ilə Ukrayna taxılının alternativ ixrac marşrutlarından istifadəni genişləndirmək üçün danışıqlar apardığı barədə məlumatlar yayılıb.