ABŞ-ın Nyu-Cersi və Nyu-York ştatları üzərində naməlum mənşəli dronlar qeydə alınıb.

Musavat.com bu barədə xarici mediaya istinadən xəbər verir.

Məlumata görə onların mənşəyi ilə bağlı müxtəlif fərziyyələr irəli sürülür. Bəziləri bu dronların yadplanetli texnologiyası ola biləcəyini iddia edərkən, digərləri onların xarici dövlətlərə məxsus olduğunu düşünür.

ABŞ Federal Təhqiqatlar Bürosu (FBI) hazırda dronların mənşəyini müəyyən edə bilməyib. Bu vəziyyət ictimaiyyətdə ciddi narahatlıq yaradıb.

Donald Tramp məsələ ilə bağlı sərt mövqe nümayiş etdirib:
"Belə bir hadisənin hökumətin nəzarətindən kənarda baş verməsi mümkün deyil. İctimaiyyəti dərhal məlumatlandırın. Əks halda, həmin dronları vurun," – deyə o, bildirib.

Məsələ ilə bağlı rəsmi qurumların susqunluğu suallara səbəb olur. Ekspertlər isə bu cür uçuşların təhlükəsizlik baxımından ciddi risklər daşıdığını vurğulayır.