 |
|
|
Mediasiya təşkilatına və Məhkəməyə: Ərizə və İddia ərizəsi ilə müraciət edərkən işçilər hansı məbləğdə dövlət rüsumu və xidmət haqqı ödəməlidirlər?
1. İlkin olaraq onu bildirirəm ki, Mediasiya haqqında AR Qanununa əsasən, əmək münasibətlərindən irəli gələn mübahisələr üzrə məhkəməyə müraciət etməmişdən əvvəl tərəflər - ilkin mediasiya sessiyasında iştirak etməlidirlər.
2. Əmək mübahisələri zamanı, Mediasiya prosesinin tətbiqi, tərəflər arasında olan mübahisə üzrə - iddia müddətinin axımının dayandırılmasına səbəb olur.
3. Mediasiya prosesi - mübahisəyə barışıq sazişi ilə son verməzsə, mübahisə üzrə iddia müddətinin axımı bərpa olunmuş hesab olunur.
4. AR Nazirlər Kabinetinin: 2019-cu il 15 iyul tarixli 308 nömrəli Qərarı ilə təsdiq edilmiş
"İlkin mediasiya sessiyası zamanı mediasiya xidmətinin göstərilməsinə görə haqqın və digər xərclərin məbləğinə" əsasən:
Əmək münasibətləri üzrə mübahisəyə görə xidmət haqqı - 50 manat, poçt, kargüzarlıq və digər cari xərclərin məbləği təsdiqedici sənədlər əsasında 10 manatdan, cəmi 60 manatdan çox olmayaraq müəyyən edilir.
5. Dövlət Rüsumu Haqqında AR Qanununa əsasən: əməyin ödənilməsi və əmək fəaliyyəti ilə bağlı digər tələblər üzrə, əlillik, səhhətə digər xəsarətlər yetirilməsinə və ya ailəni dolandıranın ölümü nəticəsində dəyən ziyanın ödənilməsi barəsində iddialar üzrə – iddiaçılar dövlət rüsumunun ödənilməsindən azaddırlar
Azər Quliyev.
Teref.az