 |
|
|
Amerikalı məşhur müğənni, aktyor, bəstəkar və aktivist Harri Belafonte 96 yaşında vəfat edib
Pravda az xəbər verir ki, onun ölümünə səbəb ürək çatışmazlığı olub.
Harri Belafonte 1956-cı ildə buraxdığı “Calypso” adlı albomu ilə şöhrət qazanıb. Albom 1 milyon nüsxə satılmaqla o dövrün rekord göstəricisinə sahib olub.
Müğənni ötən əsrin 50-ci illəri üçün Trinbagonian Karib musiqi üslubunu beynəlxalq auditoriyaya çıxaran əsas şəxs hesab olunur.
O, həmçinin bir neçə filmdə, o cümlədən “Carmen Jones” (1954), “Island in Sun”(1957) və “Odds Against Tomorrow” kimi (1959) filmlərdə rol alıb.
Harri Belafonte 3 dəfə "Qremmi" mükafatını da qazanıb./APA